„ლარის კურსი თუ 2.60-მდე ჩამოვიდა, ეს ნიშნავს რომ საქართველოს ექსპორტი გაჩერდება“ - ანალიტიკოსი

„ლარის კურსი თუ 2.60-მდე ჩამოვიდა, ეს ნიშნავს რომ საქართველოს ექსპორტი გაჩერდება“ - ანალიტიკოსი

access_time2022-08-03 10:00:43

ბოლო პერიოდის განმავლობაში ლარის კურსი დოლართან მიმართებით მყარდება და რამდენიმე დღის წინ უკვე 2.80-იან ნიშნულსაც ჩამოსცდა. რა მოლოდინი აქვს სპეციალისტებს კურსთან მიმართებით, თემაზე „კომერსანტი“ ანალიტიკოსს და ეკონომიკის მეცნიერებათა დოქტორს ნიკა შენგელიას ესაუბრა.


ანალიტიკოსის თქმით, ლარის კურსი დოლართან მიმართებით არსებულ ტრენდს შეინარჩუნებს, თუმცა კიდევ უფრო მნიშვნელოვანი გამყარება მოსალოდნელი არ არის.


„ლარის კურსი როდესაც დოლართან მიმართებით სტაბილურად 2.70-იან ნიშნულზე ჩამოვა, ეროვნული ბანკი დაიწყებს ჩარევას რეზერვების შესავსებად. ის რომ ლარის კურსი 2.5 გახდება, ამის მოლოდინი არ გვაქვს. თუ ლარის კურსი 2.60-მდე ჩამოვიდა, ეს ნიშნავს რომ საქართველოს ექსპორტი გაჩერდება, ვგულისხმობ იმას, რომ მოსავლის პერიოდია და ჩაბარების ფასი ძალიან დაბალი იქნება, რაც მძიმე ტვირთად დააწვება მოსახლეობას. რაც უფრო მყარია ლარის კურსი, მით უფრო ნაკლებია ექსპორტი, შესაბამისად თუ ძალიან გამყარდება ლარი ექსპორტი ფაქტობრივად აღარ გვექნება.



ქვეყანაში ყოველთვიურად მილიარდამდე ფული შემოდის, რაც წარმოშობს ლარზე მოთხოვნას, შესაბამისად ჩვენი ეკონომიკა აჩვენებს, რომ ემიგრანტებზე ვართ ჩამოკიდებული. სწორედ ის აგენერირებს მშპ-ს ზრდას. რაც შეეხება გრძელვადიან მოლოდინს, წლის ბოლოსთვის სავარაუდოდ ეროვნული ვალუტა ცოტა გაუფასურდება, თუმცა ძალიან უმნიშვნელოდ“,  აღნიშნავს ნიკა შენგელია.


ეროვნული ბანკის მიერ 2 აგვისტოს ვაჭრობის შედეგად, ეროვნული ვალუტა აშშ დოლართან მიმართებით 0.73 თეთრით გამყარდა, რის შედეგადაც ერთი დოლარის ოფიციალური ღირებულება 2.7411 ლარი გახდა.




დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.

დოლარისა და ევროს გატანა Visa/Mastercard-ზე, ასევე უკრაინული გრივნის გატანა IBAN ანგარიშის ნომერზე - WhiteBIT კრიპტოვალუტის ბირჟა აფართოებს თავისი სერვისების ფუნქციონალს.
access_time2022-09-29 13:55:25
უკრაინული წარმოშობის, ევროპაში ყველაზე დიდი კრიპტოვალუტის ბირჟა WhiteBIT, აგრძელებს თავისი სერვისების ფუნქციონალისა და შესაძლებლობების გაფართოებას. ამიერიდან WhiteBIT-ის მომხმარებლებს შეუძლიათ გაიტანონ დოლარი (USD) და ევრო (EUR) Visa/Mastercard საბანკო ბარათზე, ასევე გრივნა (UAH) საერთაშორისო საბანკო ანგარიშის ნომერზე - IBAN. ანუ, ახლა მომხმარებლებს აღარ სჭირდებათ დამატებითი სერვისები ან შუამავლები ამ ოპერაციების განსახორციელებლად - ამ ტრანზაქციის...

