ლაშა გზირიშვილი - გაზაფხულიდან ფინანსური განათლების საკითხების სწავლება  ყველა სკოლაში დაიწყება

ლაშა გზირიშვილი - გაზაფხულიდან ფინანსური განათლების საკითხების სწავლება ყველა სკოლაში დაიწყება

access_time2019-11-13 09:20:52

ფინანსური განათლების საკითხების სწავლება გაზაფხულიდან ყველა სკოლაში დაიწყება და სამოქალაქო განათლების კურსის ნაწილი გახდება. ეს გადაწყვეტილება განათლების სამინისტრომ ეროვნულ ბანკთან თანამშრომლობის შედეგად მიიღო, რომელიც ფინანსური განათლების ეროვნული სტრატეგიის ფარგლებში, საზოგადოების ფინანსური ცოდნის ამაღლებას ემსახურება. ამის შესახებ ეროვნული ბანკის მომხმარებელთა უფლებების დაცვისა და ფინანსური განათლების დეპარტამენტის ხელმძღვანელმა, ლაშა გზირიშვილმა საქართველოს პირველი არხის გადაცემა „ბიზნესპარტნიორის“ ეთერში განაცხადა.

 

გადაცემაში საქართველოში საზოგადოების ფინანსური განათლების საკითხი, მასთან დაკავშირებული სარგებელი და გამოწვევები განიხილეს.

 

გზირიშვილის განმარტებით, ფინანსური განათლების კუთხით ქვეყანაში მოსახლეობის მდგომარეობა არც ისე სახარბიელოა, რადგან როგორც 2016 წელს ჩატარებულმა პირველმა და ჯერჯერობით ბოლო კვლევამ აჩვენა, ძალიან ცოტა გეგმავს საკუთარ ხარჯებს და ზოგავს თანხებს.

 

„ცოდნის მხრივ არ გვაქვს ცუდი მდგომარეობა, ანუ ფინანსურ საკითხებში მეტნაკლებად ერკვევიან. ქცევის მხრივაც მეტნაკლებად კარგი მდგომარეობაა: ყველა ცდილობს, საკუთარ თავზე აღებული ვალდებულებები, თუნდაც კომუნალური გადასახადები, დროულად დაფაროს. დამოკიდებულებაში კი, მაინც გვაქვს პრობლემები. ზოგადად, გამოვლინდა, რომ ქართველი ერი არის მხარჯველი. ძალიან ცოტა აქცევს ყურადღებას ბიუჯეტის დაგეგმვას, ცოტა ადამიანი ზოგავს თანხას და ემზადება საპენსიო ასაკისთვის. ზოგადად, მომავლის დაგეგმვა ან თუნდაც მოკლევადიანი ე.წ. ჯიბის ხარჯის დაგეგმვა, საკმაოდ იშვიათია. შესაბამისად, გადავწყვიტეთ, ფინანსური განათლების ეროვნული სტრატეგია შეგვემუშავებინა და პრაქტიკაშიც გაგვეტარებინა. ამ მიმართულებით ბევრი ორგანიზაცია გვეხმარება, მათ შორის – განათლების სამინისტრო“, – განაცხადა გზირიშვილმა.

დისკუსიის დროს აღინიშნა, რომ საზოგადოების ფინანსური ცოდნის ამაღლებისთვის დიდი მნიშვნელობა აქვს ფინანსური განათლების ადრეულ სასკოლო ასაკში მიწოდებას. როგორც გზირიშვილმა აღნიშნა, ამ მიზნით, ეროვნულმა ბანკმა რამდენიმე საგანმანათლებლო საბავშვო სახელმძღვანელო უკვე შეიმუშავა და ზოგადად ფინანსურ განათლებაზე პასუხისმგებლობა საკუთარ თავზე აიღო. თუმცა, როგორც მსოფლიო პრაქტიკა აჩვენებს, მხოლოდ ცენტრალური ბანკების ძალისხმევას შედეგი არ მოაქვს და პროცესში სხვა უწყებებიც უნდა ჩაერთონ, მათ შორის, როგორც სამთავრობო, ისე არასამთავრობო, ფინანსური, დონორი და კერძო კომპანიები.


