ივლისში ქართულ ბანკებში დეპოზიტების მოცულობა, მიმდინარე ანგარიშების ჩათვლით, გასული წლის ანალოგიურ პერიოდთან შედარებით 14%-ით 35.9 მლრდ ლარამდე გაიზარდა. მიუხედავად იმისა, როლ ლარში საპროცენტო სარგებელი 11-ჯერ, ხოლო ფიზიკურო პირების შემთხვევაში 14-ჯერ უფრო მაღალია, დეპოზიტების 60%-ზე მეტი უცხოურ ვალუტაშია განთავსებული. ამის შესახებ ინფორმაციას ეროვნული ბანკი ავრცელებს.
თუ მთლიან დეპოზიტებში ლარიზაციის მაჩვენებელი 40%-ს აღწევს, ფიზიკური პირების შემთხვევაში, ის მხოლოდ 25%-ს შეადგენს.
მაღალი დოლარიზაცია უკეთესი საპროცენტო შეთავაზებით სულაც არაა გამოწველი, პირიქით, ივლისში ვადიან დეპოზიტებს ბანკი ლარში საშუალოდ 10.2%-ს, უხოურ ვალუტაში კი მასზე 11.3-ჯერ ნაკლებს - 0.9%-ს არიცხავდა, სხვაობა კიდევ უფრო დიდია ფიზიკური პირების მთხვევაში, კერძოდ ლარში სარგებელი 11.1%-ს შეადგენს, ხოლო უცხოურ ვალუტაში 14-ჯერ ნაკლებს – სულ რაღაც 0.8%-ს. მსხვილი ბანკები ევროში დეპოზიტს სარგებლს საერთოდ აღარ არიცხავენ.
იმის გამო, რომ ბოლო წლებში ლარი სისტემატურად უფასურდებოდა, მოსახლეობამ მის მიმართ ნდობა დაკარგა. სამომხმარებლო სესხებს გასაცემად კი ბანკს აუცილებლად ლარი სჭირდება, რის გამოც დეპოზიტზე შეთავაზებულ სარგებელს ზრდის, რაც ავტომატურად ლარში გასაცემ სესხსაც აძვირებს.