კრიპტოსამყაროს მთავარი საიდუმლო: ვინ შექმნა ბიტკოინი?

კრიპტოსამყაროს მთავარი საიდუმლო: ვინ შექმნა ბიტკოინი?

access_time2019-03-25 20:00:34


ბიტკოინი შემქნელის ირგვლივ არსებობს ძალიან ბევრი თეორია, თუმცა მათ ყველას აკლია მთავარი - მყარი მტკიცებულებები. თუმცა, შესაძლებელია ამ საიდუმლოს ფარდა სულ მალე აიხადოს.


პირველი კრიპტოვალუტა 10 წლის წინ გაჩნდა, დღეს კი ვირტუალური ფულის ბაზარი მილიარდებს ითვლის, სხვადასხვა კრიპტოვალუტების რაოდენობამ გადააჭარბა 2100-ს, ხოლო განვითარებული ქვეყნების მთავრობები სერიოზულად დაფიქრდნენ ბლოკჩეინის ტექნოლოგიაზე.


თუმცა, დღემდე უცნობია, ვინ დგას ამის უკან და ვინ შექმნა ეს ტექნოლოგია და ბიტკონი. ერთადერთი, რაც ცნობილია, ეს არის ფსევდონიმი - სატოში ნაკამოტო და ათასნაირი ვარაუდი იმაზე, თუ ვინაა ის სინამდვილეში.


ერთადერთი, რაც მეტ-ნაკლებად ცნობილია, ეს არის ბიტკოინების რაოდენობა, რომელსაც ის ფლობს, თუმცა, აქაც ძალიან ბევრი ვარაუდია. ყველა დარწმუნებული იყო იმაში, რომ სატოშო ნაკამოტოს აქვს მილიონი ბიტკოინი, თუმცა 2018 წელს ბირჟა BitMEX-ის ანალიტიკოსებმა დათვალეს, რომ იდუმალ მაინერს, რომელიც დომინირებდა ქსელში 2009 წელს და, სავარაუდოდ, იყო სწორედ სატოში ნაკამოტო, შეეძლო მხოლოდ 700 000 ბიტკოინის მიღება.


კრიპტოსაზოგადოებაში არსებობს უამრავი თეორია ბიტკოინის შემქნელის თაობაზე. არის რამდენიმე ადამიანი, რომელიც იდეალურად შეეფერება ამ როლს, თუმცა, მათ ყველას აკლია მთავარი - მტკიცებულებები.


2014 წელს Newsweek-მა გამოაქვეყნა ჟურნალისტური გამოძიება, სადაც ბიტკოინის შემქნელად დაასახელა 64 წლის იაპონური წარმოშობის ამერიკელი დორიან სატოში ნაკამოტო. პროგრამისტი ლოს-ანჯელესიდან. ის მუშაობდა საიდუმლო სამხედრო პროექტებში, ასევე იყო პროგრამისტი ფინანსურ და ტექნოლოგიურ კომპანიებში.


თუმცა, პუბლიკაციის შემდეგ მან უარყო გავრცელებული ინფორმაცია და განაცხადა, რომ არ აქვს არაფერი საერთო კრიპტოვალუტის შექმნასთან.


იგივე 2014 წელს Forbes-მა დაწერა, რომ დორიან ნაკამოტოსთან ახლოს ცხოვრობს პროგრამისტი და ვირტუალური ფულის ინდუსტრიის ერთ-ერთი პიონერი ხელ ფინი - სწორედ ის იყო ისტორიაში პირველი ადამიანი, რომელმაც მიიღო ბიტკოინის ტრანზაქცია.


გამოცემის რედაქტორმა ენდი გრინბერგმა, იმის მიუხედავად, რომ მეცნიერი იყო ავად - ის ვერ მოძრაობდა და ვერ ლაპარაკობდა, სცადა მისგან ინტერვიუს აღება,. თუმცა, კრიპტოსამყაროს აქაც ელოდა იმედგაცრუება - ხელ ფინიმ უარყო Forbes-ის ინფორმაცია.


გლობალურ გამოძიებას შეუერთდნენ ლინგვისტები - ბირმინგემის უნივერსიტეტის მკლევარებმა შეისწავლეს კრიპტოგრაფიის და ინფორმატიკის პროფესორის ნიკ საბოს წერის მანერა და თემები, რომლებიც დაემთხვა პირველ პუბლიკაციებს ბიტკოინზე, რომელთა ავტორი იყო სატოში ნაკამოტო.



ნიკ საბო გახდა მორიგი სავარაუდო ნაკამოტო, რასაც ადასტურებდა ისიც, რომ 1998 წელს მან დაწერა სტატია ახალ ტექნოლოგიაზე, რომელსაც დაარქვა Bit Gold. ეს კონცეფცია ძალიან ახლოს იყო ბლოკჩეინთან, თუმცა, ის არ იყო რეალიზებული რეალურ ცხოვრებაში.


