ლაშა ხუციშვილი: ყველა ღონისძიება გატარდება იმისთვის, რომ  მიმდინარე წელსვე მშპ-სთან მიმართებით ვალის ნიშნულმა მკვეთრად დაიწიოს

ლაშა ხუციშვილი: ყველა ღონისძიება გატარდება იმისთვის, რომ მიმდინარე წელსვე მშპ-სთან მიმართებით ვალის ნიშნულმა მკვეთრად დაიწიოს

access_time2021-09-13 16:20:00

ყველა ღონისძიება გატარდება იმისთვის, რომ მიმდინარე წელსვე მშპ-სთან მიმართებით ვალის ნიშნულმა მკვეთრად დაიწიოს და მომდევნო წლებშიც ამ ნიშნულს მუდმივად ჰქონდეს შემცირების ტრაექტორია, - განაცხადა ფინანსთა მინისტრმა, ლაშა ხუციშვილმა მთავრობის სხდომის დასრულების შემდეგ გამართულ ბრიფინგზე ევროკავშირის სესხის თაობაზე დასმული კითხვის საპასუხოდ. ინფორმაციას ფინანსთა სამინისტროს პრესსამსახური ავრცელებს.


მინისტრის განცხადებით, არასწორი იყო აღნიშნული საკითხის პოლიტიკურ ჭრილში გადატანა.


„ჩვენ არაერთხელ გვისაუბრია, რომ ვალის მოცულობა ქვეყნის ეკონომიკასთან მიმართებით უნდა შემცირდეს და 60%-იანი ნიშნული, რომელსაც მივაღწიეთ 2020 წელს, არ არის ის ზღვარი, რომლითაც ქვეყანას შეუძლია ეკონომიკურ განვითარებას მიაღწიოს. შესაბამისად, ის რომ ვალის დონე ეკონომიკასთან მიმართებით უნდა შემცირდეს, იყო ჩვენი გაცხადებული მიზანი. გარდა ამისა, ძალიან საგულისხმოა გარემოება, როდესაც პოლიტიკურ ჭრილში გადადის აღნიშნული საკითხი. ჩვენ გვახსოვს, რამდენიმე თვის წინ, ბანერებით და ტრაფარეტებით დადიოდა ის ხალხი, ვინც დღეს გვაკრიტიკებს, იმაზე თუ რატომ არ ავიღეთ სესხი. მინდა ცალსახად განვაცხადო, რომ კონკრეტული სესხის აღების საკითხი და ქვეყნის ვალის დონე ეკონომიკასთან მიმართებით, ყოველთვის განხილული იქნება მხოლოდ და მხოლოდ, ფისკალური მიზანშეწონილობიდან გამომდინარე. მეორე საკითხი, რაც ამავე ხელშეკრულებას ეხებოდა, არის რეფორმები. ამ კუთხით, საქართველოს მთავრობას გაცხადებული აქვს, რომ რეფორმები, რომელიც დაწყებულია, აუცილებლად გაგრძელდება და დასრულდება“, - განაცხადა ფინანსთა მინისტრმა, ლაშა ხუციშვილმა.



როგორც მან აღნიშნა, გარკვეული კორექტირების მოლოდინი, შესაძლოა სხვა ვალებთან მიმართებითაც არსებობდეს.


„ეს იმას არ ნიშნავს, რომ საქართველო აღარ აიღებს დამატებით სესხს კონკრეტულ პროექტებთან მიმართებით. შესაძლებელია, ქვეყანამ აიღოს სესხები, თუმცა, ამ ნაწილშიც განიხილება სხვადასხვა გზა, მათ შორის, მოდელი, რომლის მიხედვით, კონკრეტული დონორის სესხის მოცულობა შეიძლება შემცირდეს და ბიუჯეტმა მოახდინოს თანხის ნაწილის კომპენსირება, რაც არსებითად შეამცირებს სესხის დონეს. კიდევ ერთხელ, ცხადად მინდა განვაცხადო, რომ 60%-იანი ნიშნული არ არის შესაბამისობაში ქვეყნის ეკონომიკურ განვითარებასთან და ჩვენი მიზანია, ამ ნიშნულმა მკვეთრად დაიწიოს უკვე მიმდინარე წელს და მომდევნო 6-8 წლის განმავლობაში, ამ ნიშნულს მუდმივად ჰქონდეს შემცირების ტენდენცია“, - აღნიშნა ფინანსთა მინისტრმა, ლაშა ხუციშვილმა.






