ლარმა გამყარება დაიწყო, მაგრამ საგრძნობი შედეგი იანვრამდე არ იქნება

ლარმა გამყარება დაიწყო, მაგრამ საგრძნობი შედეგი იანვრამდე არ იქნება

access_time2019-10-24 21:45:03

ეროვნული ბანკის მკვეთრი ნაბიჯების შემდეგ ლარმა თითქოს გამყარება დაიწყო. "ბლუმბერგის" სავაჭრო პლატფორმაზე 1 დოლარი 2.94-ის ფარგლებში ტრიალებს. მიუხედავად ამისა, ფინანსისტები დიდ ცვლილებას ჯერ არ ელოდებიან, რადგან ახლა წლის ყველაზე კრიზისული პერიოდია. სპეციალისტების აზრით, კურსის სტაბილურად გამყარებას 2020 წლის იანვრიდან უნდა ველოდოთ.

 

ეროვნულმა ბანკმა მონეტარული პოლიტიკის განაკვეთი დამატებით 1 პროცენტული პუნქტით - 8.5%-მდე გაზარდა. ბოლო თვენახევრის განმავლობაში, ეს მესამე ცვლილებაა და ჯამურად მატებამ 2% შეადგინა. მიზეზად უკვე ოფიციალურად სახელდება ლარის კურსის წნეხი ინფლაციურ პროცესზე და მისი შემსუბუქების აუცილებლობა. 

 

რამდენად მალე გამოიღებს ეროვნული ბანკის ნაბიჯები შედეგს, ამაზე "რეზონანსმა" აზრი ფინანსისტებს ჰკითხა. "ფინექს 1970"-ის ანალიტიკოსის ნიკა შენგელია ამბობს, რომ მოსახლეობა ლარის სტაბილურ გამყარებას იანვრიდან უნდა დაელოდოს. მხოლოდ ამ პერიოდიდან იქნება მათთვისაც და ეკონომიკისთვისაც შესამჩნევი ცვლილება.

 

"დაახლოებით 2020 წლის 10 იანვრიდან ნამდვილად შესამჩნევი იქნება კურსის ცვლილება იქამდე კი არა მგონია მნიშვნელოვნად შეიცვალოს რამე. მცირე  კორექტირება კი მოსალოდნელია, რადგან გარკვეული ნაბიჯები გადადგა ეროვნულმა ბანკმა. კურსის სტაბილიზაციას სჭირდება დრო და ხელშეწყობა სხვადასხვა მხრიდან. ის კი არადა, იმ კვირიდან ლარმა ცოტ-ცოტა გაუფასურებაც, რომ დაიწყოს, გასაკვირი არ იქნება. რთული პერიოდია წინ. კურსი დაიწყებს ცოცვას, როგორც აქამდე, მაგრამ ისევ გამყარდება საბოლოო ჯამში, რისი მოლოდინიც და პროგნოზებიც ჩვენ წინა კვირას გავაკეთეთ კიდეც", - აღნიშნა ნიკა შენგელიამ საუბრისას.

 


ქართული ლარი თავისუფალი ცურვის სავალუტო რეჟიმშია მოქცეული, ანუ ლარის გაცვლით კურსს სავალუტო ბაზარზე ლარზე და დოლარზე მოთხოვნა-მიწოდება აყალიბებს. თავის მხრივ, მოთხოვნა-მიწოდებაზე ბევრი ისეთი ფაქტორი მოქმედებს, როგორიცაა:  საგარეო ვაჭრობა, ტურიზმი, ფულადი გზავნილები, ინვესტიციები, სასესხო კაპიტალი, კურსის ცვლილების მოლოდინი, ვალუტებისადმი ნდობა, ქვეყნის ეკონომიკური ზრდა და ა.შ.

 

საბანკო სფეროს სპეციალისტი მიხელ თოქმაზიშვილი სწორედ ამ ფაქტორების ერთობლიობაზე საუბრობს და დასძენს იმასაც, რომ ეროვნული ბანკი ამ ყველაფერს ვერ გააკონტროლებს. არადა, აუცილებელია მონეტარული პოლიტიკისა და ფინანსური ბაზრის სტაბილურობა, იმისათვის, რომ ლარის კურსი დაუბრუნდეს ძველ ნიშნულს.

