Комсомольская правда: ჩაანაცვლებს თუ არა აფხაზეთის ოკუპირებული ტერიტორია საქართველოს?

Комсомольская правда: ჩაანაცვლებს თუ არა აფხაზეთის ოკუპირებული ტერიტორია საქართველოს?

access_time2019-07-15 20:00:03


საქართველო  რუსი ტურისტებისთვის გარდაიცვალა. ბოლო თვითმფრინავი მოსკოვიდან თბილისში 7 ივლისს გაფრინდა - წერს Комсомольская правда.


(მასალაში მოხსენიებულ აფხაზეთის რესპუბლიკას ან აფხაზეთის ხელისუფლებას „კომერსანტი“ რადიკალურად ემიჯნება. მასალას გთავაზობთ უცვლელად. იხ. ლინკი)


იქნებ გამართლება აფხაზების იმედი და რუსულმა ტურისტულმა ნაკადმა აფხაზეთში გადაინაცვლოს?


იქ, რა თქმა უნდა, რუსების მოუთმენლად ელიან. ძალიან ელიან  - ისე, რომ არ არემონტებენ სარკინიგზო სადგურს, არ ხსნიან აეროპორტს, და არ უვლიან პლიაჟებს...


ყოფილი დიდების ნარჩენები


- თქვენ ალბათ ელით ბერვ რუს ტურისტს? ხედავთ რა ხდება საქართველოში  - ვეკითხები პატარა, მაგრამ ძალიან ამაყი რესპუბლიკის პრეზიდენტს რაულ ხაჟიმბას.


- დიდი იმედი გვაქვს რომ ტურისტული ნაკადი მოტრიალდება ჩვენსკენ. მართალია, ჩვენი სერვისი ჯერ არაა მაღალი, მაგრამ ჩვენ ძალიან კეთილები ვართ და მზად ვართ მივიღოთ ჩვენი რუსი ძმები  - მპასუხობს იგი.


და იღებენ კიდეც - როგორც  აქაური ხელისუფლება ამტკიცებს, აფხაზეთში ყოველწლიურად ჩამოდის მილიონი რუსი ტურისტი.


- სსრკ-ს დროს ჩამოდიოდა 2 მლნ.. და იმედი გვაქვს, რომ სულ მალე მივაღწევთ ამ დონეს - ამბობს პრეზიდენტი.


იმისთვის, რომ გაიგო როგორ გრძნობს თავს რუსი ტურისტი აფხაზეთში, სულ  არაა საჭირო ოფიციალური პირების დაკითხვა, ყველაფრის დანახვა შეიძლება საკუთარი თვალებით.


შესანიშნავი ნანგრევები იწყება პირდაპირ სასტუმროს შესასვლელთან - სხვათა შორის, ეს არაა უბრალოდ სასტუმრო  - ეს არის ერთ დროს განთქმული მოსკოვის სამხედრო გარნიზონის .


სასადილოს პომპეზური შენობა წააგავს პატარა სასახლეს, მაგრამ შუშები ჩამსხვრეულია, საღებავი ჩამოიფხიკა. სადღეისოდ მუშაობს მხოლოდ 2 კორპუსი, დანარჩენი ყველაფერი ფანჯრების და კარების გარეშეა.


თუმცა, პალმები, მაგნოლიები, ევკალიპტები - დღესაც აქაა. თუ არ უყურებ გაპარტახებულ შენობებს და ჩართავ ფანტაზიას - მაშინ არაუშავს.


დიდად არ შეცვლილა სიტუაცია “პლიაჟზეც“ - ზღვა, რა თქმა უნდა, თავის ადგილზეა. თუმცა, ასევე თავის ადგილზეა ჟანგიანი ქოლგები, ჯერ კიდევ საბჭოთა დროიდან, რაღაც ბეტონის კონსტრუქციები, ნაგავი. ყველაფერი გაპარტახებული და განადგურებულია.


დამსვენებლები  - 20 ადამიანი, შეიძლება 30. უზარმაზარი “პლიაჟი“ ცარიელია.


- ბუნება ძალიან ლამაზია, რიწის ტბა, მთები, ზღვა. დანარჩენზე ამას ვერ ვიტყვი. სასტუმრო - დიდი არაფერი, შეზლონგები - ტალონებით, თუმცა, ძალიან მძიმეა სათრევად, ამიტომც უნდა აიღო პირდაპირ პლიაჟზე, 50 რუბლად, მაგრამ ყველა გატეხილია, არც ერთი არ იხსნება წესიერად - ამბობს დამსვენებელი კალუგიდან.



