ლაშა ხუციშვილი: უმნიშვნელოვანესი იყო სავალუტო ფონდის პროგრამის მხარდაჭერა საქართველოსათვის ამბიციური რეფორმების განხორციელების პროცესში

ლაშა ხუციშვილი: უმნიშვნელოვანესი იყო სავალუტო ფონდის პროგრამის მხარდაჭერა საქართველოსათვის ამბიციური რეფორმების განხორციელების პროცესში

access_time2021-04-17 13:58:41

საერთაშორისო სავალუტო ფონდის მხარდაჭერილი "გაფართოებული დაფინანსების მექანიზმის" პროგრამის მერვე მიმოხილვის დასრულებასთან დაკავშირებით, ფინანსთა მინისტრმა, ლაშა ხუციშვილმა, ეროვნული ბანკის პრეზიდენტმა, კობა გვენეტაძემ და სსფ-ის შუა აღმოსავლეთისა და ცენტრალური აზიის დეპარტამენტის დირექტორის მოადგილემ, სუბირ ლალმა ერთობლივი განცხადებები გააკეთეს.

ვიდეოკონფერენციაზე მხარეებმა კიდევ ერთხელ, ხაზი გაუსვეს სავალუტო ფონდის პროგრამის მნიშვნელობას, როგორც ეკონომიკური ზრდის ხელშეწყობის, ისე ცოვიდ-19-ის წინააღმდეგ ბრძოლაში ქვეყნის მხარდაჭერის მიმართულებით.

ფონდის შეფასებით, ხელისუფლებამ გამოიყენა ადეკვატური და მართებული ღონისძიებები პანდემიის ეკონომიკური და სოციალური გავლენის შესამსუბუქებლად.

როგორც ლაშა ხუციშვილმა აღნიშნა, უმნიშვნელოვანესი იყო პროგრამის მხარდაჭერა საქართველოსათვის ამბიციური რეფორმების განხორციელების პროცესში.

მისი თქმით, სამწუხაროდ, გლობალურმა პანდემიამ მნიშვნელოვნად შეაფერხა ქვეყანაში მიმდნარე პოზიტიური ტენდენციები.

„ასეთ ვითარებაში უმნიშვნელოვანესი იყო, რომ ჩვენ პანდემიას შევხვდით საკმაოდ წარმატებული მიმდინარე პროგრამით. მან საშუალება მოგვცა, სწრაფად მიგვეღო საერთაშორისო საფინანსო ინსტიტუტების მხარდაჭერა და წარმატებით გაგვევლო ამ გამოწვევის პირველი ეტაპი. საერთაშირისო სავალუტო ფონდისა და ჩვენი პარტნიორი დონორი ორგანიზაციების მხარდაჭერით, ამ ურთულეს პერიოდში შევძელით მაქსიმალურად მოგვეცვა ყველა დაზარალებული ბიზნეს და სოციალური ჯგუფი და შეგვემსუბუქებინა კრიზისის უარყოფითი შედეგები. ამ ნაბიჯების ეფექტურობას ხაზს უსვამს შემფასებელი მისიაც. მათი შეფასებით, ჩვენ მიერ გატარებული ეკონომიკის მხარდამჭერი და სოციალური პროექტები წარმატებული აღმოჩნდა და მნიშვნელოვნად შეაკავა პანდემიის სოციალური და ეკონომიკური ეფექტები", - აღნიშნა ფინანსთა მინისტრმა.


მისი თქმით, მიუხედავად იმისა, რომ პანდემიის გამო ქვეყნის ეკონომიკა 2020 წელს 6.2 პროცენტით შემცირდა, მიმდინარე წლის მეორე კვარტლიდან მოსალოდნელია ეკონომიკის აღდგენა.

„მისიის ფარგლებში, შეთანხმებული პროგნოზის მიხედვით, წელს, ჩვენი ეკონომიკა 3.5%-ით, 2022 წელს 5.8%-ით, ხოლო საშუალოვადიან პერიოდში 5.2 პროცენტით გაიზრდება", - განაცხადა ფინანსთა მინისტრმა.

როგორც მან აღნიშნა, ჩვენი ქვეყნის საშუალოვადიანი აღდგენის პერსპექტივა მაღალია არამარტო რეგიონში, არამედ ევროპაში.

„ჩვენ კვლავაც გავაგრძელებთ იგივე პოლიტიკას და დავაგროვებთ ბუფერებს, რათა ეკონომიკას ყოველთვის გააჩნდეს უნარი გაუმკლავდეს გამოწვევებს", - აღნიშნა ლაშა ხუციშვილმა.
ფინანსთა მინისტრმა, კიდევ ერთხელ, ხაზი გაუსვა რეფორმების გაგრძელების მნიშვნელობას გრძელვადიანი ზრდის პერსპექტივის შესანარჩუნებლად.

„პანდემიის მიუხედავად, მნიშვნელოვანი იყო მთავრობის მიერ 2020 წელს განხორციელებული სტრუქტურული რეფორმები, პენსიების ინდექსირება, დღგ-ს სრულად ავტომატური დაბრუნების სისტემის, გადახდისუუნარობისა და ბანკების რეზოლუციის ჩარჩოს შექმნა. ჩვენი მთავრობა იყო და რჩება რეფორმების ერთგული არამხოლოდ აღმავლობის, არამედ სირთულეების დროსაც", - განაცხადა მინისტრმა.
მან კონსტრუქციული თანამშორმლობისათვის მადლობა გადაუხადა შემფასებელი მისიის ხელმძღვანელს, სუბირ ლალს და მის გუნდს, საერთაშორისო სავალუტო ფონდის მუდმივ წარმომადგენელს საქართველოში, სელიმ ჩაკირსა და მის ოფისს, ასევე, სსფ-ის მისიის ყოფილ ხელმძღვანელს, მერსედეს ვერა მარტინს.

