ლაშა ტალახაძე ოლიმპიური ჩემპიონი მეორედ გახდა. დამოუკიდებელი საქართველოს ისტორიაში ეს პირველი შემთხვევაა. ოლიმპიურ ოქროსთან ერთად ტალახაძემ ტოკიოში 3 მსოფლიო რეკორდიც (ატაცი 223 კგ, აკვრა 265 კგ, ორჭიდის ჯამი 488 კგ) მოხსნა.

109 კგ+ წონით კატეგორიაში მოასპარეზე 27 წლის ლაშა ტალახაძე დღეის მდგომარეობით უკვე ორგზის ოლიმპიური, ოთხგზის მსოფლიო და ხუთგზის ევროპის ჩემპიონია. (პანდემიის მიზეზით ეცროპის 1 და მსოფლიოს 1 ჩემპიონატი არ ჩატარდა) მსოფლიო ჩემპიონატზე პირველად 2015 წელს ჰიუსტონში გაიმარჯვა, როდესაც ორჭიდში 454 კგ დასძლია. მომდევნო წელს რიოს ოლიმპიადაზე საკუთარი შედეგი 19 კგ-ით გააუმჯობესა. ტოკიომდეც სამივე მსოფლიო რეკორდი ატაცში 222 კგ, აკვრაში 264 კგ და ორჭიდში 485 კგ ტალახაძის საკუთრება იყო.

ქართული დელეგაციისთვის ზაფხულის XXXII ოლიმპიურ თამაშებზე ეს უკვე მეორე ოქროა, პირველი უმაღლესი სინჯის მედალი ძიუდოში 90 კგ წონით კატეგორიაში 21 წლის ლაშა ბექაურმა მოიპოვა.

ვაჟა მარგველაშვილი, ლაშა შავდათუაშვილი და გურამ თუშიშვილი ძიუდოსი ვერცხლის მედლებს დაეფლნენ. ვერცხლის მედალი აიღო ასევე ბერძნულ-რომალული სტილიტ მოჭიდავე იაკობ ქაჯაიამ.

ძალოსნობაში წარმოშობით უკრაინელმა და ნატურალიზებულმა ანტონ პლესნოიმ ბრინჯაოს მედალი მოიპოვა. პლესნოიმ ატაცში მეორე ცდაზე მუხლის ტრამვა მიიღო და უფრო მაღალი სინჯის მედლისთვის ბრძოლა ვეღარ შეძლო.