ლადო პაპავა ლარის მორიგ გაუფასურებაზე: ეროვნულ ბანკს  უპასუხისმგებლო ხელმძღვანელობა ჰყავს, რომელიც თავისი შეცდომებით ანგრევს სისტემას

ლადო პაპავა ლარის მორიგ გაუფასურებაზე: ეროვნულ ბანკს უპასუხისმგებლო ხელმძღვანელობა ჰყავს, რომელიც თავისი შეცდომებით ანგრევს სისტემას

access_time2019-09-04 10:00:36

„რადგანაც ლარის მშობელი არის ეროვნული ბანკი, სწორედ ამიტომ,  ეროვნული ბანკის პასუხისმგებლობაა, რაც ხდება ლართან მიმართებაში“  - ასე აფასებს ბოლო დღეების განმავლობაში ლარის კურსის  გაუფასურებას, და ზოგადად ეროვნული ვალუტის სისტემატიურ მერყეობას პროფესორი ლადო პაპავა.


Bloomberg-ის სავაჭრო სისტემაში ლარმა კვირა კვლავ  გაუფასურებით დაიწყო. გუშინ საერთაშორისო ვაჭრო ბირჟაზე 15:00 საათისთვის  $1 2.9613 ლარად ივაჭრებოდა.




გუშინვე TBC ბანკის ვალუტის გაცვლით სისტემაში ერთი აშშ დოლარის ღირებულება, პირველად 3 ლარს გაუტოლდა. საქართველოს ბანკში კი ერთი აშშ დოლარი 2.99 ლარი ღირდა.


ეროვნული ბანკის მიერ გამოქვეყნებული მონაცემების თანახმად, დღეს 1 აშშ დოლარის ღირებულება 2.9683 ლარს შეადგენს.




პროფესორი ლადო პაპავა „კომერსანტთან“ საუბრისას ლარის მერყევ პოლიტიკას უკავშირებს ეროვნული ბანკის არასწორ ქმედებებს და მიიჩნევს, რომ ეს სისტემის ხელმძღვანელების არაკომპეტენტურობის შედეგია.


„ლარის გაუფასურება არის იმ მცდარი პოლიტიკის შედეგი, რომელსაც ახორციელებს ეროვნული ბანკის ხელმძღვანელობა ბოლო წლების განმავლობაში, რომელიც რეფინანსირების სესხებს ზრდის და ამით ზრდის ფულის მასის მიწოდებას.  იმავდროულად ეროვნული ბანკის ხელმძღვანელობა, თავისი ჭკუით, ცდილობს საზოგადოებას წაუკითხოს ”ლექციები”, თითქოსდა ფულის მასის ზრდას არ აქვს არანაირი ზეგავლენა არც ინფლაციაზე და არც გაცვლით კურსზე, რაც არის აბსოლუტური უცოდინრობა. სამწუხაროდ, დღეს ასეთი უპასუხისმგებლო ხელმძღვანელობა ჰყავს საქართველოს ეროვნულ ბანკს, რომელიც თავისი შეცდომებით ანგრევს სისტემას, რომელიც წლების განმავლობაში წარმატებით იქმნებოდა”. - აცხადებს პროფესორი.


ბ-ნმა ლადომ კომერსანტთან“  ქვეყანაში მიმდინარე სამთავრობო ცვლილებებიც შეაფასა და აღნიშნა, რომ პოლიტიკური არასტაბილურობა ლარისა და ეკონომიკური მდგომარეობაზე ზეგავლენის მქონე ფაქტორებია.


