კორუფციული სქემა ჭითურისა და აბაშის მუნიციპალიტეტებში და შპს „დაუ+“, რომელიც თბილისის საკრებულოს ქართული ოცნების დეპუტატის სახელს უკავშირდება

კორუფციული სქემა ჭითურისა და აბაშის მუნიციპალიტეტებში და შპს „დაუ+“, რომელიც თბილისის საკრებულოს ქართული ოცნების დეპუტატის სახელს უკავშირდება

access_time2018-11-09 10:00:00

მმართველობის მონიტორინგის ცენტრმა ჭითურისა და აბაშის მუნიციპალიტეტებში კორუფციული სქემა  გაშიფრა. როგორც შესწავლილი მასალებით გაირკვა ორივე მუნიციპალიტეტი შპს „დაუ+“გან ტენდერის სახით იმ მომსახურებას ყიდულობს, რისი ფლობის უნარიც თანამშრომლებს კანონით ისედაც ევალებათ. ორგანიზაციამ  ადგილობრივი ბიუჯეტიდან თანხების გაფლანგვასთან ერთად, კორუფციულ სქემაში თბილისის საკრებულოს  დეპუტატის, ქართული ოცნება - კონსერვატორების თავმჯდომარის დავით უთმელიძის სახელიც აღმოაჩინა.


 

დეტალებზე მმართველობის მონიტორინგის ცენტრის მკვლევარი სალომე კვირიკაშვილი გაგვესაუბრა. თუმცა, სანამ უშუალოდ თავად განმარტავს, რატომ იკვეთება კონკრეტულ საკითხში კორუფიცია, მანამდე გეტყვით, რომ კომპანია „დაუ +“  საკუთარ მომხმარებელს სხხვადასხვა სერვისს სთავაზობს, ესენია:


 

  • საერთაშორისო სტანდარტებით ნაწარმოები ბუღალტერია;
  • აუდიტორული მომსახურება;
  • სახელმწიფო შესყიდვების შესახებ კონსულტაცია და მომსახურება;
  • საგადასახადო და იურიდიული კონსულტაციები და მომსახურება;
  • სწავლება–სტაჟირება;
  • ტრეინინგები სხვადასსხვა სპეციალობაში.

 

სალომე კვირიკაშვილი: „2016 წელს, აბაშის მუნიციპალიტეტმა შპსდაუ+”სგან შეისყიდა ისეთი მომსახურება, რაც მუნიციპალიტეტის თანამშრომლებს ისედაც ევალებათ.  მომსახურების ღირებულებამ 4 800 ლარი შეადგინა. 2016-2017 წლებში, ჭიათურის მუნიციპალიტეტმაც  შპსდაუ+”-სგან შეისყიდა იგივე მომსახურება. ოღონდ ამჯერად ღირებულებამ 8 800 ლარი შეადგინა. რაც შეეხება თავად მომსახურების ტიპს, გამარტივებული შესყიდვის შედეგად  შპს “დაუ+” მუნიციპალიტეტებს აწოდებდა ადგილობრივი თვითმმართველობის ორგანოებისა და საფინანსო-საბიუჯეტო საქმიანობის შესახებ მოკვლეულ ყველა სიახლეს, მასთან დაკავშირებულ საკანონმდებლო ცვლილებებს და უწევდა შესაბამის კონსულტაციას. კიდევ ერთხელ, ეს არის ძალიან მარტივი ინფორმაცია, რაც ისედაც უნდა იცოდეს უწყების თანამშრომელმა“.

 

როგორც მმართველობის მონიტორინგის ცენტრის მკვლევარი ჩვენთან საუბარში აღნიშნავს, მაგალითად, ჭიათურის მუნიციპალიტეტში იმ საქმიანობისთვის, რის გამოც უწყება  “დაუ+”სგან მომსახურებას ყიდულობს,  დასაქმებულია 16 თანამშრომელი. ამ ადამიანების შრომის ანაზღაურება კი ჯამში 330 800 ლარს შეადგენს.

 

„მიუხედავად იმისა, რომ უწყებაში უშალოდ აღნიშნული მომსახურების გასაწევად ამდენი ადამიანია დასაქმებული და  სახელფასო ბიუჯეტიდან ძალიან დიდი თანხებიც იხარჯება, გაუგებარი მიზეზით მუნიციპალიტეტი მაინც ტენდერს აცხადებს. თანაც უწყებებში ვერ დაასაბუთეს, რა საჭიროებით იყო განპირობებული შპსდაუ+”ის დაქირავება იმ საქმიანობის გასაწევად, რომელიც მუნიციპალიტეტებს და მათ თანამშრომლებს თავადვე უნდა შეესრულებინათ“,- აღნიშნავს სალომე კვირიკაშვილი.