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა

საქართველოს რკინიგზამ 2021 წელს ლარში შემოსავლის 11,95%-იანი ზრდა აჩვენა
access_time2022-09-29 14:00:08
„საქართველოს რკინიგზამ“ 2021 წელს ლარში შემოსავლის 11,95%-იანი ზრდა აჩვენა,  8,04%-იანი წლიური ზრდა დაფიქსირდა  დოლარის კუთხითაც, ოღონდ ლარის კურსის რყევების გამო, ოდნავ შენელებული ტემპით - ამის შესახებ ინფორმაცია TBC Capital -  ის კვლევაშია მოცემული. მათივე ინფორმაციით, პოზიტიური დინამიკა 2022 წლის პირველ ნახევარშიც გაგრძელდა, როდესაც შემოსავალი წინა წლის ანალოგიურ პერიოდთან შედარებით ლარში 12,06%-ით გაიზარდა, ხოლო 21,81% -ით...

უძრავი ქონების პლატფორმას - Georgia Real Estate ახალი გენერალური დირექტორი ჰყავს

უძრავი ქონების პლატფორმას - Georgia Real Estate ახალი გენერალური დირექტორი ჰყავს
access_time2022-09-29 12:55:22
უძრავი ქონების პლატფორმას - Georgia Real Estate (დეველოპერული კომპანია m2-ის მფლობელი კომპანია) ახალი გენერალური დირექტორი, გურამ ახვლედიანი უხელმძღვანელებს. გურამ ახვლედიანი Georgia Capital-ის ჯგუფში, რომელიც Georgia Real Estate-ის დედა კომპანიაა, შვიდი წლის განმავლობაში სხვადასხვა პოზიციას იკავებდა. 2021 წლიდან დღემდე,  ის  Georgia Real Estate -ის ტექნიკური დირექტორი იყო.   გიორგი ვახტანგიშვილი, რომელიც Georgia Real Estate-ის გენერალური დირექტორის...

ქართული საწარმოების ვებ-გაყიდვები ქვეყნის ფარგლებს გარეთ გაიზარდა - ლიდერი ევროკავშირია

ქართული საწარმოების ვებ-გაყიდვები ქვეყნის ფარგლებს გარეთ გაიზარდა - ლიდერი ევროკავშირია
access_time2022-09-29 15:00:19
საქართველოს სტატისტიკის ეროვნული სამსახურის მიერ 2021 წელს გამოკითხულ ქართულ საწარმოებზე დაყრდნობით, საქართველოს შემდეგ (49.2%), მის ფარგლებს გარეთ საწარმოების ონლაინ გაყიდვების უდიდესი წილი ევროპაზე მოდის (17.2%), რომელსაც მოსდევს დსთ-ს ქვეყნები (15%) და აშშ (5.8%). აღსანიშნავია, რომ ვებ-გაყიდვები 2020 წლის მაჩვენებელთან შედარებით ქვეყნების მიხედვით, შემცირებულია საქართველოში და გაზრდილია ყველა ძირითად ქვეყანაში. 2020 წელს საწარმოთა ვებ-გაყიდვების განაწილება...

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“

„არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას“
access_time2022-09-29 12:37:21
ტელეკომპანია „ფორმულას“ დამფუძნებელი, დავით კეზერაშვილი განცხადებას ავრცელებს, სადაც აღნიშნულია, რომ არასოდეს ჩარეულა და არც მომავალში ვაპირებს ჩარევას ცალკეული ოპოზიციური პარტიების დღის წესრიგის განსაზღვრაში. ბოლო პერიოდში განვითარებული მოვლენების გამო საქართველოში, ჩავთვალე, რომ ვალდებული ვარ, როგორც ჩვენ ქვეყანაში, ასევე რეგიონში განვითარებულ მოვლენებს გამოვეხმაურო, ჩემი პოზიცია დავაფიქსირო და საზოგადოებამდე ჩემი სათქმელი მივიტანო. დღეს...


მსგავსი სიახლეები

up