“ლარის კურსზე პასუხისმგებელია ეროვნული ბანკი, პარლამენტი და მთავრობის ეკონომიკური გუნდი -„მხოლოდ ეროვნულ ბანკზე ხელის გაშვერა არასწორია“

“ლარის კურსზე პასუხისმგებელია ეროვნული ბანკი, პარლამენტი და მთავრობის ეკონომიკური გუნდი -„მხოლოდ ეროვნულ ბანკზე ხელის გაშვერა არასწორია“

access_time2019-06-28 14:00:50

„ლარის კურსზე პასუხისმგებელია ეროვნული ბანკი, პარლამენტის საფინანსო-საბიუჯეტო კომიტეტი და მთავრობის ეკონომიკური გუნდი. ეს არის ერთიანი პასუხისმგებლობა ყველა ამ სტრუქტურის, განსაკუთრებით, ეროვნული ბანკის,“ ასე აფასებს კაპიტალის ბაზრის ექსპერტი ვახტანგ ხომიზურაშვილი ბოლო პერიოდში ლარის გაუფასურების ტენდენციას.


როგორც ცნობილია, ეროვნულმა ბანკმა ლარის ასეთი გაუფასურება რუსულ ტურისტულ ემბარგოსთან დაკავშირებულ მოლოდინებს დაუკავშირა. ხომიზურაშვილი კი „კომერსანტთან“ განმარტავს, რომ ტურისტული ნაკადები ასე სწარფად გავლენას არ ახდენენ. ეს გარკვეულ პერიოდში აისახება, მოიკლებს სავალუტო ნაკადები, თუმცა, აქ საქმე ერთ მნიშვნელოვან მომენტთან გვაქვს:


„გარკვეული პერიოდის წინ ჩავატარეთ პატარა ანალიზი, თუ რამდენად არის დამოკიდებული ტურისტული ნაკადები, რამდენად მოქმედებს ეს სავალუტო კურსზე.რეალურად გამოვიდა ისე, რომ ტურისტული ნაკადების მერყეობა აბსოლუტურად არ მოქმდებს ლარზე. ეს პარადოქსული სიტუაციაა“-აღნიშნავს ხომიზურაშვილი.



მისივე განმარტებით, აქედან შეიძლება დასკვნის გაკეთება, რომ სავალუტო კურსი პირდაპირ არ ასახავს ეკონომიკაში არსებულ მდგომარეობას. შესაბამისად, სავალუტო კურსის ფორმირების მექანიზმი არის არარელევანტური, არაადექვატური. გარდა ამისა, კურსზე ზემოქმედებას რამდენიმე ბანკი ახდენს. მათ მიერ სავალუტო რეზერვების შექმნა, მოთხოვნის გაზრდა დოლარზე, ბანკების მხრიდან წმინდად სპეკულაციური ოპერაციაა.



„რეალურად, თუ გაგრძელდება ლარის გაუფასურების ტენდენცია, მაშინ კომერციული ბანკები საკურსო სხვაობის სახით მიიღებენ დამატებით მოგებას. პოლიტიკური სიტუაცია მოქმედებს და ქმნის მოლოდინებს, მაგრამ მნიშვნელოვანია აღინიშნოს, რომ ეს მოლოდინები დღეს არ გაჩნდაა. არც იმის თქმაა სწორი, რომ ხელოვნური მოლოდინები იქმნება. ეს არ არსებობს. მოლოდინები სავალუტო კურსთან მიმართებაში წარმოიქმნება პრეცენდენტების შედეგად. ის, რომ სავალუტო კურსის ფორმირება გაუმჭირვალეა, ის, რომ სპეკულაციური ოპერაციების შესაძლებლობაა, ის, რომ სავალუტო კურსი არ ასახავს რეალურად ეკონომიკაში არსებულ სიტუაციას და დამოკიდებულია რამოდენიმე ბანკის სავალუტო ოპერაციებზე-ეს პრეცენდენტები აქამდე ნეგატიურ მოლოდინებს და უნდობლობას ლართან მიმართებაში ქმნიდა. ეს დღეს არ წარმოქმნილა,“  აცხადებს ხომიზურაშვილი.