 

გარდა მმართველობის მონიტორინგის ცენტრის მიერ ჩატარებული კვლევისა, ჭიათურსა და აბაშის მუნიციპალიტეტებში შესაძლო  კორუფციული რისკების შესახებ „კომერსანტი“ ინფორმაციას აუდიტის დასკვანშიც კითხულობს. ამავე გვერდებზე გაცემულია შესაბამისი რეკომენდაციები, რომ მუნიციპალიტეტებმა არ განახორციელონ ფინანსურ მენეჯმენტთან დაკავშირებული საკონსულტაციო მომსახურებაზე ხარჯის გაწევა და სტრუქტურაში დასაქმებულმა საჯარო მოხელეებმა სრულად შეასრულონ მათზე დაკისრებული მოვალეობები:


ინფორმაცია სრულად შეგიძლიათ იხილოთ მითითებულ ბმულებზე: https://sao.ge/files/auditi/auditis-angarishebi/2018/abashidzis-municipaliteti.pdf?fbclid=IwAR2ZY76AIM3QQ6wbHW1tLeIa4LDgruFgcEgUbUZpIg-_XGObW1oA5APiC5U;  https://sao.ge/files/auditi/auditis-angarishebi/2018/chiatura-2017.pdf?fbclid=IwAR3q2yZndJobTmPJUHqgrD0WL1XfuEsQ2H9hWJN8-JRU-AJtI4G4OSw_47k


კიდევ ერთი საინტერესო ფაქტი, რაც არსებულ სქემას უკავშირდება ეს „ქართული ოცნების“ თბილისის საკრებულოს დეპუტატის დავით უთმელიძის სახელია. ირკვევა, რომ 2012 წლამდე შპს „დაუ +“ის მფლობელი სწორედ იგი გახლდათ, მას შემდეგ კი რაც ხელისუფლებაში მოვიდა, კომპანია გაყიდა. ახალი მფლობელი კი  დავით ხოსრუაშვილი გახდა.


გავრცელებული მოსაზრებით, დავით ხოსრუაშვილი მხოლოდ ფორმალური მმართველია და მეტი არაფერი.

 

„საქმე იმაშია, რომ აბაშისა და ჭიათურის გარდა,  „დაუ+“-ის ოფიციალური გვერდიდან ჩანს, რომ კომპანია  სერვისს სხვა მუნიციპალიტეტებსაც უწევს. გამარტივებული შესყიდვით მუნიციპალიტეტებისთვის გაწეულ სერვისად უმეტესად დასახელებულია “ბიზნესსა და მენეჯმენტთან დაკავშირებული კონსულტაციები და მომსახურებები”. თანაც, როგორც ვახსენეთ, საუბარია იმ საქმიანობაზე, რაც უსარგებლოა. ბუნებრივია, ეს ბადებს ეჭვებს, რომ ვიღაც მფარველობს კერძო კომპანიას. როდესაც ვიგებთ, რომ „დაუ+“-ს ისტორიაში უთემლიძის სახელი ფიგურირებს, მითუმეტეს... თანაც ასევე საინტერესოა ის გარემოებაც, რომ ეს ადამიანი გახლავთ პირი, რომელმაც  „ქართული ოცნების“ არსებობის მანძილზე პარტიისთვის ჯამში 60 000 ლარი აქვს შეწირული. ჩვენ კარგად ვიცით როგორ მუშაობს კორუფციული სქემა და ამ შემთხვევაში,  დასკვნები თავად გამოიტანეთ“,- განმარტავს სალომე კვირიკაშილი.


 

თავად თბილისის საკრებულოს ფრაქციის თავმჯდომარე და დეპუტატი დავით უთმელიძე  დოკუმენტალურ ბრალდებებს არ ეთანხმება. როგორც  „კომერსანტთან“ განმარტავს შპს „დაუ+“  მის მფლობელობაში აღარაა, ამიტომ პასუხისმგებელიც არ არის.

 

ბატონო, დავით ვრცელდება ინფორმაცია, რომ დღესაც კომპანიის არაფორმალური მფლობელი ხართ, რადგან სხვა შემთხვევაში კომპანია ვერ შეძლებდა მსგავსი ხელშეკრულებების გაფორმებას მუნიციპალიტეტებთან. რას უპასუხებთ ბრალდებებს?


„ეს კომპანია მე გავყიდე 2010 წელს და საერთოდ, ამერიკაში ვიყავი. არანაირი შეხება არ მქონია და დღესაც ასეა. მას ჰყავს ახალი მფლობელი, რომელთანაც ნათესაური კავშირი არ გამაჩნია“.


