„იმ პრობლემებს რაც ბიზნესს აქვს, ბიზნესომბუდსმენი მაინც ვერ უშველის“-ბიზნესი ახალ ბიზნესომბუდსმენზე

„იმ პრობლემებს რაც ბიზნესს აქვს, ბიზნესომბუდსმენი მაინც ვერ უშველის“-ბიზნესი ახალ ბიზნესომბუდსმენზე

access_time2019-11-15 11:00:21

ბიზნესომბუდსმენის პოსტზე პრემიერ-მინისტრმა გიორგი გახარიამ მიხეილ დაუშვილი წარადგინა. როგორც მთავრობის სხდომის დაწყებისას პრემიერმა განაცხადა, ეს კადრი მისთვის განსაკუთრებით მნიშვნელოვანი და საამაყოა.


ბიზნესის წარმომადგენლებს ახალი ბიზნესომბუდსმენის მიმართ დიდი მოლოდინი აქვთ და იმედოვნებენ, რომ მიხეილ დაუშვილი მინიმუმ იმ ხაზს მაინც გააგრძელებს რაც მის წინამორბედს, ირაკლი ლექვინაძეს ჰქონდა.


 „მე არ ვიცნობ მიხეილ დაუშვილს და გამიჭირდება რაიმეს თქმა, თუმცა ,ვისურვებ, რომ მან მინიმუმ ირაკლი ლექვინაძის ხაზი გაეგრძელოს. რაც შეეხება პრემიერის განცხადებას, რომ ყველა საკითხი მასთან მაშინვე მივა, პრემიერთან ადრეც მიდიოდა რიგი საკითხები, თუმცა, იყო ბევრი თემა, რომელშიც პრემიერის ჩართვა არ იყო საჭირო და ბიზნესომბუდსმენს ჰქონდა საშუალება, რომ თვითონ გადაეწყვიტა. ეს ყველაფერი ოპერატიულად წყდებოდა, რაც ძალიან მნიშვნელოვანია ბიზნესისთვის. იმედია ასე გაგრძელდება და მნიშვნელოვანი საკითხები ისევ პრემიერთან გადაწყდება. მიმდინარე საკითხებზე მსჯელობას ახალ ომბუდსმენთანაც გავაგრძელებთ, მაგალითად, ნარჩენების მართვასთან დაკავშირებით, რეგულაციების მიმართულებით და ა.შ. ჩვენთვის ძალიან საინტერესო იქნება მისი ხედვა, როგორ უყურებს ამ ყველაფერს და როგორია მისი ხედვა ბიზნეს სექტორთან და ბიზნესასოციაციებთან“, - განაცხადა დისტრიბუტორთა ბიზნესასოციაციის ხელმძღვანელმა ივა ჭყონიამ.


ბიზნესასოციაციის ხელმძღვანელის აზრს იზიარებს „ნატახტარის“ კორპორაციულ საქმეთა დირექტორი ნიკოლოზ ხუნძაკიშვილიც და აღნიშნავს, რომ ახალი ბიზნესომბუდსმენის მიმართ  ძალიან პოზიტიური მოლოდინები აქვს.


„ახალი ბიზნესომბუდსმენის მიმართ ძალიან პოზიტიური მოლოდინები  გვაქვს, განსაკუთრებით მას შემდეგ, როდესაც მთავრობის სხდომაზე პრემიერმა ძალიან დადებითად დაახასიათა. მას აქვს გამოცდილება ეკონომიკური მიმართულებით, მათ შორის ბიზნესთან ურთიერთობის. ის კომუნიკაციის როლი, რაც ზოგადად უნდა შეასრულოს ბიზნესომბუდსმენმა, ეს პრემიერ-მინისტრის პირადი დავალებით დაუშვილმა უკვე მიიღო, ანუ ნებისმიერი საკითხი, რომლითაც ჩვენთან დაისმება იმავე დღესვე მის სამუშაო მაგიდასთან მოხვდება - ეს იმას ნიშნავს რომ მათი განწყობა და ჩართულობა აქტიური იქნება.  როდესაც ჩვენ რაღაცა საკითხების გადაწყვეტა ფორსირებულ რეჟიმში გვიწევდა, იყო ბიუროკრატიული საკითხები და კონკრეტული პერიოდი სჭირდებოდა, ამიტომ თავიდანვე ასეთი დამოკიდებულება, ჩვენს მიმართ კარგი გზავნილია. გარდა ამისა, წინა ომბუდსმენის დროს დაწყებული საკითხების ბოლომდე მიყვანის და გადაწყვეტის იმედი გვაქვს“, - განმარტავს ნიკოლოზ ხუნძაკიშვილი.