„როცა ქვეყანაში არ არის პოლიტიკური სტაბილურობა,  რა თქმა უნდა, ეს აისახება ამ ქვეყნის ვალუტაზე.  ჩვენ ვიცოდით, რომ  სექტემბერში მოსალოდნელი იყო მთავრობის ცვლილება და, სავარაუდოდ, არის გარკვეული პრობლემები ამ ცვლილებასთან დაკაშირებით. თუმცა მე პირადად, ამ ცვლილებას მივესალმები, რადგან უკვე დიდი ხანია საზოგადოება ელის უფრო აქტიურ და უფრო საქმიან პრემიერ-მინისტრს, ვიდრე ეს გახლდათ ბატონი მამუკა ბახტაძე. პრემიერ-მინისტრი დიდი ხანია შესაცვლელია, სულ ცოტა გაზაფხულის დასაწყისში მაინც, იმიტომ, რომ არჩევნები მოდის და ქვეყანას სჭირდება მართვა. როგორ შეიძლება ქვეყანას ჰყავდეს პრემიერად ადამიანი, რომლის სიტყვას პრაქტიკულად ფასი აქვს ნული. მაგალითად, შარშან სექტემბერში მან გააკეთა პრეზენტაცია იმაზე, რომ თურმე განათლება და მეცნიერება უნდა იყოს პრიორიტეტული და დიდი ზარ-ზეიმით იყალთოს აკადემიაში ჩაატარეს ეს პრეზენტაცია, რასაც, სამწუხაროდ, არანაირი შედეგი არ მოჰყოლია.  შემდეგი პრეზენტაცია უკვე გააკეთა წელს თებერვალში, სადაც განგვიცხადა, რომ ბიუჯეტის მეოთხედი უნდა წავიდეს განათლებასა და მეცნიერებაზე, რასთან დაკავშირებითაც შესაბამისი დოკუმენტი დღემდე მომზადებული არ არის. ასეთი იყო ყოფილი პრემიერი - განცხადებები და ნაკლები მოქმედება. ასეთი პრემიერ-მინისტრი, რა თქმა უნდა, ქვეყანას არ სჭრდება, განსაკუთრებით მაშინ, როცა ქვეყანა შედის ტურბულენტურ მდგომარეობაში და არჩევნები, როგორც წესი, ქვეყნისთვის ტურბულენტური მდგომარეობაა,“ - აღნიშნა ლადო პაპავამ.


„ასევე გასთვალისწინებელია, რომ ოპოზიციას არანაირი კონფლიქტი არ ჰქონია ბ-ნ მამუკა ბახტაძესთან, არასდროს მოუთხოვია მისი გადადგომა, რადგანაც სუსტი პრემიერ-მინისტრი მისწრებაა ნებისმიერი, განსაკუთრებით დესტრუქციული ოპოზიციისათვის,” - თვლის პროფესორი პაპავა.


ლადო პაპავამ პრემიერის მიერ ფეისბუქ სტატუსით თანამდებობის დატოვების ფაქტიც შეაფასა და აღნიშნა, რომ თანამედროვეობის პირობებში მსგავსი ფორმით სერიოზული განცხადებების გაკეთება ნორმალურია.


„ ჩვენ ყველამ კარგად ვიცით, რომ Twitter-ით ამცნობს აშშ- ს პრეზიდენტი მთელს მსოფლიოს საკუთარ გადაწყვეტილებებს. ეს მოდერნიზებული პოლიტიკოსების მიერ საზოგადოებასთან ურთიერთობის ფორმაა. პრემიერი ჟურალისტებთან შეხვედრასაც არ გაურბის, უბრალოდ, მან თავისი ვრცელი განმარტება გააკეთა. მას ამის უფლება ჰქონდა, ასე, რომ ესეც რაღაც სიახლეა ჩვენს ქართულ პოლიტიკაში, რომელიც სულაც არ არის გამაღიზიანებელი.  ვფიქრობ, რომ კაცს, რომელიც ამ მაღალ თანამდებობაზე იყო აქვს უფლება საზოგადოებას მიმართოს და დეტალურად დაწეროს რასაც ფიქრობს.“ - განაცხადა ლადო პაპავამ კომერსანტთან საუბარში.


მარიამ მორგოშია




საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს

საქართველოში, შესაძლოა, 19 კილოგრამამდე მარიხუანას მოყვანისთვის პატიმრობა გაუქმდეს
access_time2020-01-29 19:30:04
შესაძლოა, საქართველოში 19 კილომდე მარიხუანას დათესვა/მოყვანა ნებადართული გახდეს.საქართველოს საკონსტიტუციო სასამართლოში უკვე შესულია პოლიტიკური მოძრაობა “გირჩის” სარჩელი, რომელიც კანაფის კულტივირებისთვის პატიმრობის გაუქმებას ითხოვს.საკონსტიტუციო სასამართლოში „გირჩის“ წევრებმა სარჩელი ბრალდებულ ავთანდილ მეტრეველის სახელით შეიტანეს. ლევან მეტრეველს მარიხუანას  კულტივირებისთვის სასჯელად ციხე ემუქრება. “გირჩი” მიიჩნევს, რომ სასჯელის ეს ზომა...