საქართველოში ხვალიდან „მწვანე პასპორტი“ ამოქმედდება

საქართველოში ხვალიდან „მწვანე პასპორტი“ ამოქმედდება
access_time2021-11-30 20:55:41
ხვალიდან საქართველოში "მწვანე პასპორტი" ამოქმედდება.შეგახსენებთ, რომ მოქალაქეს მწვანე სტატუსი მიენიჭება იმ შემთხვევაში თუ ის აკმაყოფილებდეს შემდეგი კრიტერიუმებიდან ერთ-ერთს:• არის სრულად ვაქცინირებული;• გადატანილი აქვს Covid-19 და ვირუსის დადასტურებიდან გასულია 14 დღე;• ჩატარებული აქვს 72-საათიანი ვალიდურობის PCR ტესტი;• ჩატარებული აქვს 24-საათიანი ვალიდურობის ანტიგენ ტესტი;პანდემიის ეფექტური მართვისა და ბიზნესისა და მოქალაქეების მიერ...

„საპარტნიორო ფონდს“ დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს – დავით საგანელიძე

„საპარტნიორო ფონდს“ დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს – დავით საგანელიძე
access_time2021-11-30 16:55:17
„მოხარული ვარ, რომ საქართველოს მთავრობამ, პრემიერ ღარიბაშვილის ინიციატივით, „საპარტნიორო ფონდის“ რეორგანიზაციის პროცესის მოკლე დროში დასრულების გადაწყვეტილება მიიღო. ფონდს ქვეყნის ეკონომიკისთვის დიდი სიკეთის მოტანა შეუძლია და ეს რესურსი ქვეყანამ კარგად უნდა გამოიყენოს“, – ამის შესახებ „საპარტნიორო ფონდის“ აღმასრულებელმა დირექტორმა, დავით საგანელიძემ ექსპერტებთან შეხვედრაზე განაცხადა. შეხვედრა, სადაც „ფონდის რეორგანიზაციის“ გზებსა და ვარიანტებზე იმსჯელეს „ახალგაზრდა ფინანსისტთა და...

ლარი დოლართან და ევროსთან გაუფასურდა, ლირასთან გამყარდა

ლარი დოლართან და ევროსთან გაუფასურდა, ლირასთან გამყარდა
access_time2021-11-30 18:00:39
30 ნოემბრის ვაჭრობის შედეგად ლარი აშშ დოლართან მიმართებაში 3.12 თეთრით 3.1179-მდე გაუფასურდა. Bloomberg-ის პლატფორმაზე დღის ბოლოს კურსმა 3.1200 შეადგინა. საერთაშორისო ვალუტებიდან ლარი ევროსთან 6.02 თეთრით 3.5451-მდე, ბრიტანულ ფუნტთან 4.32 თეთრით 4.1636-მდე, 1000 სომხურ დრამთან 3.38 თეთრით 6.3916-მდე, აზერბაიჯანულ მანათთან 1.95 თეთრით 1.8348-მდე, 100 რუსულ რუბლთან 4.60 თეთრით 4.1660-მდე გაუფასურდა. ლარი თურქულ ლირასთან 0.54 თეთრით 0.2387-მდე...

საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა

საპენსიო სააგენტო ფასიან ქაღალდებში ინვესტირებას იწყებს - სამიზნე თეგეტა და ნიკორაა
access_time2021-11-30 16:55:10
საქართველოს საპენსიო სააგენტო ადგილობრივ ბაზარზე კომპანიების ფასიან ქაღალდებში ინვესტირებას იწყებს. ამის შესაძლებლობა ფონდს, 1-ელ ოქტომბერს, სპეცდეპოზიტარად საქართველოს ბანკის შერჩევის შემდეგ...

საგანელიძე: გამოვიცვალეთ ოთხი პრემიერი და ისევ იქ ვიყავით

საგანელიძე: გამოვიცვალეთ ოთხი პრემიერი და ისევ იქ ვიყავით
access_time2021-11-30 16:49:49
საპარტნიორო ფონდის დირექტორი დავით საგანელიძე ფონდის რეფორმასთან დაკავშირებით ირაკლი ღარიბაშვილს მადლობას უხდის. „მადლობა ირაკლი ღარიბაშვილს. ის რომ არა, ისევ ვიქნებოდით გაურკვევლობაში. გამოვიცვალეთ ოთხი პრემიერი და ისევ იქ ვიყავით - ყველა ამბობდა კი, მაგრამ ის, რაც მან თქვა, არავის უთქვამს, რეფორმა ადგილიდან არ დაძრულა“, - აცხადებს საგანელიძე. საგანელიძე შეურაცხმყოფელს უწოდებს ფონდის საქმიანობის გამჭვირვალობასთან...


მსგავსი სიახლეები

up