კოვიდსტატისტიკა კონტინენტების მიხედვით - ყველაზე მეტი გარდაცვლილი ევროპაშია

კოვიდსტატისტიკა კონტინენტების მიხედვით - ყველაზე მეტი გარდაცვლილი ევროპაშია

access_time2021-01-17 17:00:50

კორონავირუსის პირველი დადასტურებული შემთხვევიდან წელიწადზე მეტი გავიდა. პანდემიის გამოცხადებიდან 10 თვეზე მეტი. ოფიციალური მონაცემებით 15 დეკემბრის საღამოს მდგომარეობით მსოფლიოს 200-ზე მეტ ქვეყანასა და დამოკიდებულ ტერიტორიაზე სულ დადასტურებულია ინფიცირების 93.6 მლნ შემთხვევა, საიდანაც 71.5% - 66.9 მლნ გამოჯანმრთელდა. 2.14% - 2 მლნ გარდაიცვალა. მეოთხედზე მეტი - 24.7 მლნ მკურნალობის კურსს ამჟამადაც გადის.


კონტინენტების მიხედვით ვირუსმა ყველაზე მეტად ევროპა და ჩრდილოეთ ამერიკა დააზარალა. ევროპაში აღრიცხულ შემთხვევათა რაოდენობა 27 მლნ-ს უახლოვდება, საიდანაც 615 ათასი გარდაიცვალა. სიკვდილიანობის კოეფიციენტი 2.28%-ს შეადგენს. ყველაზე მეტი - 3.52 მლნ ინფიცირებული რუსეთშია, ყველაზე მეტი - 86 ათასი გარდაცვლილი ბრიტანეთში. ინფიცირებულთა რაოდენობა 1 მლნ-ს სულ 8 ქვეყანაში აღემატება: რუსეთში, ბრიტანეთში, საფრანგეთში, იტალიაში, ესპანეთში, გერმანიაში, თურქეთსა და უკრაინაში. გარდაცვლილთა რაოდენობა 5 ქვეყანაში აჭარბებს 50 ათასს: ბრიტანეთში, იტალიაში, საფრანგეთში, რუსეთსა და ესპანეთში. ანდრორასა და გიბრალტარში მოსახლეობის 10%-ზე მეტია ინფიცირებული, მონტენეგროში, ჩეხეთსა და სან-მარინოში 8%-ზე მეტი. 1 მლნ-დან 1913 გარდაცვლილით პირველ ადგილზე სან-მარინოა, 1747-ით მეორე ადგილზეა ბელგია, როგორც ევროპაში, ასევე მთელს მსოფლიოში. ამ ქვეყანაში ყოველი 572 ადამიანიდან 1 კოვიდმა იმსხვერპლა. ვირუსს, მოსახლეობის 0.1%-ზე მეტი შეეწირა ასევე: სლოვენიაში, ბოსნიაში, იტალიაში, ჩეხეთში, ლიხტენშტეინში, ჩრდილოეთ მაკედონიაში, ბრიტანეთში, მონტენეგროში, ბულგარეთში, უნგრეთში, ანდორაში, ესპანეთში, ხორვატიაში, საფრანგეთსა და შვედეთში. მსოფლიოს იმ 22 სახელმწიფოდან სადაც კოვიდმა 1 მლნ-დან 1000-ზე მეტი ადამიანი შეიწირა 17 ევროპაში მდებარეობს.

ევროპის შემდეგ ვირუსმა ყველაზე მეტად ჩრილოეთ ამერიკა დააზარალა, სადაც ინფიცირების დადასტურებულ შემთხვევათა რაოდენობამ 27.2 მლნ-ს გადააჭარბა, მეტს, ვიდრე ევროპაში, თუმცა გარდაცვლილთა რაოდენობა 40 ათასით ნაკლებია და 575 ათასს შეადგენს. სიკვდილინობის კოეფიციენტი - 2.14%.  როგორც ინფიცირებულთა რაოდენობით - 23.8 მლნ, ასევე გარდაცვლილთა რიცხვოვნობით - 398 ათასი აშშ მსოფლიოში პირველ ადგილზეა. აშშ-ში გარდაცვლილთა რაოდენობა ყოველდღიურად 4 ათასით იზრდება, რაც იმას ნიშნავს, რომ 1 კვირაზე ნაკლებ დროში ეს რიცხვი მეორე მსოფლიო ომში დაღუპულთა რაოდენობას გადაასწრებს. გარდაცვლილთა რაოდენობა 138 ათასს აღწევს მექსიკაში, ხოლო კანადაში მსხვერპლი 17.5 ათასია.


