„იმპორტზე დამოკიდებული ქვეყნისათვის ბანკების მიერ დაწესებული ვალუტის გაცვლის სხვაობა საკმაოდ მაღალია“

„იმპორტზე დამოკიდებული ქვეყნისათვის ბანკების მიერ დაწესებული ვალუტის გაცვლის სხვაობა საკმაოდ მაღალია“

access_time2019-12-11 18:10:31

„ლარის გამყარება პოზიტიური მოვლენაა და მოსალოდნელიც იყო, რადგან ეროვნულმა ბანკმა უცხოურ ვალუტაში სარეზერვო მოთხოვნები 5 პროცენტით, ანუ 25 პროცენტამდე შეამცირა, რაც კომერციული ბანკებისთვის 700 მილიონი აშშ დოლარის გამოთავისუფლებას გულისხმობდა. ხოლო მეორეს მხრივ, ლარიზაციის მოთხოვნა გულისხმობს 200 000 ლარამდე სესხის ლარში გაცემის ვალდებულებას. შესაბამისად, კომერციული ბანკები იძულებული არიან ლარი შეიძინონ და სესხები გასცენ. ამიტომ, სავარაუდოდ, დოლარის ჭარბმა მიწოდებამ ბაზარზე, ლარის გამყარება გამოიწვია“-ასე ხსნის ბიზნესის ანალიტიკოსი ჯაბა თარიმანაშვილი  ლარის კურსის მკვეთრ გამყარებას. 


„შედეგად, ბლუმბერგის ელექტრონულ სავაჭრო სისტემაში ლარის კურსი მყარდება და დღეისათვის 2,89-2,90 ფარგლებში ივაჭრება. ბანკთაშორისი სავალუტო ბაზარზე მონაწილეობის უფლება აქვს საქართველოში ლიცენზირებულ ყველა კომერციულ ბანკსა და უცხოური ბანკების ფილიალებს, რომელსაც ეროვნული ბანკის მიერ მინიჭებული აქვთ მონაწილე ბანკის სტატუსი. ეს ნიშნავს, რომ ოფიციალურად მხოლოდ შესაბამისი სტატუსის მქონე კომერციული ბანკები ვაჭრობენ ბლუმბერგის პლატფორმაზე, რის საფუძველზეც განისაზღვრება ოფიციალური გაცვლითი კურსი. ხოლო მიკროსაფინანსო ორგანიზაციებსა და ვალუტის გადამცვლელ პუნქტებზე განხორციელებული განხორციელებული გაცვლის მოცულობა არ ხვდება ბლუმბერგის პლატფორმაზე, რაც ავტომატურად ამცირებს ფულად მასებს, შესაბამისად კურსის რყევის, მანიპულირების ან სპეკულაციების ბერკეტი მხოლოდ კომერციული ბანკების ხელშია“-აღნიშნავს თარიმანაშვილი. 


მისი განმარტებით, ბიზნესის მიერ სავალუტო გაცვლა ძირითადად კომერციულ ბანკებში ხორციელდება, რადგან რთულია დიდი თანხების საბანკო ანგარიშებიდან გამოტანა და მიკროსაფინანსო ორგანიზაციებში ან სავალუტო ჯიხურებში გადაცვლა, მიუხედავად იმისა რომ მსო–ში და სავალუტო ჯიხურებში საკმაოდ დაბალია სპრედი და ვალუტის გაცვლაც უფრო მიმზიდველია.



„იმპორტზე დამოკიდებული ქვეყნისათვის ბანკების მიერ დაწესებული ვალუტის გაცვლის სხვაობა (სპრედი) საკმაოდ მაღალია, რადგან საშუალოდ 3 თეთრის ფარგლებში მერყეობს, რაც ნიშნავს ბანკების მხრიდან ბიზნესის მიერ განხორციელებული ნებისმიერი ტრანსაქციის წილში ჩაჯდომას. ამიტომ, სასურველია დარეგულირდეს აღნიშნული კომპონენტი და კომერციულ ბანკების მიერ შეთავაზებული მოცულობითი გაცვლის სპრედი 1 თეთრამდე შემცირდეს, ისევე როგორც ფიზიკური პირებისთვის ინტერნეტ ბანკის დახმარებით ხდება. ფიზიკური პირების შემთხვევაში თანხის მეორად ბაზარზე გადაცვლა მარტივია, ამიტომ კომერციული ბანკიც იძულებულია კონკურენციაში შევიდეს, ხოლო ბიზნესს ამ ეტაპზე გაცვლის გადაწყვეტილება არა აქვს, ამიტომაც ხდება თანხების ბიზნესიდან მაქსიმალურად ამოღება“-აღნიშნავს თარიმანაშვილი. 






