„კურორტი, სადაც ოცნებები ხდება" – ანაკლიის სლოგანი, რომელიც აღარავის ახსოვს

„კურორტი, სადაც ოცნებები ხდება" – ანაკლიის სლოგანი, რომელიც აღარავის ახსოვს

person access_time2016-03-15 11:20:38

„კურორტი, სადაც ოცნებები ხდება" – ასე დაანონსდა ანაკლიის კურორტის პროექტი 2011 წელს. თუმცა ეს სლოგანი დღეს აღარავის ახსოვს და ანაკლია, როგორც კურორტი, მხოლოდ ორიოდე ფესტივალის პერიოდში „ცოცხლდება.“ კურორტზე არსებული სასტუმროები სამთავრობო თუ კერძო სექტორის დაკვეთების ხარჯზე მუშაობს, მასობრივად დამსვენებლების მიზიდვა კი ანაკლიას უჭირს. 


რა ხდება დღეს ანაკლიაში და შესთავაზებს თუ  არა ზაფხულის სეზონზე დამსვენებლებს სიახლეებს? 


ტურიზმის ექსპერტი მაია სიდამონიძე აცხადებს, რომ ანაკლია ჯერ კიდევ შორსააა კურორტამდე. მისი თქმით, ანაკლიის გახსნისას რა ინფრასტრუქტურაც იყო, მას შემდეგ ამ კურორტის ინფრასტრუქტურული განვითარება არ მომხდარა. სიდამონიძე აცხადებს, რომ კურორტი ამჯერად მხოლოდ კონკრეტული ფესტივალების ფარგლებში მუშაობს, ხოლო შემდგომ პერიოდებში, როგორც სეზონზე ისე არასეზონზე, დატვირთული არ არის.


„ინფრასტრუქტურის განვითარება არ არის მარტო სასტუმროების მშენებლობა და ეს მხოლოდ კერძო სექტორის კომპეტენცია არ არის. აუცილებელი იყო, რომ სახელმწიფოს ტურისტული ინფრასტრუქტურა უფრო გაეფართოვებინა და კურორტი განევითარებინა. სახელმწიფომ იმ დონეზე უნდა მოაწყოს ინფრასტრქრუტურა, რომ ინვესტიციების მოზიდვა გაადვილდეს. გარდა ამისა, არ ხდება კურორტის არანაირი მარკეტინგული კამპანია"-აცხადებს სიდამონიძე.



მისივე თქმით, ანაკლია მზად არ არის, რომ ცოტა მეტი რაოდენობის ვიზიტორი დაიტიოს და რაც ყველაზე მთავარია - კმაყოფილი გაუშვას. „გარშემო დანაკლისია საკვები და გასართობი ობიექტების. მარტო სასტუმროები საკმარისი არ არის,"-აცხადებს სიდამონიძე.


სრულიად განსხვავებული პოზიცია აქვთ სამეგრელო-ზემო სვანეთში სახელმწიფო რწმუნებულის გუბერნატორის ადმინისტრაციაში. მხარის პროექტების კოორდინირების სამსახურის უფროსის მოადგილე ნუგზარ გაბელია განმარტავს, რომ ანაკლია მთელი ზაფხულის პერიოდში საკმაოდ აქტიურად მუშაობს. განსაკუთრებული აქტივობით კი სომეხი დამსვენებლები გამოირჩევიან.

 

გაბელიას ინფორმაციით, კურორტით კერძო ბიზნესი საკმაოდ ინტერესდება. გარდა ამისა, მისივე თქმით, აქ მოსახლეობაც ირიბი ბენეფიციარია. „მოსახლეობამ კრედიტები აიღო იმისთვის, რომ აქ ბიზნესი დაეწყოთ. მათი მხრიდან გარკვეული უკმაყოფილება იყო, რომ თითქოს ის ხარჯები ვერ ამოიღეს, მაგრამ რეალობაა ის, რომ მათ ეს კაპიტალურ ხარჯებში დახარჯეს. შეიძლება ეს მათ ერთ სეზონზე ვერ ამოიღონ, მაგრამ მრავალწლიან პერსპექტივაში მოგების მომტანი ნამდვილად იქნება. გარდა ამისა, გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით ხდება ადგილობრივების გადამზადება. კერძოდ, თუ როგორ უნდა მართონ „გესტ ჰაუსები", როგორ უნდა მოემსახურონ ტურისტს და ასე შემდეგ. დაწყებული კვების რაციონის შედგენიდან მომსახურების პაკეტით დამთავრებული, ყველაფერს ვასწავლით"-აცხადებს გაბელია.


კურორტზე მდებარე სასტუმრო სასტუმრო „ანაკლიის" მენეჯერი ლევან ჩხიკვაძეც აცხადებს, რომ კურორტი ზაფხულის პერიოდში დატვირთულია. მისი თქმით, ივლისიდან-სექტემბრის ჩათვლით სასტუმრო სრულად არის ხოლმე დატვირთული, რასაც ვერ ვიტყვით არასეზონზე.


როგორც ჩხიკვაძე აცხადებს, კურორტით უფრო მეტად უცხოელები, განსაკუთრებით კი, სომხები ინტერესდებიან.


