ლაშა ხუციშვილი: STOP-CoV ფონდში მობილიზებული თანხა ბავშვებისთვის 200 ლარიან დახმარებებზე მიიმართა

ლაშა ხუციშვილი: STOP-CoV ფონდში მობილიზებული თანხა ბავშვებისთვის 200 ლარიან დახმარებებზე მიიმართა

access_time2021-06-11 21:45:00

STOP-CoV ფონდში მობილიზებული თანხა ბავშვებისთვის 200 ლარიან დახმარებებზე მიიმართა - განაცხადა ფინანსთა მინისტრმა ლაშა ხუციშვილმა პარლამენტში სიტყვით გამოსვლისას. ინფორმაციას ფინანსთა სამინისტრო ავრცელებს.

როგორც მინისტრმა აღნიშნა, ჯანდაცვის ხარჯები ძირითადად, დაკავშირებულია კოვიდ-ინფიცირებულების მკურნალობასთან, კარანტინის ორგანიზებასთან და ვაქცინის შესყიდვის ხარჯებთან. ლაშა ხუციშვილის თქმით, ჯამში ამ მიმართულებით ხარჯი 2020-2021 წლებში, შეადგენს 870 მილიონ ლარს.

ფინანსთა მინისტრმა ასევე დეტალურად ისაუბრა იმ თანხებზე, რომელიც ბიზნესისა და მოსახლეობის მხარდამჭერ პროგრამებზე მიიმართა.

„მოსახლეობის სოციალური დაცვის ნაწილში ხარჯმა შეადგინა მილიარდ 338 მილიონ 400 ათასი ლარი. დაქირავებით დასაქმებულთა კომპენსაციაზე სულ დაიხარჯა 280 მილიონი ლარი და შეეხო 162 300 პირს. კომუნალური ხარჯების სუბსიდირებაზე დაიხარჯა 550 მილიონი ლარი და შეეხო მილიონ 100 ათას აბონენტს. 65 000-100 000 სარეიტინგო ქულის მქონე ოჯახების დახმარება - შეეხო 80 000 ოჯახს და დაიხარჯა 110 მილიონი ლარი. 100 000-მდე სარეიტინგო ქულის მქონე მრავალშვილიანი ოჯახების დახმარება - სულ შეეხო 26 000 ოჯახს და დაიხარჯა 30 მილიონი ლარი. შშმ პირთა დახმარება - სულ შეეხო 45 000 ოჯახს და დაიხარჯა 55 მილიონი ლარი. თვითდასაქმებულთა და 2020 წლის ბოლოს გამოცხადებული შეზღუდვებიდან გამომდინარე გაჩერებული ობიექტების ერთჯერადი 300 ლარიანი დახმარება - სულ დაიხარჯა 110 მილიონ 800 ათასი ლარი, პირველ ეტაპზე ეს იყო 248 334 პირი, ხოლო მეორე ეტაპზე 120 400 პირი. 18 წლამდე ბავშვების ერთჯერადი 200 ლარიანი დახმარება - სულ გაიცა 930 000 პირზე და დაიხარჯა 187 მილიონ 800 ათასი ლარი. ეს თანხა მოიცავს, ასევე, სრულად იმ თანხას, რომელიც მობილიზებული იყო STOP-CoV ფონდში, რომელზეც არაერთხელ დაისვა შეკითხვა, ანუ ამ ფონდში მობილიზებული თანხა 123 მილიონი ლარი განიკარგა სწორედ ბავშვების დახმარებისთვის, რომლებზეც ერთჯერადად გაიცა 200 ლარი. შეგახსენებთ, სულ გაიცა 930 000 ბავშვზე, ჯამურად 187 მილიონ 800 ათასი ლარი. 160 000 სარეიტინგო ქულის მქონე სტუდენტებს სწავლის საფასური დაუფინანსდათ - სულ 16 600 სტუდენტს, ჯამში დაიხარჯა 14 მილიონ 800 ათასი ლარი“, - აღნიშნა ფინანსთა მინისტრმა ლაშა ხუციშვილმა.

