"კვირიკაშვილი იყო მუხრუჭი ამ კანონების მიღების" - ყოფილი პრემიერის თანამდებობა, სავარაუდოდ, მარიხუანის ლეგალიზების შესახებ მის პოზიციას შეეწირა

access_time2018-09-22 21:08:00

ყოფილი პრემიერმინისტრის თანამდებობა, სავარაუდოდ, მარიხუანის ლეგალიზების შესახებ მის პოზიციას შეეწირა. გიორგი კვირიკაშვილი მარიხუანის ლეგალიზაციას ეწინააღმდეგებოდა.


ქართული ოცნებიდან წყარო კურიერს უყვება, რომ მარიხუანის კულტივაციის ლეგალიზებაზე ოცნებაში საუბარი, დაახლებით, ერთი წლის წინ დაიწყო, თუმცა, ამდენი ხნის განმავლობაში, სკანდალური კანონპროექტის მუხრუჭი ყოფილი პრემიერი, გიორგი კვირიკაშვილი, იყო.


გიორგი კვირიკაშვილი რომ კონკრეტული კანონების მუხრუჭი გახდა, ქართული ოცნების ყოფილმა წევრმა, დავით ჭიჭინაძემ, მას შემდეგ გაიხსენა, რაც საკანონმდებლო ორგანოს დღის წესრიგში კანაფის კულტივაციისა და მარიხუანის მოხმარებასთან დაკავშირებული კანონპროექტები შევიდა.


„ის არ უჭერდა მხარს და იძახდა, რომ მისი პრემიერობის პერიოდში ნამდვილად არ მოხდებოდა ამ კანონის მიღება. პრინციპში, კვირიკაშვილი იყო მუხრუჭი ამ კანონების მიღების,“ - განაცხადა დავით ჭიჭინაძემ.



გიორგი კვირიკაშვილმა თანამდებობა 14 ივნისს დატოვა, ბერა ივანიშვილის სიმღერა ”ლეგალაიზის" გამოსვლიდან ზუსტად ერთ თვეში. მაშინ მსუბუქი ნარკოტიკის ლეგალიზაციაზე საუბარი არც იყო, თუმცა, პრემიერის წასვლიდან მალევე პროცესი დაიწყო.


კვირიკაშვილის წასვლასთან ერთად პარლამენტმა თაროზე შემოდო კანონპროექტი, რომელიც ნარკოტიკული დანაშაულის დეკრიმინალიზაციას უკავშირდება.


დეპუტატი ლევან კობერიძე იხსენებს, რომ ყოფილი პრემიერი ნარკოტიკებთან მიმართებაში სწორედ დეკრიმინალიზაციას უჭერდა მხარს.


საპარლამენტო უმრავლესობის წევრი, მამუკა მდინარაძე, არ ეთანხმება მოსაზრებას, რომ კვირიკაშვილის მოხსნის ერთ-ერთი მიზეზი მის მიერ ნარკოტიკის ლეგალიზაციისთვის გაწეული წინააღმდეგობა გახდა.


მარიხუანის ლეგალიზების აქტიური მოწინააღმდეგე პრემიერ-მინისტრი სახლშია. გადაჰყვა თუ არა მის ხისტ პოზიციას მთავრობის ხელძღვანელის პორტფელი, ამ საკითხზე ყოფილი პრემიერი თანამდებობიდან წასვლის 4 თვის თავზეც დუმს.

რუსთავი 2





რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში

რუსეთის ტუროპერატორების ასოციაცია - რუსი ტურისტები მაინც ჩამოდიან საქართველოში
access_time2019-06-26 18:30:58
რუსეთის მოქალაქეების უმრავლესობა, ვინც გეგმავდა ამ ზაფხულს საქართველოში ჩასვლას, არ აუქმებს შეკვეთილ ტურებს - იუწყება რუსეთის ტუროპერატორების ასოციაცია. „ნეგატიური პროგნოზების მიუხედავად, შექმნილი სიტუაცია არაა კრიტიკული. ტურების გაუქმების მაჩვენებელი მინიმალურია,“ - განაცხადეს ასოციაციაში. როგორც აღმოჩნდა, რუს ტურისტებს არ აშინებთ საავიაციო მიმოსვლის აკრძალვის - ასოციაციის მონაცემებით, ამჟამად საქართველოში წამსვლელები ჯავშნიან ბილეთებს...

