ლადო პაპავა –  ლარზე პასუხისმგებლობას ეროვნული ბანკი ვერ აიცილებს

ლადო პაპავა – ლარზე პასუხისმგებლობას ეროვნული ბანკი ვერ აიცილებს

access_time2019-06-13 15:10:15

ეროვნული ბანკი არის ლარის ემიტენტი, მშობელი ორგანო და მასზე პასუხისმგებლობას ვერ აიცილებს, – ამის შესახებ ეკონომიკურ მეცნიერებათა დოქტორმა, ვლადიმერ პაპავამ საქართველოს პირველი არხის გადაცემა „ბიზნესპარტნიორში“ სტუმრობისას განაცხადა.


გადაცემაში ლარის კურსის ბოლოდროინდელი რყევები და ეროვნული ბანკის მონეტარული პოლიტიკა განიხილეს. გადაცემის წამყვანი დაინტერესდა, რამდენად სწორია ეროვნული ბანკის პოლიტიკა, როდესაც საერთაშორისო რეზერვების შევსების მიზნით, ის ლარის გამყარების შემთხვევაში, დოლარის შესყიდვას დაუყოვნებლივ ახორციელებს, ლარის გაუფასურების შემთხვევაში კი, ინტერვენციებისგან თავს იკავებს. გადაცემის თანაწამყვანმა და კომპანია „გურიელის“ გენერალურმა დირექტორმა, მიხეილ ჭკუასელმა აღნიშნა, რომ სავალუტო ბაზარზე ინტერვენციების აღნიშნული პოლიტიკა ისეთ შთაბეჭდილებას ტოვებს, თითქოს რეზერვების შევსება თვითმიზნად იქცა.


პაპავა მიიჩნევს, რომ ეროვნული ბანკის მიერ რეზერვების შევსება თვითმიზანი არ უნდა იყოს იმ შემთხვევაშიც კი, როცა საერთაშორისო სავალუტო ფონდი ითხოვს უცხოური სავალუტო რეზერვების შევსებას.


„20 წლის წინ, როცა რუსეთის დეფოლტი განვითარდა, მაშინაც იყო საერთაშორისო სავალუტო ფონდიდან მოთხოვნა, რომ თავი დაანებეთ სავალუტო ბაზრის რეგულირებას და გადაარჩინეთ რეზერვებიო. ჩვენ1998 წელს ეს გზა რომ აგვერჩია, საქართველოს ისედაც სუსტი ბანკებიდან ყველა გაკოტრდებოდა. ეს გზა არ აგვირჩევია, ბრმად არ დავუჯერეთ სავალუტო ფონდს. პირიქით, განვახორციელეთ იმ უარყოფითი ზეგავლენის შერბილება, რაც რუსეთის დეფოლტს ჰქონდა. წავიდა ლარის გააზრებული, თანდათანობითი, პროგნოზირებადი გაუფასურება, რომელმაც ქვეყანა პრაქტიკულად რეზერვებისგან კი დაცალა, მაგრამ გადაარჩინა ლარი და მთელი საბანკო სისტემა“, – განაცხადა ვლადიმერ პაპავამ.



მისი განმარტებით, რეზერვები რეალურად ე.წ. შავი დღისთვის შექმნილი მარაგია და საჭიროების შემთხვევაში, გონივრულად უნდა დაიხარჯოს. ამიტომ ცენტრალური ბანკი მხოლოდ ინფლაციის მიზნობრივი მაჩვენებლის რეგულირებაზე არ უნდა იყოს ორიენტირებული, რადგან ეროვნულ ვალუტაზე პასუხისმგებელი ორგანო პირველ რიგში სწორედ ის არის.


„რეზერვები საჭიროა შავი დღისთვის. რატომ ზოგავს ფულს ადამიანი? ხშირად იმიტომ, რომ შავი დღისთვის გამოიყენოს. იგივეა სავალუტო რეზერვები ქვეყნისთვის. მთავარი ის კი არ არის, რეზერვები უბრალოდ ვხარჯოთ, არამედ, გონივრულად ვხარჯოთ, თავის დროზე, მცირე დოზით, რომ შოკები და რყევები არ იყოს. რაც მთავარია, ეროვნული ბანკი უნდა იყოს აქტიური. ისეთი პასიური, როგორც დღეს არის, აბსოლუტურად არასწორია. ის მიიჩნევს, რომ ლარის კურსი მას არ ეხება. ანუ თვითონ შეიკრა ხელ-ფეხი და ასე სურს მონეტარულ ზღვაში ცურვა განაგრძოს. არ შეიძლება, ჩაიციკლო მხოლოდ ერთ მაჩვენებელზე, როგორიც არის მიზნობრივი ინფლაციის რეგულირება.


როგორც წესი, ოპოზიცია მთავრობას აკრიტიკებს, თურმე მთავრობა ბიუჯეტს სწორად არ ხარჯავს. მთავრობა სწორად ხარჯავს ბიუჯეტს თუ არა. ეს ერთი საკითხია, მაგრამ მთავარი უნდა გვახსოვდეს – ლარის მშობელი, მისი ემიტენტი არის ცენტრალური ბანკი. ამიტომ რა კანონიც უნდა დაწეროს და თავიდან აიცილოს ლარზე პასუხისმგებლობა, ამას ბოლომდე მაინც ვერ აიცილებს, რადგან ლარის მშობელი და მასზე პასუხისმგებელი ორგანო პირველ რიგში, არის ეროვნული ბანკი“, – განმარტა ვლადიმერ პაპავამ „ბიზნესპარტნიორში“.


