8 ივნისს Chanel-მა თავისი თაყვანისმცემლებს ხმელთაშუა ზღვაში გასეირნება შესთავაზა. კრუიზში მონაწილეობა მარტივად, ყოველგვარი დანახარჯების და ავიაგადაფრენების გარეშე იყო შესაძლებელი - საჭირო იყო მხოლოდ ღილაკ chanel.com-ზე დაჭერა.
22 ივლისს მოდების სახლი Dior ასევე კრუიზს იტალიის სანაპიროსთან მოაწყობს - მაყურებლების გარეშე, დახურული კარების მიღმა. ღონისძიების ნახვა ინტერნეტით იქნება შესაძლებელი.
მსგავსი გზით სხვა კომპანიებიც წავიდნენ- ისინი ჩვენებს ვირტუალურ სამყაროში, ყოველგვარი პოდიუმების და მაყურებლებით გადაჭედილი დარბაზების გარეშე ჩაატარებენ.
პარიზის მსგავსად მაღალი მოდის კვირეული ონლაინ-რეჟიმში ჩატარდებას, მილანიც გეგმავს. მოდის ახალი დემონსტრირების საშუალება - ეს კარანტინის დროს გაჩენილი ციფრული ინიციატივების მხოლოდ ერთ-ერთი ნაწილია.
ცეკვის გაკვეთილები Dior-თან Instagram-ში, Hermès-ის კერვის ვიდეო-კურსები, Alexander McQueen-ის ქაღალდის თოჯინების შექმნის გაკვეთილები, Prada-ს მიერ ინტერნეტში განთავსებული საუბრები „ახალ სამყაროში კრეატიულობის შესახებ".
მოდური ბუტიკები დაიხურა, ბრენდებს კი თაყვანისმცემლებთან ურთიერთობა ონლაინ რეჟიმში მოუწიათ.
კრიზისის დასაწყისში ადამიანებს მოდაზე მეტად ყურადღება სურდათ. მოთხოვნამ უამრავი ინიციატივა წარმოშვა - კულინარიული რეცეპტები, ლიტერატურული რჩევები, და ა.შ.
მოკლე დროში ბრენდები კარგ ვირტუალურ მეგობრებად იქცნენ, რომლებიც თავიანთ გარემოცვაზე ზრუნავენ.
ასეთი მიდგომა დღესაც გრძელდება.
ონლაინ-მაღაზია The Other Store-ს დირექტორის იან რივოალანის თქმით, საიტებზე პროდუქტების აღწერა უფრო დეტალური და ზუსტი გახდა.
„კარანტინის დროს ონლაინ მაღაზიებში მყიდველთა 20%-მა ეს პირველად გააკეთა და ისინი ამას მომავალშიც გააგრძელებენ“ - თვლის ის.
ვინტაჟის სპეციალისტმა გოტიე ბორსარელომ ეს პერსპექტივა ჯერ კიდევ კრიზისამდე დაინახა, და მისი საიტი ზუსტად კარანტინის დროს ამუშავდა.
„ციფრული ტექნოლოგიები - მოდის სამყაროს მომავალია. ეს არაა იდეალური ფორმა საშუალო კლასის ტანსაცმელის გაყიდვებისთვის, თუმცა, ის კარგადაა მორგებული პრემიუმ-სეგმენტისთვის. ეს ის კატეგორიაა, რომელიც ტექნოლოგიურ მიღწევებს ისედაც, აქამდეც აქტიურად იყენებდა“ - თვლის ის.
ციფრული ტექნოლოგიების სპეციალისტი ინეს ლეონარდუცი მიიჩნევს, რომ ბრენდებმა ახალ რეალობაზე გადაწყობა უკვე დღეს უნდა დაიწყონ.
„მათ ლოჯისტიკას უკეთესად უნდა დაუკვირდნენ - საიდან მოდის პროდუქტი, სად მიდის, და რამდენად ეფექტურია ტრანსპორტირების სისტემა. ამავე დროს მომხმარებლებმაც რაციონალური ქცევა უნდა ისწავლონ. ონლაინ-ვაჭრობა ბევრ ცდუნებას ქმნის, ამიტომაც ადამიანები უნდა მიეჩვიონ იმის ყიდვას, რაც რეალურად სჭირდებათ, და არა იმის, რისი საშუალებაც საკრედიტო ბარათს აქვს“ - თვლის ის.