რატომ ინგრევა “აზარიანცის სახლი“ - „სილქ როუდ ჯგუფის“ პასუხი “კომერსანტს

რატომ ინგრევა “აზარიანცის სახლი“ - „სილქ როუდ ჯგუფის“ პასუხი “კომერსანტს

access_time2019-02-06 20:30:36

თბილისში, რუსთაველის 37-ში მდებარე ისტორიული შენობა, რომელიც ცნობილია როგორც ალექსანდრე მელიქ-აზარიანცის სახლი, დანგრევის პირასაა. ერთ ადგილას უკვე ჩამოიშალა სკუპლტურული კომპოზიცია. მალე სხვებიც მიჰყვება, რადგან ყველა მათგანი დაბზარულია. ეს თბილისისთვის დიდი უბედურება იქნება, — წერს სოციალურ ქსელში ფოტორეპორტიორი გოგა ჩანადირი.

კომერსანტი შეეცადა გაერკვია, ვის ეკუთვნის და  ვინ არის პასუხისმგებელი იმაზე, რომ ისტორიული ნაგებობა, რომელიც 20-ე საუკუნეში საქართველოში პირველი ბიზნესცენტრი გახდა,  21-ე საუკუნეში დანგრევის პირასაა.  

 



როგორც თბილისის მერიაში განაცხადეს, აზარიანცის სახლი  „სილქ როუდ ჯგუფში“ საკუთრებაშია და რეაბილიტაციაზე პასუხისმგებელიც კერძო კომპანიაა. 


როგორც კომარსანტმა გაარკვია  შენობის დაახლოებით 70% „სილქ როუდ ჯგუფმა“ 2007 წელს შეიძინა და საინვესტიციო კომპანიამ შენობაში მაცხოვრებლების ბინების გამოსყიდვაც ამავე წლიდან  ეტაპობრივად დაიწყო.


„სილქ როუდ ჯგუფის“ ინფორმაციით, გამოსყიდვაში გადახდილმა თანხამ დაახლოებით 15 მილიონი დოლარი შეადგინა, თუმცა რამდენიმე ფართის მფლობელს შენობა ჯერ არ დაუტოვებიათ და  რეკონსტრუქციას ხელს სწორედ ეს ფაქტი უშლის. 


 



„გარკვეული ფართები, რომელიც კომპანიას ეკუთვნის, ჯერაც არ არის ფიზიკურად გამოთავისუფლებული და დაკავებულია, მაგალითად, პანტომიმის თეატრის მიერ.  ამას გარდა, შენობაში არის ფართები, რომელიც სახელმწიფოს საკუთრებაშია და ასევე ფართები, რომელსაც სხვა კერძო პირები ფლობენ. საერთო ჯამში, შექმნილი ვითარება ართულებს ინვესტორების მოზიდვის პროცესს შენობაში საინვესტიციო პროექტის განსახორციელებლად, რადგანაც ეს ერთიანი პროექტი უნდა იყოს“, - აცხადებენ „სილქ როუდ ჯგუფში“.


 

„სილქ როუდ ჯგუფმა“ განცხადება შეიტანა ბარელიეფის რეკონსტრუქციის მოთხოვნით. აღსანიშნავია, რომ მფლობელთა უახლოეს გეგმებში ძეგლის სტატუსის მქონე ნაგებობის რესტავრაცია-რეკონსტრუქცია არ შედის.


„თბილისის მერიაში შეტანილია შენობაზე განთავსებული ბარელიეფების რეაბილიტაცია-რესტავრაციის პროექტი და ველოდებით ნებართვას. თუმცა, ეს მხოლოდ ფასადის აღდგენით სამუშაოებს ეხება და არ ნიშნავს შენობის სრულ რეაბილიტაციას. შენობის მასშტაბური რეაბილიტაცია, რაც გულისხმობს სარდაფების გაწმენდას, ნაგვის გატანას, საკანალიზაციო და სანიაღვრე სისტემების მოწყობას და საძირკვლის გამაგრებას, საჭიროებს ყველა მესაკუთრის და ასევე სახელმწიფოს ფინანსურ ჩართულობას. ამასთან, აუცილებელია, რომ ამ პროცესში ჩართული იყოს სსიპ „საქართველოს კულტურული მემკვიდრეობის დაცვის ეროვნული სააგენტო“ და თბილისის მერია“, -განმარტავენ „სილქ როუდ ჯგუფში“.

