„არასწორად დათვლილი დანაშაულის სტატისტიკით,  ციფრებში იკარგება კრიმინალი და ქვეყანა რეალურ სურათს კარგავს“

„არასწორად დათვლილი დანაშაულის სტატისტიკით, ციფრებში იკარგება კრიმინალი და ქვეყანა რეალურ სურათს კარგავს“

access_time2019-05-13 09:00:38



„სამარშუტო ტაქსიდან ჩამოსვლის შემდეგ, აღმოვაჩინე, რომ ჩანთაში საფულე აღარ მედო. მაშინვე დავრეკე 112-ში. ვინაიდან მნიშვნელოვან სახელმწიფო სტრუქტურაში ვმუშაობდი, ძალიან მალევე ჩემთან მოვიდა არა რიგითი პოლიციელი, არამედ რაიონის პოლიციის განყოფილების უფროსი. სიტყვიერი გამოკითხვის შემდეგ განყოფილებაში წამიყვანა ჩვენების დასაწერად. წერის დაწყებამდე, მაღალჩინოსანი პოლიციელი დაჟინებით მთხოვდა კარგად დავფიქრებულიყავი - საფულე ჩანთიდან ამომაცალეს, თუ უბრალოდ ამომივარდა და დავკარგე. ეს დიალოგი არც ისე ცოტა ხანს გრძელდებოდა. ვხვდებოდი, რომ სამართალდამცველს, სწორედ ამ მიმართულებით სურდა ჩვენება დამეწერა. პოლიციელს ვუთხარი, ვიცი, თუ დაკარგვას დავაფიქსირებ, ამით დანაშაულის სტატისტიკის შელამაზებაში დაგეხმარებითთქო. რა თქმა უნდა, იუარეს. თუმცა საუბარი ისევ იმის ანალიზით გაგრძელდა - დავკარგე თუ გამძარცვეს. ვინაიდან, დაზუსტებით არაფრის მტკიცება შემეძლო, მეც დავწერე, რომ, სავარაუდოდ, საფულე დავკარგე. თითქმის 2 წელი გავიდა, მაგრამ  პოლიციიდან აღარავინ დამკავშირებია. სამაგიეროდ, ამ ხნის მანძილზე საკმაოდ ბევრმა ახლობელმა მიამბო ანალოგიური შემთხვევის მსგავსი ამბავი. ძირითადად.მათაც საზოგადოებრივ ტრანსპორტში დაკარგეს ესა თუ ის ნივთი და უმეტეს შემთხვევაში ჩვენებებში მათაც უბრალოდ, შემთხვევით დაკარგვის ფაქტი დააფიქსირეს. პოლიციაში ზუსტად იმავე შინაარსის დიალოგის შემდეგ, რაც მე გავიარე - სიტყვა- სიტყვით და იგივე ჩვენება,“ - ეს ამბავი ჩვენმა რესპოდენტმა მოგვიყვა, რომელმაც პოლიციაში შემდგომი სიარულის თავიდან არიდების გამო, საკუთარი გვარის და სახელის დასახელებისგან თავი შეიკავა.


ეს ერთი შეხედვით, მხოლოდ ერთი მოქალაქის პირადი ისტორია, ბევრად მასშტაბური და მოცულობითია. დანაშაულებრივი სტატისტიკა სწორედ რეგისტრაციის საფუძველზე დგინდება. შესაბამისად, მნიშვნელოვანი სწორედ ეს ერთეული შემთხვევებია. ამიტომაცაა, რომ დღეს ყველა ცალ-ცალკე მსჯელობს - გაიზარდა თუ არა დანაშაულის რაოდენობა საქართველოში. დღევანდელი ციფრები რეალობაა თუ დათვლის მეთოდოლოგიის ცვლილების შედეგი.



რა ხდება დღეს?


2018 წელს, წინა წლის ანალოგიურ პერიოდთან შედარებით, რეგისტრირებულ დანაშაულთა საერთო რაოდენობა 54%-ით გაიზარდა. საანგარიშო პერიოდში დაფიქსირებული მაჩვენებელი 58 ათას 412 ერთეულია.


შინაგან საქმეთა მინისტრის, გიორგი გახარიას უწყება მუდმივად აფიქსირებს, რომ ქვეყანაში კრიმინალი მხოლოდ და მხოლოდ მეთოდოლოგიის შეცვლის გამო გაიზარდა. ამის წინა წლებთან შედარება რთულია, რადგან წინა შს მინისტრი გიორგი მღებრიშვილის საერთოდ დანაშაულს არ ითვლიდა.  


