კვიპროსისა და საქართველოს დედაქალაქებს შორის შესაძლოა პირდაპირი ფრენები დაინიშნოს

კვიპროსისა და საქართველოს დედაქალაქებს შორის შესაძლოა პირდაპირი ფრენები დაინიშნოს

access_time2019-04-17 19:45:35

კვიპროსისა და საქართველოს დედაქალაქებს შორის პირდაპირი ფრენების ასამოქმედებლად შესაბამისი ინსტიტუციები იმუშავებენ, - ამის შესახებ საქართველოს საგარეო საქმეთა მინისტრ დავით ზალკალიანისა და კვიპროსის რესპუბლიკის საგარეო საქმეთა მინისტრს შორის შეხვედრის დასრულების შემდეგ გახდა ცნობილი.


საქართველოს საგარეო საქმეთა მინისტრმა დავით ზალკალიანმაჟურნალისტებთან ვიზიტის შეფასების დროს კოლეგა მინისტრის სტუმრობას საქართველოში ისტორიული უწოდა. მისივე თქმით, ის დარწმუნებულია, რომ აღნიშნული ვიზიტი მნიშვნელოვან წვლილს შეიტანს ორ ქვეყანას შორის ურთიერთობების კიდევ უფრო გაღრმავებაში.


„კვიპროსელ და ქართველ ხალხს აკავშირებს როგორც ისტორიული წარსული და კულტურული კავშირები, ასევე აერთიანებს ევროპული ფასეულობები და საერთაშორისო სამართლის უნივერსალური პრინციპების პატივისცემა, მათ შორის ტერიტორიული მთლიანობისა და სუვერენიტეტის ურთიერთპატივისცემა. ჩვენი ურთიერთობები პოზიტიურად ვითარდება. ჩვენი მიზანია ამ ურთიერთობების კიდევ უფრო გაღრმავება როგორც ორმხრივ, ასევე მრავალმხრივ ფორმატებში. ერთ-ერთ მთავარ პრიორიტეტს ეკონომიკური ურთიერთობების განვითარება წარმოადგენს. სწორედ ამას ემსახურება ბიზნეს-ფორუმი, რომელიც ხვალ თბილისში გაიმართება“, - განაცხადა ზალკალიანმა და იმედი გამოთქვა, რომ საქართველო-კვიპროსის ბიზნეს ასოციაცია და საქართველო-კვიპროსის ბიზნეს კლუბის საქმიანობა მნიშვნელოვნად შეუწყობს ხელს კონკრეტული საინვესტიციო პროექტების განხორციელებას.


„მისასალმებელია პირდაპირი რეგულარული რეისები ქუთაისი-ლარნაკა-ქუთაისის მიმართულებით. შესაბამისი ინსტიტუციები გააგრძელებენ მუშაობას, რათა დედაქალაქებს შორისაც ამოქმედდეს პირდაპირი ფრენები"-განაცხადა დავით ზალკალიანმა.


მინისტრის თქმით, კვიპროსი საქართველოს ევროპული ინტეგრაციის აქტიური მხარდამჭერია და მას ეს არაერთხელ გამოუხატავს.„ჩემს კოლეგასთან ერთად ხელი მოვაწერე რამდენიმე შეთანხმებას, მათ შორის ჯანდაცვისა და მედიცინის, ასევე სოფლის მეურნეობის სფეროში თანამშრომლობის შესახებ.



საქართველო-კვიპროსის ურთიერთობების მნიშვნელოვან ნაწილს კულტურული მემკვიდრეობის დაცვის სფეროში თანამშრომლობა წარმოადგენს. დიდია კვიპროსის სიძველეთა დეპარტამენტის წვლილი კვიპროსის დაბა ღალიის ტერიტორიაზე ღვთისმშობლის სახელობის ქართული მონასტრის აღმოჩენის საქმეში. 2015 წელს თბილისში გაიმართა ღალიის სამონასტრო კომპლექსში აღმოჩენილი არტეფაქტების გამოფენა. კვიპროსის ტერიტორიაზე ახალი ქართული კერების გამოსავლენად არქეოლოგიური პროექტები მიმდინარეობს ალამინოსსა და სოფტადესში. განსაკუთრებით აღსანიშნავია კვიპროსის განათლებისა და კულტურის სამინისტროს დახმარება ქართული საკვირაო სკოლების საგანმანათლებლო დაწესებულებებში უსასყიდლოდ განთავსების საქმეში. საქართველოს საელჩოს ძალისხმევით სკოლები ფუნქციონირებს ნიქოზიაში, ლიმასოლში და უპრეცედენტოა ამ დროისათვის მოსწავლეების რაოდენობა.