მისი განცხადებით, ბიზნესის მხარდაჭერის პროგრამებზე ჯამში დაიხარჯა მილიარდ 57 მილიონ 700 ათასი ლარი.


„საშემოსავლო გადასახადის შეღავათის ნაწილში - ეს არის 440 000 პირზე 540 მილიონი ლარი, ტურიზმის სექტორში საგადასახადო შეღავათები დაჯდა 95 მილიონი ლარი. საკრედიტო საგარანტიო სქემაზე მიიმართა 97 მილიონი ლარი. სასტუმროებისა და რესტორნების სესხის პროცენტის სუბსიდირებაში დაიხარჯა 51 მილიონ 200 ათასი ლარი. სამშენებლო სექტორის მხარდაჭერის პროგრამა იყო 44 მილიონი ლარი, სადაც გარანტირებულად მოხდა გარანტიების გაცემა იმ შემთხვევაში, თუ ვერ მოახდენდნენ რეალიზაციას, შემდგომ სახელმწიფო შეისყიდდა ამ ფართებს. მცირე გრანტების პროგრამაში დაიხარჯა 17 მილიონ 500 ათასი ლარი. სოფლის მეურნეობის მხარდაჭერის პროგრამაში დაიხარჯა 213 მილიონი ლარი, მათ შორის, ეს მოიცავდა რთველის პროგრამასაც. სულ საბიუჯეტო ეფექტი ამ ნაწილში იყო 3 მილიარდ 266 მილიონ 100 ათასი ლარი", - განაცხადა ფინანსთა მინისტრმა ლაშა ხუციშვილმა.

როგორც მან აღნიშნა, ეკონომიკის ხელშეწყობის დამატებითი პროექტები იყო კომერციული ბანკების ლიკვიდურობის ზრდა - 594 მილიონი ლარი. საგადასახადო ზედმეტობების დაბრუნება - მილიარდ 390 მილიონი ლარი, რაც ანტიკრიზისული გეგმის გათვალისწინებით შეადგენს 5 მილიარდ 250 ათას 100 ათას ლარს.

„ამას ემატება ის დანაკლისი, რომელზეც გვქონდა საუბარი, რომ ბიუჯეტმა დანაკლისის სახით, ეკონომიკური ვარდნიდან გამომდინარე მიიღო მილიარდ 900 მილიონი ლარი და ჯამში, სულ ეს შეადგენს 7,2 მილიარდ ლარს, რომელიც იყო ასე ვთქვათ, ბიუჯეტის ხარჯი 2020-2021 წლებში პანდემიიდან გამომდინარე. ეს არის დეტალური ჩამონათვალი იმისა, თუ სად და რა ოდენობით დაიხარჯა მოზიდული თანხები. ამ მიმართულებით, თუ კიდევ იარსებებს დამატებითი კითხვები, რომელიმე პროგრამის ეფექტურობასთან დაკავშირებით, რა თქმა უნდა, სხვა რეჟიმში ჩვენ შეგვიძლია უკვე დეტალურად განმახორციელებელ სამინისტროებთან ერთად შევიკრიბოთ და ვიმსჯელოთ თითოეულ პროგრამასთან მიმართებაში - რა ეფექტი ჰქონდა ამა თუ იმ პროგრამას“, - განაცხადა ფინანსთა მინისტრმა ლაშა ხუციშვილმა.





ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა

ომბუდსმენმა „ბოლტი“ გაფიცული კურიერების დისკრიმინაციაში დაადანაშაულა
access_time2021-06-15 19:18:56
საქართველოს სახალხო დამცველმა „ბოლტის“ გაფიცული კურიერების საქმეზე დისკრიმინაცია დაადგინა და კომპანიას მიმართა რეკომენდაციით, დაუყოვნებლივ აღუდგეთ განმცხადებლებს აპლიკაციაზე წვდომა. ამის შესახებ სახალხო დამცველის მიერ 15 ივნისს გამოქვეყნებულ განცხადებაშია ნათქვამი: „2021 წლის 14 ივნისს სახალხო დამცველმა შპს „ფუდლს“ („ბოლტი“) გაფიცული კურიერების მიმართ განსხვავებული მოსაზრების გამო დისკრიმინაციის აღმოფხვრის შესახებ რეკომენდაციით მიმართა. კურიერების ინტერესებს სახალხო დამცველის...

