ჩრდილოეთ კორეის ლიდერი კიმ ჩენ ინი, სავარაუდოდ, იაპონიის ზღვის სანაპიროზე მდებარე თავის ვილაზე იმყოფება. ამის შესახებ გამოცემა New York Post-ი წერს.
მისი ცნობით, ბოლო კვირების განმავლობაში დახურულ კურორტთან რამდენიმე იახტა გამოჩნდა. როგორც თანამგზავრიდან გადაღებული ფოტოებიდან ჩანს, ერთ-ერთი იახტა სწორედ კიმ ჩენ ინის ვილსთან დგას, რაც იმაზე მიანიშნებს, რომ ჩრდილოეთ კორეის ლიდერი ან თავის საზაფხულო რეზიდენციაში იმყოფება ან იქ უახლოეს დღეებში გაემგზავრება.
2 მაისს კიმ ჩენ ინი, 20-დღიანი გაუჩინარების შემდეგ, სასუქის ქარხნის გახსნის ცერემონიაზე გამოჩნდა. 21 აპრილს გავრცელდა ინფორმაცია, რომ ის მძიმე მდგომარეობაშია, 25 აპრილს New York Post-მა დაწერა, რომ ჩრდილოეთ კორეის ლიდერი „ვეგეტატიურ მდგომარეობაშია“.
კიმ ჩენ ინის „კვლავ გაუჩინარების“ შესახებ 13 მაისს New York Post-ი წერდა.
imedinews.ge