თუ იცნობდით მანამდე დავით ხოსრუაშვილს?


„კი, მაშინ ვმეგობრობდით. ახლა აღარ მაქვს ურთიერთობა“, - აცხადებს დავით უთმელიძე.

 

მმართველობის მონიტორინგის ცენტრის კვლევის შედეგებისა და აუდიტის დასკვნის გარდა, მაგალითად ჭიათურის მუნიციპალიტიტეში არსებულ პრობლემებზე „კომერსანტთან“ საუბრობს ადგილობრივი საკრებულოს წევრიც თორნიკე ჩიკვილაძე.


„ბევრის თქმა ასე ტელეფონით არ შემიძლია და არ მინდა, მაგრამ ერთს გეტყვით მუნიციპალიტეტში უკვე ნამდვილად არის კორუფცია სხვადასხვა მიმართულებით და ეს დღესაც გრძელდება.  კარგია, თუ მედია ამით დაინტერესდება. მხოლოდ 2016-17 წლის აუდიტის დასკვნა რომ ნახოთ, ეგეც კი საკმარისია და ჩვენგან კომენტარი ზედმეტი იქნება“,- განმარტავს თორნიკე ჩიკვილაძე.

 

„კომერსანტი“ მუნიციპალიტეტებს დაუკავშირდა.


ჩვენ უწყებებს მხოლოდ ერთი შეკითხვა დავუსვით - რამ განაპირობა შპს “დაუ+”ის დაქირავება იმ საქმიანობის გასაწევად, რომელიც მუნიციპალიტეტებს და მათ თანამშრომლებს თავადვე უნდა შეესრულებინათ?


როგორც ჭიათურის მუნიციპალიტეტის შესყიდვების განყოფილების სპეციალისტი ლაშა გოგოლაძე ჰყვება, ამ საკითხზე აუდიტის დასკვნაშიც მითითებულია და პასუხი ნათელია.


„ზოგადად, მაგაში გეთანხმებით და არსებობს აუდიტის დასკვნაც. მხოლოდ გასულ წლებში იყო ეს ყველაფერი და წელს აღნიშნული მომსახურება უწყებას აღარ შეუძენია. თავის დროზე, ყოველ შემთხვევაში ზემოდან იყო სურვილი, რომ მსგავსი მომსახურება შეგვესყიდა“.


რას გულისხმობთ, როდესაც ამბობთ „ზემოდან“?


„ანუ, ეს ყველაფერი, ხომ, თავისთავად ხელმძღვანელთან შეთანხმებით ხდება და შესყიდვების განყოფილება თავის თავზე ვერ აიღებდა მსგავს გადაწყვეტილებას. იდეაში, ვეთანხმები თუ არა, მე ვერ ვიტყვი მაგას. ხელმძღვანელზეა ეს გადაწყვეტილება დამოკიდებული და რაც შეეხება დირექტორს, იმ პერიოდში სხვა თავმჯდომარე იყო საერთოდ. დღეს უკვე „დაუ +“ სთან არანაირი ურთიერთობა არ გვაქვს“,- განმარტავს ლაშა გოგოლაძე.


აბაშის მუნიციპალიტეტიდან  კითხვაზე პასუხს ამ დრომდე ველოდებით.

 

და ბოლოს, შეგახსენებთ, რომ დავით უთმელიძე დღესაც თბილისის მუნიციპალიტეტის საკრებულოს წევრია. ასევე გახლავთ ფრაქცია „ქართული ოცნება - კონსერვატორები“-ს თავმჯდომარე; საბურთალოს მაჟორიტარი (ცენტრალური). ურნაბული დაგეგმარებისა და საქალაქო მეურნეობის კომისიის წევრი და ქონების მართვისა და საფინანსო-საბიუჯეტო კომისიის წევრიც. მის სახელს კიდევ ერთი მედიაში გახმაურებული ამბავი უკავშირდება:


უთმელიძემ გასული წლის მაისში მოსახლეობას ფაშიზმზე გამარჯვების დღე საკუთარ Facebook გვერდზე მიულოცა. მოგვიანებით კი ფოტო წაშალა.

