38.8 მლრდ ლარიანი საკრედიტო პორტფელიდან სამომხმარებლო სესხების წილი 12.2%-ს -4.7 მლრდ ლარს შეადგენს. დანარჩენი 87.8% ბიზნეს და იპოთეკურ სესხებზე მოდის. ბოლო ერთ წელიწადში სამომხმარებლო სესხების მოცულობა ₾625 მლნ-ით ანუ 15%-ით გაიზარდა.

თუ მთლიან სესხებში ლარიზაციის მაჩვენებელი 45%-ს აღწევს, უძრავი ქონებით უზრუნველყოფილ სესხებში მხოლოდ 33.6%-ს, სამომხმარებლოში ის 87.7%-ს აჭარბებს. რადგან სამომხმარებლო სესხების აბსოლუტური უმრავლესობა 200 000 ლარზე ნაკლები მოცულობისაა ბანკს მისი უცხოურ ვალუტაში გაცემა ეკრძალება. გამონაკლისს ის პირები წარმოადგენენ რომლებსაც შემოსავალი უცხოურ ვალუტაში აქვთ.

სამომხარებლო სესხების თითქმის 96% გრძელვადიანია, 4%-ზე ოდნავ მეტი მოკლევადიანი.

სხვა სესხებთან შედარებით, მცირე მოცულობისა და შედარებით მაღალი რისკის გათვალისწინებით, საპროცენტო ხარჯი სამომხმარებლო სესხზე უფრო მეტია და საშუალოდ 17.3%-ს შეადგენს. უფრო ზუსტად მოკლევადიანში 23%-ს, ლარში 26.2%-სა და უცხოურ ვალუტასი 6.5%, გრძელვადიანი სესხებისთვის საპროცენტო ხარჯი 17.1%-ა. ლარში 18.4% და უცხოურ ვალუტაში 7.9%.

ძირითადად ლარში სესხების გაძვირების ხარჯზე საერთო საპროცენტო ხარჯი 0.5%-ითაა გაზრდილი. 1 წლის წინ სესხს საშუალოდ 16.8% ერიცხებოდა. ყველაზე მეტად, 0.8%-ით, 17.6-დან 18.4%-მდე ლარში გაცემული გრძელვადიანი სესხები გაძვირდა.

გიორგი ელიზბარაშვილი