მისი მეუღლე სხვა აზრისაა:


„ვიცოდით სად ჩამოვდიოდით, თანაც ასეთ თანხად, სოჭში ვერ იქირავებ ნომერს სანაპიროზე 1500 რუბლად დღე-ღამეში. გათვალისწინებულია 3-ჯერადი კვება, თუმცა, ჩვენ არ დავდივართ სასადილოში - იქ ძალიან უგემურია ყველაფერი.


ქმარი მაინც არ იცვლის აზრს.


- ეს საყოველთაო გაპარტახება ძალიან დამღლელია, ყველაფერი ბინძურია, ავეჯი ძველია, საღამოს სასტუმროში დაბრუნებაც კი არ მინდა. მადლობა ღმერთს, ხვალ მივემგზავრებით. თუმცა, რა თქმა უნდა, ბუნება ძალიან ლამაზია. ჩამოვალთ თუ არა აქ კიდევ? არა ვიცი, არ ვიცი - ამბობს კალუგელი ტურისტი.


მოგვიანებით, ცნობისმოყვარეობამ წამძლია - მოვძებნე ეს პანსიონატი ინტერნეტში. ფოტოებზე - არაუშავს.


სასტუმროში სავსეა ცარიელი ნომრები, ისევე როგორც სხვა განთქმულ აფხაზურ კურორტებზე - გაგრაში და ბიჭვინთაში.


სოხუმის ცენტრალურ სანაპიროზე მეტ-ნაკლებად წესრიგია - ქვაფენილი, რესტავრირებული ძველი შენობები, ევკალიპტები. სასტუმროში ნანახის შემდეგ ცოტათი ვმშვიდდები  - აგერ, შეუძლიათ, თუ მოინდომეს..


თუმცა, სანაპიროები არ განსხვავდება - შეზლონგები ცოტაა, დამსვენებლები - კიდევ უფრო ნაკლები. და ეს სეზონის პიკზე?


„მერე რა? ჩვენ გვყოფნის. ისე, სანამ არ აივსება გაგრა და ბიჭვინთა, აქ არავინ ჩამოვა. იქ რომ არ იქნება ადგილები, ჩამოვლენ აქ. ისე, რაც ნაკლებია ხალხი, მით მეტია ჟანგბადია, არ იცოდით?“ - ამბობს ადგილობრივი ოფიციანტი.


კაფეში ფასები თითქმის მოსკოვურია, თუმცა, ყველგან სიცარიელეა. ხალხნო, სადა ხართ?


ერთად ერთი ადგილი, რომელიც მუდამ სავსეა, არის ე.წ. „სალაყბო“ , პატარა ყავახანა სანაპიროზე, სადაც აფხაზი მამაკაცები თამაშობენ ნარდს და ბჭობენ პოლიტიკაზე.


„სალაყბოში“ არ ლაყბობენ..


ამბობენ, რომ აფხაზეთის წინა პრეზიდენტი ალექსანდრ ანქვაბი ხშირად სტუმრობდა აქაურობას. შემოირბენდა ყავის დასალევად.


- „სალაყბოს ჰყავს თავისი პრეზიდენტი, ის იცავს წესრიგს, თუ ვინმე ჩხუბობს ან ყრის ნაგავს - აძევებენ - ამბობს  60 წლის ზურაბი.


თუმცა, „სალაყბისგან“ განსხვავებით, როგორც ჩანს, პლიაჟებზე წესრიგს და სისუფთავეს არავინ იცავს.


- სადაა ნაგავი პლიაჟზე? თუ არის - მაგას თქვენი რუსი ტურისტები ყრიან, უნდა ვაიძულოთ, რომ წაიყოლონ თავიანთი ნაგავი. სხვათა შორის, ეს თქვენი რუსული სანატორიუმი იყო და თქვენი სამხედროები არასდროს იხდიდნენ მიწის ქირის გადასახადს. კი, რუსეთის მთავრობა გვაძლევს ჩვენ ფულს, მაგრამ ეს რა ფულია? ხურდა, არავის რომ არ ეყოფა - ბრაზობს ზურაბი.


