ტურისტული ლოკაციებისა და ტურისტული ქალაქების მართვის კუთხით სერიოზული გამოწვევა გვაქვს , - ამბობს პრემიერი გიორგი გახარია დავოსში ჟურნალ Entrepreneur-თან მიცემულ ინტერვიუში. პრემიერი ამბობს რომ ყველა უწყება ცალ-ცალკე თავის ფუნქციას ასრულებს, თუმცა არსებობს კოორდინაციის პრობლემა, რომელშიც მოიაზრება მთის კურორტების განვითარების კომპანია, ეკონომიკის სამინისტრო, ადგილობრივი ხელისუფლება და ტურიზმის ადმინისტრაცია.
„ცოტა კოორდინაციის პრობლემაა, რაც გამოჩნდა ბაკურიანის და გუდაურის მაგალითით. ჩვენ გვაქვს ახალი საკანონმდებლო ინიციატივა, მსგავს ზონებში მენეჯმენტ კომპანიების შესაქმნელად. უნდა არსებობდეს 1 გენერალური მენეჯერი, რომელიც მართავს სრულად კურორტს“, - ამბობს პრემიერი და დასძენს რომ მსგავსი ვერტიკალის გაჩენის გარეშე მართვა გართულდება.
საკანონმდებლო უახლოეს პერიოდში პარლამენტს წარედგინება და მომდევნო წლიდან კურორტებს გენერალური მენეჯერები ჩაიბარებენ.
კომპანია Cardano-ს დამფუძნებელმა ჩარლზ ჰოსკინსონმა დავოსში მსოფლიო ეკონომიკური ფორუმის ფარგლებში შეხვედრა გამართა საქართველოს ყოფილ პრემიერთან მამუკა ბახტაძესთან.
Cardano მსოფლიოში ბლოკჩეინ ტექნოლოგიების ერთ-ერთი წამყვანი კომპანიაა. პორტალი cryptopolitan წერს, რომ მამუკა ბახტაძესთან კომპანიის წარმომადგენლებმა სწორედ საქართველოში ბლოკჩეინ ტექნოლოგიების განვითარების შესაძლებლობა განიხილეს.
გამოცემა წერს, რომ ბლოკჩეინ ტექნოლოგიების დანერგვის კუთხით, საქართველო მსოფლიოში წამყვანი ქვეყანაა. მიზეზად ელექტროენერგიის დაბალი გადასახადები, რეგულაციების ნაკლებობა და მოსახერხებელი საგადასახადო სისტემა სახელდება.
ჩარლზ ჰოსკინსონმა საკუთარ Tweeter-ზე დაწერა, რომ საქართველოს სურს ბლოკჩეინ ტექნოლოგიის შესაძლებლობები მთელი ქვეყნის მასშტაბით გამოიყენოს. კომპანია Cardano-ს საქართველოში ბლოკჩეინ ტექნოლოგიის დანერგვა განათლების სისტემაში სურს. კერძოდ, საუბარია დიპლომების ბლოკჩეინ სისტემაში შენახვაზე. კომპანიის წარმომადგენლებმა საპილოტე პროექტის დაწყებაზე შეხვედრა განათლების სამინისტროსთან ზაფხულშიც გამართეს.
gbc.ge