„კრისტალი“ უერთდება ვალების ჩამოწერის პროგრამას და სებ-ის ახალი რეგულაციების ძალაში შესვლამდე დამატებით შეღავათებს სთავაზობს ვადაგადაცილებაში მყოფ დანარჩენ მსესხებლებს

„კრისტალი“ უერთდება ვალების ჩამოწერის პროგრამას და სებ-ის ახალი რეგულაციების ძალაში შესვლამდე დამატებით შეღავათებს სთავაზობს ვადაგადაცილებაში მყოფ დანარჩენ მსესხებლებს

access_time2018-12-20 10:00:35


 „კრისტალი“ ჩაერთო ფონდი ქართუს ვალების ჩამოწერის პროგრამაში, რომლის ფარგლებშიც წლის ბოლომდე ჯამში 3.37მლნ ლარის მოცულობის სესხებს ჩამოწერს, რაც კომპანიის მთლიანი სასესხო პორთფელის დაახლოებით 1%-ია. აღნიშნული ინიციატივის გარდა, სესხების გაცემის ახალი რეგულაციის ძალაში შესვლამდე „კრისტალი“ მიმდინარე ვადაგადაცილებაში მყოფ იმ მომხმარებლებს, ვისაც არ შეხებია ვალების ჩამოწერის პროგრამა, განურჩევლად სესხის მოცულობისა და ვადაგადაცილების ხანგრძლივობისა, მომხმარებლის მხრიდან თანამშრომლობის შემთხვევაში შეღავათებს შესთავაზებს. ამასთან, საქართველოს მთავრობის მიერ საგადასახადო კოდექსში უკვე ინიცირებული ცვლილების მიღების შემდეგ, „კრისტალის“ პროგრამა „შეხვდი ახალ წელს დადებითი საკრედიტო ისტორიით“ მასშტაბი მნიშვნელოვნად გაიზრდება.


“კრისტალში ჩვენ ყოველთვის გვქონდა და გვექნებაპარტნიორული მიდგომა ჩვენს მომხმარებელთან დავთვლით, რომ ჩვენი მომხმარებლის წარმატება და გამოწვევა, ჩვენი წარმატება და გამოწვევაცაა. ამიტომაც, ჩვენ დღეს ვდგამთ დამატებით ნაბიჯს, იმისთვის რომ 2019 წელს, დაკრედიტების ახალი წესების დამკვიდრებას, უფრო ძლიერები და განვითარებაზე ორიენტირებულები შევხვდეთ ჩვენს მომხმარებლებთან ერთად“, განაცხადა კრისტალის სამეთვალყურეო საბჭოს თავმჯდომარემ არჩილ ბაკურაძემ.


„ჩვენ უკვე შევუერთდით ფონდი ქართუს ვალების ჩამოწერის პროგრამას და ჯამში 3.37 მილიონი ლარის მოცულობის სესხებს ჩამოვწერთ, რაც ჩვენი მთლიანი აქტიური პორთფელის დაახლოებით 1%-ია. ეს კიდევ ერთხელ მეტყველებს იმაზე, რომ „კრისტალი“ ყოველთვის გამოირჩეოდა პასუხისმგებლიანი დამოკიდებულებით სესხების გაცემისადმი, რის შედეგადაც ვადაგადაცილებაში მყოფი სესხების რაოდენობა ძალიან მცირეა. სწორედ იმისთვის, რომ კიდევ უფრო გამყარდეს ჩვენი და ჩვენი მომხმარებლების პასუხისმგებლიანი დამოკიდებულება, ჩვენ გამოვდივართ დამატებითი ინიციატივით, რომელიც ეხება ყველა იმ მომხმარებელს, ვისაც მიმდინარე ვადაგადაცილება აღენიშნება. დამატებითი ინიციატივა არ გულისხმობს სესხების სრულ პატიებას, თუმცა მომხმარებლები მნიშვნელოვან შეღავათებს მიიღებენ, რათა გაუმჯობესებული საკრედიტო ისტორიით შეხვდნენ ახალ წელს. ამიტომ მოვუწოდებ 2018 წლის 19 დეკემბრის მდგომარეობით ვადაგადაცილებაში მყოფ ჩვენს მომხმარებლებს დროულად მიმართონ „კრისტალის“ ფილიალებს“, დაამატა არჩილ ბაკურაძემ.


„კრისტალის“ პროგრამა „შეხვდი ახალ წელს დადებითი საკრედიტო ისტორიით“ 2018 წლის 31 დეკემბერს დასრულდება.


კრისტალის შესახებ:


“კრისტალი“ ქვეყანაში წამყვანი არასაბანკო საფინანსო ინსტიტუტია, რომელიც საქართველოს მასშტაბით მართავს 270 მლნ ლარის მოცულობის სასესხო პორთფელს, დასაქმეული ჰყავს 1,000-ზე მეტი თანამშრომელი, ოპერირებს 62 ფილიალით და ემსახურება 100,000 ზე მეტ კლიენტს. მომხმარებლის საჭიროებებზე მორგებული ინოვაციური და განვითარებაზე ორიენტირებული ფინანსური პროდუქტებისა და მომსახურების შეთავაზებით, „კრისტალი“ ხელს უწყობს ათასობით მომხმარებლის ეკონომიკურ განვითარებას. „კრისტალი“ პირველი არასაბაკო საფინანსო ორანიზაციაა რომელმაც გლობალური სარეიტინგო სააგენტოს, FitchRatings-ის შეფასება ‘B’/Stable მოიპოვა და ასევე პირველმა გამოუშვა 10 მლნ ლარის მოცულობის კორპორაციული ობლიგაციები.2018 წლის 13 დეკემბერს, „კრისტალი“ საქართველოში წლის პასუხისმგებლიან ბიზნესად დასახელდა.