მე ვეუბნები:


- აი თქვენთან აკრძალულია უცხოელებისთვის ბინების და მიწების ყიდვა. ნახეთ, 1 წლის წინ ვიყავი ბათუმში, იქ უცხოელები ყიდულობენ ბინებს, ხსნიან ბიზნესებს და ეს არა მხოლოდ ნებადართულია, პირიქით, ეპატიჟებიან ყველას. ამიტომაც, იქ ყველა კუთხე ათვისებულია და ყველგან წესრიგია. გინდათ გაჩვენოთ? - ვთავაზობ მას.


ის არ ამბობს უარს და უყურებს სურათებს ჩემს სმარტფონში. მესამე სურათზე ვერ უძლებს, და იწყებს გინებას.


„ტფუი, არ მინდა მათ ვუყურო. ვიცი მე ამ ქართველების ამბავი. პირველივე სკანდალის შემდეგ ყველას გააგდებენ და პირველი რიგში რუსებს“ - დარწმუნებულია ჩემი მოსაუბრე.


„საქართველიო ჩვენი მტერია რუსეთი კი - მეგობარია,“  -ამბობენ აფხაზები, თუმცა, ამავე დროს არ აძლევენ რუსებს უძრავი ქონების და მიწის ყიდვის უფლებას - „მაშინ ნახევარ აფხაზეთს იყიდიან. ჩვენი არაფერი დარჩება. ჩამოდით, დაისვენეთ, სულ არაა საჭირო არაფრის ყიდვა,“  - ამბობენ ისინი.


საკურორტო სოხუმში ცხოვრება ჩერდება 23.00-ზე. არაფერი მუშაობს, ფანჯრებში არ ანთია სინათლე, მხოლოდ ძალიან მაგარი მანქანები (ისინი ძალიან ბევრია სოხუმში) დაქრიან წარმოუდგენელი სიჩქარით, ყოველგვარი წესების დაცვის გარეშე.


- აქ არ ღირს სეირნობა ღამით. შეუძლიათ მოგიტაცონ, თუ მოეწონები, თუ წყვილი დასეირნობს ხელჩაკიდებული - შეიძლება ვინმემ სცემოს კიდეც, იმიტომ რომ აქ ასე სიარული არ შეიძლება. შეიძლება გაგძარცვონ, თანაც არა მხოლოდ ღამით. ჩემი ნაცნობებს მანქანა გაძარცვეს ბიჭვინთაში, დღისით, მზისით - ამბობს მოსკოველი დამსვენებელი.


საბჭოთა ნოსტალგია


25 წლის მანძილზე აფხაზეთში არაფერი შეცვლილა, იმის გარდა, რომ მთავრობის შენობა დღემდე დანგრეული, სარკინიგზო ვაგზალი კი, რომელიც საერთოდ არ დაზიანდა ომის დროს, დღემდე სრულიად გაპარტახებულია.


25 წლის მანძილზე თითქმის არაფერი აშენებულა - ეს მაშინ, როდესაც რუსეთმა 2008 წლიდან გამოუყო აფხაზეთს 37 მლრდ. რუბლი. თანაც ტურისტები ასე თუ ისე ჩამოდიან, რაღაც მოგება რჩებათ. ბოლოს და ბოლოს შეიძლებოდა ჭიშკრების შეღებვა და შუშების ჩასმა.


„აი საბჭოთა დროში მაგრად ვცხოვრობდით,“  - ამბობენ აფხაზები.


არც ერთ პოსტსაბჭოთა ქვეყანაში არ მსმენია ყოფილი იმპერიის ასეთი ხშირი ხსენება. აქ მოსახლეობა აშკარად ცხოვრობს იმ დროში, როდესაც აფხაზეთი იყო საოცნებო ადგილი ყველა საბჭოელისთვის.


აფხაზებს მტკიცედ სწამთ, რომ დღესაც ასეა. ძველი დიდების ნარჩენები დღესაც იზიდავს იმ ტურისტებს, რომლებიც არ არიან განებივრებულები კომფორტით და სერვისით.


ისე კი, ბუნება აქ მართლად ლამაზია. ძალიან ლამაზია.