გადამზიდავი კომპანია „ისთ გეით ჯგუფის“ სამეთვალყურეო საბჭოს თავმჯდომარე ირაკლი იაშვილი ბიზნესომბუდსმენის აპარატის არსებობაში განსაკუთრებულს ვერაფერს ხედავს. მისი მოსაზრებით ეკონომიკის და ბიზნესისთვის გამსაზღვრელი ფაქტორი ეს არ არის.


„კარგია, რომ არსებობს ბიზნესომბუდსმენი, უკეთესი იქნება თუ უფრო ქმედითი გახდება, თუმცა ეკონომიკის და ბიზნესისთვის გამსაზღვრელი ფაქტორი  ეს არ არის. იმ პრობლემებს რაც ბიზნესს აქვს, ბიზნესომბუდსმენი მაინც ვერ უშველის, განსაკუთრებით ბიუროკრატიის და შენელებული ტემპის კუთხით.


ზოგადად აუცილებელია, რომ ბიზნესომბუდსმენს  უფრო აქტიური კონტაქტი ჰქონდეს პრემიერ-მინისტრთან. მართალია, ახალი ბიზნესომბუდსმენი შსს-ში მუშაობდა, მაგრამ მაინცადამაინც მენეჯმენტის და ფინანსების ცოდნა არ არის აუცილებელი მისთვის, მას გონიერება უფრო მოეთხოვება. ბიზნესომბუდსმენის აპარატთან რამდენჯერმე მქონდა შეხება, ვერ გეტყვით რომ მათ რაიმე მნიშვნელოვანი შედეგები დადეს, თუმცა ფაქტია რომ მოინდომეს. ყოველთვის ვცდილობთ, რომ არსებული პრობლემები ჩვენი ძალებით გადავლახოთ“, - ამბობს ირაკლი იაშვილი.


ბიზნესომბუდსმენის არსებობის საჭიროებას ვერ ხედავს „ტოიოტა ცენტრი თბილისის“ დამფუძნებელი ირაკლი გურჩიანიც.


„არ ვიცი ვინ არის მიხეილ დაუშვილი და პრინციპში არც წინა ომბუდსმენს ვიცნობდი, ის მერიაში მაინც მუშაობდა და ვიცოდი ვინც იყო, ეს კი საერთოდ არ ვიცი რას წარმოადგენს. ვნახოთ, რა აზროვნება ექნება და რას გააკეთებს. საერთოდ არანაირი საკითხის გადაჭრა არ დამჭირვებია ბიზნესომბუდსმენის მხრიდან და არც მომავალში ვაპირებ, ეს ინსტიტუცია ჩემთვის არაფერს ნიშნავს“, - აცხადებს ირაკლი გურჩიანი.


ბიზნესომბუდსმენობამდე მიხეილ დაუშვილი შინაგან საქმეთა სამინისტროს საინფორმაციო-ანალიტიკურ დეპარტამენტს ხელმძღვანელობდა, ხოლო მანამდე იყო ამავე დეპარტამენტის დირექტორის მოადგილე და შინაგან საქმეთა სამინისტროს ადმინისტრაციის უფროსის მოადგილე.


ნინო თამაზაშვილი




რა არის „15-წუთის ქალაქები“ და როგორ შეცვლიან ისინი ჩვენს ცხოვრებას მომავალში

რა არის „15-წუთის ქალაქები“ და როგორ შეცვლიან ისინი ჩვენს ცხოვრებას მომავალში
access_time2021-09-19 16:00:51
კორონავირუსის პანდემიის დაწყებიდან, არაერთ ქვეყანაში მკაცრი შეზღუდვები დაწესდა - დაიხურა სკოლები და უნივერსიტეტები, შემოიღეს კომენდანტის საათი, შეიზღუდა ტრანსპორტით გადაადგილება, ადამიანებს სახლიდან შორს წასვლა აეკრძალათ და სხვა. შედეგად კი, თითოეული ჩვენგანის ცხოვრება მნიშვნელოვნად შეიცვალა და ახლა იმაზე გაცილებით მოკლე დისტანციას გავდივართ ყოველდღე, ვიდრე ეს პანდემიამდე იყო. ამასთან, ავტომობილებით ნაკლებად გადაადგილებამ ჰაერის გაჯანსაღება და ქაოტური...

