რა გავლენა მოახდინა ლარის, ლირას და რუბლის გაუფასურებამ ქართულ ბიზნესზე

რა გავლენა მოახდინა ლარის, ლირას და რუბლის გაუფასურებამ ქართულ ბიზნესზე

access_time2018-08-10 17:00:00


ეროვნული ვალუტა უფასურდება Bloomberg-ის ელექტრონულ სავაჭრო სისტემაში 1 აშშ დოლარი 13:00 საათისთვის 2,5325 ლარად ივაჭრება. ბოლო ორი კვირის განმავლობაში ლარი 10 პუნქტით გაუფასურდა. რუსული რუბლი დოლარის მიმართ 2 წლიან მინიმუმამდე დაეცა.  ხოლო თურქული ლირა ისტორიულ მინიმუმზე დაეცა - ბოლო ერთი თვის განმავლობაში ლირა 5%-ით არის გაუფასურებული.


თურქეთი და რუსეთი საქართველოს ერთ-ერთი მთავარი სავაჭრო პარტნიორია.

 

„კომერსანტი“ დაინტერსდა რა გავლენას იქონიებს  ლარის და  ორი უცხოური ვალუტის გაუფასურება საქართველოს ეკონომიკაზე და როგორ აფასებენ ამ ფაქტს  ბიზნესის წარმომადგენლები. 


როგორც აღმოჩნდა, ლირის და რუბლის გაუფასურების პროცესს ბიზნეს ასოციაციის წარმომადგენლები საგანგაშოდ არ აღიქვამენ და სამომავლოდ პროცესების განვითარებას ელოდებიან.  მათივე თქმით,  ქვეყანაში ამ ეტაპზე პროდუქციის გაძვირების თვალსაზრისით ცვლილებები არ იგეგმება.  

 

„დისტრიბუტორტა ასოციაციის“ ხელმძღვანელი ივა ჭყონია მიიჩნევს, რომ ამ ეტაპზე საგანგაშო მდგომარეობა არ არის, ხოლო რაც შეეხება სამომავლო პერსპექტივას,  ეროვნული და ორი უცხოური ვალუტის გაუფასურებას იმპორტიორ კომპანიებზე გარკვეული სახის გავლენა ნამდვილად ექნება. მისივე თქმით, პროცესებში ხელოვნური ჩარევა არ უნდა მოხდეს.

 


„ამ ეტაპზე ცვლილებებს არ ველით. ეს საგანგაშო მდგომარეობა არ არის. ამ ეტაპზე ფასების ცვლილება არ იგეგმება, რადგან ეს კრიტიკული ნიშნული არ არის. თუმცა თუ იგივე ტენდენცია მომავალშიც გაგრძელდება, თავისთავად იქონიებს გავლენას და პროდუქციაც გაძვირდება.


ჩვენ გვინდა თუ არა რუბლზე და ლირაზე დამოკიდებულები ვართ.  ეს საერთაშორისო ბაზრის მდგომარეობაა და რაიმე სახის ხელოვნური ბერკეტის გამოყენება არ უნდა მოხდეს. პროცესები თავისით უნდა დასტაბილურდეს,“ - აღნიშნა ივაჭყონიამ.


 


„მენაშენეთა ასოციაციის“ თავმჯდომარის ირაკლი როსტომაშვილი განცხადებით, ამ ეტაპზე გარკვეული სახის კომენტარის გაკეთება რთულია, თუმცა აქვე იმასაც აღნიშნავას, რომ სამშენებლო ბიზნესში რუსეთი და თურქეთი ექსპორტს დოლარში ახორციელებენ.

 


„წინასწარ დასკვნის გაკეთება რთულია ახლა სავალალო მდგომარეობა არ არის და რაიმე გავლენის მოხდენაზე საუბარი რთულია. თუმცა გასათვალისწინებელია ისიც, რომ რუსეთი და თურქეთი ჩვენთან დოლარში ვაჭრობს და ჯერჯერობიტ დიდ ცვლილებას არ ველოდებით,“ - განაცხადა ირაკლი როსტომაშვილმა.


 

ნავთოპროდუქტების იმპორტიორთა კავშირის ხელმძღვანელის ვანო მთვრალაშვილის თქმით, სამომავლოდ პროცესების განვითარებას უნდა დავაკვირდეთ, რადგან ამ ეტაპზე კომენტარის გაკეთება რთულია.


 

„პროცესების განვითარებამდე რაიმე სახის კომენტარის გაკეთება რთულია. ამ ეტაპზე ცვლილებები არ არის და ვალუტების გაუფასურებაზე საუბარიც რთულია. გარე პროცესები ბაზარზე, რა თქმა უნდა, ზოგადად გავლენას ახდენს, თუმცა ამ ეტაპზე ამაზე საუბარი ნაადრევია,“ - განმარტა ვანო მთვრალაშვილმა.

 

 

როგორც „კომერსანტთან“ საქართველოს ხორბლისა და პურ-პროდუქტების ასოციაციის აღმასრულებელი დირექტორი ლევან სილაგავა აცხადებს.


 „საერთაშორისო ბაზრებზე ხორბლის მოსავლის დეფიციტია და რუბლის გაუფასურებამ  ექსპორტს ააქტიურებს და შესაძლოა ჩვენთან მიმართებით ფასები დააბალანსოს.