 

გზირიშვილმა ხაზგასმით აღნიშნა, რომ ეროვნული ბანკის ფინანსური განათლების ეროვნული სტრატეგიის ფარგლებში 2012 წლიდან წელიწადში ორჯერ ტარდება ცნობადობის ამაღლების ღონისძიებები, როგორიცაა გლობალური ფულის კვირეული გაზაფხულზე და მსოფლიო დაზოგვის დღე ოქტომბერში. ყველაზე დიდი წინგადადგმული ნაბიჯი კი, გზირიშვილის მოსაზრებით, არის სკოლებში ფინანსური განათლების კურსის დაწყება.

 

„ყველაზე დიდი წინ გადადგმული ნაბიჯია ის, რომ განათლების სამინისტროსთან თანაშრომლობის შედეგად, შევთნახმდით და განათლების სამინისტრომ უკვე განაახლა ეროვნული სასწავლო გეგმა, რომლის მიხედვითაც, მიმდინარე სასწავლო წელს – კონკრეტულად გაზაფხულიდან – ფინანსური განათლების სწავლება ყველა სკოლაში დაიწყება. ეს იქნება სამოქალაქო განათლების ნაწილი, ცალკე საგნად არ იქნება, მაგრამ იქნება ინტეგრირებული. ამ ეტაპზე მასწავლებელების გადამზადებაზე ვმუშაობთ, რომ ამ პროცესს ისინიც მომზადებული შეხვდნენ“,- განმარტა გზირიშვილმა.

 

რაც შეეხება საზოგადოების ზრდასრული წვერების ფინანსური განათლების საკითხს, ეროვნული ბანკის მომხმარებელთა უფლებების დაცვისა და ფინანსური განათლების დეპარტამენტის ხელმძღვანელის ინფორმაციით, უკვე შემუშავებულია მიკრო და მცირე ბიზნესისთვის განკუთვნილი სახელმძღვანელოები და შემუშავების ეტაპზეა მცირე ფერმერებზე ორიენტირებული პროექტი.

 

„რაც ეხება სხვა ჯგუფებს, ბუნებრივია, ზრდასრული მოსახლეობისთვისაც გვაქვს სხვადასხვა პროექტები. ერთი დასრულებული პროექტია სახელმძღვანელო მიკრო და მცირე ბიზნესისთვის, რომელიც სწორი ფინანსური გადაწყვეტილების მიღებას და სხვადასხვა ფინანსურ ორგანიზაციებთან ურთიერთობას ეხება. გარდა ამისა, ამ წუთას ვამუშავებთ მსგავს სახელმძღვანელოს მიკრო და მცირე ფერმერებისთვისაც და უახლოეს მომავალში მზად გვექნება. ასევე გვექნება ტრენინგები, რომელსაც ჩვენ პარტნიორებთან ერთად განვახორციელებთ“, – განუცხადა ლაშა გზირიშვილმა „ბიზნესპარტნიორს“.


1tv.ge




პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?

პოლონეთის პარლამენტის თავმჯდომარის მოადგილე – სურს თუ არა საქართველოს ტურისტები პოლონეთიდან ?
access_time2020-07-09 20:30:54
პოლონეთის მმართველი პარტიიდან სეიმის თავმჯდომარის მოადგილემ (ვიცე-მარშალმა), დეპუტატმა მაგოჟატა მარია გოშიევსკამ სოციალურ ქსელში პოსტი გამოაქვეყნა, სადაც ის ეხმაურება საქართველოს მხრიდან პოლონეთისთვის საზღვრის არგახსნის საკითხს. “ბანკები და ფინანსები” პოსტს უცვლელად გთავაზობთ: “სურს თუ არა საქართველოს ტურისტები პოლონეთიდან ? გუშინ საქართველოს მთავრობამ მიიღო გადაწყვეტილება, რომ...

