ლადო პაპავა: „მამუკა ხაზარაძის გადაწყვეტილება წასვლის შესახებ ბანკისთვის პოზიტიური მოვლენაა“

ლადო პაპავა: „მამუკა ხაზარაძის გადაწყვეტილება წასვლის შესახებ ბანკისთვის პოზიტიური მოვლენაა“

access_time2019-02-21 19:00:32

„მამუკა ხაზარაძის გადაწყვეტილება წასვლის შესახებ ბანკისთვის პოზიტიური მოვლენაა“-ასე ეხმაურება თსუ-ს პროფესორი, ლადო პაპავა მამუკა ხაზარაძის სამეთვალყურეო საბჭოდან წასვლის შესახებ მიღებულ გადაწყვეტილებას. როგორც პროფესორი ლადო პაპავა „კომერსანტთან“ აცხადებს, რომ მამუკა ხაზარაძე არ არის ის პიროვნება,რომელიც ნაჩქარევ გადაწყვეტილებებს იღებს. შესაბამისად, ალბათ შეაფასა ვითარება და გადაწყვეტილება აქედან გამომდინარე მიღო.


„პირველ რიგში, იმიტომ, რომ არ დაზარალდეს ბანკი. ჩვენ ერთი რამ უნდა ვიცოდეთ-ის ბანკის მეწილეც არის და მას ეს წილი არ გაუყიდია, სამეთვალყურეო საბჭოდან წავიდა. ამას ძალიან პრინციპული მნიშვნელობა აქვს. მის პიროვნების, როგორც ბანკირის მმართველ სტრუქტურაში ყოფნა, სერიოზული პრობლემის წინაშე დადგა, ამიტომ მისი გადაწყვეტილება წასვლის შესახებ ბანკისთვის პოზიტიური მოვლენაა. აღსანიშნავია, რომ ის ბანკიდან არ წასულა, ის წავიდა ბანკის მმართველობიდან“ -აღნიშნავს ბატონი ლადო პაპავა.


კითხვაზე - ხომ არ ნიშნავს ლონდონში ბანკის სამეთვალყურეო საბჭოს გადაწყვეტილება ეროვნულ ბანკთან სამართლებრივი დავის შეწყვეტასთან დაკავშირებით, იმას, რომ „თიბისი ბანკის“ საერთაშორისო აქციონერებმა მამუკა ხაზარაძეს წასვლა მოსთხოვეს და თავად „თიბისი ბანკი“ წავიდა მის წინააღმდეგ - პროფ. პაპავა განმარტავს, რომ ამის თქმა შეუძლებელია, ამის შესახებ ან თავად მამუკა ხაზარაძემ უნდა განაცხადოს ან აქციონერებმა. თუმცა, ბანკის ინტერესებიდან გამომდინარე, ეს გადაწყვეტილება სავსებით ლოგიკურია.


რაც შეხება „თიბისი ბანკის“ საქმის შეფასებას, პროფესორი ლადო პაპავა კითხვას სვამს, თავად „თიბისი ბანკს“ რამდენი ბიზნესი ჩაუყლაპია და რამდენი ბიზნესი გაუნადგურებია? თუნდაც, „ელიტ ელექტრონიქსის“ მაგალითი რად ღირს? ამიტომ ეს საქმე მარტივი თემა არ არის“ - აცხადებს ბატონი ლადო პაპავა.



მისივე განცხადებით, ის რაც ქვეყანაში ხდება, ძალიან სერიოზულ კითხვებს ბადებს. 1. რატომ ხდება ეს ყველაფერი 11 წლის შემდეგ? 2. რატომ არ მოეთხოვა პასუხი 2009 წლის ეროვნული ბანკის ხელმღვანელობას, რატომ არ მიიღეს ადეკვატური გადაწყვეტილება. 3. ეროვნული ბანკის ხელმძღვანელობას რატომ არ მოეთხოვა პასუხი, რაც მან ჩაიდინა 2011 წელს „ქართუ ბანკთან“ დაკავშირებით?


შეკითხვაზე - რასაც ხაზარაძეს ედავებიან, თუ აღმოჩნდა სიმართლე, ხომ არ არსებობს იმის რისკი, რომ მსგავსი სქემა სხვა ბანკებშიც ყოფილიყო? - პროფესორი ლადო პაპავა განმატავს,რომ ამისთვის არის ეროვნული ბანკი, რომელიც სათანადო დონეზე უნდა იდგეს.