მისივე მტკიცებით, რეალურად, ეროვნულმა ბანკმა სავალუტო პოლიტიკას უნდა გადახედოს. გასაგებია, რომ რეზერვების დახარჯვა მიზანშეწონილი არ არის, ეს ცალსახაა, მაგრამ მარეგულირებელმა დოზირებულად უნდა განახორციელოს დოლარის ინტერვენცია სავალუტო ბაზარზე.ხომიზურაშვილის ინფორმაციით,დოზირებული ინტერვენციები შეარბილებს კურსის მკვეთრ მერყეობას.



როგორც ექსპერტი აცხადებს, ეროვნული ბანკი ლარის ინტერვენციებს ახორციელებს ცალმხრივად, ამ შემთხვევაში და ავსებს რეზერვებს. საბოლოო ჯამში, ისეთი შთაბეჭდილება იქმნება, რომ ეროვნული ბანკის მიზანია რეზერვების შექმნა, რაც არასწორია. ხომიზურაშვილის განცხადებით, ეროვნულმა ბანკმა სავალუტო ბაზარზე მოქნილად უნდა იმოქმედოს.მანამ, სანამ არ იქნება მიღებული სავალუტო კურსის ე.წ ფრანკფურტის მეთოდი, რომელიც დაიცავს ეროვნულ ვალუტას სპეკულაციებისგან და კურსის ასიმეტრიულობისგან, მუდმივად ეს პრობლემა იდგება.




დღეს არსებული კურსიც კომერციული ბანკების „ბრალი“ არ არის, რადგან ესენი არიან კომერციული სტრუქტურები, რომლებიც იყენებენ ყველა იმ შესაძლებლობას, რომელსაც მათ რეგულატორი აძლევს. „შედეგად,აქ პრობლემა ეროვნული ბანკია, რადგან მან არ შექმნა ის ველი,სადაც რეალური სავალუტო კურსი იქნება დაფიქსირებული,“ აცხადებს ხომიზურაშვილი.



მისი თქმით, ამ შემთხვევაში პასუხისმგებლობას ეკისრება პარლამენტსაც, რადგან სწორედ საკანონმდებლო ორგანომ დაუმტკიცა ეროვნულ ბანკს ის, რომ სწორედ მარეგულირებელმა უნდა აკონტროლოს ფასები და კურსის თარგეთირება გააკეთოს.



კითხვაზე, რას ნიშნავს პარლამენტის საფინანსო-საბიუჯეტო კომიტეტის თავმჯდომარის, ირაკლი კოვზანაძის მიერ გაკეთებული განცხადება, რომ ეროვნულმა ბანკმა, მისმა ხელმძღვანელობამ აქტიურად უნდა იმუშაოს იმისათვის, რომ დროული და ადექვატური პასუხები გასცეს არსებულ გამოწვევებს, მათ შორის, ტურისტულ სექტორში ამჟამად მიმდინარე მოვლენებისა და ლარის კურსის მიმართულებას, ხომიზურაშვილი განმარტავს, რომ ამ შემთხვევაში პარლამენტმა მოიშორა თავისი პასუხისმგებლობა და ხელი ეროვნული ბანკისკენ გაიშვირა.



„როდესაც პარლამენტი „უპრავებს“ ეროვნულ ბანკს რაღაც პოლიტიკის მიმართულებას, ამ შემთხვევაში პარლამენტია პასუხისმგებელი. პარლამენტმა დაუშვა პირველ რიგში ადრე შეცდომა და ამის გამოსწორებაზე საერთოდ არ ფიქრობს, რომ მხოლოდ და მხოლოდ ინფლაციაზე გააკეთა აქცენტი. პარლამენტს უნდა დაემტკიცებინა ეროვნული ბანკის მიმართ ფულად-საკრედიტო პოლიტიკის განხორციელება, საპროცენტო განაკვეთების მართვა, სავალუტო კურსის მართვა. ეს ყველაფერი ერთმანეთშია დამოკიდებული. არ შეიძლება გამოცალკევება და იმის თქმა,რომ ეროვნული ბანკი მხოლოდ ინფლაციაზეა პასუხისმგებელი. ის პასუხისმგებელია კომპლექსურად ფულად-საკრედიტო და სავალუტო პოლიტიკაზე.ეს კი ცალსახად უნდა იყოს დაფიქსირებული პარლამენტის მიერ. დღეს პარლამენტი ეროვნული ბანკის მისამართით იშვერს ხელს, ეროვნული ბანკი ამბობს, რომ მას ინფლაციის მართვა ეხება. ეს არის პინკ-პონგის თამაში,რომელიც კარგს არაფერს მოიტანს,“ აცხადებს ხომიზურაშვილი.