ანალიტიკოსებმა შეისწავლეს ნიკ საბოს 40 სტატია, რომელიც, ლინგვისტური თვალსაზრისით, ძალიან წააგავდა ბიტკოინის შემქმნელის წერის მანერას.


თუმცა, თავად საბომ არაერთხელ უარყო ეს ვარაუდები და ცალსახად აცხადებდა, რომ, მსგავსების მიუხედავად, მას არაფერი არა აქვს საერთო კრიპტოვალუტის მამასთან. ხოლო მტკიცებულებები, ისევე, როგორც სხვა შემთხვევებში, არ იყო საკმარისი.


ჟურნალისტები არ დანებდნენ და 2015 წელს საიტებმა Gizmodo-მ და Wired-მა გამოაქვეყნეს დამოუკიდებელი კვლევები, რომელთა თანახმად, სავარაუდოდ, სატოში ნაკამოტო იყო მეცნიერი და მეწარმე კრეიგ რაიტი.


წინამორბედისგან განსხვავებით, მას არ დაუწყია ამ ვარაუდის უარყოფა, პირიქით, მან დაწერა პოსტი, სადაც აღიარებდა, რომ სწორედ ის არის პირველი ვირტუალური ვალუტის შემქნელი.


თუმცა, მისი დიდება მოკლევადიანი აღმოჩნდა - გამოცემა Reddit-მა მოიძია რამდენიმე მტკიცებულება, რომ კრეიგ რაიტი სინამდვილეში არ იყო სატოში ნაკამოტი. ბიტკოინის საბაზო პროგრამული უზრუნველყოფის შემქნელმა გრეგორი მაქსველმა განაცხადა, რომ კრეიგ რაიტს არა აქვს არაფერო საერთო ბლოკჩეინის მამასთან.


მას დაეთანხმა ასევე ჰაკერი დენ კამინსკი - მან უწოდა რაიტს მატყუარა და თაღლითი, რომელმაც მოატყუა მთელი მსოფლიო.


იყო კიდევ ათამდე ადამიანი, რომელსაც ჟურნალისტები და ანალიტიკოსები ამსგავსებდნენ სატოში ნაკამოტოს, თუმცა, ამ შემთხვევებშიც არ იყო საკმარისი ობიექტური მტკიცებულებები.

ერთხელ ეს პატივი ერგო ილონ მასკს, თუმცა, მან ძალიან სწრაფად უარყო ეს ვერსია.


2018 წელს ბიტკოინის ერთ-ერთმა შემქნელმა ჯეფ გარზიკმა, რომელსაც თავის დროზე ჰქონდა პირდაპირი კონტაქტი ნამდვილ სატოში ნაკამოტოსთან, გამოთქვა ვარაუდი, რომ ის იყო ყოფილი ჯარისკაცი და დეტექტივი დეივ კლეიმანი.


1995 წელს კლეიმანი ავარიაში მოხვდა და დაკარგა გადაადგილების უნარი, რის შემდეგაც დაიწყო მუშაობა კომპიუტერულ-ტექნიკური ექსპერტიზის დარგში. ის იყო ნიჭიერი პროგრამისტი, რომელმაც ბევრი რამ ისწავლა თავისით, თუმცა, 2013 წელს კლეიმანი გარდაიცვალა ინფექციისგან.



ეს ისტორია ამით არ დასრულებულა - 2018 წელს მისმა ძმამ, აირა კლემანმა უჩივლა ცრუ-სატოშის კრეიგ რაიტს და მოითხოვა მისგან 1 მლნ ბიტკოინი, რომელიც, სავარაუდოდ, ეკუთვნოდა გარდაცვლილ პროგრამისტს.


თუმცა, კომპანია WisSec-ის სპეციალისტებმა კიბერუსაფრთხოების დარგში დაადგინეს, რომ იტყუება ორივე მხარე - არც რაიტის და არც კლეიმანის ბიტკოინ მისამართებს არა აქვთ არაფერი საერთო კრიპტივალუტის შექმნასთან.


2019 წლის მარტში ჯეფ გარზიკი დაიბარეს სასამართლოში და მას უახლოეს დროში მოუწევს ჩვენებების მიცემა და რაიმე საბუთების წარდგენა, რომლებიც დაადასტურებენ, რომ კლეიმანი მართლაც იყო სატოში ნაკამოტო.


ასევე, ის მიაწვდის სასამართლოს ინფორმაციას კრიპტოვალუტის პირველ ტრანზაქციასთან დაკავშირებით.


ამჯერად, არა მასმედია, არამედ სასამართლო შეეცდება ჩვენი დროის ერთ-ერთი ყველაზე აქტუალურ შეკითხვაზე პასუხის გაცემას - ბოლოს და ბოლოს, ვინ იყო სატოში ნაკამოტო?



