„კონტი ჯგუფის“ საქართველოდან გასვლის შემდეგ დაპაუზებული კიდევ ერთი პროექტი - თბილისში ამერიკული ჰოსპიტალის მშენებლობა გადაიდო

„კონტი ჯგუფის“ საქართველოდან გასვლის შემდეგ დაპაუზებული კიდევ ერთი პროექტი - თბილისში ამერიკული ჰოსპიტალის მშენებლობა გადაიდო

access_time2019-09-13 14:00:21

უმსხვილესი ამერიკული კომპანია “კონტი ჯგუფის“ საქართველოდან გასვლის შემდეგ პრობლემა თბილისში უმაღლესი სამედიცინო სტანდარტების ამერიკული ჰოსპიტალის მშენებლობასაც შეექმნა. როგორც ცნობილია, ახალი ჰოსპიტალი თბილისის საერთაშორისო აეროპორტის მიმდებარე ტერიტორიაზე უნდა აშენებულიყო. პროექტს ერთობლივად ახორციელებდნენ კომპანია „თიბისი ჰოლდინგი, „კონტი ჯგუფი“ და დავით ტვილდიანის სახელობის სამედიცინო ინსტიტუტი (აიეტი). ჰოსპიტალში 400 ადამიანის დასაქმება და 55 მილიონი აშშ დოლარის განხორციელება იგეგმებოდა.



როგორც დღეს ჰოსპიტალის ერთ-ერთი დამფუძნებელი დიმიტრი ტვილდიანი „კომერსანტთან“ საუბრისას განმარტავს, პროექტის განხორციელება გაურკვეველი ვადით შეჩერდა. მისი განცხადებით, პროექტი სამომავლოდ აუცილებლად განხორციელდება, თუმცა, როდის, უცნობია.



როგორც დიმიტრი ტვილდიანი აცხადებს, პროექტში ფულს გერმანიის ერთ-ერთი ბანკიც დებდა გამომდინარე იქიდან,რომ გარანტორი „თიბისი ჯგუფი“ იყო. ჰოსპიტალის მშენებლობა 2019 წლის ზაფხულში უნდა დაწყებულიყო,ოპერირებას კი ტენდერის საფუძველზე შერჩეული ამერიკული Innova Health Management-ი მოახდენდა.



პროექტი 2014 წელს დაანონსდა. მაშინ ითქვა, რომ 150 საწოლზე გათვლილ ამერიკული სტანდარტების მრავალპროფილიან ჰოსპიტალში უნდა დანერგილიყო JCAO უმაღლესი ამერიკული სტანდარტები და ტექნოლოგიები, რომელსაც  საქართველოში. ანალოგი არ აქვს



ჰოსპიტალში სამუშაოდ მოწვეულნი უნდა ყოფილიყვნენ ამერიკაში ლიცენზირებული ქართველი ექიმები. მის ბაზაზე, სამედიცინო ინსტიტუტ „აიეტისა და აშშ-ს წამყვანი სამედიცინო უნივერსიტეტების მონაწილეობით, ჩამოყალიბდებოდა და განვითარდებოდა სასწავლო-სამედიცინო ცენტრი, რომელიც ხელს შეუწყობდა სამედიცინო დარგის პროფესიონალთა ქსელის გაფართოებას.




დიმიტრი ტვლიდიანი 2014 წლის აგვისტოში „კომერსანტთან ინტერვიუში აცხადებდა, რომ ჰოსპიტალში  ფასები არსებულთან დაახლოებით 50 პროცენტით ძვირი იქნებოდა.


„თუ გავითვალისწინებთ იმას, რომ სახელმწიფო აფინანსებს ძირითად ნაწილს ამ ხარჯებისას, მოსახლეობის 90 პროცენტს ექნება საშუალება, რომ ჩვენი მომსახურება მიიღოს. ჩვენი მომსახურება იქნება რამდენიმეჯერ იაფი ვიდრე ევროპაში, თუმცა ცოტა უფრო ძვირი, ვიდრე საქართველოში.“  აცხადებდა ტვილდიანი.