„ქვეყანაში ჩამოყალიბებულია სავსებით ობიექტური განცდა იმისა, რომ მსხვილი ბანკები მართავენ საქართველოს ეროვნულ ბანკს. ამ შემთხვევაში, როდესაც ეროვნული ბანკი გამოვიდა ერთ-ერთი უმსხვილესი ბანკის წინააღმდეგ, აშკარად იკვეთება ის, რომ ეს სესაძლოა იყოს პოლიტიკურად მოტივირებული და ვიღაცის მხრიდან მართული“ - აღნიშნავს პროფესორი ლადო პაპავა.


შეგახსენებთ, საქართველოს ეროვნულმა ბანკმა “თიბისი ბანკის” სამეთვალყურეო საბჭოს თავმჯდომარეს, მამუკა ხაზარაძეს და მის მოადგილეს, ბადრი ჯაფარიძეს ხელმოწერის უფლება შეუჩერა და “თიბისი ბანკის” აქციონერთა კრებას მათი სამეთვალყურეო საბჭოდან გაწვევისთვის ორთვიანი ვადა მისცა.


დღეს „თიბისი“ ბანკის სამეთვალყურეო საბჭოს თავმჯდომარე, მამუკა ხაზარაძემ facebook-ის გვერდზე სპეციალურ მიმართვა გაავრცელა, სადაც აღნიშნა, რომ 27 წლის მუშაობის შემდეგ, ბანკიდან წასვლის შესახებ გადაწყვეტილება მიიღო. როგორც ხაზარაძე განმარტავს, დღეს ლონდონში ბანკის სამეთვალყურეო საბჭომ მიიღო გადაწვეტილება ეროვნულ ბანკთან სამართლებრივი დავის შეწყვეტასთან დაკავშირებით, მხოლოდ და მხოლოდ ბანკის, მისი აქციონერების და დეპოზიტარების ინტერესებიდან გამომდინარე.


 სოფო ქსოვრელი 




ფილარმონიის დირექტორი - ხელშეკრულების შეწყვეტის გადაწყვეტილება ჯერ კიდევ ყოფილმა მინისტრმა, გიორგი ქობულიამ მიიღო

ფილარმონიის დირექტორი -  ხელშეკრულების შეწყვეტის გადაწყვეტილება ჯერ კიდევ ყოფილმა მინისტრმა, გიორგი ქობულიამ მიიღო
access_time2019-11-12 12:30:24
ფილარმონიის დირექტორის, გიორგი კერესელიძის განცხადებით, ფილარმონიის მმართველ კომპანია „ინთერნეიშენალ ივენთსთან“ ხელშეკრულების შეწყვეტის გადაწყვეტილება ჯერ კიდევ ეკონომიკის ყოფილმა მინისტრმა, გიორგი ქობულიამ მიიღო. გიორგი კერესელიძემ „ინტერპრესნიუსთან“ ეკონომიკის სამინისტროს მიერ ფილარმონიის მმართველ კომპანიასთან ხელშეკრულების შეწყვეტის საკითხის კომენტირებისას...

მიხეილ ჩხენკელი განათლების მინისტრად მეორედ დაინიშნა

მიხეილ ჩხენკელი განათლების მინისტრად მეორედ  დაინიშნა
access_time2019-11-13 11:12:42
განათლების, მეცნიერების, კულტურისა და სპორტის მინისტრად კვლავ მიხეილ ჩხენკელი დაინიშნა.მთავრობის ადმინისტრაციის ინფორმაციით, შესაბამის ბრძანებას პრემიერ-მინისტრმა გიორგი გახარიამ ხელი დღეს მოაწერა. შეგახსენებთ, რომ მიხეილ ჩხენკელს განათლების მინისტრის პოსტი 2017-2018 წლებში ერთხელ უკვე ეკავა, დღემდე კი განათლების საკითხებში საქართველოს პრემიერ-მინისტრის მრჩეველი იყო. 2017 წლამდე ჩხენკელი ივანე ჯავახიშვილის სახელობის თბილისის სახელმწიფო უნივერსიტეტის პრორექტორის...

„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...


მსგავსი სიახლეები

up