კურორტ თეთნულდის გახსნამ მესტიაში არსებული სასტუმროების ბიზნესი გამოაცოცხლა

კურორტ თეთნულდის გახსნამ მესტიაში არსებული სასტუმროების ბიზნესი გამოაცოცხლა

person access_time2016-04-20 13:30:44

„კომერსანტი" დაინტერესდა, რა შედეგებით დაასრულა ახლადგახსნილმა კურორტმა თეთნულდმა საკურორტო სეზონი?


საქართველოს ეკონომიკისა და მდგრადი განვითარების სამინისტროს შპს „მთის კურორტების განვითარების კომპანიის" ხელმძღვანელი სანდრო ონოფრიშვილი განმარტავს, რომ კურორტის გახსნამდე რა გათვლაც იყო, გაამართლა. შედეგად, კურორტმა ტურისტების დამაკმაყოფილებელი რაოდენობა მიიღო.

 

მისი თქმით, „თეთნდულდზე " მომავალ წელს სრულად იქნება დასრულებული საბაგიროების მშენებლობა, რაც ბევრად უფრო მეტი ტურისტის მიღების იმედს იძლევა. „ამ დროისთვის სეზონი დახურულია, ახლა ველოდებით თოვლის დნობას, რომ სამუშაოები დავიწყოთ,"-აცხადებს ონოფრიშვილი.

 

მისივე განმარტებით, წელს თეთნულდით უმეტეს წილად უცხოელები იყვნენ დაინტერესებული. მათ შორის იყო 20-მდე ქვეყნის ვიზიტორი. ონოფრიშვილის განცხადებით, იქიდან გამომდინარე, რომ თეთნულდში სასტუმროების მშენებლობა უახლოეს მომავალში არ იგეგმება, ტურისტები მესტიის სასტუმროებით სარგებლობენ, შედეგად, თეთნულდის განვითარება მესტიასაც ავითარებს.


რაც შეეხება მესტიაში არსებული სასტუმროების პოზიციას, მათი უმრავლესობა „კომერსანტთან" საუბარში აცხადებს, რომ ახალი კურორტის გახსნამ მათ ბიზნესის განვითარების და შესაბამისად, შემოსავლების ზრდის პერსპექტივა მისცა.

 

საოჯახო სასტუმრო "სეტის" ხელმძღვანელი დავით ჟორჟოლიანი აცხადებს, რომ კურორტ „თეთნულდის" გახსნა სასტუმროს შემოსავალზე დადებითად აისახა. მიუხედავად იმისა, რომ კურორტს ჯერ დიდი ცნობადობა არ ჰქონდა, სასტუმროში ტურისტების რაოდენობა გასული წლის სეზონთან შედარებით დაახლოებით 30-40 პროცენტით გაიზარდა.



მისი თქმით, ჩამოსული ტურისტები კურორტზე არასაკმარის ინფრასტრუქტურულ ობიექეტებზე საუბრობდნენ, თუმცა, როგორც ჟორჟოლიანი აცხადებს, „თეთნულდი" ახალი კურორტია და ყველაფერი წინ აქვს, რაც შეეხება მესტიას, „თეთნულდის" განვითარება მესტიის განვითარებასაც ნიშნავს.


ჟორჯოლიანი აცხადებს, რომ „თეთნულდის" გახსნამ მესტიაში ბიზნესის განვითარების სურვილიც გააჩინა. „ვისაც ცოტა საშუალება აქვს, ახალ საოჯახო სასტუმროებს აშენებს, ან არსებულს აფართოებს. ეს ძალიან კარგია. მეც ვფიქრობ სამომავლოდ ჩემი სასტუმროს გაფართოებას, თუ რა თქმა უნდა შემოსავალი გამეზარდა"-აცხადებს ჟორჟოლიანი.


მისი თქმით, წელს მის სასტუმროში 1 ადამიანის დასვენების ღირებულება საშუალოდ 50-55 ლარია. თუმცა, მისივე განმარტებით, მომავალ წელს შესაძლოა ფასი 5 ლარით გაიზარდოს. ამის მიზეზი ელექტროენერგიაზე ფასის ზრდაა.

 

კურორტ „თეთნულდის" დადებით გავლენაზე საუბრობს საოჯახო სასტუმრო "უშბას" ხელმძღვანელი თეა ჟორჟოლიანიც. მისი თქმით, გასული წლის სეზონისგან განსხვავებით წელს სასტუმროს შემოსავლები 30-40 პროცენტით არის გაზრდილი. ჟორჟოლიანი აცხადებს, რომ წელს ძირითადად მაინც ტუროპერატორები და გიდები სტუმრობდნენ, ასევე უცხოელები, მათ ნახეს რომ მესტიას და კურორტ „თეთნულდს" დიდი პოტენციალი აქვს, შესაბამისად, მომავალ წელს იმაზე მეტ ვიზიტორს ელოდებიან, ვიდრე წელს.

 

ჟორჟოლიანის თქმით, ტურისტების მატებას ხელს შეუწყობს გზა, რომელზეც გზების დეპარტამენტი მუშაობს. კერძოდ, მესტიაში მოხვედრა უკვე ქუთაისიდან იქნება შესაძლებელი, რაც საკმაოდ ამოკლებს გზას. მისივე ინფორმაციით, იმის გამო, რომ „თეთნულდი" ასეთი პერსპექტიულია, მას და მის ირგვლივ სასტუმროს მფლობელებს, ბიზნესის გაფართოების სურვილი უჩნდებათ.