მისი თქმით, გაკეთდა სპეციალური კვლევა, რომელმაც აჩვენა, რომ როდესაც ქართველები საზღვარგარეთ სამკურნალოდ მიდიან, ძირითადად მიდიან იმიტომ, რომ ეძებენ ხარისხს. ამერიკული ჰოსპიტლის გახსნის წინაპირობაც ეს გახდა.



„როდესაც ჩვენთან ამერიკიდან ექიმებს მოვიწვევთ,  თავის კლინიკასთან ყველას კავშირები ექნება. მაქსიმალურად შევეცდებით, რომ ჩავერთოთ ქსელებში, რომელიც მოგვცემს საშუალებას,რომ საჭიროების შემთხვევაში გადასანერგი ორგანოებიც ჩამოვიტანოთ და შევეცდებით, რომ პაციენტები სამკურნალოდ საზღვარგარეთ არ გავუშვათ.ჰოსპიტალი ფართო პროფილის იქნება. აუცილებლად, იქნება თერაპიაც, მეანობა-გინელოკოლგიაც, ქირურგიაც, პედიატრიაც, ონკოლოგიაც, დიაგნოსტიკური და ლაბორატორიული მომსახურებაც და იქნება პოლიკლინიკური მომსახურებაც“,-აცხადებდა ტვილდიანი.



რაც შეეხება „კონტი ჯგუფს“,ის საქართველოში, კონკრეტულად ანაკლიის განვითარების კონსორციუმის ერთ-ერთი აქციონერი იყო -42%-იანი წილის მფლობელი.რა გახდა ამერიკული მხარის მიერ ჯგუფის დატოვების მიზეზი, კონსორციუმში მაშინ არ ასახელებდნენ.


„ანაკლიის განვითარების კონსორციუმში“ შედიან: TBC Holding-ი (საქართველო), ამერიკული Conti International-ი (რომელმაც ჯგუფი უკვე დატოვა), SSA Marine-ს (აშშ), British Wondernet Expres-ი (ცენტრალური აზია) და G-Star Ltd.-ი (ბულგარეთი).


5 აგვისტოს „ანაკლიის კონსორციუმის“ სამეთვალყურეო საბჭოს თავმჯდომარისა და მოადგილის თანამდებობი დატოვეს მამუკა ხაზარაძემ და ბადრი ჯაფარიძემ. „ანაკლიის კონსორციუმის“ სამეთვალყურეო საბჭოს თავმჯდომარის მოვალეობას საქართველოში აშშ-ს სავაჭრო პალატის პრეზიდენტი მაიკლ ქაუგილი ასრულებს.


სოფო ქსოვრელი 






„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი გასაუქმებელია“

„ოლიგოპოლიური ნიშნების მატარებელი, არაფორმალური ჯგუფების გავლენების მიერ მართული ბიზნეს გარემო -ბიზნესომბუდსმენის აპარატი  გასაუქმებელია“
access_time2019-11-11 18:23:03
პარლამენტის დამოუკიდებელი დეპუტატი ლევან კობერიძე სოციალურ ქსელ „ფეისბუქში“ სტატუსს აქვეყნებს, რომელსაც „კომერსანტი“ უცვლელად გთავაზობთ: „ბიზნესომბუდსმენის აპარატი არის გასაუქმებელი - ეს არის ზედმეტი ხარჯი ქვეყნის ბიუჯეტისთვის და “ხელისუფლებასთან საქმის დალაგების” არსის მატარებელი სტრუქტურა - სიმართლე არის ეს! - თუ ქვეყანაში იქნება სამართლიანი, ღია, კონკურენტული გარემო და გამჭვირვალე ეფექტიანი ბიუროკრატია, ბიზნესომბუდსმენები საჭირო არიან - ამის...

