„კრედიტების გაიაფების იდეას მივესალმები, რადგან ყოფილ ბანკირს უფრო ესმის ეგ საკითხი. ჯობია ბევრი კრედიტი გასცე და დაბალ პროცენტში, ვიდრე ორი კრედიტი და მაღალ პროცენტში,“ - ასე აფასებს ბიზნესმენი და პარტია “პროგრესი და თავისუფლების” დამფუძნებელი კახა ოქრიაშვილი მამუკა ხაზარაძის ინიციატივას საკრედიტო რესურსების გაიაფებასთან დაკავშირებით.
ყოფილი ბანკირი და პირველი ქართული ბანკის დამფუძნებელი მამუკა ხაზარაძე პოლიტიკაში წასვლის შემდეგ თავის ეკონომიკურ პროგრამაში ერთ-ერთ მთავარ საკითხად საბანკო და საფინანსო ინსტიტუტების სისტემურ რეფორმას ასახელებს, რომლის შედეგადაც საკრედიტო რესურსების მკვეთრი გაიაფება მოხდება.
კახა ოქრიაშვილის თქმით, ბანკირი უფრო კარგად ხედავს ამ საკითხის მნიშვნელობას და იდეა განხორციელებადიცაა, შემდგომში ეს საფინანსო სექტორისა და ექსპორტის ზრდას გამოიწვევს.
„ ჯობია ეკონომიკა წინ წავიდეს და საფინანსო სექტორიც გაიზრდება. ასე რომ, ამაში ლოგიკა არის და რეალურიც არის . ჩვენი ეკონომიკა უნდა განვავითაროთ, როგორც ექსპორტ-ორიენტირებული ეკონომიკა. ყოველთვის მესმის რომ შემოვიდა ან შემოვიყვანოთ ეს კომპანია , სინამდვილეში ადგილობრივი კომპანიები უნდა გავიყვანოთ გარეთ, ეს არის აზროვნებაში ჩამორჩენა. იმიტომაც არის ლარის კურსი ასე, რომ გაგებაში არ არის ეს ხალხი არაფრის,“ - ამბობს ბიზნესმენი.
მარიამ მორგოშია
მამუკა ხაზარაძე