საქართველოს ბიზნეს ასოციაციის განცხადება - ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს

საქართველოს ბიზნეს ასოციაციის განცხადება -  ასოციაციის წევრები სრულად ვიზიარებთ ქართული საზოგადოების გულწრფელ და სამართლიან პროტესტს
access_time2019-06-26 16:45:37
საქართველოს ბიზნეს ასოციაცია, როგორც ყველაზე მსხვილი ბიზნეს გაერთიანება, რომელიც სამოცდაათზე მეტ მსხვილ კომპანიას აერთიანებს, ბოლო დროს საქართველოში განვითარებულ მოვლენებს ასოციაციის რიგით მეექვსე ყრილობაზე მიღებული განცხადებით გამოეხმაურა. ასოციაციის მე-6 ყრილობა 25 ივნისს გაიმართა, სადაც სხვა საკითხებთან ერთად ასოციაციის სამეთვალყურეო საბჭოსა და სხვა მმართველი ორგანოების წევრები იქნენ...

როგორ უყურებენ ქართულ-რუსული ურთიერთობების გამწვავებას აფხაზეთში

როგორ უყურებენ ქართულ-რუსული  ურთიერთობების  გამწვავებას აფხაზეთში
access_time2019-06-26 20:00:15
რუსეთ და საქართველოს შორის მორიგი გამწვავება  დიდ ინტერესს იწვევს აფხაზურ საზოგადოებაში და ალბათ ფარისევლობა იქნება იმის თქმა, რომ ეს ამბავი ვინმეს ეწყინა. სოციალური ქსელების მომხმარებელთა დიდი ნაწილის დამოკიდებულება ამ მოვლენებისადმი შეიძლება შეფასდეს როგორც „დაიმსახურეს და მიიღეს“. - წერს ekhokavkaza.  (მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად...

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში ჩვენი წარმომადგენლობა გვყვავდეს“

„საქართველოს ბიზნეს ასოციაციაში“ რადიკალური ცვლილებები იგეგმება -„გვსურს პარლამენტში  ჩვენი წარმომადგენლობა გვყვავდეს“
access_time2019-06-26 16:00:06
„საქართველოს ბიზნეს ასოციაციაში“ ბევრი რამე შეიცვლება“- ასეთ განცხადებას „საქართველოს ბიზნეს ასოციაციის“ უკვე პირველი ვიცე-პრეზიდენტი ლაშა პაპაშვილი „კომერსანტთან“ აკეთებს. მისი ინფორმაციით, ასოციაციაში გუნდი მთლიანად შეიცვალა, არჩეულია “საქართველოს ბიზნეს ასოციაციის პრეზიდენტი“ — სოსო ფხაკაძე, ასევე ახალი აღმასრულებელი დირექტორი -ლევან ვეფხვაძე, მეორე ვიცე-პრეზიდენეტი -არჩილ კონცელიძე. როგორც პაპაშვილი განმარტავს, ასოციაცია...

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება

სომხეთი ცდილობს გახდეს რუსეთ და საქართველოს შორის ტრანზიტის ცენტრი - ერევანიდან თბილისამდე და პირიქით ავტობუსები უფასო იქნება
access_time2019-06-26 15:00:58
რუსეთსა და საქართველოს შორის ბოლოდროინდელი დაძაბულობის შემდეგ, სომხეთი ცდილობს გახდეს რუსეთსა და საქართველოს შორის ავიამიმოსვლის ტრანზიტის ცენტრი. ქვეყნის სამოქალაქო ავიაციის სამმართველოს სტეპან პაიასლიანის თქმით, ავიაკომპანიებს შორის უკვე დაიწყო შესაძლებელი ვარიანტების განხილვა. „მაგალითად, შეიძლება რუსეთიდან თვითმფრინავით ჩასვლა ერევანში, იქედან კი უფასო ავტობუსით თბილისამდე და პირიქით. ასევე...


მსგავსი სიახლეები

up