კომპანიებს საოფისე იჯარის გადახდა გაუჭირდათ, რის გამოც საერთო სამუშაო სივრცეების მიმართ მოთხოვნა გაიზარდა – Terminal - ის დირექტორი

კომპანიებს საოფისე იჯარის გადახდა გაუჭირდათ, რის გამოც საერთო სამუშაო სივრცეების მიმართ მოთხოვნა გაიზარდა – Terminal - ის დირექტორი

access_time2020-06-25 13:15:49

საერთო სამუშაო სივრცე Terminal - ი ორ ახალ ფილიალს ხსნის, რომელიც ჭავჭავაძეზე აქსის თაუერსში და ვარდების ბაღში განთავსდება. როგორც „კომერსანტს“ Terminal -ის დირექტორმა ჯინო დოლინიმ განუცხადა, პანდემიის შემდეგ მსგავსი სახის სამუშაო სივრცეებზე მოთხოვნა საგრძნობლად გაიზარდა.


„18 მარტს ჩვენი ყველა ფილიალი დაიკეტა და მუშაობა მხოლოდ 15 ივნისიდან განვაახლეთ. ჩვენც, ისევე როგორც ყველა სხვა ბიზნესს, კრიზისი შეგვეხო, თუმცა თანამშრომლების შენარჩუნება მოვახერხეთ. გახსნის შემდეგ ყველა წევრი უკან დაგვიბრუნდა და მოთხოვნაც საგრძნობლად გაიზარდა. სხვადასხვა ბიზნეს ცენტრებმა თუ კერძო მეიჯარეებმა პანდემიის პირობებში ვერ შეძლეს შეღავათების დაწესება მოიჯარეებისთვის, პატარა კომპანიებს კი იჯარის საფასურის გადახდა გაუჭირდათ, ამიტომ გაიზარდა Terminal - ის მსგავსი სივრცეების მიმართ მოთხოვნა. ჩვენი კვლევებით, სექტემბრის შუა რიცხვებიდან საერთო სამუშაო სივრცეების მიმართ მოთხოვნა კიდევ უფრო გაზრდილი იქნება. კომპანიებმა, რომლებიც დისტანციურ მუშაობაზე გადავიდნენ, თანამშრომლების ნაწილს სამუშაო ადგილი ტერმინალში გამოუყვეს. რამდენადაც უცნაური არ უნდა იყოს, ვფიქრობთ, რომ საერთო სამუშაო სივრცეებისთვის ყველაზე ხელსაყრელი პერიოდი ახლა იწყება“, - განაცხადა ჯინო დოლინიმ.




მისი თქმით, Terminal -ი ყველაზე დიდი სამუშაო სივრცეა და საერთაშორისო ბრენდებს ძლიერ კონკურენციას უწევს. კომპანია სამომავლოდ საქართველოს რეგიონებში, შემდეგ კი უკვე საერთაშორისო ბაზარზეც გეგმავს გასვლას. დოლინის თქმით, ტერმინალი გახდა ახალი ტრენდი ქართული ბიზნესისთვის - პატარა კომპანიები დახურული ოფისებიდან საერთო სივრცეში გადმოსვლას ამჯობინებენ, რადგან გარდა კომფორტისა, იწყებენ ძალიან საინტერესო და მათთვის სასარგებლო ურთიერთობებს.



„Terminal-ით სარგებლობა ნებისმიერი პროფესიის ადამიანს შეუძლია, განსაკუთრებით, კომფორტულია ფრილანსერებისა და მცირე კომპანიებისთვის. აღსანიშნავია, რომ Terminal-ი ყველაზე დიდი სამუშაო სივრცეების ქართული ბრენდია, რომელმაც საქართველოს ბაზარზე ეს ინდუსტრია 4 წლის წინ შემოიტანა და მსგავსი სივრცეების ცნობადობა გაზარდა. როდესაც 2016 წელს ვერაზე პირველი ფილიალი გაიხსნა, არავინ იცოდა რას ნიშნავდა Co-Working Space, ადამიანებისთვის რთული იყო ამ კონცეფციის გაგება. 2 წლის განმავლობაში ბევრი ვიმუშავეთ, მთელმა გუნდმა დიდი რესურსი ჩავდეთ, რომ საერთო სამუშაო სივრცე პოპულარული და მიმზიდველი გაგვეხადა. Terminal-ის მთავარი უპირატესობა პროდუქტიული მუშაობისთვის საჭირო ყველა პირობა, საერთაშორისო სტანდარტების სერვისები და ლოფტის სტილის დიზაინია, რომელიც სასიამოვნო გარემოსა და ინსპირაციას გიქმნის. დიდი სურვილი გვაქვს, რომ რეგიონებშიც გავფართოვდეთ, განსაკუთრებული მოთხოვნაა ბათუმში, თუმცა ეს ალბათ უფრო სამომავლო გეგმაა“, - განაცხადა ჯინო დოლინიმ.