ბაზარზე ფასების მატება უკვე მოხდა, თუმცა ახლა მატებას აღარ ველოდებით. წინასწარ  კომენტარის გაკეთება რთულია,“ - განმარტა ლევან სილაგავამ.

 

 


საქართველოს ეროვნული ბანკი ლარის ოფიციალურ გაცვლით კურსს აშშ-ის და ევროს მიმართ 17:00 საათისთვის გამოაქვეყნებს.  9 აგვისტოს   განსაზღვრული კურსით, ერთი დოლარის ღირებულებამ 2.4687 ლარი შეადგინა.

 

 

ავტორი: ლიკა გურაბანიძე





ლარი დოლართან და ევროსთან გაუფასურდა

ლარი დოლართან და ევროსთან გაუფასურდა
access_time2021-07-30 18:00:43
30 ივნისის ვაჭრობის შედეგად ლარი დოლართან მიმართებაში 0.47 თეთრით 3.1244-მდე გაუფასურდა. Bloomberg-ის პლატფორმაზე კი დღის ბოლოს კურსმა 3.1100 შეადგინა. დოლარის მსგავსად ლარი ასევე გაუფასურდა ევროსთან 1.31 თეთრით 3.7174-მდე, ბრიტანლ ფუნტთან 1.28 თეთრით 4.3670-მდე, თურქულ ლირასთან 0.46 თეთრით 0.3713-მდე, აზერბაიჯანულ მანათთან 0.67 თეთრით 1.8391-მდე, 100 რუსულ რუბლთან 1.88 თეთრით 4.2829-მდე. გამონაკლისი სომხური დრამი აღმოჩნდა 1000 დრამი 2.73 თეთრით 6.4197-მდე...

დღის TOP 10 მნიშვნელოვანი ამბავი

დღის TOP 10 მნიშვნელოვანი ამბავი
access_time2021-07-30 21:00:51
დღის TOP 10 მნიშვნელოვანი ამბავი:   1. ორნიშნა ეკონომიკური ზრდა ივნისშიც გაგრძელდა ორნიშნა ეკონომიკური ზრდა გრძელდება. ივნისში მშპ გასული წლის ანალოგიურ მაჩვენებელთან შედარებით 18.7%-ით გაიზარდა.   2. ქართული არქიტექტურული პროექტი...

საგადასახადო შეღავათის მოთხოვნის ვადა 1–ელ აგვისტოს იწურება

საგადასახადო შეღავათის მოთხოვნის ვადა 1–ელ აგვისტოს იწურება
access_time2021-07-30 17:00:16
საქართველოს ფინანსთა სამინისტროს შემოსავლების სამსახური იურიდიულ პირებს შეგახსენებს, რომ გადასახადის გადამხდელს, რომელსაც აქვს მიმდინარე წლის 17 მაისის მდგომარეობით წარმოშობილი, აღიარებული ან არაღიარებული საგადასახადო დავალიანება, საქართველოს მთავრობის გადაწყვეტილებით, შესაძლებლობა ეძლევა, გადასახადის ძირითადი თანხის გადახდის პირობით სრულად შეიმციროს დარიცხული ჯარიმა-საურავები.  დღეის მონაცემებით, საგადასახადო შეთანხმების გაფორმების შესახებ, შემოსავლების სამსახურის მონაცემთა ბაზაში, ...

როგორი იქნება სპორტული მედიცინის ცენტრი, რომელიც თბილისში აშენდება

როგორი იქნება სპორტული მედიცინის ცენტრი, რომელიც თბილისში აშენდება
access_time2021-07-30 16:00:51
თბილისში სპორტული მედიცინის ცენტრის მშენებლობა იგეგმება, - ამის შესახებ jandacva.ge-ს სპორტული მედიცინის ასოციაციის ვიცე პრეზიდენტმა ხათუნა საგანელიძემ განუცხადა. მისი ინფორმაციით, ნიუ ვიჟენ უნივერსიტეტი სპორტული რეაბილიტაციის ცენტრს ააშენებს. მისი ინფორმაციით, დაწყებულია კონკრეტული მოლაპარაკებები სპორტული მედიცინის ცენტრების მშენებლობაზე, აღჭურვაზე, ექიმების და რეაბილიტოგების გადამზადებაზე. საგანელიძის განმარტებით, ამისთვის საჭიროა საკმაოდ დიდი...

Daily Mail: კლიმატური ცვლილებების კუთხით დედამიწას უკანდასახევი გზა არ დარჩა

Daily Mail: კლიმატური ცვლილებების კუთხით დედამიწას უკანდასახევი გზა არ დარჩა
access_time2021-07-30 20:00:57
დედამიწის „სასიცოცხლო მაჩვენებლები“ მკვეთრად გაუარესდა – პლანეტამ უკვე გადალახა კრიტიკული ზღვარი, რომლის შემდეგაც მდგომარეობის გამოსწორება შეუძლებელია.   ახალი კვლევა ცხადყოფს, რომ 31 მნიშვნელოვანი პარამეტრიდან 16 მკვეთრად გაუარესებულია. მათ შორის ისეთები, როგორც სასათბურე გაზების კონცენტრაცია, ოკეანეს დამჟავება, რქოსანი პირუტყვის რაოდენობა. ეს და სხვა მაჩვენებლები ანტირეკორდებს ხსნიან, მათ ვერ შველის პანდემია, რომელმაც  საყოველთაო ლოქდაუნის...


მსგავსი სიახლეები

up