 




 



როგორც კომერსანტმა გაარკვია, შენობა შეტანილია საქართველოს კულტურული მემკვიდრეობის უძრავ ძეგლთა ნუსხაში, რაც, კულტურული მემკვიდრეობის შესახებ საქართველოს კანონის თანახმად, ჩარევის მკაფიოდ განსაზღვრულ ფორმას გულისხმობს.

 

„შენობის მაღალმხატვრული ღირებულების გამო მისი რეაბილიტაცია ფაქიზ, მეთოდოლოგიურად გააზრებულ და გამართულ სარესტავრაციო პოლიტიკას მოითხოვს. გამომდინარე იქიდან, რომ შენობა საკმაოდ მასშტაბურია და ამავდროულად მასში სინთეზურად არის გაერთიანებული არქიტექტურის და ქანდაკების საკმაოდ რთული კომბინაცია, ის საჭიროებს ჩარევის ზუსტი ფორმის გააზრებას, რაც მისი ავთენტურობის შენარჩუნებისკენ იქნება მიმართული. ეს ნიშნავს, რომ სარესტავრაციო მეთოდოლოგიის განსაზღვრა უნდა დაეფუძნოს რთულ, მრავალდისციპლინარულ კვლევებს“, - განუცხადეს კომერსანტს „სილქ როუდ ჯგუფში“  .


აზარიანცის სახლი  სახლი სომეხმა მეწარმემ 1912 წელს პეტერბურგელ ნიკოლაი ობოლონსკის დაუკვეთა, რომელმაც მშენებლობა 3 წელიწადში, 1915 წელს დაასრულა.


ამ ცნობილ არქიტექტორს თბილისში სხვა შენობა აღარ აუგია. თუმცა, მისთვისაც ძალიან დიდი გასამრჯელო აუღია.
შენობა, პრაქტიკულად, თბილისის პირველი ბიზნესცენტრი გახდა. აქ იყო თეატრი, მაღაზიები, აფთიაქი, დაწესებულები, მცირე სასტუმრო და სხვა. ასევე, ის იყო პირველი ნაგებობა, რომელსაც დამოუკიდებელი გაყვანილობები (წყალსადენი, ელექტროობა) და იმ დროინდელ თბილისში ყველაზე დიდი მიწისქვეშა სადგომი ჰქონდა.


რაც შეეხება შენობის მორთულობას, ჩეხმა ნოვაკმა შეასრულა და იმთავითვე ქალაქის გამორჩეული ნაგებობის სახელი მოიპოვა.
ამ შენობას არაერთი ლეგენდა, მითქმამოთქმა და თავგადასავალი უკავშირდება.


ერთი გადმოცემა იმასაც ამბობს, რომ მელიქ-აზარიანცი საბჭოთა ოკუპაციის შემდეგ მიწისქვეშა საიდუმლო გვირაბში დაიმალა, კარი ჩაეკეტა და ჩარჩა. ამიტომ, ამას მიაწერენ ამბავს, რომ სარდაფში თითქოსდა, ერთ ადგილას კაკუნის ხმა ისმის. ზოგიერთი წყარო ამბობს, რომ მეწარმეს საბჭოთა რეჟიმმა სახლი და ქონება ჩამოართვა. ის იმავე სახლის 1 პატარა ოთახში დატოვეს და 1923 წელს სიღარიბეში გარდაიცვალა.


100 წელიწადში ამ შენობის სამჯერ დანგრევა სცადეს და ყოველთვის გადარჩა. ახლა კი, ის უყურადღებობით ინგრევა. თბილისს ერთ-ერთი ლამაზი და ისტორიული სახლი ხელიდან ეცლება და ამის დაშვება ყოვლად გაუმართლებელია, — წერს გოგა ჩანადირი.




