კოოპერატივი ,,ბეთლემი“ მშრალი მოცვის წარმოებას იწყებს

კოოპერატივი ,,ბეთლემი“ მშრალი მოცვის წარმოებას იწყებს

access_time2019-02-10 21:15:56

კოოპერატივი ,,ბეთლემი“ გამშრალი მოცვის წარმოებას გეგმავს. ამის შესახებ Bm.ge-ს კოოპერატივის დამფუძნებელმა, ამირან დიასამიძემ განუცხადა. მისი განმარტებით, გაზაფხულზე საშრობ აპარატს შეიძენენ და მოცვისა და სხვადასხვა ხილის ჩირების წარმოებას დაიწყებს.

კოოპერატივი ლურჯი მოცვის პლანტაციას ფლობს, სადაც გასულ წელს პირველი მოსავალი მიიღს, წელს კი სავარაუდოდ ერთ ტონამდე მოცვს ელიან. პლანტაცია აჭარაში, სოფელ "გულებში“, ორი წლის წინ 4 500 კვადრატულ მეტრზე გააშენეს, სადაც 1000 ძირი ამერიკული ჯიშის ლურჯი მოცვი დარგეს.

"როდესაც პლანტაცია სრულ მსხმოიარობას მიაღწევს, სეზონზე მინიმუმ 9 ტონა მოსავალს მივიღებთ, ეს საკმაოდ დიდი მოცულობაა, ამიტომ გადავწყვიტეთ საშრობის შეძენა და მშრალი მოცვის დამზადება, რაზეც საკმაოდ დიდი მოთხოვნაა. ამის გარდა სხვა ხილის ჩირსაც დავამზადებთ, როგორიცაა შავი ქლიავი, ხურმა და სხვა. ხილს ჩვენს სოფლებში მოსახლეობისგანაც შევისყიდით. გარდა ამისა, ვაპირებთ სამაცივრე მეურნეობის მოწყობას, სადაც სეზონურ ხილს შევინახავთ და ბაზარზე მაშინ გამოვიტანთ გასაყიდად, როდესაც მისი ფასი მაღალი იქნება“ - განაცხადა ამირან დიასამიძემ.

გარდა ამისა კოოპერატივი ,,ბეთლემი“ ღვინის მარნის მოწყობას და მცირე სასტუმროს მშენებლობასაც გეგმავს, სადაც აგროტურიზმს განავითარებს.


,, ძალიან დიდი ინტერესია ტურისტების მხრიდან, თუ როგორ მოგვყავს მოცვი, მარწყვი, ყურძენი და სხვა ხილი. მათ ამ პროცესს სრულად ვაჩვენებთ, საშუალებას მივცემთ თავად მოკრიფონ მოსავალი და ჩვენს მარანში დაწურონ. ასევე ვაპირებთ ოთხნომრიანი კოტეჯის აშენებას, სადაც ტურისტებს დარჩენის საშუალება ექნებათ“ - განმარტავს ამირან დიასამიძე.

კოოპერატივმა 2016 წელს, პლანტაციის გასაშენებლად საჭირო თანხა, გრანტის სახით ENPARD-ის პროექტის ფარგლებში მოიპოვა. 8 700 ლარი ამერიკული ჯიშის, ლურჯი მოცვის ნერგების ყიდვას და წვეთოვანი სარწყავი სისტემის მონტაჟს მოხმარდა.

მოცვის პლანტაციის მოვლაში კოოპერატივის ხუთი წევრია ჩართული. ყოველ სეზონზე , როდესაც მოცვის კრეფა დაიწყება, 15 ადამიანს დაასაქმებენ.






