“კრიზისი გაზაფხულიდან დაიწყო,მის დაძლევას ჯერ ვერ ვახერხებთ“ – “ჩირიფრუტი“

“კრიზისი გაზაფხულიდან დაიწყო,მის დაძლევას ჯერ ვერ ვახერხებთ“ – “ჩირიფრუტი“

access_time2020-12-10 16:21:09

ჩირისა და შოკოლადის მწარმოებლებს წინა წლის ანალოგიურ პერიოდთან შედარებით შეკვეთები გაუნახევრდათ. „ჩირიფრუტში“ ამის გამომწვევ ძირითად მიზეზად ტურისტული ნაკადების შემცირებას და ფინანსურ კრიზისს ასახელებენ.

„გასული წლის დეკემბერში დიდი იყო მოთხოვნა კორპორატიულ შეკვეთებზე. კომპანიები თავისი თანამშრომლებისთვის სასაჩუქრე ნაკრებებს ყიდულობდნენ. ეს მაჩვენებელი წელს ძალიან არის შემცირებული. გარდა ამისა, გაზაფხულზე დაიკეტა Duty Free, ასევე დახურულია ლოკაციები, სადაც ჩვენ პროდუქციას ვყიდიდით. მართალია გავაძლიერეთ აქტივობა სოციალურ ქსელში, თუმცა, ელქტრონული კომერციით წინა წლის მაჩვენებლებს ვერ ვუტოლდებით.“ - აცხადებს „ცირიფრუტის“ დამფუძნებელი სოფიო ჯიქია.

შემცირებული გაყიდვების და პანდემიის ფონზე კომპანიისთვის ერთ-ერთი დიდი პრობლემა გაზის ტარიფის დაგეგმილი ცვლილებაა. “თბილისი ენერჯის“ გავრცელებული ინფორმაციით, არასაყოფაცხოვრებო ტარიფი 24 თეთრით, 1.10 ლარამდე იზრდება. „ჩირიფრუტში“ ვარაუდობენ, რომ ამ მიზეზით მომავალი წლიდან პროდუქციაზე ფასები გაიზრდება.

„ხარჯები ამ ვითარებაში ისედაც მაღალია. შესაბამისად, გაზის ტარიფის ზრდა საკმაოდ პრობლემურია. ვფიქრობთ, ეს ცვლილება პროდუქციის ღირებულებაზე აუცილებლად აისახება. რამდენად შეძლებს მომხმარებელი ახალი გაზრდილი ფასის გადახდას ეს უკვე საკითხავია.“ - აცხადებს „ჩირიფრუტის“ დამფუძნებელი.


ადგილობრივ ბაზარზე შემცირებული მოთხოვნის ფონზე მზარდია დაინტერესება საექსპორტო ქვეყნებიდან. „ჩირიფრუტში“ განმარტავენ, რომ განსაკუთრებული დაინტერესება ქართულ ტკბილეულზე ევროპული ბაზრიდან არსებობს.

„ყოველდღიურად გვირეკავენ, აინტერესებთ რამდენად გვაქვს რესურსი დიდი ოდენობით პროდუქტი მივაწოდოთ. მუდმივ მოლაპარაკებებში ვართ. თუ ყველაფერი გამოვიდა, უახლოეს მომავალში ჩვენი პროდუქცია ბრიტანეთში გაიყიდება. სატესტო პარტიას ახლა ვაგზავნით. ასევე დაინტერესებულია ჩინეთის მხარე და მეზობელი ქვეყნები.“- განმარტავს სოფიო ჯიქია.

“ჩირიფრუტი“ ამ ეტაპზე დაახლოებით 60 სახეობის პროდუქციას აწარმოებს და 20-ამდე ადამიანს ასაქმებს.

business-partner.ge





ქაღალდი ჩამოცვენილი ფოთლებიდან - უკრაინული სტარტაპის იდეა

ქაღალდი ჩამოცვენილი ფოთლებიდან - უკრაინული სტარტაპის იდეა
access_time2021-04-11 20:00:56
უკრაინის ზაკარპატიეს ოლქში დაბადებულმა ვალენტინ ფრეჩკამ ჩამოცვენილი ფოთლების გადამუშავების და მათგან ქაღალდის წარმოების ტექნოლოგია ჯერ კიდევ სკოლაში მოიფიქრა.დღეს მის მიერ დაარსებული სტარტაპი ხარკოვში და რივნოში ამ უჩვეულო მასალიდან ქაღალდის პაკეტებს აწარმოებს, რომლებიც 8 კგ. -ს წონას უძლებენ.კომპანიაში 7 ტონა ფოთლები გადაამუშავეს და ამაზე შეჩერებას არ აპირებენ - ასეთი ქაღალდისგან კიდევ ბევრი რამის გაკეთება შეიძლება -...

Süddeutsche Zeitung: საიდან არის მოსალოდნელი შემდეგი პანდემია?

Süddeutsche Zeitung: საიდან არის მოსალოდნელი შემდეგი პანდემია?
access_time2021-04-11 18:00:37
ადრე იყო ერთი მონადირის ისტორია ცენტრალურ აფრიკაში, რომელმაც მაიმუნი მოკლა. შესაძლოა, მან ცხოველთან ბრძოლის დროს დაზიანება მიიღო, ან მაიმუნის სისხლის მის ორგანიზმში ხორცის დამუშავების დროს მოხვდა. ეს ზუსტად არავინ იცის.ასე იყო თუ ისე, ცხოველის ფიზიოლოგიურ სითხესთან ერთად მის ორგანიზმში ვირუსმა შეაღწია. ეს ისტორიული მოვლენა დაახლოებთ 100 წლის წინ მოხდა, და სრულიად შეუმჩნევლად ჩაირა, თუმცა, ათეულობით წლის შემდეგ ამან უამრავი ადამიანის...

“რას მართავენ წარმატებით ? ” - ვახო სანაია

“რას მართავენ წარმატებით ? ” - ვახო სანაია
access_time2021-04-11 18:06:12
“კოვიდს წარმატებით ვმართავთო. შეგიძლიათ, მითხრათ, რა იგულისხმება ამ სიტყვებს მიღმა ?” — ამის შესახებ სოციალურ ქსელში ჟურნალისტი ვახო სანაია წერს.“● პირველი ტალღა გვქონდა● მეორე ტალღაც გვქონდა ● ახლა მესამე ტალღაც გვაქვსო ● როცა საჭირო იყო, ტესტირება პრობლემა გახდა. ● ერთი ლოქდაუნი გვქონდა● მეორე ლოქდაუნიც გვქონდა ● ქვეყანა ახლაც ჩაკეტილია ● უახლოეს მომავალში სავარაუდოდ კიდევ...

LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...


მსგავსი სიახლეები

up