(R)


თეგები:
კრისტალი



დღის Top-10 საინტერესო ამბავი

დღის Top-10 საინტერესო ამბავი
access_time2020-04-09 21:30:56
დღის Top-10 საინტერესო ამბავი 1.„ავტომობილების 60 პროცენტი საზღვარგარეთ გადიოდა“ - კორონავირუსის და ჩაკეტილი საზღვრების გავლენა ავტობაზარზე კორონავირუსის პანდემიის პირობებში უძრავ-მოძრავ ქონებაზე მოსახლეობის მინიმუმამდე დასული ინტერესი ავტომობილების შიდა ბაზარზეც ისევე მძიმედ...

9 აპრილი - ქართული ლარი, თურქული ლირა და სომხური დრამი უმნიშვნელოდ გამყარდა

9 აპრილი - ქართული ლარი, თურქული ლირა და სომხური დრამი უმნიშვნელოდ გამყარდა
access_time2020-04-09 19:00:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის დასაწყისიდან ლარის მნიშვნელოვანი გაუფასურება დაიწყო და წლის დასაწყისთან შედარებით, დაახლოებით 22%-ით გაუფასურდა. Bloomberg-ის სავაჭრო სისტემაშიც ბოლო პერიოდის განმავლობაში ლარი ძირითადად მკვეთრად უფასურდებოდა, რეგიონის ვალუტის კურსები კი ან მცირედით და ეტაპობრივად უფასურდება, ან მყარდება.   ეროვნული ბანკის მიერ გამოქვეყნებული 8 აპრილის ვაჭრობის შედეგად, ქართული ლარის კურსი...

დარგები, რომელიც პანდემიის დასრულების შემდეგ გაკოტრების წინაშე აღმოჩნდება-ირაკლი ბერძენაძე

დარგები, რომელიც პანდემიის დასრულების შემდეგ გაკოტრების წინაშე აღმოჩნდება-ირაკლი ბერძენაძე
access_time2020-04-09 18:00:52
ევროპის ლიბერალური ეკონომიკის ასოციაციის საერთაშორისო ეკონომიკური ექსპერტი ირაკლი ბერძენაძე facebook-ში პოსტს აქვეყნებს, რომელსაც „კომერსანტი“ უცვლელად გთავაზობთ: „კორონავირუსის პანდემია აუცილებლად დასრულდება მაქსიმუმ 2 თვის ვადაში, მაგრამ სექტორები, რომლებიც აღმოჩნდებიან ღრმა ფინანსურ კრიზისში და გარკვეულწილად გაკოტრების წინაშე იქნება შემდეგი: 1) უძრავი ქონების ბაზარი - (კომერციული და საცხოვრებელი ბინების გაქირავება, მშენებლობა).2) ტურიზმი (სასტუმრო, AirBnb ზე...

საერთაშორისო მისიების ღია წერილი საქართველოს მთავრობასა და ხალხს - „საჭიროა დაუცველი ბიზნესებისა და მოსახლეობის მხარდაჭერა, რომ შოკს გაუძლონ“

საერთაშორისო მისიების ღია წერილი საქართველოს მთავრობასა და ხალხს - „საჭიროა დაუცველი ბიზნესებისა და მოსახლეობის მხარდაჭერა, რომ შოკს გაუძლონ“
access_time2020-04-09 14:31:25
საქართველოში მოქმედი საერთაშორისო ფინანსური ორგანიზაციების წარმომადგენლები და დიპლომატები საქართველოს მთავრობასა და ხალხს ღია წერილით მიმართავენ. ღია წერილი მსოფლიო ბანკმა გაავრცელა. წერილში პანდემიისგან გამოწვეულ პრობლემებთან გასამკლავებლად საქართველოს მზაობასა და ქვეყნის მხარდაჭერაზეა საუბარი. „COVID-19–ის პანდემია და მასთან დაკავშირებული ეკონომიკური კრიზისი უპრეცედენტო სისწრაფით ღრმავდება და მსოფლიოს ეკონომიკას რეცესიისკენ...

რუსეთში კარანტინის პირველივე კვირას ტანსაცმლის გაყიდვები განულდა

რუსეთში კარანტინის პირველივე  კვირას ტანსაცმლის გაყიდვები განულდა
access_time2020-04-09 18:30:46
„სბერბანკის“ ინფორმაციით, პირველივე არასამუშაო კვირა რუსეთში, რომელიც 30 მარტიდან 5 აპრილამდე გაგრძელდა, ტანსაცმლისა და ფეხსაცმლის მაღაზიებისთვის კრახის დასაწყისი გახდა, მოთხოვნა პრაქტიკულად განულდა - რეალიზაცია 94,2 პროცენტით შემცირდა. ავეჯსა და ინტერიერის ნივთებზე მოთხოვნა რუსეთში 81 პროცენტით დაეცა, ხოლო ტექნიკა და ელექტრონიკის გაყიდვები 58 პროცენტამდე შემცირდა. თუმცა, რუსებმა მოიმარაგეს ღვინო, საკვები და წამლები. სხვა სფეროებს კრიზისის...


მსგავსი სიახლეები

up