ლარის მკვეთრი გაუფასურება არ იქნება გრძელვადიანი, ეს არჩევნების შემდგომმა არასტაბილურობამ განაპირობა - ბექა ლილუაშვილი

ლარის მკვეთრი გაუფასურება არ იქნება გრძელვადიანი, ეს არჩევნების შემდგომმა არასტაბილურობამ განაპირობა - ბექა ლილუაშვილი

access_time2020-11-05 11:20:12

„ლარის კურსი და მისი მერყეობა ყოველთვის დაკავშირებული იყო როგორც საგარეო, ასევე ქვეყნის შიგნით მიმდინარე მძიმე ეკონომიკურ და პოლიტიკურ პროცესებთან. რა თქმა უნდა, ამჟამინდელი ლარის გაუფასურება გარკვეულწილად განპირობებულია იმ პოლიტიკური კონიუნქტურიდან გამომდინარე, რაც არჩევნების შემდეგ შეიქმნა. თვითონ არჩევნები არ  არის გადამწყვეტი  ფაქტორი,“ - ამის შესახებ „კომერსანტს“ „ქართული ოცნების“ საპარლამენტო სიის 43-ე ნომერმა და პრეზიდენტის მრჩეველმა ეკონომიკურ საკითხებში ბექა ლილუაშვილმა განუცხადა.

 

არჩევნების შემდეგ ლარის მკვეთრი გაუფასურება დაიწყო, რაც იმას ნიშნავს, რომ ფინანსისტების მოლოდინი გამართლდა. მათი პროგნოზით, კურსის ვარდნა, გაგრძელდება და ლარის გამყარებას მხოლოდ დეკემბრიდან უნდა ველოდოთ, მიუხედავად იმისა თუ რამდენ 60 მილიონიან ინტერვენციას განახორციელებს ეროვნულ ბანკი ვალუტის დასარეგულირებლად.


ბექა ლილუაშვილი საგარეო პროცესებთან ერთად, არჩევნების შემდგომ პერიოდსაც ლარის მკვეთრი გაუფასურების განმსაზღვრელ ფაქტორად მიიჩნევს და აღნიშნავს, რომ ეს დროებითი პროცესია და ერონული ბანკი ფლობს ამ სიტუაციის დარეგულირების ბერკეტებს.

 

„აქ მოქმედებს არჩევნების  შემდგომი გარემო და ის განწყობები, რასაც ოპოზიცია ქმნის ქვეყანაში.


არა მხოლოდ არჩევნების დროს, არამედ ნებისმიერი დაძაბული პოლიტიკური პროცესის დროს ლარის სტაბილურობაზე გავლენა აქვს მოლოდინებს.



ლარის გაუფასურება არ იქნება ხანგრძლივვადიანი პროცესი.  ჩვენ გვქონდა პერიოდი, როცა  არჩევნები არ იყო მოახლოებული და ლარის ნიშნული გარკვეული გადაჭარბებული არასწორი მოლოდინების გამო გაუფასურდა, შემდეგ დაუბრუნდა უკვე დაბალ  ნიშნულს. მაშინაც ძალიან მაღალ  ნიშნულზე  ავიდა ლარი, მაშინაც იყო ასეთი ტიპის კითხვები, რომ მოხდება თუ არა ამის კორექტირება იმისათვის რომ ლარი ქვემოთ ჩამოვიდეს. ვნახეთ, რომ ასეც მოხდა და შესაბამისად ჩვენ ახლაც იგივე მოლოდინი გვაქვს.


ეროვნულ ბანკს მთავრობასთან კოორდინაციით აქვს ყველა რესურსი იმისა, რომ ჩაერიოს. რა  ჩარევასაც ის ახორციელებს, ეს იმისათვისაა რომ ლარის გაუფასურება არ გადაიზარდოს ფასების ზრდის და ინფლაციურ პროცესში.


ჩემი შეფასებით,  კურსზე მეტწილად საგარეო  ფაქტორები მოქმედებს, რაც გამოიხატება იმაში, რომ რეგიონში არის მნიშვნელოვნად გაუარესებული ეკონომიკური ფონი. ფაქტობრივად, ყველა ჩვენს სავაჭრო პარტნიორ ქვეყანაში, ვალუტის გაუფასურება შეინიშნება, რაც ჩვენ ვალუტაზეც ახდენს  გავლენას.


ტურიზმის სექტორიდან გამომდინარე, პანდემიური კრიზისის ფონზე  შეგვიმცირდა საგარეო შემოსავლები და სწორედ ამ შემცირებული შემოსავლების  კომპენსაციას ემსახურება ეროვნული ბანკის  ინტერვენციები სავალუტო  ბაზარზე. მან ეს გააკეთა არჩევნების შემდეგაც,  მანამდეც და ეს არის ავტონომიური პროცესი,“ - განმარტავს ბექა ლილუაშვილი.


არჩევნების ჩატარებიდან ორ დღეში, ეროვნულმა ბანკმა სავალუტო აუქციონზე 60 მილიონი აშშ დოლარი გაყიდა საქართველოს ეროვნული ბანკის სავალუტო აუქციონზე.


თუკი 31 ოქტომბრამდე ლარი 3.25-იან ნიშნულზე იყო, დღეს მისი ღირებულება  3,35 ნიშნულზე დადგა.