შექმნილი სიტუაციის გათვალისწინებით, ხომ არ გადატყდება ვინმეზე ჯოხი და ხომ არ მოიზებნება „განტევების ვაცი“ ხომიზურაშვილი განმარტავს, რომ არა, რადგან კობა გვენეტაძე მუდმივად იტყვის, რომ მისი ფუნქციაა ინფლაციის თარგეთირება.


შეგახსენებთ, გუშინ, ეროვნული ბანკის პრეზიდენტმა კობა გვენეტაძემ პარლამენტისთვის წლიური ანგარიშის წარდგენის შემდეგ ჟურნალისტებთან ეროვნული ვალუტის კურსზე ისაუბრა და თქვა, რომ ასეთ დროს ჩარევა კონტრპროდუქტიულია:მოხდება თუ არა ეროვნული ბანკის ჩარევა და ინტერვენცია? ასეთ სიტუაციაში, ძალიან ბევრი ქვეყნების გამოცდილება გვეუბნება, რომ ამ დროს ჩარევა არის კონტრპროდუქტიული. ამან შეიძლება გადაავადოს მოკლევადიან პერიოდში და შემდეგ უფრო მეტი გახდეს საჭირო კურსის კორექტირებისთვის - აღნიშნა გვენეტაძე.


ეროვნული ბანკის პრეზიდენტი სამომავლო პროგნოზებისგან თავს იკავებს და ამბობს, რომ მცურავი კურსის პირობებში, მისი პროგნოზირება შეუძლებელია. გვენეტაძის თქმით, ლარის ბოლოდროინდელი გაუფასურების მიზეზი რუსეთიდან საჰაერო მგზავრობის აკრძალვის შემდგომ გაჩენილი უარყოფითი მოლოდინებია:


დღევანდელ სიტუაციაში გამოიკვეთა ის ფაქტორი, რომელიც ამ ეტაპზე ლარის კურსს მოლოდინებით გადმოეცემა. დაანონსებული იყო ინფორმაცია, რომ შედეგად მოხდება ფრენების აკრძალვა, რაც ნიშნავს, რომ შესაძლებელია უფრო ნაკლები რაოდენობის ტურისტი ჩამოვიდეს რუსეთიდან. სწორედ მოლოდინების არხით მოხდა გადაცემა კურსზე და აისახა კიდევაც მასზე - განაცხადა გვენეტაძემ.



რაც შეეხება ლარის კურსს, ეროვნული ბანკის ინფორმაციით, 27 ივნისის ვაჭრობის შედეგად ლარი კვლავ გაუფასურდა. დოლართან მიმართებით გაუფასურებამ 3.21 თეთრი შეადგინა, ევროსთან კი 4.02 თეთრი.



ამგვარად, 28 ივნისს ერთი აშშ დოლარი2.8791 ლარი ღირს, ერთი ევრო კი 3.2758 ლარი. ეროვნული ვალუტისთვის ეს ისტორიული ანტირეკორდია.ლარი გაუფასურდა თუქრულ ლირასა და ბრიტანულ ფუნტთან მიმართებითაც.ორთვიანი გაუფასურების შემდეგ, ლარს დაახლოებით ერთი კვირის მანძილზე გამყარების ტენდენცია ჰქონდა, თუმცა, 14 ივნისის შემდეგ, ეროვნული ვალუტა კვლავ უფასურდება.