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი

„უკვე ვხედავთ მკაფიო ინტერესს პრინციპულად განსხვავებული ბაზრებიდან“ – Hotel Collection International-ის რეგიონალური ოფისის ხელმძღვანელი
access_time2019-11-11 19:30:30
“რუსული ემბარგოსგან გამოწვეული კრიზისი სამწუხაროდ კახეთში ვიგრძენით ძალიან მწვავედ”, აცხადებს Hotel Collection International-ის რეგიონალური ოფისის ხელმძღვანელი ქეთი მიქაშავიძე. თუმცა მისივე განმარტებით, ალტერნატიული ბაზრების ჩანაცვლებით სექტორმა გარკვეულწილად დანაკარგის მეტნაკლები დაბალანსება მოახერხა. „წლევანდელ სეზონთან დაკავშირებით მოლოდინი გვქონდა განსაკუთრებული, სხვადასხვა რეგიონში ველოდით უკეთეს შედეგებს ვიდრე სამწუხაროდ მივიღეთ. კახეთში მომუშავე...

„შეზღუდული მანდატის მიუხედავად, ლექვინაძე მხარეებისთვის სათქმელის სწორად მიწოდებას ახერხებდა“- ბიზნესის შეფასება

„შეზღუდული მანდატის მიუხედავად, ლექვინაძე  მხარეებისთვის სათქმელის სწორად მიწოდებას ახერხებდა“- ბიზნესის შეფასება
access_time2019-11-11 18:30:31
„ბატონ ირაკლი ლექვინაძესთან ყველა საკითხი, რომელიც ჩვენ გვინდოდა მიგვეტანა მივიტანეთ და მან კარგი კომუნიკატორისა და შუამავლის როლი შეასრულა.“ - ასე აფასებს კომპანია „ნატახტარის“კორპორაციულ საქმეთა დირექტორი ნიკიოლოზ ხუნძაკიშვილი ბიზნესობუდსმენის ირაკლი ლექვინაძის განვლილ საქმიანობას ბიზნესომბუდსმენის პოსტზე. როგორც ცნობილია, ირაკლი ლექვინაძემ და მისმა მოადგილემ ლევან...

ილონ მასკი: მთავარი ინჟნერიც რიგითი მუშა უნდა იყოს

ილონ მასკი: მთავარი ინჟნერიც რიგითი მუშა უნდა იყოს
access_time2019-11-11 20:30:20
SpaceX და Tesla-ს დამაარსებელი ილონ მასკი სან-ფრანცისკოში  კოსმოსური სტარტაპების გამოფენაზე   სიტყვით  გამოვიდა. ღონისძიების ორგანიზატორი აშშ-ს სამხედრო -საჰაერო ძალები და კოსმოსურ ინდუსტრიაში მომუშავე კონსალტინგური კომპანია Starburst Aerospace იყო . გამოფენაში მონაწილეობა  75-მა კოსმოსურმა სტარტაპმა მიიღო , რომელმაც ა თავისი პროდუქცია საინვესტიციო ფონდებს და სამხედროებს...

#იმოგზაურევისოლთანერთად - საქართველოს დაცულ ტერიტორიებზე მედია-ტური გაიმართა

#იმოგზაურევისოლთანერთად  - საქართველოს დაცულ ტერიტორიებზე მედია-ტური გაიმართა
access_time2019-11-11 15:00:01
„ვისოლ ჯგუფის“ და გარემოს დაცვისა და სოფლის მეურნეობის სამინისტროს დაცული ტერიტორიების სააგენტოს ორგანიზებით, საქართველოს დაცულ ტერიტორიებზე მედია-ტური გაიმართა. ტურში მონაწილეობა საქართველოში მოქმედი მედია-საშუალებების წარმომადგენლებმა, ბლოგერებმა და ინფლუენსერებმა მიიღეს. მედია-ტური ოთხივე სეზონზე საქართველოში შიდა ტურიზმის ხელშეწყობას და დაცული ტერიტორიების სააგენტოს და „ვისოლ ჯგუფის“ ერთობლივი პროექტის #იმოგზაურევისოლთანერთად ახალი ეტაპის ფარგლებში დაგეგმილი სოციალური მედია გათამაშების...


მსგავსი სიახლეები

up