 


სალომე ლემონჯავა






ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს

ეს კაცი ნამდვილი ლურჯი მელაა, ფოკუსნიკია, მორიგი მტრედი გააძრო სახელოდან - სააკაშვილი ვალების განულების შესახებ ხელისუფლების ინიციატივას აფასებს
access_time2018-11-19 19:52:54
საქართველოს მესამე პრეზიდენტი მთავრობის ვალების განულების ინიციტივას ეხმაურება. მიხეილ სააკაშვილი პრემიერის დღევანდელ განცხადებას, რომლის მიხედვითაც მოქალაქეებს რომლებსაც 2000 ლარზე ნაკლები ვალი აქვთ და ამის გამო შავ სიაში არიან ვალები გაუნულდებათ, ივანიშვილის მორიგ აფიორას უწოდებს.   მე მგონი სიტყვა ინიციატივა ძალიან უხერხულია ამ საოცრებასთან დაკავშირებით, რაც დღეს გააჟღერა ე.წ. პრემიერმა. ეს არის ჩვეულებრივი მორიგი აფიორა, ძალიან ბოროტი აფიორა, არ შეიძლება ჩვენს ხალხს,...

„სწრაფი და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“

„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“
access_time2018-11-19 19:00:08
„სწრაფი  და ონლაინ სესხის გადაუხდელობის შედეგად დაყადაღებული ხელფასი გახდა მიზეზი იმისა, რომ „რიკოდან“ რამდენიმე თანამშრომელი წავიდა და ტაქსის მძღოლი გახდა“-  ასე აფასებს  მიკროსაფინანსო ორგანიზაცია „რიკო კრედიტის“ სამეთვალყურეო საბჭოს თავმჯდომარე ლაშა ნიკოლაიშვილი „კომერსანტთან“  მთავრობის მიერ გაჟღერებულ ინიციატივას, რომლის მიხედვითაც 600 ათასზე მეტ ადამიანს ვალი ჩამოეწერება.   ნიკოლაიშვილი განმარტავს, რომ ეს  გადაწყვეტილება ძირითადად, სწრაფი და...

დეტალები სესხების განულების პროგრამის შესახებ

დეტალები სესხების განულების პროგრამის შესახებ
access_time2018-11-19 20:00:00
“ბანკები და ფინანსები” ექსკლუზიურად გთავაზობთ ვალდებულებების განულების პროგრამის შესახებ დეტალებს.   რა არის ვალდებულების განულების პროგრამა?   ერთჯერადი პროგრამა, რომლის ფარგლებში საქველმოქმედო ფონდი „ქართუ“ბანკისაგან გამოისყიდის ფიზიკური პირების ვადაგადაცილებულ ვალდებულებებს წინასწარ განსაზღვრული კრიტერიუმებით;   სრულიად გაუნულდება თუ არა მომხმარებელს ვალების განულების პროგრამაში...

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს

ფონდი „ქართუ“ 600 000 მოქალაქისთვის სასესხო დავალიანების ჩამოწერის საკითხზე კომენტარს აკეთებს
access_time2018-11-19 16:55:00
ფონდ „ქართუში“ 600 000 მოქალაქისთვის სასესხო დავალიანების ჩამოწერის საკითხზე კომენტარი გაკეთდა.   როგორც ფონდის გამგეობის თავმჯდომარე ნიკოლოზ ჩხეტიანი აცხადებს, „ქართუს“ დამფუძნებლის, ბიძინა ივანიშვილის გადაწყვეტილებით, ამ წლის ბიუჯეტში ფონდს უკვე დარეზერვებული აქვს 100 მილიონი ლარი.   მისი თქმით, აღნიშნულ საკითხთან დაკავშირებით, ფონდი „ქართუ“ აქტიურად მუშაობს ხელისუფლებასთამ.   „დღეს საქართველოს პრემიერ-მინისტრმა გამოაცხადა ძალზედ...

საბანკო ასოციაცია განმარტავს, ვის შეეხება საბანკო დავალიანების განულება

საბანკო ასოციაცია განმარტავს, ვის შეეხება საბანკო დავალიანების განულება
access_time2018-11-19 15:26:55
საქართველოში მოქმედ ბანკებსა და ფონდ „ქართუს“ შორის დასრულდა წინასწარი მოლაპარაკება ვადაგადაცილებული სასესხო პორტფელის ნაწილის გაყიდვასთან დაკავშირებით. ამის შესახებ საქართველოს საბანკო ასოციაცია განცხადებას ავრცელებს.   მათივე ინფორმაციით, პორტფელი ძირითადად იმ მცირემოცულობითი საკრედიტო ვალდებულებებისაგან შედგება, რომლებზეც ვადაგადაცილება წარმოიშვა 2018 წლის 1-ელ იანვრამდე და რომლებიც აკმაყოფილებენ ქვემოთ ჩამოთვლილ ყველა კრიტერიუმს:   2018 წლის 19...


მსგავსი სიახლეები

up