ლარი ტურბულენტობას ვერ უძლებს, რადგან მის მიმართ ნდობა დაბალია

ლარი ტურბულენტობას ვერ უძლებს, რადგან მის მიმართ ნდობა დაბალია

access_time2020-03-26 09:46:17

ლარი ტურბულენტობას ვერ უძლებს, რადგან მის მიმართ ნდობა დაბალია, თუმცა არსებული სავალუტო შოკის ფონზე ეროვნული ბანკის ინტერვენციები სწორი ნაბიჯია, რადგან პანიკას აცხრობს, რაც საბოლოოდ ბაზარს ამშვიდებს. რეკომენდებულია დამატებითი მექანიზმების ამოქმედებაც, – ამის შესახებ საკონსულტაციო კომპანია „პიემსიჯის“ გენერალურმა დირექტორმა, ლექსო ალექსიშვილმა დღეს საქართველოს პირველი არხის გადაცემა „ბიზნესპარტნიორში“ განაცხადა.


გადაცემაში კორონავირუსით დაპაუზებული ეკონომიკის გამოწვევები და მდგომარეობის შემსუბუქების შესაძლო სხვადასხვა ვერსია განიხილეს.


დისკუსიის დროს „პიემსიჯის“ გენერალურმა დირექტორმა აღნიშნა, რომ არათუ ქართული, არამედ მსოფლიო ეკონომიკა მსგავსი კატასტროფის წინაშე არ მდგარა და დღეს მდგომარეობიდან გამოსვლის რამე მზა რეცეპტი არ არსებობს.


მისი მოსაზრებით, ეროვნული ვალუტის მკვეთრი გაუფასურებაც საბოლოო ჯამში სწორედ არსებული კრიზისული სიტუაციით შექმნილმა მღელვარებამ გამოიწვია, რადგან ლარის მიმართ ნდობა დაბალია.




„რა თქმა უნდა, არის აჟიოტაჟური და პანიკური მოთხოვნა, მაგრამ ფაქტია, რომ ნდობა ლარის როგორც ქვეყნის ვალუტის მიმართ არის დაბალი. რაც არ უნდა ვიზრუნოთ, რომ ლარის რეპუტაცია ხელოვნური ჩარევით გავზარდოთ, როგორიცაა ლარიზაციის პროგრამები და ა.შ. და მის მიმართ ისეთი ნდობა იყოს, რომ ასეთი ტურბულენტური პერიოდის დროს ნდობა არ დაკარგოს, ეს არარეალისტურია. ჯერ კიდევ მაშინ, როცა ლარიზაციის პროგრამა და რეგულაციების შემოღება მიმდინარეობდა, ვამბობდით, რომ ეს არის კარგი, ვიდრე კარგი ამინდია და როგორც კი ამინდი აირევა, ეს ჩალის სახლივით დაინგრევა“, – განაცხადა ალექსიშვილმა.


მისი მოსაზრებით, ეროვნული ბანკის მიერ განხორციელებული ინტერვენციები არსებული პანიკის დასამშვიდებლად სწორი ნაბიჯია, თუმცა ეს საკმარისი არ არის და დამატებითი მექანიზმებიც უნდა ამოქმედდეს, როგორიცაა ბანკების უცხოური სავალუტო რეზერვების სავალდებულო კოეფიციენტის დაწევა, რომელიც დღეს 25 პროცენტს შეადგენს.


„დღეს ალბათ მნიშვნელოვანია ბანკების სავალუტო რეზერვების მართვის საკითხი, სადაც გარკვეული სივრცის მიცემა შესაძლებელია, რომ მათ მეტნაკლებად თავისუფლად იმოქმედონ. ეროვნულმა ბანკმა სავარაუდოდ ზუსტად იცის, სადამდე შეიძლება ეს დაიწიოს, რამდენი აქვს სივრცე, მაგრამ ნებისმიერ შემთხვევაში ამ ინსტრუმენტის გამოყენებას ცალსახად აქვს აზრი. მეორე – მე პოზიტიურად არ ვუყურებ რეფინანსირების განაკვეთის ზრდას, რაც გულისხმობს, რომ გაძვირებულმა ლარმა შეიძლება ეფექტი მოიტანოს. ეს ვერ იქნება ეფექტური. რაც შეეხება ლარის კურსის ხელოვნურად შეჩერებას, ამ წუთისთვის ეროვნული ბანკის ინტერვენციებზე შეიძლება ვიდაოთ, მაგრამ მე ვფიქრობ, სწორად ახდენს ინტერვენციებს, რადგან ასეთი ტიპის შოკების დროს მნიშვნელოვანია, პანიკა დააცხრო და ამას შედეგი თავისთავად მოაქვს“, – განუცხადა ლექსო ალექსიშვილმა „ბიზნესპარტნიორს“.


