პლანეტის მოსახლეობის 1.4%-მა 4 თებერვლის მდგომარეობით კოვიდვაქცინა უკვე გაიკეთა. რიცხვებში ეს 109 მლნ-ს უდრის, რაც თავის მხრივ კოვიდით ინფიცირების დადასტურებულ შემთხვევათა რაოდენობას უკვე 4 მლნ-ით აღემატება.
პროცენტულად ყველაზე მეტი მოსახლეობის 60.1% ისრაელში აიცრა. ისრაელი უკვე უახლოვდება 70%-იან მაჩვენებელს, რაც კოლექტიურ იმუნიტეტს ნიშნავს.
მეორე ადგილზე 36%-ით არაბეთის გაერთიანებული საამიროებია, მესამეზე 31%-ით ჯუჯა სეიშელი. სეიშელს 15.5%-ით დიდი ბრიტანეთი მოსდევს. მეხუთეზე 10.3%-ით ბაჰრეინია, რაც შეეხება შეერთებულ შტატებს ის 10.3%-ით მე-6 ადგილზე იმყოფება. ამავე დროს აბსოლუტურ გამოხატულებაში აშშ პირველ ადგილზეა, სადაც 34 მლნ ადამიანზე მეტი უკვე აიცრა, რაც თავის მხრივ ჩინეთის მაჩვენებელ 9%-ით აღემატება.
ვაქცინაციის მაჩვენებელი 5%-ს აჭარბებს: სერბეთში, მალტაში, მონაკოში, დანიასა და ისლანდიაში. მოსახლეობის 3%-ზე მეტი უკვე აიცრა: ლიეტუვაში, სლოვენიაში, ესპანეთში, იტალიაში, შვეიცარიაში, პოლონეთში, უნგრეთში, სლოვაკეთში, საბერძნეთში, გერმანიაში, ესტონეთსა და შვედეთში.
თურქეთში, ბრაზილიაში, ჩეხეთში, კვიპროსზე, ბელგიაში, კანადაში, საფრანგეთში, ნორვეგიაში, ავსტრიაში, ლუქსემბურგში, ნიდერლანდებში, ხორვატიაში, ჩინეთში, ლატვიაში, ანდორაში, საუდის არაბეთსა და კოსტა-რიკაში ვაქცინირებული მოსახლეობის წილი 1-დან 3 პროცენტამდე მერყეობს.
არგენტინაში, მაროკოში, ქუვეითში, ომანში, ჩილეში, ბულგარეთში, მექსიკაში, ნეპალში, ინდოეთში, ინდონეზიაში, რუსეთში, პანამაში ნეპალსა და მიანმაში აცრა მოსხალეობის 1%-ზე ნაკლებს აქვს ჩატარებული.
სამხრეთ კავკასიის ქვეყნებში ვაქცინაცია ჯერ არ დაწყებულა. თურქეთში ის 2.8%-ს აღწევს. Ourworlindata-ს ვებგვერდზე რუსეთის შესახებ ბოლო ინფორმაცია 13 იანვრით თარიღდება, რა დროსაც მოსახლეობის 0.7% იყო აცრილი. ვაქცინაცია ამ დროისთვის არ უკრაინაში დაწყებულა.
რაც შეეხება უშუალოდ კოვიდს. ოფიციალური ინფორმაციით 4 თებერვლის მდგომარეობითმსოფლიოს 220 ქვეყანასა თუ დამოკიდებულ ტერიტორიაზე სულ აღრიცხულია ლაბორატორიულად დადასტურებული 105 მლნ შემთხვევა, საიდანაც 73.2% - 76.8 მლნ უკვე გამოჯანმრთელდა. 2.17% - 2.277 მლნ გრარდაიცვალა, 25 მლნ-ზე მეტი კი მკურნალობის კურსს ამჟამადაც გადის.
საქართველოში ინფიცირების პირველი შემთხვევა გასული წლის 26 თებერვალს დაფიქსირდა. ამ დროისთვის სულ დადასტურებულია ინფიცირების 259 897 და გარდაცვალების 3221 შემთხვევა. სამთავრობო და სამედიცინო წარმამადგენლების ცნობით ვაქცინაცია ქვეყანაში თებერვლის ბოლოდან უნდა დაიწყოს.
გიორგი ელიზბარაშვილი