ბრიტანელი მილიარდერის რიჩარდ ბრენსონის კომპანია Virgin Orbit წლის ბოლომდე კოსმოსში მესამე ხომალდს გაუშვებს, მომავალ წელს კი - 6 ფრენას განახორციელებს - განაცხადა კომპანიის გენერალურმა დირექტორმა დენ ჰარტმა.
30 ივნისს Virgin Orbit-მა რაკეტა LauncherOne კოსმოსში სპეციალური Boeing 747-ის ბორტიდან აიღო სტარტი.
დენ ჰარტის თქმით, წარმატებული ფრენის შემდეგ, კომპანია აქცენტს მთელ მსოფლიოში თავისი ოპერაციების გაფართოვებაზე გააკეთებს.
„ჩვენ ძალიან კარგ ტრაექტორიაზე ვიმყოფებით და წლის ბოლომდე კიდევ ერთ გაფრენას ვგეგმავთ, შემდეგ კი, მომავალ წელს, ფრენების რაოდენობას გავაორმაგებთ. შემდეგ, 2023 წელს ფრენების რაოდენობა კიდევ გაიზრდება“ - განაცხადა Virgin Orbit-ის დირექტორმა.
ფრენებისთვის კომპანიას ამერიკაში ორი წერტილი აქვს - კოსმოსური პორტი კალიფორნიაში, უდაბნო მოჰავეში და კუბაზე, კუნძულ გუამზე ამერიკული სამხედრო ბაზის ტერიტორიაზე განლაგებული აეროპორტი.
გარდა ამისა, Virgin Orbit ამ მიზნით სამხედრო ბაზას ინგლისის კუნძულ კორნუოლზე გამოიყენებს. კომპანია ასევე მუშაობს შეთანხმებებზე იაპონიასთან, ბრაზილიასთან და ემირატებთან.
„ჩვენ ნებისმიერი აეროპორტის კოსმოდრომად გადაქცევა შეგვიძლია“ - განაცხადა კომპანიის დირექტორმა.
თავად ბრენსონის თქმით, Virgin Orbit-ის მიდგომა კოსმოსური ფრენებისადმი უნიკალურია კონკურენტების ტექნოლოგიებთან შედარებით.
„ჩვენი მიზანია - მიღებული შეკვეთის 1 დღე-ღამეში შესრულება, და ამ საკითხს ჩვენ აშშ-ს, ბრიტანეთის და კანადის სამხედრო ხელმძღვანელობასთან განვიხილავთ“ - თქვა მან.
ბრენსონის კომპანიის მიდგომის უნიკალურობა იმაშია, რომ რაკეტების გაშვება ხდება არ ხმელეთის კოსმოდრომებიდან, არამედ სპეციალური Boeing 747-ს მეშვეობით, რომელიც ჰაერში როგორც ასაფრენი პლატფორმა გამოიყენება. სწორედ ესაა Virgin Orbit-ის ძირითადი უპირატესობა - მას კოსმოსში რაკეტის გაშვება ნებისმიერი, თუნდაც სამოქალაქო აეროპორტიდან შეუძლია.
2021 წელს კომპანიამ კოსმოსში ხომალდი LauncherOne წარმატებით გაუშვა და დედამიწის ორბიტაზე მიკროთანამგზავრების ჯგუფი CubeSat გაიყვანა..
დღესდღეობით, Virgin Orbit-ის ძირითადი მიმართულება კოსმოსური ტურიზმია - კომპანია პოტენციურ კლიენტებს საგზურებს კოსმოსში 250 000 დოლარად სთავაზობს. ეს განასხავებს მას კონკურენტების - ილონ მასკის SpaceX და ჯეფ ბეზოსის Blue Origin-ისგან, რომლებიც თავიანთ პრიორიტეტებად სატვირთო ფრენებს, და მარსის ათვისებას მიიჩნევენ.
forbes.ru
მოამზადა თენგიზ აბლოთიამ
რიჩარდ ბრენსონი