 

"ამ ყველაფრის ეფექტს რამდენიმე თვის მერე უნდა ველოდოთ, თუმცა აქ ფუნდამეტური ფაქტორებიც არის გასათვალისწინებელი. სანამ ამას  გააკეთებდა ეროვნული ბანკი, უცხოური ინვესტიციების კლებას ჰქონდა ადგილი. ბოლო დროს გადადგმული ნაბიჯები და მონაცემებიც ოპტიმისტურია, თუ ასე გაგრძელდა ლარი დასტაბილურდება.

 

მიუხედავად ამისა, ის ფაქტორები, რაც დაკავშირებულია საგარეო ვაჭრობასთან, საკმაოდ ძლიერი ფაქტორებია და თუ იმპორტი გაიზრდება ექსპორტთან მიმართებით, ის გაანეიტრალებს იმ ნაბიჯებს, რაც ეროვნულმა ბანკმა გააკეთა. გარდა ამისა, გაანეტრალებს ინვესტიციებიდან მიღებულ თანხებს. იმ შემთხვევაში თუ ეკონომიკური და პოლიტიკური გარემო სტაბილური იქნება, ლარის კურსი გამყარდება და შეინარჩუნებს თავის ნიშნულს", - აღნიშნა მიხეილ თოქმაზიშვილმა საუბრისას.

 

დევალვაციის შეუქცევადი პროცესი, რომელიც 2014 წლიდან პერიოდულად მწვავდება, განსაკუთრებით პრობლემური 2019 წელს გახდა. ლარმა უკვე ყველა ანტირეკორდი მოხსნა, სებ-ი უარესის მოლოდინში ყველა იმ ნაბიჯს დგამს, რომლისკენაც ექსპერტები მოუწოდებდნენ და ცოტა ხნის წინ კატეგორიულ უარს აცხადებდა - რეზერვების გაყიდვა, ბანკებისათვის სარეზერვო მინიმუმის შემცირება თუ რეფინანსირების განაკვეთის გაზრდა. ბოლო დროს შემცირებულმა ტურიზმმა, ფულადმა გზავნილებმა და პირდაპირმა უცხოურმა ინვესტიციებმა ქვეყნის შიდა პრობლემებთან ერთად იმდენად იმოქმედა სავალუტო ბაზარსა და ინფლაციაზე, რომ ეროვნულმა ბანკმა და მთავრობამ ეკონომიკური ზრდა ლარის კურსზე გაცვალეს.

 

წყარო: რეზონანსი





ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები

ქართული კლუბები ევროტურნირებზე მაყურებლების გარეშე – უეფას ახალი გადაწყვეტილებები
access_time2020-08-10 19:00:43
6 აგვისტოს უეფას ორგანიზებით მორიგი ვიდეო კონფერენცია გაიმართა, რომელშიც ევროპული ფეხბურთის მმართველი ორგანოს წევრი ასოციაციების გენერალური მდივნები მონაწილეობდნენ. აღნიშნულის თაობაზე ინფორმაციას საქართველოს ფეხბურთის ფედერაციის პრეს-სამსახური ავრცელებს. შეხვედრაზე უეფას ეგიდით გასამართ უახლოეს საკლუბო და სანაკრებო მატჩებზე იმსჯელეს. გადაწყდა, რომ ევროპა ლიგის ოთხივე ეტაპზე და ჩემპიონთა ლიგის სამ ეტაპზე მატჩები მაყურებლის გარეშე გაიმართება, ჩემპიონთა ლიგის პლეი-ოფის...

