ფინანსთა მინისტრის შოკური გადაწყვეტილება - ბიზნესი ხელისუფლების მხრიდან მორიგ წნეხზე საუბრობს

ფინანსთა მინისტრის შოკური გადაწყვეტილება - ბიზნესი ხელისუფლების მხრიდან მორიგ წნეხზე საუბრობს

access_time2019-06-06 10:10:35

კომპანიებს, რომლებიც ე.წ. ოქროს სიაში არიან  იმპორტის გადასახადებზე შეღავათები გაუუქმდათ - ბიზნესს იმპორტის გადასახდელების გადახდის ვადა 30-დღის ნაცვლად 5 დღეში მოუწევს. ცვლილება შეეხება ე.წ. ოქროს სიის წევრ 217 კომპანიას. 


ბრძანებას №162  საქართველოს ფინანსთა მინისტრმა ვანო მაჭავარიანმა 2019 წლის 31 მაისს მოაწერა ხელი. 


კერძოდ, მინისტრის გადაწყვეტილებით, „საქართველოს საბაჟო ტერიტორიაზე საქონლის გადაადგილებისა და გაფორმების შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2012 წლის 26 ივლისის №290 ბრძანებაში შევიდა ცვლილება, რომლის მიხედვით, იმპორტის გადასახდელების გადახდის 5-დღიანი ვადა გავრცელდება „ოქროს სიის“ მონაწილის კუთვნილ საქონელზეც (ნაცვლად მანამდე მოქმედი 30-დღიანი ვადისა) და წინასწარ (საქონლის შემოტანამდე) დეკლარირებულ საქონელზეც (ნაცვლად მანამდე მოქმედი 15-დღიანი ვადისა). 


ზემოაღნიშნული ცვლილება აქციზური საქონლის მიმართ ამოქმედდება გამოქვეყნებიდან მე-10 დღეს (2019 წლის 12 ივნისს), ხოლო სხვა შემთხვევაში – გამოქვეყნებიდან 30-ე დღეს (2019 წლის 2 ივლისს). 


მაჭავარიანის ბრძანების თანახმად, ამ ბრძანების ძალაში შესვლამდე რეგისტრირებული საბაჟო დეკლარაციით იმპორტის სასაქონლო ოპერაციაში გაცხადებულ საქონელზე იმპორტის გადასახდელები გადაიხდება დეკლარაციის რეგისტრაციის დღისთვის მოქმედი წესით განსაზღვრულ ვადაში. 


„ამ გადაწყვტილების ძალაში შესვლის შემდეგ, ბიზნესი თანაბარ პირობებში ჩადგება; ყველასთვის იქნება 5-დღიანი ვადა და ბიზნესი იქნება კონკურენტუნარიან გარემოში, განსაკუთრებით კი - მცირე და საშუალო ბიზნესი“, - აცხადებენ ფინანსთა სამინიტროში.


ახალ რეგულაციებს  შოკად  აფასებენ ბიზნესმენები. მათი თქმით, სიახლის შედეგად არ არის გამორიცხული კონკრეტულმა კომპანიებმა საკუთარი საქმიანობის გაგრძელება ვეღარ შეძლონ. კიდევ ერთ მთავარ პრობლემად იმპორტიორები ხელისუფლების მხრიდან მათთან კომუნიკაციის არ არსებობას ასახელებენ და პროდუქციის მოსალოდნელ გაძვირებაზე საუბრობენ. რატომ დასჭირდა ხელისუფლებას მსგავსი ცვლილების მიღება - კონკრეტული პასუხი ბიზნესმენებს ამ ეტაპზე არ აქვთ. ახალი კანონი ძალაში 12 ივნისიდან შედის.


თემურ ჭყონია „კოკა კოლა ბოთლერ ჯორჯიას“ პრეზიდენტი“ - „ეს იყო ჩემთვის შოკი, იმიტომ, რომ არასდროს, ათეული წლების განმავლობაში ჩვენი სამსახური ისე მუშაობს, რომ ასეთი შემთხვევა არ ჰქონია. ეს არის პირველი. გაუფრთხილებლობა და არაინფორმირება იყო სახელმწიფოს მხრიდან, რაც ძალია ცუდია ჩვენთვის. სულ ნახევარსაათიანი პრეზენტაციის გაკეთებაა საჭირო, რომ გაგვეგო სახელმწიფო რატომ ცვლის რეგულაციებს. ნაადრევი გადახდის გამო ბევრი რამ გადასაწყობი ექნება ბევრ ბიზნესმენს. შეიძლება ზოგიერთმა ბრუნვიდან ამოიღოს ფული, შეიძლება ფულის დეფიციტი გაუჩნდეს ამასობაში. გადაეწყობიან, მაგრამ აი, დანაკარგი ექნებათ. უფრო კომფორტულიდან გადავდივართ არაკომფორტულ სიტუაციაზე,“


