“კორპორატიული ანგარიშგების რეფორმის მიზანია, ინვესტორები დავარწმუნოთ, რომ საქართველოში  კორპორატიული ინფორმაცია ხელმისაწვდომი და სანდოა“

“კორპორატიული ანგარიშგების რეფორმის მიზანია, ინვესტორები დავარწმუნოთ, რომ საქართველოში კორპორატიული ინფორმაცია ხელმისაწვდომი და სანდოა“

access_time2019-02-25 14:00:27

კანონი ბუღალტრული აღრიცხვის, ანგარიშგებისა და აუდიტის შესახებ ამ თემებზე ისაუბრეს რადიო კომერსანტზე, გადაცემაში „ჩემი აუდიტორი“. გადაცემის წამყვანის „გრანთ თორნთონის“ ბიზნეს-პროცესების აუთსორსინგის განყოფილების ხელმძღვანელ პაატა შურღაიას კითხვებს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის აუდიტისა და პროფესიული განათლების ზედამხედველობის დეპარტამენტის უფროსი ანზორ მჟავანაძე პასუხობდა.



“კანონმდებლობა კორპორატიული ანგარიშგების შესახებ 2016 წელს მივიღეთ. მანამდე არსებული რეგულაციები ბევრად ხისტი და მკაცრი იყო. სუბიექტებს თავად უნდა გამოეჩინათ კორპორატიული ანგარიშგება. 2016 წელს პარლამენტმა მიიღო უფრო მოქნილი და თანამედროვე კანონმდებლობა, რომელიც თანხვედრაშია ევროდირექტივებთან. კონსულტაციები იყო უცხოელ დონორებთან, მსოფლიო ბანკის წარმომადგენლებთან. ფაქტობრივად, 2018 წლამდე ყველა საწარმოს არ ევალებოდა ანგარიშგება. საქსტატის 2018 წლის მონაცემებით, მხოლოდ 80-დან 90% იყო კანონთან შესაბამის დონეზე. მთავარი შედეგი ამ რეფორმის არის ის, რომ ქართველი და უცხოელი ინვესტორები დავარწმუნოთ, რომ საქართველოში ხელმისაწვდომია კორპორატიული ინფორმაცია და, რაც მთავარია, ეს ინფორმაცია სანდოა.



ის სერვისები, რასაც ჩვენ ვაწვდით, ორ მიმართულებად ჯგუფდება. პირველია მსხვილი მიმართულება, რომელიც გულისხმობს ეკონომიკის მომარაგებას ანალიტიკური კორპორატიული ინფორმაციით. ამ სერვისით დაინტერესდება კონტრ-აგენტი, რომელსაც აინტერესებს პარტნიორზე ინფორმაცია, ან ინვესტორი, რომელსაც აინტერესებს სექტორული კვლევა - რომელი სექტორი საჭიროებს ინვესტიციას და რამდენია უკუგება. მეორე მიმართულება არის ამ ინფორმაციის სანდოობის უზრუნველყოფა, რაც პრაქტიკოსი აუდიტორების ზედამხედველობის გზით ხდება.



განგრძობითი განათლების მიმართულება გულისხმობს იმას, რომ ყველა აუდიტორმა პროგრამით დადგენილი 40 სთ უნდა გაიაროს და შესაბამისი განათლება მიიღოს. საქართველოში სამი კომპანია ახორციელებს ამას, პროგრამის დამტკიცებას ახდენს ჩვენი სამსახური. პროფესიული გაერთიანებები ადგენენ პროგრამას და მერე გვითანხმებენ ჩვენ და შემდგომ აწვდიან პრაქტიკოს აუდიტორებს.