ტერმინალი - ყველაზე სწრაფად მზარდი კომპანიაა, რომელიც 2016 წელს გამოჩნდა ბაზარზე და უკვე 5 ფილიალი აქვს: ვერა, ვაკე, საბურთალო, ვარდების ბაღი და აქსის თაუერსი. Terminal - ის წევრებს ნებისმიერ ფილიალში საშუალება აქვთ ისარგებლონ შეხვედრების ოთახებით, გამოიყენონ იურიდიული მისამართი, ემსახურებათ 24 საათიანი მიმღები, დალაგების სერვისი, აქვთ წვდომა ნებისმიერ ფილიალთან და რაც მთავარია, გარკვეული პირობებით კორპორატიული დაზღვევის შესაძლებლობაც.


ნინო თამაზაშვილი






საქართველოში კორონავირუსით ინფიცირების 546 ახალი შემთხვევა გამოვლინდა, ქვეყანაში ბოლო 24 საათში 11 248 ტესტი ჩატარდა

საქართველოში კორონავირუსით ინფიცირების 546 ახალი შემთხვევა გამოვლინდა, ქვეყანაში ბოლო 24 საათში 11 248  ტესტი ჩატარდა
access_time2021-01-24 10:57:00
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 11 248 კვლევა ტესტით, მათ შორის 4 979 კვლევა ანტიგენის ტესტით და 6 269 PCR...

საქართველოს რადიომაუწყებლების გაერთიანება პრემიერ-მინისტრს მიმართავს

საქართველოს რადიომაუწყებლების გაერთიანება პრემიერ-მინისტრს მიმართავს
access_time2021-01-24 09:30:35
საქართველოს რადიომაუწყებლების გაერთიანება პრემიერ-მინისტრს გიორგი გახარიას მიმართავს. მიმართავაში ნათქვამია, რომ უნდა გადაიხედოს შპს „საქართველოს ტელე-რადიო ცენტრის“ სატარიფო...

საქართველოში კორონავირუსით ინფიცირების 998 ახალი შემთხვევა გამოვლინდა, ქვეყანაში ბოლო 24 საათში 16 267 ტესტი ჩატარდა

საქართველოში კორონავირუსით ინფიცირების 998 ახალი შემთხვევა გამოვლინდა, ქვეყანაში ბოლო 24 საათში 16 267 ტესტი ჩატარდა
access_time2021-01-23 10:59:33
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 16 267 კვლევა ტესტით, მათ შორის 8 855 კვლევა ანტიგენის ტესტით და 7 412 PCR ტესტით. ინფორმაციას მთავრობის ადმინისტრაცია ავრცელებს. „ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 998 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 252...

სილქფესტი უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას თავაზობს მომხმარებლებს

სილქფესტი  უქმეებზე  ულიმიტო  ინტერნეტ და უსასრულო სასაუბრო პაკეტების გააქტიურებას თავაზობს მომხმარებლებს
access_time2021-01-23 09:45:41
„სილქფესტი“ ორი დღით, 23 და 24 იანვარს, მობილური ქსელის მომხმარებლებს ულიმიტო ინტერნეტ და უსასრულო სასაუბრო პირობების 4 აქციას შეთავაზებს: • ულიმიტო ინტერნეტი 30 დღით - 19 ლარად - კომბინაციით *019# • ულიმიტო ინტერნეტი 14 დღით - 10 ლარად - კომბინაციით *019# • ულიმიტო სასაუბრო - 10 ლარად - 30 დღით- კომბინაციით *202# • პაკეტი „მეტი უსასრულო+“ 35 ლარის...

Forbes.ge: ტრამპის გოლფის კომპლექსებს ევროპაში მძიმე პერიოდი აქვს

Forbes.ge: ტრამპის გოლფის კომპლექსებს ევროპაში მძიმე პერიოდი აქვს
access_time2021-01-24 14:00:58
გასულ წელს დონალდ ტრამპის ევროპაში მდებარე გოლფის კომპლექსების შემოსავლები 60%-ზე მეტით შემცირდა. ამის შესახებ Forbes-ი წერს.ტრამპის გოლფის მოედნები ევროპაში უკვე წლებია კრიზისშია. ჯერ კიდევ 2019 წლის ბოლოს გოლფის კლუბებმა დაახლოებით $90 მლნ იზარალა. თუმცა, მათ ისეთი კრიზისული წელი არასოდეს ჰქონიათ, როგორიც 2020 წელი იყო. ევროპაში მდებარე ტრამპის უძრავმა ქონებამ დაახლოებით 63%-იანი კლება განიცადა შემოსავლებში.შოტლანდიაში მდებარე Trump Turnberry-ის...


მსგავსი სიახლეები

up