ლაშა ხუციშვილი: ანა ბიერდეს ვიზიტი საქართველოში ადასტურებს ჩვენს წარმატებულ პარტნიორობას მსოფლიო ბანკთან

ლაშა ხუციშვილი: ანა ბიერდეს ვიზიტი საქართველოში ადასტურებს ჩვენს წარმატებულ პარტნიორობას მსოფლიო ბანკთან

access_time2021-06-18 15:50:00

დღეს საქართველოს ფინანსთა მინისტრი ლაშა ხუციშვილი შეხვდა მსოფლიო ბანკის ვიცე-პრეზიდენტს ევროპის და ცენტრალური აზიის რეგიონში, ანა ბიერდეს, რომელიც ჩვენს ქვეყანაში პირველი ოფიციალური ვიზიტით იმყოფება. ინფორმაციას ფინანსთა სამინისტროს პრესსამსახური ავრცელებს.



„ფინანსთა სამინისტროში გამართულ შეხვედრაზე, მხარეებმა ხაზი გაუსვეს საქართველოსა და მსოფლიო ბანკს შორის წარმატებული თანამშრომლობის ისტორიას. აღინიშნა, რომ საქართველოს ეკონომიკის სხვადასხვა სექტორის განვითარებისთვის, მსოფლიო ბანკს გამოყოფილი აქვს 2,7 მილიარდ აშშ დოლარზე მეტი ფინანსური რესურსი.



ფინანსთა მინისტრმა მსოფლიო ბანკის ვიცე-პრეზიდენტს განსაკუთრებული მადლობა გადაუხადა კოვიდ-19-ის პანდემიაზე სტრატეგიული რეაგირების ჩარჩოს ფარგლებში განხორციელებული პროექტებისთვის, რომელმაც უზრუნველყო, როგორც მოსახლეობის, ისე ეკონომიკის მხარდაჭერა. აღინიშნა, რომ სულ ახლახან, ხელი მოეწერა შეთანხმებას ვაქცინაციის პროგრამის გასაძლიერებლად, 34.5 მლნ. აშშ დოლარის ოდენობის დამატებითი დაფინანსების მიღების თაობაზე, რომელიც 2020 წლის მარტში მსოფლიო ბანკის მიერ საქართველოს COVID-19-ის წინააღმდეგ სწრაფი რეაგირების პროექტისათვის გამოყოფილი 80 მლნ. აშშ დოლარის ნაწილია.


ანა ბიერდემ პოზიტიურად შეაფასა covid-19-ის წინააღმდეგ საქართველოს მთავრობის მიერ გატარებული ღონისძიებები და კიდევ ერთხელ დაადასტურა მზაობა მხარი დაუჭიროს ვაქცინაციის მიმართულებით საქართველოს მთავრობის ძალისხმევას.




პარტნიორობის ძირითად სფეროდ რჩება ინფრასტრუქტურა - ტრანსპორტი და ლოგისტიკა. როგორც ლაშა ხუციშვილმა აღნიშნა, განვითარების პოლიტიკის ოპერაციების (DPO) ფარგლებში მიღებულმა მხარდაჭერამ, ხელი შეუწო კერძო სექტორის გაძლიერებასა და კონკურენტუნარიანობის გაზრდას და ბიძგი მისცა ისეთ მნიშვნელოვან რეფორმებს, როგორიცაა: საპენსიო რეფორმა, ანაბრების დაზღვევის სისტემის რეფორმა, კაპიტალის ბაზრის განვითარების რეფორმები; საჯარო-კერძო პარტნიორობის სისტემის შემუშავება და სხვა.



საუბარი, ასევე, შეეხო პოსტკოვიდურ პერიოდში თანამშრომლობის საკითხებს, რომელიც ძირითადად მიმართული იქნება ეკონომიკის აღდგენისა და სტრუქტურული რეფორმების მხარდაჭერისკენ. ესენია: ადამიანური კაპიტალის გაძლიერება, ინოვაცია და ტექნოლოგიები.



ფინანსთა მინისტრმა და მსოფლიო ბანკის ვიცე-პრეზიდენტმა მიმოიხილეს 2021-2022 წლებში თანამშრომლობის შესაძლებლობები ისეთ სფეროებში, როგორიცაა გზები, რეგიონული განვითარება, მუნიციპალური ინფრასტრუქტურა, გარემოს დაცვა და ენერგეტიკა.



შეხვედრის დასასრულს, მხარეებმა იმედი გამოთქვეს, რომ თანამშრომლობა კვლავ ინტენსიურად გაგრძელდება და მსოფლიო ბანკის დაფინანსებული პროექტები ხელს შეუწყობს ქვეყნის სწრაფ ეკონომიკურ აღდგენას“ – ნათქვამია ინფორმაციაში.







ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

Daily Mail: კლიმატური ცვლილებების კუთხით დედამიწას უკანდასახევი გზა არ დარჩა

Daily Mail: კლიმატური ცვლილებების კუთხით დედამიწას უკანდასახევი გზა არ დარჩა
access_time2021-07-30 20:00:57
დედამიწის „სასიცოცხლო მაჩვენებლები“ მკვეთრად გაუარესდა – პლანეტამ უკვე გადალახა კრიტიკული ზღვარი, რომლის შემდეგაც მდგომარეობის გამოსწორება შეუძლებელია.   ახალი კვლევა ცხადყოფს, რომ 31 მნიშვნელოვანი პარამეტრიდან 16 მკვეთრად გაუარესებულია. მათ შორის ისეთები, როგორც სასათბურე გაზების კონცენტრაცია, ოკეანეს დამჟავება, რქოსანი პირუტყვის რაოდენობა. ეს და სხვა მაჩვენებლები ანტირეკორდებს ხსნიან, მათ ვერ შველის პანდემია, რომელმაც  საყოველთაო ლოქდაუნის...


მსგავსი სიახლეები

up