ზვიად სხვიტარიძე -„ბრითიშ ამერიკან ტობაკოს“ კორპორატიული და იურიდიული დირექტორი: “სამწუხარო ფაქტს ჰქონდა ადგილი, მხოლოდ 2-3 საათის წინ შევიტყვეთ მინისტრის იმ ბრძანების შესახებ, რომელიც თითქმის ყველა იმპორტიორს ეხება, ვინც იხდის აქციზს, საბაჟო გადასახადს, დღგ-ს... სერიოზულ საგადასახადო ტვირთზეა საუბარი; თუ აქამდე 30-დღიანი ვადა გვქონდა, ახლა 5 დღეში მოგვიწევს ამ გადასახადების გადახდა; ეს განსაკუთრებით ჩვენთვის, თამბაქოს ბიზნესისთვისაა რთული. 


ეს არის აბსოლუტურად გამაცამტვერებელი მდგომარეობა ჩვენი ბიზნესისთვის და აბსოლუტურად კრიზისული მდგომარეობა, რადგან ჯერ აქციზი გაზარდეს ისე, რომ არაფერი ვიცოდით და ახლა - ეს. გაყიდვები ისედაც 50%-ით შემცირდა, ხალხი ე.წ. თუთუნის მოხმარებაზე გადავიდა, სადაც აქციზს არავინ იხდის. შემცირებული გაყიდვების პირობებში, როცა იმ 30 დღის ვადაში ვერ ვახერხებთ პროდუქციის რეალიზაციას, ესენი გვეუბნებიან, რომ 5 დღეში გადაგვიხადეთ გადასახადიო - როგორ მოვახდინოთ ეს? სესხით? BAT ფიქრობს სესხის აღებას, ივნისში ხელფასებს ვერ გავცემთ, ამ მდგომარეობამდე კი, რეგულაციების გამო მივედით. ახლა კი, რომელი სესხით დაიფარება თუნდაც ერთი კონკრეტული განბაჟება, რომელიც მინიმუმ 15 მილიონი ლარია? საიდან უნდა მოვიტანოთ 15 მილიონი? ამ რეალობის წინაშე დააყენეს დღეს ბიზნესი. საუბარია, მინერალურ წყლების კომპანიებზე, ნავთობის კომპანიებზე... 50 ათასი ადამიანი მარტო ჩვენს ინდუსტრიაშია დასაქმებული... პირდაპირ გიბიძგებენ იმისკენ, რომ შეამცირო თანამშრომლები, ამოყიდო პროდუქცია და დახურო ბიზნესი. 


ივა ხასია - JTI-ის მარეგულირებელ საკითხთა მენეჯერი კავკასიაში: აქამდე დამკვიდრებული პრაქტიკა იყო, რომ პროდუქციის შემოტანიდან 30 დღის ვადაში ვიხდიდით აქიციზის სრულ ღირებულებას, ახლა კი ეს 5 დღეში უნდა გადავიხადოთ. რეალურად შემოტანიდან პირველივე კვირას. Cash Flow-ს გვიზღუდავენ. საინტერესოა, რა გათვლა აქვს სამინიტროს? ყველა მსხვილ კომპანიას Cash Flow შეუმცირდება და ეს უარყოფითად აისახება ბიზნესოპერაციებზე. რეალურად, ამოგვაცლიან საბრუნავ თანხას. მე თვითონ დღეს გავიგე ეს ინფორმაცია, მოგვიწევს სესხების აღება. დამატებით „საჩუქარი“ გაგვიკეთეს... ერთ კვირაში მთელი ბიზნეს მოდელი უნდა გადავწყოთ.


მასალა მომზადებულია რუსთავი 2-ის da BMG-ის ინფორმაციებზე დაყრდნობით.





