პორტუგალიის პრემიერ-მინისტრის, ანტონიუ კოშტას განცხადებით, კორონავირუსის შემთხვევების მატების გამო, ქვეყანაში 15 ოქტომბრიდან საგანგებო მდგომარეობა გამოცხადდება.

„პორტუგალიაში პანდემიის განვითარება, როგორც სერიოზული შეგვიძლია შევაფასოთ“, - აღნიშნა პორტუგალიის პრემიერმა.

მისივე თქმით, საგანგებო მდგომარეობის გამოცხადება მთავრობას უფლებამოსილებას აძლევს, დამატებითი ზომები მიიღოს ვირუსის გავრცელების შესაჩერებლად.

ანტონიუ კოშტამ ასევე აღნიშნა, რომ დამატებითი შეზღუდვები დაუყოვნებლივ დაწესდება, კერძოდ, საუბარია საჯარო ადგილებში, კომერციულ სივრცეებსა და რესტორნებში შეკრების შეზღუდვაზე.

პანდემიის დაწყებიდან დღემდე პორტუგალიაში კორონავირუსის 89 121 შემთხვევა დადასტურდა, ხოლო 2 110 ადამიანი გარდაიცვალა.

imedinews.ge