„კორონავირუსი უნდა ყოფილიყო შესაძლებლობა ისეთი ქვეყნებისთვის, როგორიც საქართველოა“

„კორონავირუსი უნდა ყოფილიყო შესაძლებლობა ისეთი ქვეყნებისთვის, როგორიც საქართველოა“

access_time2020-09-18 15:00:53

„კორონავირუსი უნდა ყოფილიყო შესაძლებლობა ისეთი ქვეყნებისთვის, როგორიც საქართველოა, ჩვენ მიღებული გადაწყვეტილებების კუთხით, მივდივართ ინერციულად, როგორც ამას სხვა ქვეყნები აკეთებენ,“- განაცხადა აუდიტორიული კომპანია „გრანთ თორნთონ“-ის პარტნიორმა პაატა შურღაიამ რადიო „კომერსანტზე“ გადაცემაში „ჩემი აუდიტორი“. პაატა შურღაიას განცხადებით, საქართველოს პანდემიის პერიოდში უნდა აერჩია, არა ინერციული, არამედ ინოვაციური გზა.


„გვქონდა ორი ალტერნატივა: ინერციული (რასაც ყოველდღიურად ვახორციელებთ, ლოკოკინას სიჩქარით მივდივართ და ვაუმჯობესებთ რაღაცებს) და მეორე - ინოვაციური. სადაც მაღალია რისკის დონე, იქ უფრო მეტი შესაძლებლობები გვაქვს, თუმცა, სადაც არ ვრისკავთ, იქ არ გავქვს შესაძლებლობებიც. ჩვენ მიღებული გადაწყვეტილებების კუთხით, მივდივართ ინერციულად, როგორც ამას სხვა ქვეყნები აკეთებენ. თუ ჩვენ ავიღებდით დიდ რისკებს, იყო საშიშროება, რომ რაღაც კუთხით, ცუდი მაჩვენებელი მიგვეღო, თუმცა იქნებოდა იმის შესაძლებლობა, რომ უფრო მეტ შედეგზე გავსულიყავით. ინვესტორისთვის ან მოქმედი ბიზნესმენებისთვის უნდა შეგვეთავაზებინა, რომ საქართველოში იქნებოდნენ დაცულები და დისტანციური მუშაობა განეხორციელებინათ აქედან“, - განაცხადა პაატა შურღაიამ.


მან პანდემიის პირობებში მსოფლიოს სხვადასხვა კონტინენტზე საგრძნობლად შემცირებულ სავაჭრო ინდექსებზე ისაუბრა და განაცხადა, რომ ისტორიას მსგავსი ეკონომიკური კრიზისი არ ახსოვს.


„თუ შევხედავთ სხვადასხვა კონტინენტს, ვნახავთ, რომ მაგალითად, გერმანიაში ავტოინდუსტრიული სავაჭრო ინდექსები ქვემოთ ჩამოვიდა, ამერიკაშიც ყველაზე დიდი სავაჭრო ინდექსის S&P 500 20%-ით დაეცა. საერთო ჯამში, იანვრიდან აპრილის ჩათვლით 20%-ით დაეცა სავაჭრო ინდექსები, დღევანდელი მონაცემებით კი +5,7%-იანი მატება არის, ეკონომიკა ჯანსაღდება ნამდვილად. თუმცა, 2020-21 და 2022 წლებშიც შეიძლება იყოს გარდამავალი პერიოდი. შეგვიძლია ვთქვათ, რომ კოვიდის პანდემიას წარსულში არსებულ პანდემიებსა და ეკონომიკურ კრიზისებს თუ შევადარებთ, მისი სისწრაფითა და გავლენით, ვნახავთ, რომ ისტორიას არ ახსოვს მსგავსი კრიზისი,“- აღნიშნა პაატა შურღაიამ.