თეგები:
აფხაზეთი



კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო

კობა გვენეტაძე - რუსეთის ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო
access_time2019-12-13 16:33:47
ჩვენი შეფასებით, ავიასანქციების გამო ქვეყანამ 300 მილიონით ნაკლები ტურისტული შემოსავალი მიიღო,- ამის შესახებ საქართველოს ეროვნული ბანკის პრეზიდენტმა, კობა გვენეტაძემ პარლამენტის პლენარული სხდომაზე 2020-2022 წლების ფულად–საკრედიტო და სავალუტო პოლიტიკის ძირითად მიმართულებებზე საუბრისას განაცხადა. კობა გვენეტაძემ მაღალი ინფლაციის მიზეზებზე საუბრისას აღნიშნა, რომ წლის დასაწყისში ინფლაციაზე ერთჯერადი ფაქტორების გავლენას ჰქონდა ადგილი, რაც ეროვნული ბანკის მონეტარულ პოლიტიკაზე...

კინოთეატრ „აპოლოს” რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა

კინოთეატრ „აპოლოს”  რესტავრაცია 2020 წლიდან იგეგმება -ისტორიული შენობა,რომლის ფასადიც ინგრევა
access_time2019-12-13 15:30:31
 კინოთეატრ „აპოლოს“ ფასადი რამდენიმე დღის წინ  ჩამოინგრა,  „კომერსანტი“ დაინტერესდა რა მდგომარეობაშია  ისტორიული შენობა-ნაგებობა და  გიორგი გეგელიას დაუკავშირდა, რომელიც  კინოთეატრ  „აპოლოს“ 100%-იანი წილის  მფლობელია და კომპანია „კონფიდენს გრუპის“ ხელმძღვანელია.  როგორც გეგელია  აღნიშნავს,  შენობის ფასადი  სიცოცხლისთვის საშიში არ არის, რადგან  დაზიანებული ფასადის დემონტაჟი...

„ლიბერთი ბანკის“ სამეთვალყურეო საბჭოში ცვლილებაა

„ლიბერთი ბანკის“ სამეთვალყურეო საბჭოში ცვლილებაა
access_time2019-12-13 13:17:09
„ლიბერთი ბანკის“ სამეთვალყურეო საბჭოში ცვლილებაა.აღნიშნულის შესახებ რეესტრში მონაცემები უკვე აისახა. კერძოდ, სს „ლიბერთი ბანკის“ აქციების 75%-ზე მეტის მფლობელი აქციონერი - „ჯორჯიან ფაინენშალ გრუპ ბი.ვის“ გადაწყვეტილებით, საბჭოს დატოვებს დავით შონია. როგორც რეესტრშია მითითებული, შონიამ წასვლის შესახებ კომპანიას თავად მიმართა. შეგახსენებთ, რომ დავით შონია ბანკის სამეთვალყურეო საბჭოს წევრის თანამდებობაზე 2017 წლის ოქტომბერში აირჩიეს....

WIZZ AIR აანონსებს WIZZ AIR ABU DHABI-ს დაარსების სამომავლო გეგმას

WIZZ AIR აანონსებს WIZZ AIR ABU DHABI-ს დაარსების სამომავლო გეგმას
access_time2019-12-13 09:10:25
Wizz Air-მა, ევროპის ყველაზე ეკო მეგობრულმა და წამყვანმა დაბალბიუჯეტიანმა ავიაკომპანიამ ცენტრალურსა და აღმოსავლეთ ევროპაში, დღეს დააანონსა, რომ აბუ-დაბის დეველოპმენტ ჰოლდინდგის კომპანია PJSC (“ADDH”)-თან პარტნიორობით დაარსდება Wizz Air  Abu Dhabi, არაბთა გაერთიანებული საამიროები. ახლადშექმნილი ავიკომპანია იქნება Wizz Air-ის პირველი ავიახაზი ევორპის...

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“

„გრანთ თორნთონი“: „2019 წელი აუდიტორული კომპანიებისთვის ზრდის წელი აღმოჩნდა“
access_time2019-12-12 18:30:34
რადიო კომერსანტის გადაცემაში „ჩემი აუდიტორი“ „გრანთ თორნთონის“ მმართველმა პარტნიორმა ვახტანგ ცაბაძემ საფინანსო ბაზარზე არსებული ვითარება შეაჯამა. მისი თქმით, 2019 წელი აუდიტორული კომპანიებისთვის ზრდის წელი აღმოჩნდა, რაც ნაწილობრივ, ქვეყანაში ხელისუფლების მხრიდან განხორციელებული რეფორმების დამსახურებაა. „2018 წელთან შედარებით, 2019 წელს ბაზარი კიდევ უფრო გაიზარდა. 2018 წელს პირველად იყო,როცა პირველ და მეორე...


მსგავსი სიახლეები

up