კომუნიკაციების კომისიის თავმჯდომარემ და პოლონეთის ელექტრონული კომუნიკაციების ოფისის პრეზიდენტმა პანდემიის პირობებში 5G-ის დანერგვის მნიშვნელობაზე ისაუბრეს

კომუნიკაციების კომისიის თავმჯდომარემ და პოლონეთის ელექტრონული კომუნიკაციების ოფისის პრეზიდენტმა პანდემიის პირობებში 5G-ის დანერგვის მნიშვნელობაზე ისაუბრეს

access_time2020-10-29 17:34:03

კომუნიკაციების კომისიის თავმჯდომარე კახა ბექაური და კომისიის წევრი ვახტანგ აბაშიძე პოლონეთის ელექტრონული კომუნიკაციების ოფისის (UKE) ახალ პრეზიდენტს იაცეკ ოკოს და მის მოადგილეს კაროლ კრჟივიცკის შეხვდნენ. ამის შესახებ „კომერსანტს“ კომუნიკაციების კომისიიდან აცნობეს.



შეხვედრა covid 19 პანდემიიდან გამომდინარე ონლაინ რეჟიმში შედგა. კაროლ კრჟივიცკი ამავდროულად 2020 წელს აღმოსავლეთ პარტნიორობის ელექტრონული კომუნიკაციების მარეგულირებელთა ქსელს (EaPeReg) თავმჯდომარეობს. კომუნიკაციების კომისიის თავმჯდომარემ და UKE პრეზიდენტმა შეხვედრაზე სამომავლო გეგმებსა და 5G ტექნოლოგიის დანერგვის მნიშვნელობაზე ისაუბრეს.



იაცეკ ოკო პოლონეთის ელექტრონული კომუნიკაციების ოფისის პრეზიდენტის თანამდებობა ცოტა ხნის წინ დაიკავა და ის ერთ-ერთი პირველი სწორედ კომუნიკაციების კომისიის თავმჯდომარე კახა ბექაურს შეხვდა. კომუნიკაციების კომისიის თავმჯდომარემ იაცეკ ოკოს თანამდებობაზე დანიშვნა მიულოცა და ორ ქვეყანას შორის ელექტრონული კომუნიკაციების სფეროში წარმატებული და ნაყოფიერი თანამშრომლობის მნიშვნელობას გაუსვა ხაზი.




„მიხარია, რომ ჩვენი თანამშრომლობა უკვე 10-წლიან ისტორიას ითვლის, ამ წლების განმავლობაში ახალი და ერთობლივი პროექტების განხორციელების ფარგლებში თქვენი გამოცდილების გაზიარება ძალიან დაგვეხმარა. განსაკუთრებით ისეთი მნიშვნელოვანი საკითხების გადაჭრაში როგორებიცაა- სიხშირული სპექტრის ეფექტიანი განაწილება, ციფრულ მაუწყებლობაზე გადასვლა, ინფრასტრუქტურის ციფრული რუკა და სხვა. მოხარულები ვართ ასევე, რომ „დაძმობილების პროექტში (Twinning), რომლიც 2017-2019 წლებში ევროკავშირის დაფინანსებით განხორციელდა, პოლონეთმა მნიშვნელოვნად შეუწყო ხელი ელექტრონული კომუნიკაციების სფეროში საქართველოს კანონმდებლობის ევროკავშირის კანონმდებლობასთან დაახლოების პროცესს“, -აღნიშნა შეხვედრაზე კახა ბექაურმა.



მხარეებმა აღნიშნეს, რომ პანდემიის პირობებში ინოვაციური ტექნოლოგიების განვითარებას განსაკუთრებული მნიშვნელობა ენიჭება და 5G-ის დანერგვასთან დაკავშირებით საქართველოსა და პოლონეთში არსებული მდგომარეობა განიხილეს.



შეხვედრის ფარგლებში მხარეებმა ასევე იმსჯელეს თანამშრომლობის სამომავლო გეგმებზე და შეთანხმდნენ, რომ ორი ქვეყნის კომუნიკაციების კომისიას შორის თანამშრომლობა მომავალში უფრო მჭიდრო და აქტიური იქნება. პოლონეთის ელექტრონული კომუნიკაციების ოფისის წარმომადგენლებმა კომუნიკაციების კომისიის თავმჯდომარეს მადლობა გადაუხადეს, ეფექტიანი ორმხრივი თანამშრომლობისთვის, განსაკუთრებით აღმოსავლეთ პარტნიორობის ელექტრონული კომუნიკაციების მარეგულირებელთა ქსელის საქმიანობაში კომუნიკაციების კომისიის აქტიური და ძალიან ღირებულ ჩართულობას გაესვა ხაზი.








შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“

შარლ მიშელის დოკუმენტს „ქართულმა ოცნებამ“ და ოპოზიციის ნაწილმა ხელი მოაწერა - შეთანხმების ტექსტს ამ ეტაპზე არ უერთდება „ნაცმოძრაობა“ და „ევროპული საქართველო“
access_time2021-04-19 22:30:00
შარლ მიშელის დოკუმენტზე - „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა. დოკუმენტს ხელი რამდენიმე წუთის წინ, ორბელიანის სასახლეში მოეწერა. კერძოდ, შეთანხმების ტექსტს ოპოზიციური სპექტრიდან ხელი მოაწერეს „სტრატეგია აღმაშენებლის“ თავმჯდომარე გიორგი ვაშაძემ, „ლელოს“ ლიდერებმა - ბადრი ჯაფარიძემ და მამუკა ხაზარაძემ, „რესპუბლიკური პარტიის“ თავმჯდომარე ხათუნა სამნიძემ, „მოქალაქეების“ თავმჯდომარე ალეკო ელისაშვილმა და „გირჩის“...

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ

სუპერლიგას ევროპელი ლიდერებიც ეწინააღმდეგებიან - ყველაფერი ახალი ლიგის შესახებ
access_time2021-04-19 19:00:59
სუპერლიგის შექმნა ასეთი რეალური არავის ეგონა. თუმცა გუშინ ღამით ოფიციალურად შექმნეს ახალი ტურნირი და მაშინვე დაიწყო ვარაუდები, პრეტენზიები და მუქარები. მივყვეთ მოვლენებს.   12-მა კლუბმა გადაწყვიტა, რომ უეფასა და ღარიბი გუნდებისთვის ფულის გაყოფა არ სურთ და ახალი ტურნირის შექმნა მოიფიქრეს. ინიციატორები ფლორენტინო პერესი და ანდრეა ანიელი იყვნენ. რეალის ბოსი პრეზიდენტი იქნება, იუვეს ხელმძღვანელი და მანჩესტერის მფლობელი ჯოელ გლეიზერი - ვიცე-პრეზიდენტები.   ლა...

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!

დოლარისგან გათავისუფლება და მოსახლეობის კონტროლი - რისთვის ქმნის ჩინეთი ახალ ციფრულ ვალუტას?!
access_time2021-04-19 20:00:01
გასულ წელს ჩინეთმა  საკუთარი ციფრული ვალუტის გატესტვა დაიწყო, რომლის გამოყენებისთვისაც საჭირო არ იქნება ბანკში ანგარიშის ქონა და არც ინტერნეტი. ხელისუფლება აცხადებს, რომ ეს გადახდის სისტემას უფრო ხელისაწვდომს გახდის, ხოლო ეკონომიკას დოლარისგან დამოუკიდებელს. ექსპერტები კი ეჭვობენ, რომ ამ გზით მთავრობა მოსახლეობის კონტროლის კიდევ ერთ მექანიზმს ქმნის. რისთვის სჭირდება ჩინეთს ციფრული ვალუტა,  რომელიც გამოსაცდელად უკვე რამდენიმე მილიონობით გადაეცა...

დღის top 10 საინტერესო ამბავი

დღის top 10 საინტერესო ამბავი
access_time2021-04-19 21:00:13
დღის top 10 საინტერესო ამბავი: რეფინანსირების ისტრუმენტი , რომელსაც ეროვნული ბანკი იყენებს ლარის კურსზე დამატებითი წნეხია ლარის კურსზე გავლენას ეროვნული ბანკის ქმედებები, ბიუჯეტის ხარჯვის გრაფიკი და მოლოდინებიც ახდენს, მთგან...

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა

19 აპრილი - რეგიონში ქართული ლარი გამყარდა, თურქული ლირა და სომხური დრამი გაუფასურდა
access_time2021-04-19 18:00:59
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 19 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 19 აპრილის ვაჭრობის შედეგად (რომლის ოფიციალური კურსი 20 აპრილისთვისაა) ეროვნული...


მსგავსი სიახლეები

up