მაისში ინფლაციამ 6.5% შეადგინა

მაისში ინფლაციამ 6.5% შეადგინა
access_time2020-06-03 15:35:20
2020 წლის მაისში წინა თვესთან შედარებით ინფლაციის დონემ საქართველოში 0.2 პროცენტი, ხოლო წლიური ინფლაციის დონემ 6.5 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის მაისში, გასული წლის შესაბამის პერიოდთან შედარებით 5.9 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 5.4 პროცენტით განისაზღვრა. ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ...

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა

კახა კალაძე არ ადასტურებს ინფორმაციას, რომ გიორგი გახარიამ თანამდებობა დატოვა
access_time2020-06-03 14:41:33
დედაქალაქის მერი კახა კალაძე არ ადასტურებს გავრცელებულ ინფორმაციას, რომ პრემიერ-მინისტრმა გიორგი გახარიამ თანამდებობა დატოვა.როგორც კალაძე „ინტერპრესნიუსთან“ აცხადებს, ეს ინფორმაცია ტყუილია. „ტყუილია, არ არის ეს სწორი ინფორმაცია“, - განუცხადა შესაბამისი კითხვის პასუხად კალაძემ ჟურნალისტებს. ცნობისთვის, ვრცელდება ინფორმაცია, რომ პრემიერ-მინისტრი გიორგი გახარია თანამდებობას ტოვებს.მთავარი არხის ინფორმაციით,გუშინ ბიძინა ივანიშვილსა და გახარიას შეხვედრა...

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი გადაწყვეტილებების მიღებაში ადანაშაულებს

ყოფილი გენ.პროკურორი ორი ინსტანციის მოსამართლეებს უპრეცედენტოდ არასამართლიანი  გადაწყვეტილებების მიღებაში ადანაშაულებს
access_time2020-06-03 13:00:40
2 ივნისს თბილისის საქალაქო სასამართლოს მიერ გავრცელებულ განცხადებას, რომელიც თავის მხრივ, კომპანია „ლიდერფუდის“ დამფუძნებლის, დავით ზეიკიძის ადვოკატ არჩილ კბილაშვილის მიერ 29 მაისს გამართულ პრეს-კონფერენციას მოჰყვა, ადვოკატი საპასუხო განცხადებით გამოეხმაურა. კბილაშვილის განცხადებას უცვლელად გთავაზობთ: „ჩემს მიერ 29 მაისს ჩატარებულ პრეს-კონფერენციას გამოხმაურება მოჰყვა, როგორც მოწინააღმდეგე მხარის, ასევე თბილისის საქალაქო სასამართლოს მხრიდან. უწინარეს ყოვლისა,...

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს

BAG თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს მხარს უჭერს
access_time2020-06-03 12:13:46
საქართველოს ბიზნეს ასოციაცია მხარს უჭერს თხევადი გაზის დაბეგვრის მოწესრიგების მიზნით საგადასახადო კოდექსში დაგეგმილ ცვლილებებს - ამის შესახებ  საქართველოს ბიზნეს ასოციაციის აღმასრულებელი დირექტორი, ლევან ვეფხვაძე საუბრობს.  მისი ინფორმაციით, უკანასკნელ პერიოდში საქართველოს ბიზნეს ასოციაციამ არაერთხელ მიაწოდა საზოგადოებას ინფორმაცია იმ მანკიერი პრაქტიკის შესახებ, რომელიც თან ახლავს თხევადი გაზის...

8 ივნისს მხოლოდ ის სასტუმროები იხსნებიან, ვინც საქართველოს ხელისუფლებასთან საერთო ენა გამონახა

8 ივნისს მხოლოდ ის სასტუმროები იხსნებიან, ვინც საქართველოს ხელისუფლებასთან საერთო ენა გამონახა
access_time2020-06-03 14:00:55
პრემიერ-მინისტრის გიორგი გახარია განცხადებით, 8 ივნისიდან გაიხსნება ის სასტუმროები, რომლებსაც გავლილი ექნება ჯანდაცვის სამინისტროს შესაბამისი უწყების შემოწმება და ამაზე კონკრეტული ნებართვა ექნება. სასტუმრო „კოლხიდას“ მფლობელი ხათუნა ლაგაზიძე „კომერსანტთან“ საუბრისას აცხადებს, რომ ორი კვირის განმავლობაში, უშედეგოდ ელოდებიან შემოწმებას, რათა გახსნის ლიცენზია მიიღონ....


მსგავსი სიახლეები

up