კომპანიები და მათი მფლობელები, რომელთა „გაშავებასაც“ მერია ითხოვს

კომპანიები და მათი მფლობელები, რომელთა „გაშავებასაც“ მერია ითხოვს
access_time2020-08-11 17:20:07
თბილისის მერი კახი კალაძე საჯარო გამოსვლებში პირობების ჯეროვნად შეუსრულებლობის გამო „გაშავებით“ არაერთხელ დამუქრებია ტენდერებში გამარჯვებულ სხვადასხვა კომპანიას. „ბიზნესპრესნიუსი“ დაიტერესდა, სატენდერო ხელშეკრულებების დარღვევის გამო რამდენ შემთხვევაში მოითხოვა მერიამ კომპანიის „შავ სიაში“ მოხვედრა. მერიის შესაბამისი სამსახურების მიერ მოწოდებული ინფორმაციიდან ირკვევა, რომ თბილისის მერიამ მიმწოდებლის „შავ სიაში" რეგისტრაციასთან დაკავშირებით სახელმწიფო შესყიდვების სააგენტოს...

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა

მსოფლიოში კორონავირუსის პირველი ვაქცინა ვლადიმერ პუტინის ქალიშვილმა გაიკეთა
access_time2020-08-11 16:10:36
ვლადიმერ პუტინის განცხადებით რუსეთის ჯანდაცვის სამინისტრომ ადამიანებზე ორ თვიანი ტესტირების შემდეგ, მსოფლიოში პირველი კორონავირუსის ვაქცინა დაამტკიცა. რუსეთის მიერ შექმნილი კორონავირუსის საწინააღმდეგო ვაქცინა ვლადიმერ პუტინის შვილმაც გაიკეთა. „ჩემმა ერთ-ერთმა ქალიშვილმა ვაქცინა გაიკეთა, ამ მხრივ, მან პრეპარატის შემოწმების პროცესშიც მიიღო მონაწილეობა“ - აცხადებს რუსეთის პრეზიდენტი. პირველი ვაქცინის შემდეგ პუტინის ქალიშვილს 38 გრადუსი სიცხე დაუფიქსირდა,...

ვითიბი ბანკი ავტო სესხზე განსაკუთრებულ პირობებს სთავაზობს

ვითიბი ბანკი ავტო სესხზე განსაკუთრებულ პირობებს სთავაზობს
access_time2020-08-11 11:00:27
ვითიბი ბანკი, ახალი ავტომობილის შეძენის მსურველებს, განსაკუთრებულ პირობებს სთავაზობს. შეთავაზების ფარგლებში მომხმარებელს შეუძლია ბანკის პარტნიორი ავტო სალონებიდან გამოიყვანოს ავტომობილი, ისარგებლოს სამი წელი, ხოლო შემდეგ დააბრუნოს ყიდვის დროს შეთანხმებულ ფასად. რაც მთავარია 3 წლის შემდეგ (სესხის ვადის ბოლოს) მყიდველს სამი შემოთვაზებული ვარიანტიდან შეუძლია აირჩიოს ერთ-ერთი: დარჩენილი ღირებულების ფასად, ჩააბაროს ავტომობილი ავტო სალონს, რის შედეგადაც იფარება ვალდებულება ბანკის...

რუსი ტურისტების რაოდენობა თურქეთის კურორტებზე 32%-ით გაიზარდა

რუსი ტურისტების რაოდენობა თურქეთის კურორტებზე 32%-ით გაიზარდა
access_time2020-08-11 18:00:56
1 აგვისტოდან რუსეთმა თურქეთის მიმართულებით ავიაფრენები განაახლა და დღეისთვის მოთხოვნამ 2019 წლის ანალოგიური პერიოდს უკვე გადააჭარბა. Аэрофлот-ის ყველაზე მოთხოვნად რეისზე - „მოსკოვი-სტამბოლი“, მგზავრთა ნაკადმა 85%-ს მიაღწია. ავიაკომპანია S7-ში ამბობენ, რომ ბილეთების დაჯავშნა წინმსწრები ტემპებით მიმდინარეობს და სახეზეა გადადებული მოთხოვნის ეფექტი. Aviasales-ის მონაცემებით, 24 ივლისიდან, როდესაც ავიამიმოსვლის აღდგენის შესახებ...

ქართულმა ზეითუნის ზეთმა იმპორტირებულის 22% ჩაანაცვლა

ქართულმა ზეითუნის ზეთმა იმპორტირებულის 22% ჩაანაცვლა
access_time2020-08-11 13:30:04
„საქართველოში წარმოებული ზეითუნის ზეთით იმპორტის 22%-ს ვანაცვლებთ,“ - განუცხადა „ბიზნესპარტნიორს“ „ქართული ზეთისხილის“ დამფუძნებელმა გიორგი სვანიძემ. მისივე განმარტებით, უახლოეს პერიოდში ეს მაჩვენებლები 30%-საც გადააჭარბებს. „წლების წინ, როცა ჩვენ დავიწყეთ საქართველოში ზეთისხილის ბიზნესი. პროდუქტის 100% იმპორტირებული იყო. ეტაპობრივად ჩვენ მოვახერხეთ ბაზრის წილის ათვისება და ამ დროისთვის ეს მაჩვენებელი უკვე 20-22%-ს შეადგენს,“ -...


მსგავსი სიახლეები

up