ანაკლიაში 2014 წელს ელექტრონული მუსიკის ფესტივალი „კაზანტიპი“ ჩატარდა, თუმცა ეს პროექტი წარუმატებელი აღმოჩნდა. გასულ წელს კი კურორტმა „ჯემ ფესტს“ უმასპინძლა, აღნიშნული ფესტივალის ჩატარება ანაკლიაში წელსაც იგეგმება.



„არავინ არ მისცემს „ქართულ ოცნებას“ უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე

 „არავინ არ მისცემს „ქართულ ოცნებას“  უფლებას, რომ გზას გადაუხვიოს და ქვეყანა პროპორციულ არჩევნებზე არ გადავიდეს“ - ლევან კობერიძე
access_time2019-11-12 20:10:35
„საეჭვოა ის, რომ „ქართული ოცნება“ ამ ხალხის მოთხოვნას მხარს დაუჭერს და ბოლომდე მიიყვანს. რა პროცესი მიდის უმრავლესობის შიგნით, გაურკვეველია. თავიანთი შიდა სამზარეულოს პრობლემები, ქვეყნის რეალურ პრობლემებად იქცა.  ამიტომაა მნიშვნელოვანი გუნდში გამჭვირვალობა იყოს.“ - ასე აფასებს საქართველოს პარლამენტის დამოუკიდებელი დეპუტატი ლევან კობერიძე დღეს პარლამენტში განვითარებულ...

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი

ოპოზიციის კანონპროექტი ჩავარდა, ჩავარდება თუ არა „ქართული ოცნების“ მიერ შემოთავაზებული ვარიანტი
access_time2019-11-12 19:16:27
საქართველოს პარლამენტმა ოპოზიციის ინიცირებულ საკონსტიტუციო ცვლილებებს, რომლის მიხედვით 2020 წლის საპარლამენტო არჩევნები სრულად პროპორციული წესით ჩატარდება, მხარი არ დაუჭირა. ახლა კენჭისყრაზე უნდა დადგეს უმრავლესობის მიერ მომზადებული კანონპროექტი, რომელიც პროპორციული არჩევნების ნულოვანი ბარიერით ჩატარებას გულისხმობს. კენჭისყრამდე კი ქართული ოცნების დეპუტატებმა საკითხის დამატებით განხილვა მოითხოვეს.   საპარლამენტო ოპოზიციამ იმ განცხადებებს, რომელიც სხდომათა...

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა

„არ გაბედო ჩვენი გადაგდება! არ გაბედო კანონის ჩაგდება“ - პარლამენტთან აქცია დაიგეგმა
access_time2019-11-12 18:51:39
საპარლამენტო უმრავლესობის რამდენიმე დეპუტატმა პროპორციულ სისტემაზე გადასვლას მხარი არ დაუჭირა, რის გამოც გაჩნდა ეჭვი, რომ „ქართული ოცნება" კანონპროექტის ჩაგდებას აპირებს.   „დღეს პროპორციულის კენჭისყრაა - არ გაბედო ჩაგდება! - ამ ტიპის განცხადებით გამოდიან ფეისბუქზე პროპორციული სისტემაზე გადასვლის მომხრეები, რომლებიც 20:00 საათზე პარლამენტთან გამაფრთხილებელი აქციის გაიმართვას გეგმავენ.   „პარლამენტში დღეს საკონსტიტუციო ცვლილებების განხილვა დაიწყო, რომლის...

თავისუფლების მოედანზე სასტუმრო „მონოგრაფი“ დეკემბერში გაიხსნება

თავისუფლების მოედანზე სასტუმრო „მონოგრაფი“ დეკემბერში გაიხსნება
access_time2019-11-12 17:50:48
თავისუფლების მოედანზე  5-ვარსკვლავიანი სასტუმრო “მონოგრაფი“, რომლის გახსნა  აგვისტოში იგეგმებოდა პირველ სტუმარს დეკემბერში მიიღებს.  ამის შესახებ „კომერსანტს“ „მონოგრაფის“ პრესსამსახურში განუცხადეს.სასტუმროს ფასადი კულტურული მემკვიდრეობის ძეგლს წარმოადგენს, რის გამოც სარესტავრაციო სამუშაოების დასრულება გაჭიანურდა. როგორც ცნობილია, სასტუმროში  100 ადამიანი დასაქმდება. პროექტის განმახორციელებელი  დეველოპერული  კომპანია Well House-ია. მაღალი...

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“

გიორგი კერპულაძე-„შემოსავალი რაშიც გვაქვს, იმ ვალუტაში დავზოგოთ“
access_time2019-11-12 17:30:57
„ანაბრების არსებობა მნიშვნელოვანია ეკონომიკისთვის. ბანკი ანაბრებს იზიდავს და შემდგომ გასცემს სესხებს, შესაბამისად, რაც უფრო მეტი თანხა იზოგება ლარში, მით უფრო მეტი საშუალებაა,რომ ეკონომიკა დაკრედიტდეს და უცხოეთიდან არ შემოვიტანოთ თანხა,“ - აღნიშნავს რადიო კომერსანტის რუბრიკა ფინანსურ მრჩეველში გიორგი კეპულაძე. მისი ინფორმაციით, არსებობს რამდენიმე ტიპის ანაბარი, მათ შორისაა, ვადიანი ანაბარი, როცა დიდ თანხას ვდებთ ბანკში და მას გარკვეული დროის შემდეგ პროცენტი...


მსგავსი სიახლეები

up