მესამე ადგილზე სამხრეთ ამერიკაა, სადაც ინფიცირებულთ რაოდენობამ 14.4 მლნ-ს მიაღწია, საიდანაც 384 ათასი გარდაიცვალა. სიკვდილიანობის კოეფიციენტი - 2.67%. მდგომარეობა ყველაზე მძიმე ბრაზილიაშია, სადაც 8.3 მლნ ინფიცირებულიდან 207 ათასი დაიღუპა. ინფიცირებულთა რაოდენობამ 1 მლნ-ს გადააჭარბა აგრეთვე კოლუმბიაში, არგენტინასა და პერუში.



აზიაში 15 იანვრისთვის, სამხრეთ ამერიკასთან შედარებით 7.5 მლნ-ით მეტი ინფიცირები 21.9 მლნ ფაქტი გამოვლინდა, თუმცა ფატალურ შემთხვევათა რაოდენობამ 30 ათასით ნაკლები - 354 ათასი შეადგინა, შესაბამისად სიკვდილიანობის კოეფიციენტიც 1.62%-მდე შემცირდა. აღსანიშნავია, რომ Worldometers-ს თურქეთი და სამხრეთ კავკასიის სამივე სახელმწიფო აზიაში ჰყავს გაყვანილი, რამაც კონტინეტზე ინფიცირებულთა საერთო რაიდენობა 3 მლნ-იტ გაზარდა. როგორც დაავადებული - 10.5 მლნ, ასევე გარდავლილთა - 152 ათასი რაოდენობით აზიაში პირველ ადგილზე ინდოეთია. 2.36 მლნ-ით მეორე ადგილზე თურქეთია, თუმცა გარდაცვლილთა რაოდენობით 2.4-ჯერ უსრებს ირანი, სადაც ვირუსს 56 ათასზე მეტი ადამიანი ემსხვერპლა.


იმ დაშვებით, თუ აღრიცხვიანოიბა სწორია, აფრიკაში ინფიცირებულთა საერთო რაოდენობა ბევრად ნაკლებია და 3.2 მლნ-ს შეადგენს, საიდანაც გარდაცვალებით 77 ათასი შემთხვევა დასრულდა. სიკვდილიანობის კოეფიციენტი - 2.4%. სამხრეთ აფიკა ერთადერთი ქვეყანაა კონტინენტზე, სადაც ინფიცირებულთა რაოდენობა 1 მლნ-ს, ხოლო გარდაცვლილთა რიცხვმა 30 ათასს გადააჭარბა.


რაც შეეხება ოკეანეთს ამ მხარეში ინფიცირების 49.5 ათასი და გარდაცვალების 1071 შემთხვევაა დადასტურებული.ორივე შემთხვევაში პირველ ადგილზე ავსტრალიაა, ხოლო მეორეზე საფრანგეთის პოლინეზია, რომელიც დამოუკიდებელ სახელმწიფოს არ წარმოადგენს.

უსიმპტომო პაციენტთა სიმრავლის გამო ზუსტი აღრიცხვა ვერც ერთ ქვეყანაში ვერ ხდება, ინფიცირებულთა რაოდენობა რეალურად ბევრად უფრო მეტია, შესაბამისად უფრო დაბალია სიკვდილიანობის ბუნებრივი კოეფიციენტიც. არსებობდა და ახლაც არსებობს ეჭვები, რომ ზოგიერთი ქვეყანა სტატისტიკას შეგნებულად აყალბებდა. მეთოდოლოგია განსხვავებულია სიკვდილიანობის აღრიცხვის შემთხვევაშიც. სახელმწიფოთა უმრავლესობა თანმდევი, თუნდაც მძიმე დაავადებების მიუხედავად, გარდაცვალების მიეზად კოვიდს ასახელებს, თუმცა ნაწილს სტატისტიკაში მხოლოდ ის ადამიანები შეჰყავს, რომლებიც უშუალოდ კოვიდით დაიღუპნენ.


თუ კოვიდსტატისტიკა მიახლოებით სურათს მაინც გვანახებს, კიდევ უფრო ბუნდოვანია რეგულაციების ეფექტი, რომელმაც ფინანსურად პირველ რიგში საზოგადოების მოწყვლად ფენას დაარტყა, ისეთ ადამიანებს რომლებსაც დანაზოგი არ გააჩნდათ. მსოფლიო ბანკის ანგარიშის მიხედვით იმ ადამიანთა რაოდენობა რომებიც PPP დათვებით დღიურად $1.90-ზე ნაკლებს მოიხმარდნენ 150 მლნ-ით გაიზრდება. გლობალური ეკონომიკა 2020 წელს მინიმუმ 4.5%-ით შემცირდა, რაც მეორე მსოფლიო ომის შემდეგ ყველაზე დიდი ვარდნაა.


