„სტრატეგია აღმაშენებლის" ლიდერი გიორგი ვაშაძე პრემიერ გიორგი გახარიას კონკრეტულ ფაქტებზე დაყრდნობით სასაუბროდ დებატებში იწვევს და მიმართავს:
„ბატონო გახარია, გიწვევთ დებატებში საქართველოს მომავალზე სამსჯელოდ. თქვენ და თქვენმა გუნდმა 8 წლის მანძილზე, ხაზს ვუსვამ, არც ერთი დაპირება არ შეასრულეთ, რომელიც მიეცით საქართველოს მოქალაქეებს. ტყუილია, როცა ამბობთ რომ თქვენ ზრუნავთ ხალხზე. UNICEF-ის მონაცემებით საქართველოში მშიერი ადამიანების რაოდენობა რეკორდულად მაღალია 8.2%. ყველაზე მაღალი რეგიონში, 3-ჯერ მეტი ვიდრე სომხეთში.
ტყუილია როცა ამბობთ, რომ თქვენი მმართველობის დროს ეკონომიკა წინ წავიდა და თქვენ ზრუნავთ ქვეყნის ეკონომიკის განვითარებაზე. რეკორდულად შემცირდა თქვენი მმართველობის დროს უცხოური ინვესტიციები, 40000 სამუშაო ადგილი კორონავირუსამდე დაიკარგა, 200 000 სამუშაო ადგილი ახლა დაიკარგა. არაფერს აკეთებთ მცირე და საშუალო ქართული ბიზნესის დასახმარებლად, სამაგიერდო 45 მილიონი ბიუჯეტში მოძებნეთ თქვენი ახლობლების კომპანიებისთვის. რასაც ადასტურებს IDFI-ის, Bellingcat-ისა და საერთაშორისო გამჭირვალობის კვლევები.
ტყუილია, როცა ამბობთ, რომ ზრუნავთ ხალხის უსაფრთხოებაზე. 2019 წელს 2-ჯერ გაიზარდა კრიმინალის მაჩვენებელი, 40000 დამნაშავე დღესაც თავისუფლად დადის, იმიტომ რომ საქმეები გაუმოუძიებელია.
ტყუილია, როცა ამბობთ, რომ ეფექტურად მართავთ კორონავირუსისგან გამოწვეულ სიტუაციას, რადგან ყოვედღიურად დრამატულად იზრდება სამწუხაროდ, ინფიცირებულთა რაოდენობა. დღემდე პრობლემაა მასობრივი ტესტირება, რომელზეც თვეების წინ გესაუბრებოდით და არაფერს აკეთებთ. ისევ და ისევ, უმძიმეს მდგომარეობაში მყოფი ქართული მცირე და საშუალო ბიზნესისთვის, რომელთაც ბანკები ართმევენ ქონებას.
სწორედ ამ ფაქტებით სამსჯელოდ გიწვევთ დებატებში, ისე როგორც ეს მიღებულია თანამედროვე, დასავლურ, ცივილიზებულ სამყაროში.
სად არის თქვენი 2020 წლის გეგმა?