ყველაფრის გათვალისწინებით ჩნდება ადეკვატური კითხვა - რამდენად ასახავს რეალობას ციფრებზე დაყრდნობილი სტატისტიკა კრიმინოგენულ მდგომარეობას?


საქართველოს დემოკრატიული ინიციატივის (GDI) ხელმძღვანელი გიორგი მშვენიერაძე დარწმუნებულია, რომ დღეს საქართველოს კრიმინოგენუი მდგომარეობის შესახებ ზუსტი ინფორმაცია არ გვაქვს, რაც ხელს უშლის სწორი ანალიზის გაკეთებას:


„ქობულიამ სტატისტიკის გამოქვეყნება რომ დაიწყო კარგია, მაგრამ სტატისტიკა რომ ობიექტურად გაზომო და თქვა, გაიზარდა თუ არა მაჩვენებელი, ამისთვის გჭირდება სწორი რიცხვები. სამწუხაროდ, მღებრიშვილის დროს დაიწყო სტატისტიკის გაყალბება. სხვანაირად შეუძლებელია ის მაჩვენებლები, რაც ფიქსირდებოდა, რეალური ყოფილიყო. შედეგად, დღეს, როცა ვსაუბრობთ დანაშაულის ზრდაზე, რადგან შედარებისთვის პირველწყარო,  არ გვაქვს შეუძლებელია ერთი მოცემულობას მეორესთან შეფარდება. ე.ი, ერთია საზოგადოების განწყობა, რომელიც თვლის, რომ გაიზარდა კრიმინალი, მაგრამ მეორეა შეგვიძლია თუ არა ამ განწყობის რიცხვებით გაზომვა“.



კიდევ ერთი ფაქტი რაზეც მშვენიერაძე ყურადღებას ამახვილებს, ეს გაზრდილი დანაშაულებრივი სტატისტიკისა და გახსნილი საქმეების თანაფარდობაა. მისი თქმით, მთავარი პრობლემა არა ამ ორი ელემენტის შედარებაში, არამედ სისტემაშია.


„არსებობს წარმოდგენა, რომ დანაშაული იზრდება იმიტომ, რომ საქმეს ვერ ხსნის პოლიცია. ეს ასე არ არის. შეიძლება დანაშაული გაზრდილი იყოს და მასთან შესაბამისობაში იყოს გახსნილი საქმეების რაოდენობაც. პრობლემა სულ სხვა რამეშია - სისხლის სამართლის პოლიტიკა, პრევენციული ღონისძიებები, სასჯელაღსრულების სისტემა და ა.შ. ესე იგი, ეს არის კომპლექსური საკითხი“,  აცხადებს მშვენიერაძე.


არასრულ და არაზუსტ სტატისტიკურ მონაცემებს, საბოლოოდ სად მივყავართ, შეუძლებელია დავადგინოთ კრიმინოგენული მდგომარეობაა? - ამ კითხვაზე პასუხს გიორგი მშვენიერაძე ალტერნატიული გზების მოძიებაში ხედავს. მთავარი მხოლოდ პოლიტიკური ნებაა და მეტი არაფერი:


„საბოლოოდ, ის, რომ ქვეყანას არ აქვს ზუსტი რიცხვები, არ აქვს ანალიზის გაკეთების საშუალებაც. მაგრამ არსებობს ალტერნატივა - ვიქტიმოლოგიური კვლევა, რომლესაც საქართველო 2012 წლამდე აწარმოებდა. ახალი ხელისუფლება ამას აღარ აკეთებს. არადა, აღნიშნული კვლევა  საშუალებას მოგვცემს დავადგინოთ როგორია დანაშაულებები და რეალურად რა მდგომარეობა ქვეყანაში. თავის დროზე იუსტიციის სამინისტრო აწარმოებდა ამ კვლევას და ერთგვარად კონტროლდებოდა შს-სა და პროკურატურის მიერ გავრცელებულ მაჩვენებლებსაც“.  


სტატისტიკასთან დაკავშირებით, გიორგი მშვენიერაძის საბოლო შეფასება ასეთია: „არასწორად დათვლილი დანაშულით, ციფრებში იკარგება კრიმინალი და ქვეყანა რეალურ სურათს კარგავს“


სალომე ლემონჯავა






5 ივნისი - ქართული ლარი 3 თეთრით გამყარდა, თურქული ლირა გაუფასურდა

5 ივნისი - ქართული ლარი 3 თეთრით გამყარდა, თურქული ლირა გაუფასურდა
access_time2020-06-05 19:00:29
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.   ეროვნული ბანკის მიერ გამოქვეყნებული 5 ივნისის ვაჭრობის შედეგად, ქართული ლარის კურსი 3 თეთრით გამყარდა და ერთი...