თბილისში მეორადი საბურავებით ვაჭრობა აიკრძალება

თბილისში მეორადი საბურავებით ვაჭრობა აიკრძალება
access_time2020-01-29 16:25:47
თბილისში აალებადი ნივთიერებებით და მეორადი საბურავებით ვაჭრობა აიკრძალება. აღნიშნულის შესახებ თბილისის მერიამ კანონპროექტი მოამზადა.როგორც დედაქალაქის ვიცე-მერმა, ირაკლი ხმალაძემ ჟურნალისტებს განუცხადა, უახლოეს დღეებში საკრებულო იმსჯელებს კონკრეტულ ადგილებზე, რასაც აკრძალვა შეეხება. „კანონპროექტი მომზადებული და მიღებულია. ის ითვალისწინებს, რომ საკრებულომ წესი დაადგინოს და განსაზღვროს ადგილები, სად არის დასაშვები რეალიზაცია და სად არ არის დასაშვები. ეს წესიც მომზადების...

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე

სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე
access_time2020-01-29 20:30:47
სააგენტო Fitch-მა გამოთვალა კორონავირუსის სავარაუდო გავლენა აზიის ქვეყნების ეკონომიკებზე. ვირუსი მოახდენს ნეგატიურ გავლენას კორპორაციებზე, რომელთა საქმიანობა ასე თუ ისე დაკავშირებულია ტურიზმთან - ნათქვამია Fitch-ის დასკვნაში. თუ ინფექციის გავრცელება გაიზრდება, ყველა საგრძნობლად დაზარალდება.მათ შორის, ტაილანდი, ვიეტნამი, და სინგაპური, რომლებიც ტურიზმისგან სოლიდურ შემოსავალს იღებენ.ასევე დაზარალდებიან ჰონკონგი და მაკაო. აზიურ ქვეყნებს, რომლებსაც...

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“

კობა გვენეტაძე: „ხმები მიკროსაფინანსო სექტორის გარდაცვალებაზე გადაჭარბებულია“
access_time2020-01-29 17:30:26
საქართველოს ეროვნული ბანკის პრეზიდენტი კობა გვენეტაძე ფიქრობს, რომ „ხმები მიკროსაფინანსო სექტორის გარდაცვალებაზე გადაჭარბებულია.როგორც კობა გვენეტაძემ მიკროსაფინანსო ორგანიზაციების რაოდენობის შემცირებასა და გასულ წელს მიკროსაფინანსო სექტორის წამგებიან ოპერირებასთან დაკავშირებით განაცხადა, მიკროსაფინანსო სექტორმა უნდა გაიაროს იგივე გზა, რაც გაიარა საბანკო სექტორმა 90-იან წლებში. როგორც ეროვნული ბანკის პრეზიდენტი განმარტავს, მიკროსაფინანსო სექტორი არაჯანსაღად იზრდებოდა და საჭირო იყო შესაბამისი...

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს

„ეროვნულ ბანკში და მთავრობაში დაინახეს რეალური პრობლემები რაც რეგულაციებმა გამოიწვია“ - სებ-ი რეგულაციების გამარტივებას გეგმავს
access_time2020-01-29 14:45:33
ეროვნული ბანკის პრეზიდენტის კობა გვენეტაძის განცხადებით, მარტიდან შესაძლებელია, საბანკო რეგულაციებში გარკვეული ცვლილებები შევიდეს. როგორც გვენეტაძემ მონეტარული პოლიტიკის კომიტეტის სხდომის შემდეგ ჟურნალისტებს საბანკო რეგულაციების შესაძლო გამარტივების შესახებ განუცხადა, ადასტურებს, რომ გარკვეული ცვლილებები იგეგმება, რომელიც ამჟამად დამუშავების პროცესშია. მისივე თქმით,...


მსგავსი სიახლეები

up