 

„თეთნულდის" განვითარება პირდაპირპროპორციულად არის დამოკიდებული მესტიის განვითარებაზე"-აცხადებს ჟორჟოლიანი.


შეგახსენებთ, „თეთნულდის" განვითარების პროექტი საფრანგეთის მთავრობის კრედიტით და საქართველოს მთავრობის ფინანსური დახმარებით ხორციელდება. საფრანგეთის მთავრობის კრედიტი 18 მილიონი ევროა, საქართველოს მთავრობა კი სულ 100 მილიონი ლარის აქტივობებს ახორციელებს.

 

კურორტის მთლიანი ფართობი 7000 ჰექტარია.


გამოთვლების მიხედვით, კურორტს ერთდროულად შეეძლება მოემსახუროს 4100 მოთხილამურეს, საბაგიროების საერთო გამტარიანობა - 8400 ადამიანი/საათში, კურორტის ტურისტული ტევადობა არის 6806 ადამიანი.



რატომ გაიზარდა ოფშორული ინვესტიციები

რატომ გაიზარდა ოფშორული ინვესტიციები
access_time2019-12-16 14:00:20
მესამე კვარტალში პირდაპირი უცხოური ინვესტიციების შემოდინება წინა წელთან შედარებით, თითქმის 14%-ით გაიზიარდა. კერძოდ, სტატისტიკის სამსახურის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ, 2019 წლის III კვარტალში 417.3 მლნ. აშშ დოლარი შეადგინა, რაც 2018 წლის III კვარტალის დაზუსტებულ მონაცემებზე 13.7 პროცენტით მეტია. ამავე მონაცემების ანალიზიდან ირკვევა, რომ ინვესტორ ქვეყნებში ოფშორული ქვეყნები ლიდერობენ....

ვიზა ალპებისკენ - ტერაბანკი საახალწლო აქციას იწყებს

 ვიზა ალპებისკენ  - ტერაბანკი საახალწლო აქციას იწყებს
access_time2019-12-16 11:30:55
ახალი წლის მოახლოებასთან ერთად, ტერაბანკმა ვიზა ბარათების მფლობელებისთვის სადღესასწაულო აქცია დაიწყო. აქციის განმავლობაში ბარათით გადახდა კომფორტულთან ერთად, მომგებიანიც იქნება. აქციის პერიოდში ვიზა ბარათით გაკეთებულ ყოველ მე-10, მინიმუმ 10 ლარიან ტრანზაქციაზე ნებისმიერ მომხმარებელს საჩუქრად 10 ლარი დაერიცხება.აქციის ბოლოს გამოვლინდება გამარჯვებული და იგი განსაკუთრებულ პრიზს მიიღებს: მომხმარებელს, რომელიც აქციის განმავლობაში ყველაზე მეტ მინიმუმ 10-ლარიან გადახდას...

თემურ ბასილია: 4 ფაქტორი, რის გამოც ლარის კურსი მყარდება

თემურ ბასილია: 4 ფაქტორი, რის გამოც ლარის კურსი მყარდება
access_time2019-12-16 13:00:45
აშშ-ში მცხოვრები ფინანსისტი თემურ ბასილია ბოლო რამდენიმე კვირის განმავლობაში ლარის გაცვლითი კურსის ცვლილებებს/გამყარებას „კომერსანტთან“ ხსნის. „პირველ რიგში, ეს არის ქართველი ემიგრანტების მიერ ფულადი გზავნილების მნიშვნელოვანი ზრდა. მაგალითად, ოქტომბერში მათ მიერ გამოგზავნილი თანხების რაოდენობა 153 მილიონ აშშ დოლარს აღემატებოდა, ხოლო, ნოემბერში 151 მილიონს. გადავხედე სტატისტიკას და დარწმუნებით შეიძლება ითქვას, რომ ერთი თვის განმავლობაში ამ ოდენობის...

საქართველოში საშუალო ხელფასი 1217 ლარია

საქართველოში საშუალო ხელფასი 1217 ლარია
access_time2019-12-16 12:00:45
2019 წლის III კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 91.6 ლარით გაიზარდა და 1 217.1 ლარი შეადგინა. ამის შესახებ ინფორმაციას „საქსტატი“ აქვეყნებს. 2019 წლის III კვარტალში, გასული წლის...

10 თვეში აღსრულების ეროვნული ბიურომ ქონების 49% კერძო მევახშეების სასარგებლოდ გაყიდა

10 თვეში აღსრულების ეროვნული ბიურომ ქონების 49% კერძო მევახშეების სასარგებლოდ გაყიდა
access_time2019-12-16 10:30:02
არასამთავრობო ორგანიზაცია „საზოგადოება და ბანკებმა“ კრედიტორების მიერ დასაკუთრებული უძრავი ქონების შესახებ ინფორმაცია მიმოიხილა.  2019 წლის 10 თვეში აღსრულების ეროვნული ბიუროს მიერ რეალიზებულია 1039 უძრავი ქონება. საიდანაც ყველაზე მეტი, 514 (49%) კერძო მევახშეების სასარგებლოდ გაიყიდა. კომერციულ ბანკებზე 411 (40%) უძრავი ქონება მოდის. 114-ის (11%) შემთხვევაში კრედიტორი მიკროსაფინანსო ორგანიზაცია იყო. ასევე აღსანიშნავია, რომ 2017 წლის შემდეგ...


მსგავსი სიახლეები

up