გიორგი ელიზბარაშვილი





კომპანიას, რომელიც ჯარისკაცებს საკვებით ამარაგებდა, ხელშეკრულება შეუწყდა

კომპანიას, რომელიც ჯარისკაცებს საკვებით ამარაგებდა, ხელშეკრულება შეუწყდა
access_time2021-02-26 16:06:22
კომპანია "ნიმა", რომელმაც სამხედრო მოსამსახურეებისთვის ღორის ხორცით მომარაგებაზე გამოცხადებულ ტენდერში გაიმარჯვა, ხელშეკრულება შეუწყდება.   მიზეზი ხელშეკრულებით გათვალისწინებული ვალდებულების შეუსრულებლობაა.   "სსიპ „სახელმწიფო შესყიდვების სააგენტოს“ მიერ ღორის ხორცის შესყიდვის მიზნით გამოცხადებულ კონსოლიდირებულ ტენდერში გამარჯვებულად გამოვლინდა შპს „ნიმა “, რის შემდეგაც აღნიშნულ კომპანიასთან გაფორმდა შესაბამისი ხელშეკრულება. კომპანიამ ვერ...

ყველაფერი დაკეტილია, ტურისტი არ შემოდის ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია

ყველაფერი დაკეტილია, ტურისტი არ შემოდის  ქვეყანაში, ეკონომიკის მეტი ვარდნა რომ არ გვაქვს, მიკვირს- გიორგი ქობულია
access_time2021-02-26 14:59:30
ეკონომიკის ყოფილი მინისტრი, გიორგი ქობულია „ბიზნესპარტნიორთან“ საქსტატის მიერ გამოქვეყნებულ მონაცემებს აფასებს, რომლის მიხედვითაც, 2021 წლის იანვარში, წინა წლის შესაბამის პერიოდთან შედარებით, ეკონომიკა 11.5%-ით შემცირდა.   მისი განცხადებით, ეკონომიკის შემცირება ბუნებრივი პროცესია იმ პირობებში, როდესაც ეკონომიკა გაჩერებულია. „როდესაც ტურისტი არ შემოსულა ქვეყანაში, რომლის ეკონომიკის უზარზარი წილი ტურიზმზე დგას, გასაკვირია? რესტორანი არ მუშაობს, მაღაზია დაკეტილია, ტურისტი არ...

როდესაც წელს -11%-იანი ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ - ზვიად ხორგუაშვილი

როდესაც წელს -11%-იანი  ეკონომიკური ვარდნით ვიწყებთ, არავის ჰქონდეს ილუზია, რომ კრიზისის შემდეგ 7-8%-იანი ტემპი გვექნება.“ -  ზვიად ხორგუაშვილი
access_time2021-02-26 14:00:08
„იქიდან გამომდინარე, რომ გაჩერებული ვიყავით, ასეთი ეკონომიკური ვარდნა მოსალოდნელიც იყო და დიდი ალბათობით ეს ტენდენცია თებერვალშიც გაგრძელდება. შესაძლოა როგორც იანვარში გვაქვს ეს არ იყოს ორნიშნა რიცხვი, მაგრამ კლების ტენდენცია გარდაუვალია – ასე გამოეხმაურა ფინანსისტი ზვიად ხორგუაშვილი იანვარში ეკონომიკის 11%-ით შემცირებას. მისი განცხადებით, როდესაც 2020 წელი  6%-იანი...

იანვარში საქართველოს ეკონომიკა 11.5%-ით შემცირდა

იანვარში საქართველოს ეკონომიკა 11.5%-ით შემცირდა
access_time2021-02-26 11:22:05
წინასწარი შეფასებით, 2021 წლის იანვარში საქართველოს ეკონომიკა 11.5%-ით შემცირდა,- ამის შესახებ საქართველოს სტატისტიკის ეროვნული სამსახურის აღმასრულებელმა დირექტორმა გოგიტა თოდრაძემ განაცხადა.   „დღგ-ს გადამხდელ საწარმოთა დეკლარირებული მონაცემების მიხედვით, 2021 წლის იანვარში წინა წლის შესაბამის პერიოდთან შედარებით, სახეზე გვაქვს საქართველოს ეკონომიკის 11.5%-იანი ვარდნა “, - აღნიშნა გოგიტა თოდრაძემ.   მისივე განცხადებით, 2021 წლის იანვარში, წინა წლის...

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია

ინვესტიციებს არავინ ჩადებს არასტაბილურ გარემოში, სადაც ცალკეული ინსტიტუტების ჩამოშლის მუდმივი მდელობებია- თემურ ბასიალია
access_time2021-02-26 11:00:14
„ბუნებრივია, არასტაბილურ გარემოში ინვესტიციებს არავინ ჩადებს, ეს კი სერიოზულ დარტყმას აყენებს ქვეყნის ეკონომიკურ მდგომარეობას, რომელიც ისედაც რთულ ვითარებაშია კოვიდის გამო,“ - ამის შესახებ „კომერსანტთან“ ფინანსისტმა და ყოფილი პრეზიდენტის მრჩეველმა თემურ ბასილიამ ისაუბრა. პოლიტიკური დაძაბულობა საქართველოში ამერიკაში...


მსგავსი სიახლეები

up