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“

„ნენას“ და „კალვეს“ პროდუქციაში დარღვევები აღმოჩნდა– „Momxmarebeli.ge“
access_time2020-07-09 17:25:58
„Momxmarebeli.ge-ზე“ გამოქვეყნებული კვლევის ფარგლებში შემოწმდა  საქართველოსა და საზღვარგარეთ წარმოებული პროდუქცია.კვლევაში აღნიშულია, რომ შემოწმდა თბილისის სხვადასხვა მაღაზიაში 41 დასახელების სასურსათო პროდუქტი და გერმანიის ლაბორატორია „ევროფინსში“ სუდანის ჯგუფის არასაკვები საღებავების შემცველობაზე შესამოწმებლად იქნა გაგზავნილი. ორგანიზაციის ინფორმაციით, . 5 ნიმუშში საღებავი „სუდან...

დღის Top-10 საინტერესო ამბავი

დღის Top-10 საინტერესო ამბავი
access_time2020-07-09 21:30:12
დღის Top-10 საინტერესო ამბავი 1.ახალი სატარიფო გეგმა ენერგეტიკაში ინვესტიციებს გაზრდის საქართველოს მთავრობამ მცირე და საშუალო ჰიდროელექტროსადგურების განვითარებისთვის განახლებადი ენერგიის წყაროების მხარდაჭერის ახალი მექანიზმი დაამტკიცა. მხარდაჭერის სქემა მოიცავს შემდეგ კომპონენტებს:...

„სილქნეტის“ მობილური აბონენტები თიბისის მობაილბანკით სარგებლობას ინტერნეტის დახარჯვის გარეშე შეძლებენ

„სილქნეტის“ მობილური აბონენტები თიბისის მობაილბანკით  სარგებლობას ინტერნეტის დახარჯვის გარეშე შეძლებენ
access_time2020-07-09 14:55:15
ონლაინ მომსახურების ხელშესაწყობად, სილქნეტმა არაერთი სერვისი შესთავაზა მომხმარებელს, რომელიც მას დისტანციურად მომსახურების მიღების საშუალებას გაუმარტივებს. ამისათვის, კომპანია ვირუსის გავრცელების ადრეული ეტაპიდანვე ზრუნავს, რათა გაუფრთხილდეს მომხმარებლის ჯანმრთელობასა და უსაფრთხოებას. ონლაინ საბანკო მომსახურება პროდუქტი ყოველდღიურობისათვის აუცილებელ მომსახურებათა ჩამონათვალშია. ამ მომსახურების სერვისის შეუფერხებლად მიწოდებისაათვის, სილქნეტმა, თიბისისთან ერთად, თავის მომხმარებელს...

ძველი ქარხნების ახალი დანიშნულება - თბილისის ინდუსტრიული მემკვიდრეობა

ძველი ქარხნების ახალი დანიშნულება  - თბილისის ინდუსტრიული მემკვიდრეობა
access_time2020-07-09 19:00:25
პროექტი „თბილისის ინდუსტრიული მემკვიდრეობა“ გულისხმობს გრძელვადიან კვლევით საქმიანობას, რომლის პირველი ეტაპი, თბილისში არსებული ინდუსტრიული ნაგებობების ბაზის შექმნას მოიაზრებს. კვლევის ობიექტი შეიძლება იყოს, მაგალითად, ყოფილი რკინიგზის ჩიხი, ელექტროსადგური, რკინისა და ფოლადის მწარმოებელი საწარმო, ქიმიური წარმოება, ქარხნები და ფაბრიკები, სამრეწველო კომპლექსები. MUA-ს (Multiverse architecture) არქიტექტურულმა გუნდმა მოიპოვა დაფინანსება პროექტისთვის თბილისის ინდუსტრიული...


მსგავსი სიახლეები

up