კრიპტოვალუტის ბაზარზე ციებცხელება ნარჩუნდება. CoinMarketCap–ის მონაცემებით, ბოლო დღე–ღამეში ბიტკოინი $36,7 ათასიდან $32,3 ათასამდე დავარდა. გუშინდელი ვაჭრობის მიწურულს მთავარი კრიპტოვალუტის ფასი $32,9–მდე ავიდა. ამრიგად, ბიტკოინმა თითქმის 10% დაკარგა. კაპიტალიზაციით მეორე კრიპტოვალუტა ეთერიუმიც მინუსშია – $2 395.
პორტალის Zero Hedge ცნობით, მაისის შუა რიცხვებიდან დღემდე კრიპტობაზრის კაპიტალიზაცია $1 ტრლნ–ით შემცირდა $1,5 ტრლნ–მდე. ტრანზაქციების მოცულობა კი სამწლიან მინიმუმზეა.
გამოცემას UBR.ua კომპნია TomiEx–ის მთავარმა სტრატეგმა კრიპტოვალუტის საკითხებშწი ანჟეი კოვალჩუკმა უთხრა, რომ მიმდინარე მომენტში კრიპტოვალუტა ინვესტირებისთვის მიმზიდველი არ არის, რადგან კრიპტოვალუტის გამოყენებაზე ჩინეთის აკრძალვა, აშშ–ის მხრიდან რეგულირების გაძლიერების მოლოდინი, ასევე წინიანი პოლიტიკოსებისა და ბიზნესმენების კომენტარები მთელ მსოფლიოში კრიპტოვალუტების შესუსტების საბაბი ხდება.
ექსპერტის განმარტებით, კრიპტობაზარი ერთგვარი პირამიდაა. ინვესტირების პირველი ტალღა 2017 წელს დასრულდა. ამის შემდეგ, მოგების ფიქსირების ზეწოლით ფასი მკვეთრად დავარდა.
კოვალჩუკის თქმით, ამის შემდეგ მთელ მსოფლიოში გაჩაღდა კრიპტობაზრის მარკეტინგული კამპანია, ვიდრე კორონავირუსის კოლაფსი არ დაატყდა გლობალურ ეკონომიკას. ამ ფონზე კრიპტობაზარი ინვესტირებისთვის სასურველ მიმართულებად მიიჩნიეს. ეს ციფრული ფულის ზრდის მეორე ტალღა იყო.
ექსპერტი მნიშვნელოვნად მიიჩნევს იმ გარემოებას, რომ ფასების ამჟამინდელი ვარდნა არ არის ციკლური ხასიათის. ამდენად, მისი აზრით, ფასების ვარდნის პერიოდში კრიპტოვალუტის შეძენა აპრიორი არასწორია.
„ფასი მომავალშიც დაიწევს. კრიპტოვალუტებზე ნეგატიური გამოხმაურებები არ განიზილება ბაზრის ვარდნის მიზეზად. ამდამად უფრო ზვავის ეფექტი მუშაობს – ყველა ცდილობს თავიდან მოშორებას, არ იციან რა – იქნება თუ არა მომავალში ზრდა და თუ იქნება – როდის“, – ამბობს კოვალჩუკი.
ამასთან, მთათვარ კრიპტოვალუტაზე დაფუძნებული ინსტრუმენტებით ვაჭრობის მოცულობა ივნისის დასაწყისში, მაისის ანალოგიურ პერიოდთან შედარებით, 62%–ით შემცირდა.
წყარო: ubr.ua