1tv.ge





Handelsblatt: შიდა კარანტინი არაა საკმარისი ვირუსთან გასამკლავებლად

Handelsblatt: შიდა კარანტინი არაა საკმარისი ვირუსთან გასამკლავებლად
access_time2020-03-29 20:00:11
  შიდა კარანტინი არაა საკმარისი კორონავირუსთან გამკლავებისთვის - მიიჩნევს ჰარვარდი უნივერსიტეტის ბიოსტატისტიკის პროფესორი სიუნ ლინი.   მისი თქმით,იმისთვის რომ პირველ ეტაპზე ინფიცირების ინტენსიურობა შემცირდეს, საჭიროა გაცილებით უფრო მკაცრი ქმედებები, ვიდრე უბრალოდ ადამიანების გამოკეტვა სახლებში - ამ დასკვნამდე მივიდა მეცნიერთა ჯგუფი ლინის ხელმძღვანელობით, იმის შემდეგ, რაც შეისწავლა კორონავირუსით დაავადებულ 26 000 პაციენტთა...

„ეროვნული ბანკის ფულად-საკრედიტო პოლიტიკა მიმართულია ფინანსური დესტაბილიზაციისკენ“ - თემურ ბასილია ლარის გაუფასურების მიზეზებზე

„ეროვნული ბანკის ფულად-საკრედიტო პოლიტიკა მიმართულია ფინანსური დესტაბილიზაციისკენ“ - თემურ ბასილია ლარის გაუფასურების მიზეზებზე
access_time2020-03-29 18:30:38
პრობლემა არის ფუნდამენტალური - ეს გახლავთ ეროვნული ბანკის ფულად-საკრედიტო პოლიტიკა, რომელიც მიმართულია ფინანსური დესტაბილიზაციისკენ. ეს პოლიტიკა შესაცვლელია - ასე ეხმაურება სოციალურ ქსელში ფინანსისტი თემურ ბასილია ლარის ბოლოდროინდელ გაუფასურებას და ეროვნული ბანკის...

იტალია - კოლაფსის ზღვარზე

იტალია - კოლაფსის ზღვარზე
access_time2020-03-29 17:00:03
  22 მარტს იტალიის ხელისუფლებამ შემოიღო საგანგებო ეკონომიკური მდგომარეობა - დაიხურა ყველა საწარმო, დაწესებულება, და ორგანიზაცია სასიცოცხლოდ მნიშვნელოვანის გარდა. აგრძელებენ მუშაობას მხოლოდ მაღაზიები, აფთიაქები, ბანკები, საზოგადოებრივი ტრანსპორტი, მიტანის სამსახურები, და პირველადი აუცილებლობის პროდუქციის მწარმოებელი ქარხნები.   1 თვის მანძილზე იტალია გადაიქცა აყვავებული ნახევარკუნძულიდან მთლიანად ჩაკეტილ ქვეყანად, კოლაფსის მდგომარეობასთან მიახლოებული...

Der Spiegel: რუსეთი იგებს პიარ-ომს კორონავირუსთან ბრძოლაში

Der Spiegel: რუსეთი იგებს პიარ-ომს კორონავირუსთან ბრძოლაში
access_time2020-03-29 15:00:11
კორონავირუსის წინააღდეგ ბრძოლაში ევროპული სოლიდარობა თითქმის არ ჩანს და ამ ნიშას სწრაფად ავსებენ რუსეთი და ჩინეთი -  ყველაფერთან ერთად ისინი იღებენ ამით დიდ პროპაგანდისტულ სარგებელს. ათობით ათასი დაინფიცირებული, ათასობით გარდაცვლილია, შოკისმომგვრელი ციფრები, რომლებიც ყოველდღიურად იზრდება, კოლაფსის მდგომარეობაში მყოფი ჯანდაცვის სისტემა - ეს არის დღევანდელი იტალია, რომელსაც შექმნილ ვითარებაში გამოადგება ნებისმიერი დახმარება. და ის მას იღებს - რუსეთისგან  - 9...

ლევან დავითაშვილი - ბიზნესსექტორი უნდა იყოს განსაკუთრებით სოლიდარული, რათა მოსახლეობას პროდუქციის ფასების და მიწოდების კუთხით პრობლემა არ შეექმნას

ლევან დავითაშვილი - ბიზნესსექტორი უნდა იყოს განსაკუთრებით სოლიდარული, რათა მოსახლეობას პროდუქციის ფასების და მიწოდების კუთხით პრობლემა არ შეექმნას
access_time2020-03-29 12:00:35
გარემოს დაცვისა და სოფლის მეურნეობის მინისტრი ლევან დავითაშვილი მეფრინველეობის ფაბრიკების და დარგობრივი ასოციაციების წარმომადგენლებს...


მსგავსი სიახლეები

up