Forbes - მაღალტექნოლოგიურ გიგანტებს მილიარდიანი ჯარიმები ელის

Forbes - მაღალტექნოლოგიურ გიგანტებს მილიარდიანი ჯარიმები ელის
access_time2020-06-05 20:00:48
საპრეზიდენტო არჩევნების წინა პერიოდში აშშ-ს უმსხვილეს ტექნოლოგიურ კომპანიებს - Facebook, Google, Amazon და Apple-ს ანტიმონოპოლური დავები ემუქრება, რის გამოც მათ შესაძლოა მილიარდობით დოლარი დაკარგონ. შტატებში კორონავირუსის დაწყებამდე, უმსხვილესი IT-კომპანიები ვაშინგტონში საკუთარი ინტერესების ლობირებაზე რეკორდულ თანხებს ხარჯავდნენ. დემოკრატი სენატორი ემი კლობუშარი Uber-ის მიერ საკვების მიტანის სერვისის Grubhub-ის შეძენის სურვილს აპროტესტებს, ხოლო რესპუბლიკელი ტედ კრუზის თქმით,...

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა

საქართველოს ბიზნეს ასოციაციის გარემოს დაცვის კომიტეტის შეხვედრაზე ბიზნესსექტორმა „გარემოსდაცვითი პასუხისმგებლობის შესახებ“ კანონის პროექტზე იმსჯელა
access_time2020-06-05 15:05:18
საქართველოს ბიზნეს ასოციაციამ წევრი კომპანიების წარმომადგენელთა მონაწილეობით, ასოციაციის გარემოს დაცვის კომიტეტის ონლაინ შეხვედრას უმასპინძლა, რომლის მთავარი თემა საქართველოს მთავრობაში მომზადებული „გარემოსდაცვითი პასუხისმგებლობის შესახებ“ კანონის პროექტი გახლდათ. კანონპროექტი, რომელიც თვისობრივად ახალ მიდგომებს ითვალისწინებს გარემოს დაცვის მიმართულებით, ბიზნესსექტორის განსაკუთრებული ინტერესის საგანი ჯერ კიდევ გასულ წელს გახდა, როდესაც მისი პირველადი ვერსია იქნა...

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში

გიორგი გახარია - პირველი, რაც უნდა გავაკეთოთ, ვისწავლოთ ქართველებმა, რომ დავისვენოთ საქართველოში
access_time2020-06-05 15:30:42
საქართველოს პრემიერ-მინისტრმა გიორგი გახარიამ ქუთაისში, იმერეთის რეგიონის ტურიზმის სექტორის წარმომადგენლებთან შეხვედრაზე ეკონომიკის გახსნის საკითხზე ისაუბრა. გახარიას თქმით, მნიშვნელოვანია პირველ ეტაპზე შიდა ტურიზმის განვითარება. „პირველ ეტაპზე გაიხსნება შიდა ტურიზმი და დარწმუნებული ვარ, შიდა ტურიზმიც საკმაოდ სერიოზულ მოთხოვნას დააგენერირებს.დღეს ფაქტია, რომ ქართველები საზღვარგარეთ დასასვენებლად ვერ წავლენ, ბოლო რამდენიმე წელია, ძალიან შეუყვარდათ, არ...

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?

რა შეიცვალა დედაქალაქის პარკირების სისტემაში „სითი პარკის“ წასვლის შემდეგ?
access_time2020-06-05 12:00:42
საზოგადოებრივი ტრანსპორტის მომსახურების დაბალი ხარისხისა და გადაადგილების პრობლემების გამო, ბოლო პერიოდში კერძო ავტომობილებით მოძრავი მოქალაქეების რაოდენობა უფრო გაიზარდა, შესაბამისად საპარგინგე ადგილებზე მოთხოვნამაც მოიმატა. როგორც აღმოჩნდა, დედაქალაქის მაცხოვრებლები არასწორი პარკირების ჯარიმას, საურავებსა და მანქანის გადაყვანის საფასურს ზუსტად იმავე წესით იხდიან, როგორც მანამდე და „სითი პარკის“ წასვლის შემდეგ არაფერი შეცვლილა. აღსანიშნავია, რომ აღნიშნული კომპანია...


მსგავსი სიახლეები

up