მან რადიო კომერსანტთან ასევე შეაფასა ანტიკრიზისული გეგმა და განაცხადა,რომ ვირუსის შედეგები მოქალაქეების არა ასაკობრივ ჭრილში, არამედ შემოსავლების კუთხით უნდა გავზომოთ.



„ანტიკრიზისული გეგმა სამი ეტაპისგან შედგება, თუმცა, რეალურად ეს არის სოციო-ეკონომიკური პაკეტი, სადაც ეკონომიკურს რეალურად ვერაფერს ვნახავთ მასში. პოსტკრიზისულ გრძელვადიან გეგმას სჭირდება განხილვა და ეს აუცილებლად უნდა მოხდეს არაუგვიანეს წლის ბოლომდე. საზომს ვირუსის ნაწილში ვუყურებთ ასაკობრივად, ვზომავთ, რა ტიპის ასაკის ადამიანები დაინფიცირდნენ, არავინ ზომავს, კლასობრივი კუთხით, ნებისმიერი ბიზნესი და მათ შორის, თითოეული ადამიანის თამაშის წესები ვირუსთან დაკავშირებით ადაპტირდა. ჩვენ მივედით იმ დასკვნამდე რომ ლოკდაუნები კარგი არ არის, სკანდინავიამ გარისკა და უკეთესი შედეგი მიიღო, ჩვენ - არა,“- განაცხადა მან.


გადაცემაში „ჩემი აუდიტორი“ კიდევ ერთი საკითხი,რაზეც პაატა შურღაიამ ისაუბა მეწარმეთა შესახებ ახალი კანონია. მისი განცხადებით, კანონთან დაკავშირებით ბევრი კითხვებია, თუმცა, ფაქტს რომ, მასში ჩართული იყო ყველა დაინტერესებული მხარე, პაატა შურღაია დადებითად აფასებს.


„13 აგვისტოს გამოქვეყნდა კანონპროექტი და იყო მითითება, რომ გარე პირებს 2-3 კვირიანი ვადა ექნებოდათ, გამოეხატათ საკუთარი აზრი და შენიშვნები. კანონის ნაწილში დადებითია ის ფაქტი, რომ მაქსიმალურად იყო ჩართული მასში ყველა დაინტერესებული მხარე: დამოუკიდებელი ადვოკატები, სამართლის სპეციალისტები, ბიზნეს ასოციაციები, მკვლევარები და დონორი ორგანიზაციები. ბევრი რამ იცვლება, რეალურად ახალი კანონია შემოტანილი. მაგალითისთვის, ახსნა განმარტებით წერილში წერია, რომ გაიზარდა ბიზნეს დავების სასამართლოში განხილვის რაოდენობა. რეალურად, სასამართლო დავების ნაწილში, რეგულაციები რომ შემოვიღოთ და ბიზნესი დიდ ჭაობში მოვაქციოთ, არასწორია. სხვა ინსტიტუტები უნდა განვითარდეს, რომ მათი კვალიფიკაცია გაიზარდოს, ან მედიაციის ნაწილი განვითარდეს.


რეალურად, ჩნდება კითხვა, რატოა ასეთი სავალდებულო და ახლა, პანდემიის პერიოდში, რატომ მიიღება ამ ტიპის კანონპროექტები, ისინი საჭიროებენ დეტალურ განხილვას. გასაგებია ევროდირექტივებთან დაახლოების პროცესი, თუმცა, ჩვენ ჯერ უნდა შევაფასოთ ის, თუ რა დონე იყო ევროკავშირში, როცა ესა თუ ის რეგულაცია მიიღეს, ან როდის მოხდა და დაიწყო მსგავსი ტიპის კანონპროექტების იმპლემენტაცია. განვითარების დონე იქ დიდია და შესაბამისად, სხვაობაც - დიდი,“
- განაცხადა პაატა შურღაიამ.