მილიარდელი დევიდ კოხი გარდაიცვალა

 მილიარდელი დევიდ კოხი გარდაიცვალა
access_time2019-08-23 19:00:32
მილიარდელი, რომელიც ამერიკული პოლიტიკის გარდაქმნას ცდილობდა და ქველმოქმედებაში მილიარდზე მეტი აქვს დახარჯული, 79 წლის ასაკში გარდაიცვალა. ფაქტის შესახებ კოხის სპიკერმა კრისტიან ნიკოლასმა განაცხადა. ბიზნესმენი, რომლის ქონება 59 მილიად დოლარს შეადგენდა, მსოფლიოში უმდიდრეს  ადამიანებს შორის მეშვიდე ადგილს იკავებდა. შემოსავლის დიდი ნაწილი მან კანზასის ქალაქ ვიჩიტაში დაფუძნებული კომპანია Koch Industries-იდან მიიღო, რომლის წლიური შემოსავალი 110 მილიარდ...

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი

სებ-ი ვალდებულია ხაზარაძის განცხადებით დაინტერესდეს და განმარტება გააკეთოს - აკაკი ჩარგეიშვილი
access_time2019-08-23 17:00:11
„საქართველოს ეროვნული ბანკი ვალდებულია დაინტერესდეს და შესაბამისი განმარტება გააკეთოს მამუკა ხაზარაძის განცხადებაზე, რომელიც ძალიან დამაინტრიგებელია. საზოგადოებაში კითხვები გაჩნდა და საჭიროა ამ კითხვებს დროულად გაეცეს პასუხი. ჩვენ ვართ სხვადასხვა ბანკის მომხმარებელი, ამიტომ ეს უფრო გააღრმავებს საფინანსო ორგანიზაციებსა და საზოგადოებას შორის ისედაც უკვე დიდი ხნის...

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს

სოფელ საყავრესთან ტყეში გაჩენილი ხანძარი ლოკალიზებულია - რა რესურსით ებრძვის სახანძრო-სამაშველო დეპარტამენტი ხანძრებს
access_time2019-08-23 15:30:18
გორის მუნიციპალიტეტში, სოფელ საყავრესთან ტყის მასივში გაჩენილი ხანძარი ლოკალიზებულია. მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. 3 ათასი მეხანძრე, 304 - სახანძრო ავტოტრანსპოტრი, სამაშველო...

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს

ADB საქართველოსთან თანამშრომლობის ახალი სტრატეგია დაამტკიცა - სესხების მოცულობა შემდგომი ხუთი წლის განმავლობაში 2 მილიარდ აშშ დოლარს შეადგენს
access_time2019-08-23 12:30:39
აზიის განვითარების ბანკმა (ADB) დღეს საქართველოსთან თანამშრომლობის ახალი სტრატეგია დაამტკიცა. ბანკის ცნობით, 2019-2023 წლების თანამშრომლობის ხუთწლიანი სტრატეგია, მხარს უჭერს საქართველოს მთავრობის განვითარების სტრატეგიას, რომელიც ეფექტურობის გაზრდასა და სიღარიბის შემცირებას ისახავს მიზნად მეზობელ ქვეყნებთან და დანარჩენ მსოფლიოსთან ეკონომიკური ინტეგრაციის გზით. ქვეყანასთან თანამშრომლობის ახალი სტრატეგია მიმართული იქნება სავაჭრო კავშირების გაღრმავებაზე,...

ზაზა ფაჩულიამ „არქი“ იყიდა!

ზაზა ფაჩულიამ „არქი“ იყიდა!
access_time2019-08-23 10:55:30
ცცნობილი ქართველი კალათბურთელი, NBA-ს ორგზის ჩემპიონი ზაზა ფაჩულია დეველოპერული კომპანია „არქის“ წილის მფლობელი გახდა. ფაჩულიას “არქისთან” მრავალწლიანი ურთიერთობა აკავშირებს და მისი მონაწილეობით კომპანიამ არაერთი მარკეტინგული აქტივობა განახორციელა. 21 აგვისტოს, კი ზაზა ფაჩულიასა და “არქის” თანამშრომლობამ განსხვავებული ფორმა შეიძინა. გაფორმებული მემორანდუმის მიხედვით ფაჩულიამ კომპანიის წილი იყიდა და ილია წულაიასთან და მენი ბენიშთან ერთად „არქის“ თანამფლობელი...


მსგავსი სიახლეები

up