RBC



თეგები:
ბიტკოინი



Bloomberg-ზე 1 დოლარი 2,9000 ლარად ივაჭრება

Bloomberg-ზე 1 დოლარი 2,9000 ლარად ივაჭრება
access_time2019-07-23 13:16:07
Bloomberg-ის სავაჭრო პლატფორმაზე 13:00 საათზე ერთი დოლარი 2,900 ლარად ივაჭრება. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის ოფიციალური ღირებულება 2.8831 ლარია. რაც შეეხება ევროს, მისი კურსი 3.2357 ლარია. ეროვნული ბანკი ახალ კურსს დღეს 17:00 საათზე გამოაქვეყნებს.აღსანიშნავია, რომ დღეს დილით, 11 საათისთვის Bloomberg-ის სავაჭრო პლატფორმაზე ერთი დოლარი 2.8900 ლარად...

4Hospitals - საიმედო პარტნიორი

4Hospitals - საიმედო პარტნიორი
access_time2019-07-23 10:30:06
4Hospitals წარმოადგენს სამედიცინო პროდუქციის და სერვისის მიმწოდებელ კომპანიას კლინიკებისათვის. კომპანია 5 წლის წინ დაარსდა და დღეს უკვე მრავალი გლობალური ბრენდის წარმომადგენელია საქართველოში და ახლა უკვე - სომხეთშიც. კომპანია 1000-ზე მეტი დასახელების სამედიცინო პროდუქტს აწვდის საქართველოს 100 მეტ კლინიკას, რომელთა მომხმარებელია მრავალი ექიმი და მათი მეშვეობით ასეულ ათასობით პაციენტი. დაარსების დღიდან კომპანიამ...

აშშ-მ თურქეთი წინააღმდეგ სანქციების დაწესება დაიწყო

აშშ-მ თურქეთი წინააღმდეგ სანქციების დაწესება დაიწყო
access_time2019-07-22 20:00:40
“ვაშინგტონმა აუკრძალა ანკარას მონაწილეობა გამანადგურებლის F-35-ის შექმნის და წარმოების პროგრამაში. ამის მიზეზია თურქეთის მიერ რუსული საზენიტო კომპლექსების ს-400-ის ყიდვა,“  - ნათქვამია თეთრი სახლის ოფიციალური განცხადებაში. დოკუმენტში წერია, რომ ამერიკული სამხედრო თვითმფრინავების გამოყენება რუსულ სადაზვერვო ტექნიკასთან გვერდით დაუშვებელია, რადგანაც ამ ტექნიკის ერთ-ერთი ამოცანა არის სწორედ F-35-ს საბრძოლო მახასიათებლებზე ინფორმაციის...

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“

“ავერსი“ ყოფილი ინფექციური საავადმყოფოს ტერიტორიაზე გამხმარი ფიჭვების მოჭრას სექტემბერში დაიწყებს - რა ჯიშის ხეებით ჩანაცვლდება “ელდარის ფიჭვები“
access_time2019-07-22 19:00:11
ყაზბეგის გამზირზე, ყოფილი ინფექციური საავადმყოფოს ტერიტორიაზე, ორი წლის წინ დაავადებული და გამხმარი ფიჭვების მოჭრა სექტემბერში დაიწყება და მათ ადგილას როგორც წიწოვანი, ასევე ფოთლოვანი ხეები დაირგვება.  ამის შესახებ “კომერსანტს“  „ავერსი-ფარმას“ გენერალურმა დირექტორმა ირაკლი ფურცელაძემ განუცხადა.   როგორც ირაკლი ფურცელაძე ამბობს,  საავადმყოფოს ტერიტორიაზე ფიჭვების დაავადების შესახებ დაახლოებით...

მოსახლეობის 62% სებ-ის საქმიანობას ნეგატიურად აფასებ, რას ფიქრობს ბიზნესი? - „ეროვნული ბანკი ვერ არის თავის სიმაღლეზე“

მოსახლეობის 62% სებ-ის საქმიანობას ნეგატიურად აფასებ, რას ფიქრობს ბიზნესი? -   „ეროვნული ბანკი ვერ არის თავის სიმაღლეზე“
access_time2019-07-23 10:00:18
საერთაშორისო რესპუბლიკური ინსტიტუტის (IRI) კვლევის შედეგებით საქართველოს მოსახლეობის დიდი ნაწილი მთავრობასთან ერთად  ყველაზე უარყოფით შეფასებას აძლევს საქართველოს ეროვნული ბანკის საქმიანობას - მოსახლეობის 62% სებ-ის საქმიანობას ნეგატიურად აფასებს, დადებითად 25%, ნეიტრალურად კი – 13%. „კომერსანტი“ დაინტერესდა, როგორ აფასებს ქვეყნის მთავარი მარეგულირებელის საქმიანობას ბიზნესი, მით უფრო ლარის მორიგი...


მსგავსი სიახლეები

up