„ლარის გაუფასურება ჩვენთან ჩვეულებრივი მოვლენა გახდა“

„ლარის გაუფასურება ჩვენთან ჩვეულებრივი მოვლენა გახდა“

access_time2020-01-10 17:30:51

Bloomberg-ის სავაჭრო სისტემაში ეროვნულმა ვალუტამ ისევ გაუფასურება დაიწყო. დილით ვაჭრობა $1/2.8938-ით გაიხსნა, მას შემდეგ ლარი დოლართან მიმართებაში მერყეობს.


კაპიტალი ბაზრის ექსპერტი ვახტანგ ხომიზურაშვილი ბოლო რამდენიმე დღეში ლარის გაუფასურების ტენდენციას ჩვეულებრივ მოვლენად აფასებს და თვლის, რომ ქვეყნის არაპროგნოზირებადი ეკონომიკა ვალუტის გაუფასურებას ხელს კიდევ უფრო მეტად უწყობს.


„ლარის გაუფასურება ჩვენთან ჩვეულებრივი მოვლენა გახდა. პრაქტიკულად ეს დამოკიდებული არის ლარის მიმართ განწყობაზე და მის მიმართ ნდობაზე. ქვეყნის არაპროგნოზირებადი ეკონომიკა ლარის გაუფასურებას ხელს კიდევ უფრო მეტად უწყობს. რეალურად ქვეყანაში ლარის კურსთან მიმართებაში არაჯანსაღი მდგომარეობაა, ამიტომ დოლარზე გადაჭარბებული მოთხოვნაა, ცდილობენ რეზერვები შეავსონ და დოლარი მოიმარაგონ. აქედან გამომდინარე, ეს ყველაფერი საერთო ჯაჭვური რეაქციაა, ანუ თუ ოდნავ გაუფასურება ფიქსირდება, უარყოფითი მოლოდინები ჩნდება და ყველა ცდილობს ლარის მოშორებას და დოლარით ჩანაცვლებას“, - აცხადებს ვახტანგ ხომიზურაშვილი.


ექსპერტი ვახტანგ ხომიზურაშვილი ეჭვქვეშ აყენებს Bloomberg-ის სისტემაში  კურსის ფორმირების წესებს და თვლის რომ, ის რეალურად არ ასახავს ეკონომიკაში არსებულ მდგომარეობას.



„Bloomberg-ის სისტემაში დაფიქსირებული კურსის ფორმირებისას არ არის გათვალისწინებული ის მექანიზმები, რომლებიც უზრუნველყოფენ სამართლიან და ობიექტურ საბაზრო კურსის ჩამოყალიბებას, ამიტომ ის რეალურად არ ასახავს ეკონომიკაში არსებულ მდგომარეობას. Bloomberg-ის დათვლის პრინციპი და სავალუტო კურსის ჩამოყალიბების მეთოდები უნდა ჩანაცვლდეს.  რა წესებიც საბოლოოდ კურსის ფორმირებაში Bloomberg-ის სისტემაში გამოიყენება და ის კურსი, რაც შემდეგ დგება, ამის რამდენიმე მიზეზი არსებობს - მათ შორისაა ის, რომ სისტემაში ცოტა საფინანსო ინსტიტუტი მონაწილეობს“, - განმარტავს ვახტანგ ხომიზურაშვილი.


ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 2.8986 ლარი შეადგინა. კურსი, რომელიც დღეს მოქმედებდა, 2.8870 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0116 ლარი შეადგინა.


რაც შეეხება ევროს, მისი კურსი 3.2154 ლარია. მაშინ, როცა დღეს მოქმედი კურსი 3.2077 ლარს შეადგენდა. შესაბამისად, ევროს ცვლილებამ 0.0077 ლარი შეადგინა.



ნინო თამაზაშვილი





2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული

2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული
access_time2022-09-25 13:00:46
2021 წელს ევროკავშირში სპორტის სექტორში 1,37 მილიონი ადამიანი იყო დასაქმებული, რაც მთლიანი დასაქმების 0,7%-ს წარმოადგენს. ევროკავშირის დონეზე, ევროკავშირში სპორტში მომუშავე ადამიანების რიცხვი გამოჯანმრთელდა COVID-19-ის პანდემიის დაბლოკვის სიმაღლის პერიოდში (1.37 მილიონი თანამშრომელი 2019 წელს; 1.31 2020 წელს) — აღიშნულის შესახებ EUROSTAT-ი...

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...


მსგავსი სიახლეები

up