მარტში შემოღებული იტალიური კარანტინიდან დაგვიანებულ ბრიტანულ შეზღუდვებამდე - მთელი ევროპა კორონავირუსს თითქმის სამხედრო ორგანიზებულობით და რიგითობით ებრძოდა. კარანტინიდან გასვლაც ასევე - ორგანიზებულად, ეტაპობრივად და რიგრიგობით ხდება.
პოლონეთმა და ავსტრიამ შეზღუდვების შერბილება 13 აპრილს, ხოლო გერმანიამ დ ჩეხეთმა 20 აპრილს დაიწყეს. იტალია, ესპანეთი, ბელგია და საბერძნეთი 4 მაისს,საფრანგეთი კი 11 მაისს შეუერთდებიან.
იტალიაში, ესპანეთში, პორტუგალიასა და მალტაში სკოლები 1 სექტემბრამდე დაკეტილი იქნება, თუმცა ევროპის სხვა ქვეყნებში სასწავლო დაწესებულებები ეტაპობრივად იხსნება. 15 აპრილს დანიაში ბაგა-ბაღები, საბავშვო ბაღები, დაწყებითი კლასები ამუშავდა, 11 მაისიდან კი - კოლეჯები და ლიცეუმები გაიხსნება.
ნორვეგიაში 6-დან 10 წლამდე ბავშვები სწავლას 4 მაისიდან განაახლებენ, ხოლო კლასები 15 მოსწავლემდე შემცირდება.
ბოლო დღეებში მილიონობით ევროპელმა თმების შეჭრის სიამოვნება ისევ იგრძნო - პირველ რიგში ეს სერბებს და შვეიცარიელებს შეეხო, გერმანელებს 4 მაისამდე მოთმენა მოუწევთ.
სავაჭრო ობიექტების უმეტესობა ავსტრიაში 14 აპრილს, ხოლო გერმანიაში 20 აპრილს გაიხსნა. ჩეხეთში, რომელმაც კარანტინს 2კვირით ადრე წერტილი დაუსვა, ქარხნები, ბიბლიოთეკები, ზოოპარკები, და სპორტული დარბაზები, ხოლო სლოვაკიაში ყველა ტიპის მაღაზიები გაიხსნა.
იტალიაში საბავშვო ტანსაცმლის, საკანცელარიო საქონლის, და წიგნების მაღაზიებმა დიდი სიფრთხილით, მაგრამ კლიენტების მიღება განაახლეს. 4 მაისიდან მუშაობას მრეწველობა და საბითუმო ვაჭრობა განაახლებს, 11მაისიდან კი - საცალო ვაჭრობაც.
ყველა ევროპული ქვეყანას გეგმავს ბარების და რესტორნების გახსნას. ავსტრიაში ეს 15 მაისს მოხდება. მათ მფლობელებს სერიოზული შეზღუდვები დაუწესდება - მაქსიმუმ 4 კლიენტი ერთ მაგიდასთან, მაგიდებს შორის მინიმალური მანძილი 1 მეტრი, დახურვა 23 საათზე. სასტუმროები, პარკები, და გასართობი დაწესებულებები 29 მაისს გაიხსნება.
15 აპრილიდან ფინელებს დედაქალაქიდან გასვლის უფლება აღუდგათ, ავსტრიელები მათ 1 მაისიდან შეუერთდნენ, ესპანელებს კი ჯერ-ჯერობით მხოლოდ ღია სივრცეში სპორტით და ოჯახური სეირნობით სიამოვნების მიღება შეუძლიათ.
ესპანეთი, საბერძნეთი, და იტალია გადაადგილებას ერთი პროვინციის ფარგლებით შეზღუდავენ - ლომბარდიელი ჯერ გარკვეული დროის მანძილზე რომში ვერ ჩავა, თუმცა თავად ლომბარდიაში თავისუფლად იმოგზაურებს.
ჩეხებს უკვე უცხოეთში გამგზავრების უფლებაც კი მიეცათ, იმ პირობით, რომ დაბრუნების შემდეგ ისინი 2-კვირიან თვითიზოლაციაში წავლენ.
ბრიტანეთში 2 ადამიანზე მეტის ერთად ყოფნა დღესაც აკრძალულია, იტალიელებს კი მომავალი კვირიდან ნათესავები მონახულების უფლება მიეცემათ, თუმცა, წვეულებები და ოჯახური თავყრილობები ჯერაც აკრძალულია.
იტალიაში სამგლოვიარო ცერემონიაზე ნებადართულია 15 ადამიანის დასწრება, თუმცა რელიგიური რიტუალები აკრძალულია. ამავე დროს, საბერძნეთში ეკლესიები 17 მაისს გაიხსნება, ხოლო პოლონეთში ყველა ტაძარი ჯერ კიდევ 1 თვის წინ გაიხსნა.
შვედეთში დღესაც აკრძალულია 50-ზე მეტი ადამიანის ერთად შეკრება და მოხუცთა თავშესაფრების მონახულება.
გერმანიაში და ნიდერლანდებში სპორტული ღონისძიებები და კონცერტები აკრძალულია 31 აგვისტომდე, დანიაში კი ნებადართულია ყველა ღონისძიება, სადაც 500 ადამიანზე ნაკლები გროვდება.
პირბადეების ტარება საზოგადოებრივი თავშეყრის ადგილებში სავალდებულო ჩეხეთში, სლოვაკეთში, ბულგარეთში, პოლონეთში, ავსტრიაში, და უნგრეთში რჩება. გერმანიაში ეს აუცილებელია საზოგადოებრივ ტრანსპორტში და მაღაზიებში, ლუქსემბურგში იქ, სადაც შეუძლებელია 2-მეტრიანი დისტანციის დაცვა.
4 მაისიდან პირბადეების ტარდება იტალიაში და ბელგიაში საზოგადოებრივ ტრანსპორტში სავალდებულო იქნება, საბერძნეთში კი - საავადმყოფოებში და სილამაზის სალონებში. რუმინეთში, ესპანეთში, და საფრანგეთში პირბადე სავალდებულო საზოგადოებრივ ტრანსპორტში იქნება.
ბრიტანეთში, რომელიც ასევე უახლოეს დღეებში კარანტინის შერბილებას გეგმავს, პირბადეების ტარებას მაღაზიებში აუცილებლად მიიჩნევენ.