სოფო ქსოვრელი 





საქართველოს ბიზნეს ასოციაცია სამედიცინო სფეროს მარეგულირებელ კანონმდებლობაში ცვლილებებს კიდევ ერთხელ ეხმაურება

საქართველოს ბიზნეს ასოციაცია სამედიცინო სფეროს მარეგულირებელ კანონმდებლობაში ცვლილებებს კიდევ ერთხელ ეხმაურება
access_time2020-07-16 16:00:27
სამედიცინო სფეროს მარეგულირებელ კანონმდებლობაში დაგეგმილ ცვლილებებს საქართველოს ბიზნეს ასოციაციაში კიდევ ერთხელ ეხმაურებიან და კანონპროექტის ინიციატორებსა და კანონმდებლებს მოუწოდებენ, 17 ივლისს დაგეგმილი საკომიტეტო მოსმენის ფარგლებში სათანადო გულისხმიერებით გაეცნონ ჯანდაცვის სექტორის მიერ კანონპროექტში დანახულ საფრთხეებს. როგორც ასოციაციაში აცხადებენ, მიუხედავად გარკვეული ცვლილებებისა, რაც კანონპროექტში პირველი მოსმენის შემდეგ განხორციელდა, მასში კვლავ რჩება რიგი...

დღის Top 10 საინტერესო ამბავი

დღის Top 10 საინტერესო ამბავი
access_time2020-07-16 21:30:06
დღის Top 10 საინტერესო ამბავი იპოთეკაზე განაცხადების რაოდენობა 10-ჯერ გაზრდილია - საბანკო ასოციაციის პრეზიდენტი „იპოთეკურ სესხებზე განაცხადების რაოდენობა მკვეთრად,დაახლოებით 10-ჯერ გაზრდილია,“ - ამის შესახებ „ბიზნესპარტნიორთან“ „საქართველოს საბანკო ასოციაციის“ პრეზიდენტი ალექსანდრე ძნელაძე საუბრობს. მისი ინფორმაციით,...

„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე

„USAID-ი საქართველოს ეხმარებოდა, რომ მცირე და საშუალო ჰიდროელექტროსადგურების ფუნქციონირება კომერციულად გამრთლებული გამხდარიყო“ - ნიკა ოყრეშიძე
access_time2020-07-16 19:00:08
რადიო „კომერსანტის“ გადაცემაში „პროფესიონალები“ USAID-ის ეკონომიკის ოფისის ენერგეტიკის სექტორის მრჩეველმა ნიკა ოყრეშიძემ და სემეკის ელექტროენერგეტიკის დეპარტამენტის დირექტორის მოადგილემ ზვიად გაჩეჩილაძემ საქართველოში...

Forbes: 2020 წელს „გაზპრომმა“ 10 მლრდ. დოლარი იზარალა

Forbes: 2020 წელს „გაზპრომმა“ 10 მლრდ. დოლარი იზარალა
access_time2020-07-16 20:00:56
2020 წელი „გაზპრომისთვის“ ძალიან რთული აღმოჩნდა. გაზის ექსპორტისგან მიღებული შემოსავალი 53%-ით შემცირდა და წლის საბოლოო პროგნოზით მაჩვენებელი შესაძლოა 2000-ანი წლების მინიმუმამდე დაეცეს. 4 წლის მანძილზე მონოპოლია გაზის მოპოვებას და შესაბამისად ექსპორტს მუდმივად ზრდიდა. 2019 წელს მაჩვენებლები მცირედით გაუარესდა და ევროპაში ექსპორტი უმნიშვნელოდ - 201,7-დან 199 მლრდ. კუბურ მეტრამდე შემცირდა. თუმცა, ეს მხოლოდ დასაწყისი იყო, რადგან ნამდვილი...

#ლიბერთიგულით პროგრამა პენსიონერებისთვის ზაფხულის დღეებში გრძელდება

#ლიბერთიგულით პროგრამა პენსიონერებისთვის ზაფხულის დღეებში გრძელდება
access_time2020-07-16 14:00:39
დღეიდან, მთელი ქვეყნის ტერიტორიაზე პენსიონერებისთვის ლიბერთი ბანკისა და კომპანია „აქვა გეო"-ს ერთობლივი საზაფხულო აქცია იწყება. ლიბერთი ბანკის სპეციალურად შერჩეულ 25, ყველაზე მეტად დატვირთულ ფილიალთან, ბანკის მომხმარებლებს სასმელი და გაზირებული მინერალური წყლებით გაუმასპინძლდებიან.   პანდემიის გამო, ჯანდაცვის რეკომენდაციების  გათვალისწინებით, ბანკის სერვისცენტრებში მხოლოდ განსაზღვრული ადამიანების თავშეყრაა დასაშვები. გარეთ კი ცხელა, და მომხმარებლებისთვის კომფორტის...


მსგავსი სიახლეები

up