19 ოქტომბერი - რეგიონში ყველა ვალუტა გამყარდა

19 ოქტომბერი - რეგიონში ყველა ვალუტა გამყარდა
access_time2020-10-19 18:30:02
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ გამოქვეყნებული 19 ოქტომბრის ვაჭრობის შედეგად, ქართული ლარის კურსი უმნიშვნელოდ გამყარდა და ერთი აშშ დოლარის ღირებულებამ 3.2117 ლარი...

დღის Top 10 საინტერესო ამბავი

დღის Top 10 საინტერესო ამბავი
access_time2020-10-19 21:00:58
დღის Top 10 საინტერესო ამბავი     1. კომერსანტის ექსკლუზივი - პერსონალური მონაცემების დაცვის მიზნით, ამოქმედებული დადგენილება თუ წინასაარჩევნოდ დაგეგმილი ქაოსი კოვიდ სტატისტიკაში   კორონავირუსის პირველი შემთხვევის დადასტურებიდან რვა თვის შემდეგ, კომერსანტმა...

Le Figaro: კომენდანტის საათის შემოღების გამო მაკრონს აჯანყება ემუქრება

Le Figaro: კომენდანტის საათის შემოღების გამო მაკრონს აჯანყება ემუქრება
access_time2020-10-19 20:30:21
დღეს ორი განსხვავებული საფრანგეთი არსებობს, ერთი რომელიც კომენდანტის საათში კორონავირუსის გამო 21.00-დან 6.00-მდე ჩაკეტეს და  მეორე, რომელიც ცხოვრების გაგრძელებას ცდილობს, თუ ამას ინფექციის გავრცელების სიჩქარე დააცდის.   ემანუელ მაკრონმა არჩევანი მკაცრი ზომების და დიდ ქალაქებში კომენდანტის საათის სასარგებლოდ გააკეთა და ამით რეალურ რისკზე წავიდა.   სწორედ დიდ ქალაქებში, პირველ რიგში პარიზში, პანდემიამ ყველაზე მძიმე სოციალური  ჭრილობები დატოვა,...

Financial Times: ეკონომიკური აღდგენა არათანაბარი იქნება

Financial Times: ეკონომიკური აღდგენა არათანაბარი იქნება
access_time2020-10-19 19:30:29
როდესაც კორონავირუსი ჩინეთის ტერიტორიას გასცდა და პანდემია დაიწყო, ყველა ეკონომიკა მსოფლიოში ერთბაშად და უნისონში ჩამოიშალა. ყველა ქვეყანაში ეკონომიკური მაჩვენებლები მკვეთრად შემცირდა ისეთ დონეზე, რომელიც კაცობრიობას მშვიდობიანობის დროს არ უნახავს.   ამის შემდეგ აგრესიული ფისკალური და მონეტარული რეაქცია დაიწყო, ასევე სხვადასხვა ქვეყნებში ვირუსის წარმატებული შეკავება, მაგალითად ჩინეთში.   საერთაშორისი სავალუტო ფონდის პროგნოზის...

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს

ქართული დაბალბიუჯეტიანი ავიაკომპანია ხვალ პირველ თვითმფრინავს შემოიყვანს
access_time2020-10-19 17:30:07
ავიაკომპანია „აირ ჯორჯიამ“ შესაძლოა, დაბალბიუჯეტიანი ფრენები დაიწყოს. როგორც ,,ჰაბ ჯორჯიას“ დამფუძნებელმა გიორგი კოდუამ განაცხადა, პირველი AIRBUS A320 ტიპის თვითმფრინავი თბილისის აეროპორტში ხვალ შემოვა, მეორე კი დაახლოებით, 1 თვეში.   გიორგი კოდუას თქმით, ამ ეტაპზე მთავრობასთან მოლაპარაკებები ისევ გრძელდება და დადებითი პასუხის შემთხვევაში, ეს იქნება პირველი ქართული დაბალბიუჯეტანი ავიაკომპანია, რომელიც კონკურენციას Wizz Air-ს გაუწევს. თუმცა, იმ შემთხვევაში, თუ სახელმწიფო...


მსგავსი სიახლეები

up