ლადო პაპავა – ვისურვებდი, რომ პირველი ყოფილიყო გეგმა სოფლის მეურნეობს შესახებ, შემდეგ ეკონომიკის რეალურ სექტორზე

ლადო პაპავა – ვისურვებდი, რომ პირველი ყოფილიყო გეგმა სოფლის მეურნეობს შესახებ, შემდეგ ეკონომიკის რეალურ სექტორზე

access_time2020-05-10 10:00:02

ვისურვებდი, რომ პირველი ყოფილიყო არა ტურიზმის შესახებ გეგმა, არამედ ყოფილიყო სოფლის მეურნეობა, შემდეგ ეკონომიკის რეალური სექტორი. ჩვენ თუ არ გადავაწყობთ ეკონომიკას და ისევ ტურიზმზე ვიქნებით ჩამოკიდებული, ეს ქვეყანას ვერანაირ ხეირს ვერ მოუტანს,- ამის შესახებ პროფესორმა ლადო პაპავამ „ინტერპრესნიუსს“ მთავრობის ანტიკრიზისული გეგმის შეფასებისას განუცხადა.

ლადო პაპავას განცხადებით, ტურიზმი გვჭირდება, მაგრამ იმის გათვალისწინებით, რომ ტურისტს უმეტესწილად იმპორტირებული პროდუქტით ვუმასპინძლდებით, ეს დარგი ქვეყნისთვის პრიორიტეტული არ უნდა იყოს.

„ჩვენს სამომხმარებლო კალათაში, რომელსაც ტურისტს ვახვედრებთ, 80% იმპორტირებული საქონელია ანუ იმისთვის, რომ ყოველმა ჩამოსულმა ტურისტმა 100 დოლარი დახარჯოს საქართველოში, ამ 100 დოლარიდან 80 დოლარი იმპორტი უნდა განვახორციელოთ, ანუ ისევ უნდა ვამუშაოთ თურქეთის ეკონომიკა. მეორე მხრივ, რა თქმა უნდა, ჩვენ ტურიზმი გვჭირდება და მე ამ დარგის მოწინააღმდეგე ცხადია, არ ვარ, მაგრამ ეს არ უნდა იყოს პრიორიტეტული დარგი“, – აღნიშნავს ლადო პაპავა.

მისივე თქმით, ტურიზმის გახსნის ანტიკრიზისული გეგმის პრეზენტაციიდან გამომდინარე, პასუხგაუცემელია რამდენიმე კითხვა, მათ შორის ის, თუ რა გათვლებია ტურისტების ჩამოსვლასთან დაკავშირებით იმ ფონზე, რომ ყველგან კრიზისია და ადამიანებმა სამსახური დაკარგეს.

„კი მაგრამ, იმ ქვეყნებში, საიდანაც ტურისტები უნდა ჩამოვიდნენ, კრიზისი არაა, იმ ხალხმა სამსახური არ დაკარგა, ანუ რაზეა გათვლა ავამოქმედოთ ტურისტული სექტორი და თუ არავინ არ ჩამოვიდა? მე რამდენადაც ვიცი, ჩვენს მეზობელ ყველა ქვეყანაში კრიზისია. ადამიანებმა სამსახური დაკარგეს და სახელმწიფოსგან დახმარებას იღებენ იმისთვის, რომ თავი გადაირჩინონ. თავის გადამრჩენელ ხალხს ტურიზმისთვის თანხა ექნება? ამ კითხვაზე პასუხი ვერ მოვისმინე.

არის კიდევ ერთი საკითხი, რომელიც კითხვებს აჩენს. ჩამოსულებს 1-ელი ივლისიდან ორკვირიანი კარანტინი აღარ დასჭირდებათ. მედიკოსებმა უკვე იციან, რომ 1-ელ ივლისს კორონავირუსი დასრულდება? 1 საათის განმავლობაში მოხდება ტესტირება და შეფასებაო, თუ ეს შესაძლებლობა არსებობს, ახლა რატომ გვყავს ლამის 5 000 კაცი კარანტინში, რამხელა ხარჯია ხომ ეს? ამაზე პასუხი არ გაცემულა. ასე რომ, პრეზენტაცია იყო შთამბეჭდავი, კარგია, რომ მთავრობა ასეთ საკითხებზე ფიქრობს, მაგრამ სანამ ამ კითხვებს პასუხი არ გაეცემა და ეკონომიკის რეორიენტაცია არ მოხდება, ჩვენ ისევ იმ სირთულეების წინაშე ვიქნებით, რაც გვქონდა კორონავირუსის გავრცელებამდე საქართველოს ეკონომიკაში“,- განმარტავს ლადო პაპავა.

მისივე შეფასებით, სწორია, რომ მთავრობამ ტურიზმის ინდუსტრიაში მომუშავე ბიზნესი ქონების გადასახადისგან გაათავისუფლა, თუმცა საშემოსავლო გადასახადის ნაწილში წარმოდგენილი შეღავათი გამართული არაა. როგორც ლადო პაპავა განმარტავს, შინაარსობრივად საშემოსავლო გადასახადის შეღავათი დაქირავებულების სოციალური დახმარებაა და არა დამქირავებლების.

„საშემოსავლო გადასახადი არის ხელფასის ნაწილი, დამსაქმებელი ამის გამტარებელია და არა გადამხდელი, საშემოსავლო გადასახადს იხდის თითოეული ჩვენთაგანი. თუ მთავრობა ამ შეღავათს აკეთებს, ეს უნდა დარჩეს დასაქმებულს“,- აღნიშნავს ლადო პაპავა.

შეგახსენებთ, 7 მაისს საქართველოს მთავრობამ ტურიზმის ამოქმედების ანტიკრიზისული გეგმის პრეზენტაცია გამართა. ინდუსტრიის დასახმარებლად ჯამში 200 მილიონი ლარის ოდენობის პაკეტია წარმოდგენილი, რაც გულისხმობს ინდუსტრიისთვის 2020 წლის ქონების გადასახადის გაუქმებას და საშემოსავლო გადასახადის წლის ბოლომდე გადავადებას, ასევე სასტუმროების სესხების სუბსიდირებას. ამასთან, დაანონსდა, რომ 15 ივნისიდან შიდა ტურიზმი ამოქმედება, საერთაშორისო ტურისტების მიღებას კი ქვეყანა 1-ელი ივლისიდან შეძლებს.

„ინტერპრესნიუსი“





5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...


მსგავსი სიახლეები

up