გვაქვს ორი ძირითადი მიმართულება, ერთია ე.წ. პრევენციული ხარისხის კონტროლი, რომელსაც HR კონტროლს ვუწოდებთ. განგრძობითი განვითარების პროგრამაში მკაცრი გადამოწმება ან ტესტირება არ ხდება. პროგრამა დგება ორი მიმართულებით: ერთია ახალი სტანდარტები, რაც ადრე არ იყო და ახლა დაინერგა და მეორე — კარგად დავიწყებული ძველი, ანუ ის, როცა გარკვეული წყაროებიდან იკვეთება, რომ პროფესიაში პრობლემაა.



გვაქვს მესამე, დეტექციური კონტროლი, როცა ხდება აუდიტორული კომპანიის კონტროლის ხარისხის მონიტორინგი. ასე რომ ვთქვათ, აუდიტორების აუდიტი ხარისხის მიმართულებით. მას შემდეგ, რაც ეს კონტროლი ამუშავდება, ვიმედოვნებთ, რომ ამ პროფესიაში მოხვედრა ისეთივე პრესტიჟული იქნება, როგორც მაგალითად, კომერციულ ბანკში საშუალო რგოლის მენეჯერობა,“
- ამბობს ანზორ მჟავანაძე.



მისი თქმით, მათ ვისაც აუდიტორობა სურს, საჭიროა, პირველ რიგში, გათვითცნობიერებული ჰქონდეთ საკუთარი მისია, დაეხმარონ სხვადასხვა სუბიექტების სამეთვალყურეო საბჭოებს, რომ დაიცვან ინვესტორების ინტერესები, კონკრეტულად, მათი უფლება - მიიღონ რეალური და სანდო ინფორმაცია.




“ყოველივე ამის შემდეგ, ისინი ირჩევენ გზას, ან აბარებენ უმაღლეს სასწავლებელში და ჩაბარებული საგნებიდან რომელიმეს ჩაუთვლიან კონკრეტული დონის სერტიფიკატის გამოცდის ჩაბარებად და შემდგომ მიიღებენ ტექნიკურ განათლებას. ან  არის მეორე გზა, რომ არ ჩააბარონ და პირდაპირ ტექნიკურ სასწავლებელში ისწავლონ. თავისუფალი საბაზრო პრინციპის არჩევიდან დღემდე თითქმის 30 წელი გავიდა. ამ ხნის მანძილზე სულ გვქონდა დეფიციტი. ჩვენი ცხოვრება, რომ დავაფინანსოთ, ან ვიღებთ სესხს, ან ვყიდით საბაზრო აქტივებს, მაგრამ ძირითადად ვიღებთ სესხს. ეროვნულმა ბანკმა რეგულაციები შემოიტანა და კომუნიკაციის დროს აღნიშნავს, რომ სესხების რაოდენობის დონე საქართველოში არაგონივრულია. მნიშვნელოვანია გაიზარდოს ინვესტიციები, ამისთვის კი, არსებული სიტუაციიდან გამომდინარე, აუდიტის სამსახური საჭირო და ერთ-ერთი მნიშვნელოვანი რგოლია. მთავარია, ეს რგოლი მოემსახუროს, დაიცვას ინვესტორების ინტერესები, - ამბობს ანზორ მჟავანაძე.


(R)





ქართული უნივერსიტეტების საერთაშორისო რეიტინგი - რომელ ადგილზე ვართ მსოფლიოში

ქართული უნივერსიტეტების საერთაშორისო რეიტინგი - რომელ ადგილზე ვართ მსოფლიოში
access_time2020-08-12 13:00:59
ერთ-ერთმა ყველაზე ცნობილმა საერთაშორისო ორგანიზაციამ, „ვებომეტრიქსმა“ (http://www.webometrics.info/), რომელიც მსოფლიო უნივერსიტეტების რეიტინგებს წელიწადში ორჯერ იკვლევს, მორიგი კვლევა გამოაქვეყნა. კვლევა მოიცავს 31 ათასამდე უმაღლეს სასწავლებელს 200-ზე მეტი ქვეყნიდან, მათ შორის საქართველოდან. „ვებომექტრიქსი“ იკვლევს, უნივერსიტეტების სამეცნიერო წარმატებას და მათი ონლაინ-რესურსების გავლენიანობას. სამეცნიერო კრიტერიუმები...