საქართველოს ევროპული ინტეგრაცია ჩვენს ქვეყნებს შორის თანამშრომლობის კიდევ ერთი მნიშვნელოვანი მიმართულებაა.


კვიპროსი საქართველოს ევროპული ინტეგრაციის აქტიური მხარდამჭერია და მას ეს არაერთხელ გამოუხატავს. კვიპროსის პრეზიდენტისა და საგარეო საქმეთა მინისტრის დღევანდელი ვიზიტი ამ მხარდაჭერისა და სოლიდარობის კიდევ ერთი მკაფიო გამოხატულებაა. ცოტა ხნის წინ ეს მხარდაჭერა კვიპროსის მმართველი პარტიის პრეზიდენტის მიერ გაკეთებულ განცხადებაშიც აისახა.​ მინისტრთან ერთად ჩვენ განვიხილეთ ამ ურთიერთობების კიდევ უფრო გაღრმავების პერსპექტივები და თანამშრომლობის გზები",-განაცხადა ზალკალიანმა.


საგარეო საქმეთა მინისტრის თქმით, მან კოლეგა მინისტრს ოკუპირებულ ტერიტორიებზე არსებული ვითარება, უსაფრთხოების თვალსაზრისით არსებული გამოწვევები და ადამიანის უფლებების დარღვევის ფაქტების შესახებ მიაწოდა ინფორმაცია.


დავით ზალკალიანმა კვიპროსელ კოლეგას კიდევ ერთხელ გადაუხადა მადლობა ევროკავშირის სადამკვირვებლო მისიაში ჩართულობისთვის.


მინისტრი იმედოვნებს, რომ კვიპროსის სახელმწიფოს მეთაურის და მასთან ერთად მისი კოლეგის, კვიპროსის საგარეო საქმეთა მინისტრის ვიზიტი საქართველოში იქნება კიდევ უფრო მნიშვნელოვანი ფურცელი ორ ქვეყანას შორის ურთიერთობების ისტორიაში.


კვიპროსის დელეგაცია საქართველოს გუშინ ეწვია და დღეს დილიდან მაღალი დონის შეხვედრები მიმდინარეობს. კვიპროსის დელეგაცია ქვეყანას ხვალ დატოვებს.


BPN





„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა

„რუსთავი 2“ საინფორმაციო გამოშვება “კურიერის“ სრულმა შემადგენლობამ დატოვა
access_time2019-08-21 18:55:00
 „რუსთავი 2“  საინფორმაციო გამოშვება “კურიერის“ თითქმის ყველა ჟურნალისტმა დატოვა.  ინფორმაცია “კომერსანტს“ რუსთავი 2-ის ჟურნალისტებმა დაუდასტურეს. რამდენიმე წუთის წინ სოციალურ ქსელში კურიერის რამდენიმე ჟურნალისტმა სამსახურის დატოვების შესახებ გადაწყვეტილება გამოაცხადა, თუმცა მათ რიგებს, სავარაუდოდ, მთელი გუნდი შეუერთდა. „რუსთავი 2“-ის ყოფილმა დირექტორმა ნიკა გვარამიამ განაცხადა, რომ „მთავარი არხი“ მაუწყებლობის...