დონალდ ტრამპმა ამერიკელებს TikTok-ით სარგებლობა აუკრძალა

დონალდ ტრამპმა ამერიკელებს TikTok-ით სარგებლობა აუკრძალა
access_time2020-08-10 20:00:57
აშშ-ს პრეზიდენტმა დონალდ ტრამპმა ამერიკელებს ჩინური კომპანიების ByteDance და Tencent-ის სერვისებით ყოველგვარი სარგებლობა აუკრძალა - მათ შორისაა მოკლე ვიდეოჩანაწერების სერვისიTikTok და მესენჯერი WeChat. აკრძალვის ქვეშ ყველა გარიგება მოხვდება, მათ შორის მოლაპარაკებები წილების შეძენასთან დაკავშირებითაც. ტრამპის ბრძანებულება ძალაში 20 სექტემბერს შევა. გადაწყვეტილებას წინ პრეზიდენტის მუქარები უძღოდა. შემდეგ, 6 აგვისტოს, აშშ-ს სახელმწიფო მდივანმა...

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება

წლევანდელი წელი მთლიანად ჩავარდა - სამთო საექსპედიციო ტურიზმი ჯავშნებს მხოლოდ მომავალი წლიდან ელოდება
access_time2020-08-10 18:00:32
კორონავირუსის პანდემიის გამო, საზღვრების ჩაკეტვამ და ფრენების გადადებამ, ტურიზმზე დამოკიდებული კომპანიების შეჩერება გამოიწვია. ერთ-ერთი ასეთი, მთაში მოგზაურობის და თავგადასავლების სააგენტო Mountain Freak-ია, რომელიც მსოფლიოს სხვადასხვა ქვეყნიდან ჩამოსულ სტუმარს ალპინისტურ, სალაშქრო, „ტრეკინგ“ თუ კულტურულ -ფოლკროლურ ტურებს სთავაზობს. პანდემიამდე მთელი სეზონი დაჯავშნილი იყო, თუმცა კორონავირუსმა გეგმები შეცვალა და წლევანდელი წელი მთლიანად ჩავარდა, ამის შესახებ „კომერსანტი“...

მთავრობა „თელასის“ კაპიტალში კუთვნილი აქციების წილს ჰყიდის

მთავრობა „თელასის“ კაპიტალში კუთვნილი აქციების წილს ჰყიდის
access_time2020-08-10 17:00:11
„საპარტნიორო ფონდი“ სს „თელასის“ კაპიტალში კუთვნილი აქციების წილის - 24.5%- ის გასასხვისებლად საჯარო აუქციონს აცხადებს. ინფორმაციას საპარტნიორო ფონდი ავრცელებს. საჯარო აუქციონის საწყისი ფასი შეადგენს 10 511 211.08 აშშ დოლარის ექვივალენტს ლარში. ბიჯის ოდენობაა 50,000 ლარი. აუქციონის დროს დაფიქსირებული ფასი დაკონვერტირდება აშშ დოლარებში აუქციონის გამოცხადების დღისთვის ეროვნული ბანკის მიერ დადგენილი გაცვლითი კურსის შესაბამისად. საჯარო აუქციონი 2020 წლის...

გველის თუ არა უფრო ღრმა კრიზისი?!

გველის თუ არა უფრო ღრმა კრიზისი?!
access_time2020-08-10 16:00:18
ამომრჩევლის მოსყიდვა თუ კრიზისის დროს შეხიდება? ახალ სოციალურ პაკეტს, რომელიც მთავრობამ მოსახლეობის სხვადასხვა ჯგუფს შესთავაზა, უკვე მოჰყვა არაერთგვაროვანი შეფასებები. რადგან არჩევნებამდე 3 თვეა, ოპოზიციამ ჩათვალა, რომ ხელისუფლება იმ ამომრჩევლის გულის მოგებას ცდილობს, ვინც შესაძლოა „ქართული ოცნების“ 8-წლიანი მმართველობით კმაყოფილი არ არის. ხელისუფლებაში ამბობენ, რომ ამ პროგრამებს არჩევნებთან საერთო არაფერი აქვს და აანონსებენ, რომ შესაძლოა კიდევ ერთი სოციალური პაკეტი მომავალი წლის...


მსგავსი სიახლეები

up