„მჯერა, რომ ეს პროგრამა დარჩება ერთ-ერთ თვალსაჩინო პროგრამად, როგორც წარმატებით განხორციელებული რეფორმების, ასევე, წარმატებით გადატანილი სირთულეების თვალსაზრისით", - აღნიშნა ფინანსთა მინისტრმა, ლაშა ხუციშვილმა.





საარსებო მინიმუმი გაიზარდა და ახლა 202,8 ლარია — საქსტატი

საარსებო მინიმუმი გაიზარდა და ახლა 202,8 ლარია — საქსტატი
access_time2021-05-14 12:00:55
აპრილში საარსებო მინიმუმი წლიურად 3,2 ლარით გაიზარდა და შრომისუნარიანი ასაკის მამაკაცის არსებობისთვის საჭირო მინიმალური თანხის ოდენობამ 202,8 ლარი შეადგინა. ამის შესახებ ინფორმაციას საქსტატი ავრცელებს.   2021 წლის აპრილის თვეში საშუალო მომხმარებლის საარსებო მინიმუმი წლიურად 2,8 ლარით გაიზარდა და 179,6 ლარი შეადგინა. წინა თვესთან შედარებით, არსებობისთვის საჭირო მინიმალური თანხის ოდენობა კი შრომისუნარიანი მამაკაცისთვის 1,8 ლარით, ხოლო საშუალო მომხმარებლისთვის 1,5 ლარით არის...

#სპონსორიაკროკობეთი - 1 000 000 ქართული სპორტის მხარდასაჭერად!

  #სპონსორიაკროკობეთი - 1 000 000 ქართული სპორტის მხარდასაჭერად!
access_time2021-05-14 10:55:53
13 მაისს, სასტუმრო „თბილისი მარიოტში“ კროკობეთის პრეზენტაცია გაიმართა. კომპანია ბოლო 2 წლის განმავლობაში 10 საფეხბურთო და 1 საკალათბურთო გუნდს, 2 ინვიდიდუალური სპორტის სახეობის წარმომადგენელს, საქართველოს BMW-ს კლუბს, საქართველოს დრაგ რეისინგისა და დრიფტის სერიებს ასპონსორებს, ღონისძიებას კი თითოეული გუნდის წარმომადგენელი და სპორტსმენი ესწრებოდა, რომლებმაც საზეიმო ვითარებაში მემორანდუმს მოაწერეს...

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა

ექსპორტირებული ღვინის ღირებულება 7% -ით $ 65 მლნ-მდე გაიზარდა - ქვეყნიდან 28,3 მლნ-მდე ბოთლი გავიდა
access_time2021-05-14 12:30:00
2021 წლის იანვარ-აპრილში, საქართველოდან მსოფლიოს 55 ქვეყანაში 28,3 მლნ-მდე ბოთლი (0,75 ლ) ღვინოა ექსპორტირებული, რაც 15%-ით აღემატება 2020 წლის ანალოგიური პერიოდის მაჩვენებელს. ინფორმაციას ღვინის ეროვნული სააგენტო ავრცელებს. „ექსპორტირებული ღვინის ღირებულება 65 მლნ-მდე აშშ დოლარია, ზრდამ, გასული წლის ამავე პერიოდთან შედარებით, 7%-ს მიაღწია. ექსპორტი გაიზარდა ქართული ღვინის სტრატეგიულ ბაზრებზე: პოლონეთი - 2% (1,841,192 ბოთლი), ჩინეთი - 19%...

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა

2016 წლიდან დღემდე კოოპერატიული ბინათმშენებლობის დაუსრულებლობით დაზარალებული 99 პირი დაკმაყოფილდა
access_time2021-05-14 13:00:50
კოოპერატიული ბინათმშენებლობის დაუსრულებლობით დაზარალებულ პირთა დაკმაყოფილების მიზნით განხორციელებული სხვადასხვა პროექტის ფარგლებში 2016 წლის წლის 9 მარტიდან 2021 წლის 10 მაისის მონაცემებით ჯამში დაკმაყოფილებულ იქნა 1276 პირი. ამის შესახებ „კომერსანტს“ თბილისის მერიაში განუცხადეს. მოწოდებული ინოფრმაციის მიხედვით უკვე დასრულებული ალტერნატიული საცხოვრებელი ფართით - ბინით  99 პირი დაკმაყოფილდა, ხოლო დაზარალებულ პირთათვის გადაცემულ მიწის ნაკვეთებზე და ამავე მიწის ნაკვეთებზე ინტერესთა...

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“

„ციფრული ვალუტის შემოღება ბანკებს შეავიწროებს, თუმცა მათი ჩანაცვლება მარტივად ვერ მოხდება“
access_time2021-05-14 11:00:32
საქართველოს ეროვნული ბანკი ციფრული ლარის გამოშვების პროექტზე მუშაობს. სებ-ის ინფორმაციით, მისი მანდატი ფასებისა და ფინანსური სტაბილურობის უზრუნველყოფაა, ხოლო ციფრული ტექნოლოგიების განვითარებამ ცენტრალური ბანკის ფულის განვითარებისა და ლარის ციფრული ვერსიის შექმნის აუცილებლობა გამოკვეთა, რათა ის უკეთ მოერგოს ციფრულ ეკონომიკას და ეკონომიკური პოლიტიკის ეფექტიანობა გაზარდოს. როგორც აღმოჩნდა ეროვნულ ბანკს თავისი მანდატის უკეთ შესასრულებლად ციფრული ლარი სჭირდება. ეროვნული ბანკში ასევე აღნიშნავენ,...


მსგავსი სიახლეები

up