 





სოციალური ბარათის პინ კოდის მოქმედების ვადა 15 აპრილამდე გაგრძელდა

სოციალური ბარათის პინ კოდის მოქმედების ვადა 15 აპრილამდე გაგრძელდა
access_time2021-01-15 16:00:05
დღეიდან, ლიბერთის და საქართველოს მთავრობის ერთობლივი გადაწყვეტილებით, სოციალური ტიპის ბარათებს, რომელთა  ,,პინ კოდის” მოქმედების ვადა უკვე დასრულდა ან დასრულდება 31 მარტის ჩათვლით, პინ კოდის მოქმედების ვადა ავტომატურად  2021 წლის 15 აპრილამდე გაუგრძელდებათ.   „ჩვენ გავითვალისწინეთ როგორც ქვეყანაში მიმდინარე კოვიდსიტუაცია, ასევე ჩვენი მომხმარებლის საჭიროებები და ამ გადაწყვეტილებით, კიდევ ერთხელ გავამარტივეთ პროცედურა, შევამცირეთ მომხმარებლის სახლიდან გამოსვლისა და...

Forbes: ბაიდენმა ეკონომიკური დახმარების ახალი გეგმა წარადგინა

Forbes: ბაიდენმა ეკონომიკური დახმარების ახალი გეგმა წარადგინა
access_time2021-01-15 20:00:23
აშშ-ს ახლად არჩეულმა პრეზიდენტმა ჯოზეფ ბაიდენმა პანდემიისგან დაზარალებული ეკონომიკის დახმარებისთვის კონგრესს 1,9 ტრლნ. დოლარის გამოყოფის თხოვნით მიმართა.   „გეგმა ამბიციურია, თუმცა, მიღწევადი. ის ამერიკის ეკონომიკას გადაარჩენს და ქვეყანას ვირუსთან გამკლავების საშუალებას მისცემს“ - ნათქვამია ბაიდენის გარდამავალი ჯგუფის განცხადებაში.   ახალი პროექტი რამდენიმე ძირითად პუნქტს შეიცავს, მათ შორისაა ხარჯები კორონავირუსთან ბრძოლის გაძლიერებაზე (400 მლრდ....

საქართველოს ბიზნეს ასოციაციის წევრებისთვის შემოსავლების სამსახურში მიმდინარე რეფორმების შესახებ ონლაინ შეხვედრა გაიმართა

საქართველოს ბიზნეს ასოციაციის წევრებისთვის შემოსავლების სამსახურში მიმდინარე რეფორმების შესახებ ონლაინ შეხვედრა გაიმართა
access_time2021-01-15 14:50:43
საქართველოს ბიზნეს ასოციაციის (BAG) წევრი კომპანიების წარმომადგენლებს ფინანსთა სამინისტროს შემოსავლების სამსახურის უფროსის მოადგილემ, მამუკა ბარათაშვილმა საგადასახადო კანონმდებლობაში განხორციელებული ცვლილებები გააცნო.     შეხვედრის ფარგლებში მხარეებმა განიხილეს ორი ძირითადი საკითხი, კერძოდ  დაქირავებულ პირთა შესახებ ახალი ელექტრონული რეესტრი, რეესტრში ინფორმაციის ასახვის წესი და დღგ-ის კვალიფიციური გადამხდელის პროგრამა.  ასევე საუბარი შეეხო ზოგადად...

გვჭირდება პასუხი 1-ლი თებერვლიდან სასტუმროები იხსნება თუ არა, ჯავშნები მივიღოთ თუ არ მივიღოთ - ალავერდაშვილი

გვჭირდება პასუხი 1-ლი თებერვლიდან სასტუმროები იხსნება თუ არა, ჯავშნები მივიღოთ თუ არ მივიღოთ - ალავერდაშვილი
access_time2021-01-15 15:00:56
„ის თემა, რომ 1-ელი თებერვლიდან ცა გაიხსნება, ჩვეულებრივი ტყუილი მგონია და არ მჯერა - ტურიზმი ვერ გადავარჩინეთ და ახლა მთავარი თემაა აღვადგინოთ ტურიზმი, - ამის შესახებ „სასტუმროებისა და რესტორნების ფედერაციის“ დამფუძნებელმა შალვა ალავერდაშვილმა განაცხადა. მისივე თქმით, ტურიზმის სექტორს ქვეყანაში 2 კვირის განმავლობაში, მინიმუმ 10 მილიონ დოლარზე მეტის შემოტანა შეუძლია.     „ტურიზმის სექტორში ხდება აბსოლუტური გაუგებრობა. მივხვდით, რომ ჩვენი სექტორი საერთოდ აღარ...

ნორვეგიაში Pfizer-ის კორონავირუსის საწინააღმდეგო ვაქცინით აცრის შემდეგ 23 პაციენტი გარდაიცვალა

ნორვეგიაში Pfizer-ის კორონავირუსის საწინააღმდეგო ვაქცინით აცრის შემდეგ 23 პაციენტი გარდაიცვალა
access_time2021-01-15 19:00:17
ნორვეგიაში სულ მცირე 23 ადამიანი გარდაიცვალა, რომლებიც ადრე COVID 19-ის ვაქცინით აიცრნენ.  ამის შესახებ ნორვეგიის მედიკამენტების სააგენტოს პრესსამსახური იუწყება. „გვაქვს ინფორმაცია ვაქცინაციასთან დაკავშირებული გარდაცვალების 23 შემთხვევის შესახებ. ამჟამად, სპეციალისტების მხრიდან 13 მათგანის შესწავლა მიმდინარეობს,“ - ნათქვამია პრესსამსახურის განცხადებაში. სააგენტოს მთავარი ექიმი სიგურდ ხორტემუ იტყობინება, რომ უკვე მიღებულმა...


მსგავსი სიახლეები

up