GASTRONOME – მოგზაურობა მსოფლიოს გარშემო დელიკატესების გასაცნობად

GASTRONOME – მოგზაურობა მსოფლიოს გარშემო დელიკატესების გასაცნობად
access_time2021-06-15 21:00:27
თბილისში Gastronome-ის ოთხი მაღაზიაა. როგორც Gastronome-ის აღმასრულებელი დირექტორი თამარა ჯავახაძე ამბობს, ოთხივე ფილიალს გააზრებული სტილისტური ერთგვაროვნებაც აქვს და, იმავდროულად, თითოეულ ობიექტს ინდივიდუალური შტრიხებიც გამოარჩევს. თამარა  ჯავახაძე:   გვინდოდა, შთამბეჭდავი ექსტერიერი გვქონოდა. მოგეხსენებათ, ყურადღება მანამდე უნდა მიიქციო, სანამ მომხმარებელი შემოვა, ამიტომაც არის ასე საგულდაგულოდ დამუშავებული ფასადიც და ინტერიერიც...

15 ივნისი - რეგიონში ქართული ლარი და სომხური დრამი გამყარდა

15 ივნისი - რეგიონში ქართული ლარი და სომხური დრამი გამყარდა
access_time2021-06-15 18:00:42
15 ივნისის ვაჭრობაზე დაფიქსირებული ოფიციალური კურსის თანახმად, წლის დასაწყისიდან ქართული ლარი აშშ დოლართან მიმართებაში დაახლოებით 10 პუნქტით გამყარდა. შედარებისთვის, დაახლოებით 112 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი, პრაქტიკულად, უცვლელია. 15 ივნისის ვაჭრობის შედეგად ეროვნული ვალუტა აშშ დოლართან მიმართებაში გამყარდა და 3.1751 ლარი გახდა (ეს კურსი 16 ივნისს შევა ძალაში). ქართული ვალუტით ვაჭრობა Bloomberg-ზე...

უკრაინაში საგადასახადო ამნისტია გამოცხადდა

უკრაინაში საგადასახადო ამნისტია გამოცხადდა
access_time2021-06-15 17:28:55
უკრაინის უმაღლესმა რადამ მეორე, საბოლოო მოსმენით დაამტკიცა საგადასახადო ამნისტიის კანონპროექტი. კანონის თანახმად, მოქალაქეებს, რომლებიც თავს არიდებდნენ გადასახადების გადახდას, სასჯელი აღარ დაეკისრებათ, თუ თავის შემოსავლების დეკლარირებას მოახდენენ. უკრაინის პარლამენტის საიტზე განთავსებული ინფორმაციის თანახმად, საგადასახადო ამნისტია შეეხება ვალუტას, გარდა ნაღდი ფულისა, ფასიან ქაღალდებს, ასევე უკრაინასა და საზღვარგარეთ არსებულ მოძრავ და უძრავ ქონებას....

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე

„თელმიკო“ „თელასის“ ნაცვლად - მომხმარებლის დამატებით უფლებები ელენერგიის ახალ საცალო ბაზარზე
access_time2021-06-15 15:00:59
მთელი საქართველოს მასშტაბით, 1–ლი ივლისიდან საყოფაცხოვრებო მომხმარებლისა და მცირე  საწარმოებისთვის ელექტროენერგიის მიმწოდებელი კომპანიები იცვლება. თბილისში სს „თელასის“ ნაცვლად ელექტროენერგიის მიმწოდებელი „თბილისის ელექტრომიმწოდებელი კომპანია“   (თელმიკო) იქნება, ხოლო  რეგიონებში სს „ენერგო პრო ჯორჯიას“ ნაცვლად კომპანია „ეპ ჯორჯია მიწოდება“ იქნება. აღსანინავია, რომ არ იცვლება  სამომხმარებლო ტარიფი. საქართველოს ენერგეტიკისა და წყალმომარაგების...


მსგავსი სიახლეები

up