ფოტო: გოგა ჩანადირი

ბაჩო ადამია





მილიარდელი დევიდ კოხი გარდაიცვალა

 მილიარდელი დევიდ კოხი გარდაიცვალა
access_time2019-08-23 19:00:32
მილიარდელი, რომელიც ამერიკული პოლიტიკის გარდაქმნას ცდილობდა და ქველმოქმედებაში მილიარდზე მეტი აქვს დახარჯული, 79 წლის ასაკში გარდაიცვალა. ფაქტის შესახებ კოხის სპიკერმა კრისტიან ნიკოლასმა განაცხადა. ბიზნესმენი, რომლის ქონება 59 მილიად დოლარს შეადგენდა, მსოფლიოში უმდიდრეს  ადამიანებს შორის მეშვიდე ადგილს იკავებდა. შემოსავლის დიდი ნაწილი მან კანზასის ქალაქ ვიჩიტაში დაფუძნებული კომპანია Koch Industries-იდან მიიღო, რომლის წლიური შემოსავალი 110 მილიარდ...

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი
access_time2019-08-23 17:00:11
„საქართველოს ეროვნული ბანკი ვალდებულია დაინტერესდეს და შესაბამისი განმარტება გააკეთოს მამუკა ხაზარაძის განცხადებაზე, რომელიც ძალიან დამაინტრიგებელია. საზოგადოებაში კითხვები გაჩნდა და საჭიროა ამ კითხვებს დროულად გაეცეს პასუხი. ჩვენ ვართ სხვადასხვა ბანკის მომხმარებელი, ამიტომ ეს უფრო გააღრმავებს საფინანსო ორგანიზაციებსა და საზოგადოებას შორის ისედაც უკვე დიდი ხნის...

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს
access_time2019-08-23 15:30:18
გორის მუნიციპალიტეტში, სოფელ საყავრესთან ტყის მასივში გაჩენილი ხანძარი ლოკალიზებულია. მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. 3 ათასი მეხანძრე, 304 - სახანძრო ავტოტრანსპოტრი, სამაშველო...

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს
access_time2019-08-23 12:30:39
აზიის განვითარების ბანკმა (ADB) დღეს საქართველოსთან თანამშრომლობის ახალი სტრატეგია დაამტკიცა. ბანკის ცნობით, 2019-2023 წლების თანამშრომლობის ხუთწლიანი სტრატეგია, მხარს უჭერს საქართველოს მთავრობის განვითარების სტრატეგიას, რომელიც ეფექტურობის გაზრდასა და სიღარიბის შემცირებას ისახავს მიზნად მეზობელ ქვეყნებთან და დანარჩენ მსოფლიოსთან ეკონომიკური ინტეგრაციის გზით. ქვეყანასთან თანამშრომლობის ახალი სტრატეგია მიმართული იქნება სავაჭრო კავშირების გაღრმავებაზე,...

ზაზა ფაჩულიამ „არქი“ იყიდა!

ზაზა ფაჩულიამ „არქი“ იყიდა!
access_time2019-08-23 10:55:30
ცცნობილი ქართველი კალათბურთელი, NBA-ს ორგზის ჩემპიონი ზაზა ფაჩულია დეველოპერული კომპანია „არქის“ წილის მფლობელი გახდა. ფაჩულიას “არქისთან” მრავალწლიანი ურთიერთობა აკავშირებს და მისი მონაწილეობით კომპანიამ არაერთი მარკეტინგული აქტივობა განახორციელა. 21 აგვისტოს, კი ზაზა ფაჩულიასა და “არქის” თანამშრომლობამ განსხვავებული ფორმა შეიძინა. გაფორმებული მემორანდუმის მიხედვით ფაჩულიამ კომპანიის წილი იყიდა და ილია წულაიასთან და მენი ბენიშთან ერთად „არქის“ თანამფლობელი...


მსგავსი სიახლეები

up