ბიზნესპარტნიორი






არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება

არჩილ მესტვირიშვილი - რეგულაციების გადახედვაზე ვმუშაობთ, მაგრამ ეს არ ნიშნავს, რომ შერბილდება ან პრინციპები შეიცვლება
access_time2019-09-19 22:40:22
საბანკო რეგულაციების გადახედვაზე ვმუშაობთ, მაგრამ ეს არ ნიშნავს, რომ ის შერბილდება ან პრინციპები შეიცვლება, – ამის შესახებ ეროვნული ბანკის ვიცე-პრეზიდენტმა, არჩილ მესტვირიშვილმა დღეს საქართველოს პირველი არხის გადაცემა „ბიზნესპარტნიორში“ სტუმრობისას განაცხადა. გადაცემაში ქართულ ბიზნესზე ეროვნული ვალუტის კურსისა და საბანკო რეგულაციების გავლენის საკითხი...

2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს

 2020 წლიდან ამოქმედდება საპილოტე პროექტი, რომელიც ქუჩაში მანქანების გაჩერებას, ადგილზე შემოწმებას და ნორმების შეუსაბამობის შემთხვევაში, მათ დაჯარიმებას ითვალისწინებს
access_time2019-09-19 19:00:57
ტექინსპექტირება, რომელიც თავდაპირველად ჰაერის დაბინძურების მიზეზით დაიწყო, ფაქტია, ამ მხრივ უშედეგო აღმოჩნდა. თითქმის ყველა საზოგადოებრივი ტრანსპორტი, ასევე მსუბუქი ავტომობილების ნაწილი დღესაც ისეთ შავ კვამლს უშვებს,რომ შეიძლება 200-300 მეტრზე ვერაფერი გაარჩიოთ. რადიო „ფორტუნამ“ ამ თემაზე ვრცელი სტატია გააკეთა, სადაც სპეციალისტები ტექინსპექტირების რეფორმის ჩავარდნაზე პირდაპირ საუბრობენ. ცოტა ხნის წინ კი ცნობილი გახდა, რომ გარემოს დაცვის სამინისტროში კონცეფციაზე მუშაობენ,...

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა

გია ვოლსკი - კომპანია, რომელიც „ანაკლიის კონსორციუმმა“ ამერიკული კონტი ჯგუფის ნაცვლად წარმოადგინა, ფაქტობრივად, რუსული კომპანიაა
access_time2019-09-19 17:15:52
ხაზარაძეს უნდა, რომ ორი კურდღელი ერთი გასროლით მოკლას. მე ვფიქრობ, ეს შეუძლებელია, მაგრამ, ამავე დროს ძალიან ცუდად ახასიათებს თავად ახალ შექმნილ პარტიას, - ამის შესახებ საპარლამენტო უმრავლესობის ლიდერმა გია ვოლსკიმ ჟურნალისტებს განუცხადა. ვოლსკის თქმით, კომპანია, რომელიც „ანაკლიის განვითარების კონსორციუმმა“ ამერიკული კონტი ჯგუფის ნაცვლად წარადგინა, ფაქტობრივად, რუსული კომპანიაა. “ხაზარაძე ასახელებს კომპანიას, რომელიც ფაქტობრივად, რუსული...

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“

აკაკი ზოიძე- „ადამიანებს უნდა ვაჩვენოთ, რომ სწორ და ეფექტიან ნაბიჯებს ვდგამთ, რომელიც მათ გაჭირვებას შეამსუბუქებს, ზოგიერთი მათგანისთვის ცხოვრება აუტანელი ტვირთია“
access_time2019-09-19 15:20:57
„ეროვნულ-დემოკრატიული ინსტიტუტის“ (NDI) კვლევის შედეგების მიხედვით, გამოკითხულთა 49 პროცენტი ფიქრობს, რომ ქვეყანა არასწორი მიმართულებით ვითარდება, 63 პროცენტი ფიქრობს, რომ საქართველოს ეკონომიკური მდგომარეობა ცუდია. გამოკითხულთა 84 პროცენტი პასუხისმგებლობას ხელისუფლებას და მთავრობას აკისრებს.   საზოგადოებრივი აზრის კვლევა, რომელიც 13-29 ივლისს ჩატარდა, ნათლად აჩვენებს იმ მძიმე სოციალურ-ეკონომიკურ მდგომარებას,  რომელიც დღეს ქვეყანაშია შექმნილი....

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ

ნათია თურნავა არ ადასტურებს გავრცელებულ ინფორმაციას სამთავრობო ცვლილებების შესახებ
access_time2019-09-19 15:00:53
საქართველოს ეკონომიკისა და მდგრადი განვითარების მინისტრის ნათია თურნავას განცხადებით, ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის საკითხი მთავრობაში არ განიხილება. „არ გიდასტურებთ ინფორმაციას ეკონომიკისა და მდგრადი განვითარების სამინისტროდან ენერგეტიკის ცალკე სამინისტროდ გამოყოფის შესახებ, მთავრობაში მსგავსი ცვლილება არ განიხილება, ჩვენ ვართ მცირე მთავრობის კონცეფციის ერთგულები, - განაცხადა ნათია თურნავამ ჟურნალისტის მიერ...


მსგავსი სიახლეები

up