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა

კობა გვენეტაძის არასწორმა საფინანსო პოლიტიკამ ლარს 1 მილიარდი დოლარის საყრდენი გამოაცალა
access_time2019-08-21 20:00:50
გვენეტაძე - სავალუტო ფონდის უპირობო მსახური, თუ საქართველოს ეროვნული ბანკის პრეზიდენტი საერთაშორისო რესპუბლიკური ინსტიტუტის (IRI) სულ ბოლო კვლევის მიხედვით, გამოკითხული რესპონდენტების 70% ეროვნულ ბანკს არ ენდობა. საქართველო, დღესდღეობით, ადეკვატური მოცემულობის ქვეყანა რომ იყოს, მხოლოდ ეს ერთი მონაცემი იქნებოდა საკმარისი, ეროვნული ბაკის პრეზიდენტს, საიდანაც მოვიდა (ვოშინგტონი/სავალუტო ფონდი) ისევ იქეთ რომ აეკრა გუდა-ნაბადი (თუ მიიღეს),...

კომერსანტის ექსკლუზივი - მაღაზია რუსთაველზე, რომლის ვიტრინაშიც „ფორსაჟი 9“-ის გადაღებებისას მანქანა შევარდება, სოლიდურ კომპენსაციას მიიღებს

კომერსანტის ექსკლუზივი - მაღაზია რუსთაველზე, რომლის ვიტრინაშიც  „ფორსაჟი 9“-ის  გადაღებებისას მანქანა შევარდება, სოლიდურ კომპენსაციას მიიღებს
access_time2019-08-21 17:30:38
უკვე მესამე დღე რაც თბილისში  „ფორსაჟი 9“-ის გადაღებები მიმდინარეობს და  უკვე მესამე დღე რაც ჰოლივუდური ბლოკბასტერი განხილვის ერთ-ერთი მთავარი თემაცაა. “კომერსანტი“ ერთ-ერთი პირველი იყო ვინც წერდა, რომ ჰოლივუდის ფილმში ქართული წარმოების “დიდგორი მეომარი“ გამოჩნდებოდა. ამჯერად ახალ ექსკლუზიურ დეტალზე გესაუბრებით: აღსანიშნავია, რომ საზოგადოებისთვის ფილმის სიუჟეტის მხოლოდ ერთი მონაკვეთია ცნობილია - სპეცტრაილერი ბეთანიაში დიდი სიმაღლიდან...

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება

ხაზარაძე-ჯაფარიძე თანხის დაყადაღების განჩინებას სააპელაციო სასამართლოში გაასაჩივრებს, მომავალში კი საქმე სტრასბურგის სასამართლოში გაიგზავნება
access_time2019-08-21 15:00:48
„ძალიან მშრალი განჩინებაა, რომელსაც გავასაჩივრებთ, მაგრამ  ისეთი უცნაურობები ხდება ამ საქმეზე, სიმართლე გითხრათ,  დიდი იმედი არ მაქვს, რომ აპელაცია რამეს შეცვლის.  მაგრამ ჩვენ ეს საფეხური უნდა გავიაროთ, რადგან როგორც ვატყობ, ეს საქმე და მისი არცერთ შუალედური განჩინება აქ არ დამთავრდება და მოგვიწევს ამ ყველაფრის სტრასბურგში ეტაპობრივად გასაჩივრება,“ - ასე აფასებს თიბისი ბანკის დამფუნძებლების  მამუკა ხაზარაძისა და ბადრი ჯაფარიძის ადვოკატი ზვიად...

„რაინეარი“ საქართველოდან ფრენებს 12 მიმართულებით შეასრულებს, სამი მიმართულებით ავიარესები წელსვე დაიწყება

„რაინეარი“ საქართველოდან ფრენებს 12 მიმართულებით შეასრულებს,  სამი მიმართულებით ავიარესები წელსვე დაიწყება
access_time2019-08-21 14:31:27
ქართულ მხარესა და ირლანდიურ დაბალბიუჯეტიან ავიაკომპანია „რაინეარს“ შორის ურთიერთთანამშრომლობის შესახებ ხელშეკრულება გაფორმდა. ხელშეკრულებას მთავრობის ადმინისტრაციაში ხელს მოაწერეს ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანების“ დირექტოrმა, გიორგი ჩოგოვაძემ და „რაინეარის“ (Ryanair) კომერციულმა დირექტორმა, დევიდ ო’ ბრაიენმა. ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა...


მსგავსი სიახლეები

up