,,წისქვილები დილემის წინაშე დგანან - უნდა გაჩერდე, ან ფქვილის იმპორტზე გადახვიდე“

,,წისქვილები დილემის წინაშე დგანან - უნდა გაჩერდე, ან ფქვილის იმპორტზე გადახვიდე“
access_time2021-09-19 14:00:06
მსოფლიო ბაზრებზე ხორბლის ფასი იზრდება. პარალელურად კი, რუსეთში იზრდება მცურავი ბაჟის მოცულობაც. ხორბლისა და ფქვილის მწარმოებელთა ასოციაციის ხელმძღვანელი ,,ბიზნესპრესნიუსთან“ ამბობს, რომ შექმნილი ვითარება უპრეცედენტოა და ოქტომბრის ბოლოდან, წისქვილ-კომბინატები დგებიან რეალობის წინაშე, როცა ან ფქვილის იმპორტზე უნდა გადავიდნენ, ან მუშაობა შეაჩერონ. სილაგავას თქმით, ფქვილის იმპორტზე მასობრივი გადასვლა, კომპლექსურ პრობლემებს...

ალექსეი მილერი: ბუნებრივი აირის მარაგები რუსეთს 100 წელზე მეტ ხანს ეყოფა

ალექსეი მილერი: ბუნებრივი აირის მარაგები რუსეთს 100 წელზე მეტ ხანს ეყოფა
access_time2021-09-19 12:00:38
“გაზის მარაგები რუსეთში მსოფლიოში ყველაზე დიდია, ისინი 100 წელზე მეტი ხნისათვისაა საკმარისი”, – ამის შესახებ “გაზპრომის” გამგეობის თავმჯდომარემ, ალექსეი მილერმა განაცხადა საერთაშორისო ბიზნეს კონგრესის 24-ე ყოველწლიურ გენერალურ შეხვედრაზე, რომელიც შედგა 14-17 სექტემბერს, შერეულ ფორმატში. ”გაზის რეზერვები რუსეთში, გაზპრომის გაზის რეზერვები, ყველაზე დიდია მსოფლიოში. ჩვენ არ შევხვდებით პრობლემებს ჩვენს რეზერვებთან დაკავშირებით...

Heidelberg-ი გარემოსდაცვით ვალდებულებებზე: შეუძლებელი იყო მომზადებულები შევხვედროდით

Heidelberg-ი გარემოსდაცვით ვალდებულებებზე: შეუძლებელი იყო მომზადებულები შევხვედროდით
access_time2021-09-19 11:00:16
1-ელი ივნისიდან ამოქმედებული გარემოსადცვით რეგულაციებთან შეუსაბამობის გამო „ჰაიდელბერგ ჯორჯია“ 30 000 ლარით დაჯარიმდა. 10 000 ლარი კომპანიამ უკვე გადაიხადა, დარჩენილ ჯარიმაზე კი საქმე სასამართლოში ამ დრომდე მიმდინარეობს. როგორც „ბიზნესპარტნიორთან“ კომპანიის იურიდიული დირექტორი განმარტავს, ჯარიმა არასამართლიანია, რადგან კერძო სექტორმა ახალი კანონმდებლბის აღსრულება შესაბამისი დოკუმენტების დაგვიანებით გამოქვეყნების გამო ვერ შეძლო. „კერძო სექტორი ახალ გარემოდაცვით რეგულაციებს...

,,ხორბლის ფასმა ფსიქოლოგიური ნიშნული, 300 დოლარი უკვე გადალახა“- როდის აისახება ტენდენცია ქართულ ბაზარზე

,,ხორბლის ფასმა ფსიქოლოგიური ნიშნული, 300 დოლარი უკვე გადალახა“- როდის აისახება ტენდენცია ქართულ ბაზარზე
access_time2021-09-19 10:00:41
მსოფლიო ბაზრებზე ხორბლის ფასი იზრდება. ტენდენციის ასახვას საქართველოში 1 თვის შემდეგ უნდა ველოდოთ - ამის შესახებ ,,ბიზნესპრესნიუსთან“ ხორბლისა და ფქვილის მწარმოებელთა ასოციაციის ხელმძღვანელმა განაცხადა. ლევან სილაგავას თქმით, ახლა გაძვირების ასახვას ხორბლის მარაგები აზღვევს. ,,სამწუხაროდ, ფქვილზე ფასები მსოფლიო ბაზარზე გაზრდილია, თუმცა, ჩვენ ორ თვიანი...


მსგავსი სიახლეები

up