საინტერესო საქართველოსთვისაც - მიდის თუ არა BP აზერბაიჯანიდან?

საინტერესო საქართველოსთვისაც - მიდის თუ არა BP აზერბაიჯანიდან?
access_time2020-08-12 12:05:42
აზერბაიჯანსა და საქართველოში მღელვარე ინტერესით შეხვდნენ გავრცელებულ ინფორმაციას, რომ ენერგეტიკულმა გიგანტმა, კომპანია BP-მ შესაძლოა დატოვოს აზერბაიჯანი. ეს საკითხი მნიშვნელოვანწილად უკავშირდება საქართველოსაც, რადგან ის BP-ის სამი მასშტაბური პროექტის მონაწილეა. ტოვებს თუ არა BP აზერბაიჯანს? რა ელის საქართველოზე გამავალ მილსადენებს? რას აპირებს აზერბაიჯანი? ნავთობისა და გაზის საერთაშორისო კომპანია BP აპირებს გაყიდოს თავისი აქტივების დიდი ნაწილი იმის...

გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე

გაქირავება -11%, გაყიდვა -9% - როდემდე გაგრძელდება შემცირების ტრენდი უძრავი ქონების ბაზარზე
access_time2020-08-12 10:00:12
ბოლო პერიოდში ქვეყანაში უძრავ ქონებაზე ფასის კლება ფიქსირდება. ტურისტების გარეშე დარჩენილი უძრავი ქონების გამქირავებლები განსაკუთრებით რთულ სიტუაციაში აღმოჩნდნენ. Galt&Taggart-ის ბოლო კვლევის თანახმად, დეველოპერებმა და კერძო ინვესტორებმა დაიწყეს ფასების შემცირება, რათა მოერგონ ახალ რეალობას, განსაკუთრებით კი ბინის გამქირავებლებმა. უძრავ ქონებასთან დაკავშირებულ ფასების ახალ ტენდენციასთან დაკავშირებით დეტალების...

Kohi.ge ქობულეთში 4,5 მილიონი ევროს ღირებულების ქარხანას აშენებს

Kohi.ge ქობულეთში 4,5 მილიონი ევროს ღირებულების ქარხანას აშენებს
access_time2020-08-12 11:10:51
კომპანია Kohi.ge ქობულეთთან ახლოს  თანამედროვე კომპიუტერიზებულ ქარხანას ააშენებს, ამის შესახებ „კომერსანტს“ kohi.ge -ს დამფუძნებელმა ირაკლი ლომიძემ განუცხადა. მისი განცხადებით, ქობულეთში მდებარე  ქარხანა სახლების გამოშვებას მაისის დასაწყისიდან შეძლებს. „ქობულეთთან ახლოს ვაშენებთ ახალ, დიდ, თანამედროვე კომპიუტერიზებულ და ავტომატიზირებულ ქარხანას რობოტებით, რომელშიც 4,5 მილიონ ევროს ვდებთ. ქობულეთთან  ახლოს ...

დღის Top 10 საინტერესო ამბავი

დღის Top 10 საინტერესო ამბავი
access_time2020-08-11 21:00:41
დღის Top 10 საინტერესო ამბავი: 1.Georgian Capital-ის წარუმატებელი პროექტი - „საქართველოს ჯანდაცვის ჯგუფი“ არა ლიკვიდურობის გამო ლონდონის საფონდო ბირჟიდან ჩაიხსნა „საქართველოს ჯანდაცვის ჯგუფი“ (GHG) არალიკვიდურობის გამო ლონდონის საფონდო ბირჟიდან ჩაიხსნა. კომპანიის ინფორმაციით,...


მსგავსი სიახლეები

up